Morgunblaðið - 31.05.2001, Qupperneq 70

FÓLK Í FRÉTTUM
70 FIMMTUDAGUR 31. MAÍ 2001 MORGUNBLAÐIÐ
BRESKAR gamanmyndir hafa átt
upp á pallborðið hjá landsmönnum
undanfarið og nægir að nefna myndir
á borð við Saving Grace og Billy Ell-
iot sem hafa átt mikilli hylli að fagna
enda er óhætt að segja að Bretar séu
að ganga í gegnum mikið blómaskeið
í kvikmyndagerð um þessar mundir.
Nú er komið að myndinni Janice
Beard.
Janice Beard býr ásamt móður
sinni í smábæ nokkrum í Skotlandi.
Móðir hennar þjáist af svokallaðri
víðáttufælni sem lýsir sér þannig að
hún fer ekki úr húsi þar sem hún
hræðist opin rými og fólksfjölda.
Janice lifir í draumaheimi þar sem
hún ímyndar sér að hún sé mikil af-
reks- og ævintýramanneskja og hún
spinnur upp sögur um það sem gerist
utan heimilisins til að reyna að fá
móður sína til að fara út. Þegar það
gengur ekki heldur hún til London til
þess að freista gæfunnar. Hún ætlar
að vinna sér inn næga peninga til
þess að hún geti borgað fyrir með-
ferð móður sinnar.
Hún reynir að fá vinnu sem ritari
en það gengur ekki sem skyldi þar
sem vélritunarkunnátta hennar er í
algeru lágmarki. Loks fær hún þó rit-
arastarf í gegnum vinkonu sína hjá
fyrirtæki sem framleiðir bíla. Janice
fellur illa inn í ritarahópinn sem er
stjórnað harðri hendi af hinni stór-
myndarlegu Júlíu sem leikin er af
Patsy Kensit. Hún tekur upp á því að
ljúga til um fortíð sína, til að ganga í
augun á samstarfsfólki sínu, enda eru
heimatökin hæg á þeim vettvangi þar
sem hún hefur lifað í ímynduðum
hetjuheimi alla sína ævi. En hún lýg-
ur ekki eingöngu að samstarfsfólki
sínu heldur skrifar hún móður sinni
einstóman uppspuna um það að hún
hafi mjög há laun og búi í lúxusíbúð.
Því til áréttingar sendir hún henni
myndbandsspólur með myndum úr
húsgagnaverslunum, þar sem seld
eru glæsihúsgögn, og lætur eins og
um heimili sitt sé að ræða.
Hún verður hrifin af Sean, sam-
starfsmanni sínum, sem leikinn er af
hinum óborganlega Rhys Ifans sem
margir muna eflaust eftir sem Spike í
Notting Hill. Í ljós kemur að hann
leikur tveim skjöldum þar sem hann
er útsendari annars bílafyrirtækis
sem ætlar sér að koma í veg fyrir
framleiðslu á nýrri bílategund sem
fyrirtækið sem Janice vinnur hjá er
um það bil að setja á markaðinn.
Sean notfærir sér áhuga Janice og
áður en hún veit af er hún orðin
rammflækt í svikamálin á bílasöl-
unni.
Janice Beard er að mörgu leyti í
anda Bridget’s Jones Diary sem sýnd
verður hér á landi innan skamms, þar
sem hún fjallar á mjög ferskan og
frumlegan hátt um unga konu sem er
ekki alveg með sjálfsmyndina á
hreinu.
Um er að ræða fyrstu mynd leik-
stjórans Clare Kilner í fullri lengden
hún hafði áður gert stuttmyndir og
leikstýrt East Enders-þáttunum
frægu í Bretlandi. Clare Kilner vann
sem afleysingaritari meðan hún var
enn að þreifa fyrir sér í stuttmynda-
gerðinni og því er óhætt að segja að
hún þekki heiminn sem lýst er í
myndinni mjög vel af eigin raun. Hún
skrifaði handritið ásamt Ben Hopk-
ins og er persóna Janice Beard
byggð á konu sem hún kynntist á rit-
araferli sínum og var lygari af Guðs
náð.
Það er sjálfsagt ekki síst þessari
starfsreynslu að þakka hvað Janice
Beard er hressileg blanda raunsæis
og frumleika og er óhætt að segja að
hún sé kærkomin hvíld frá þeirri syk-
ursætu framsetningu sem einkennir
rómantískar gamanmyndir frá
Hollywood oft á tíðum.
Janice Beard er frumsýnd í kvöld
kl. 20:00 og Filmundarsýningin verð-
ur að venju kl. 22.30 og þá að sjálf-
sögðu á Filmundarverði. Sýningar
standa síðan yfir daglega með þessu
sniði fram til 6. júní.
Filmundur frumsýnir bresku gamanmyndina Janice Beard
Draumur um rómantískan sunnudagsbíltúr gæti vart verið fjarlægari.
Það er erfitt að vera kona
Sonne Rammstein
Lady Marmelade Pink, Mya, Lil Kim &
Christina Aguilera
Clint Eastwood Gorillaz
Baseline Quarashi
Survivor Destiny’s Child
That’s My Name Lil Bow Wow
Dagbókin mín 3 G ’S
It’s Raining Men Geri Halliwell
Play Jennifer Lopez
Outside Aaron Lewis & Fred Durst
My Way Limp Bizkit
Tonk Of The Lawn Egill Sæbjörnsson
I’m Like A Bird Nelly Furtado
Imitation Of Life R.E.M
Summer Land & synir
So Fresh So Clean Outkast
Butterfly Crazy Town
Angel Two Tricky
Shiver Coldplay
Aerodynamic Daft Punk
Vikan 24.5. - 30.5.
http://www.danol.is/stimorol
krakkakot
Fallegt hús fyrir börn í garða,
á leikvelli eða við sumarhúsið
Stærð: L. 120 cm, b. 180 cm, h. 170 cm.
Pallur 60x180 cm. Verð kr. 49.500.
Hægt að fá þau samsett og/eða send á staðinn. Til afgreiðslu strax.
Upplýsingar gefur Gunnar í síma 896 5298.
k
Til sölu
Til afgreiðslu strax
Eyjaslóð 7 - P.O.Box 362, 101 Reykjavík - S. 552 2111 - Fax 552 2115
rh@mi.is
www.vortex.is/reidskóli/