Morgunblaðið - 08.06.2001, Blaðsíða 20

SUÐURNES
20 FÖSTUDAGUR 8. JÚNÍ 2001 MORGUNBLAÐIÐ
FIMM ný innritunarborð verða
tekin í notkun í Flugstöð Leifs Ei-
ríkssonar á næstu dögum. Þar geta
fyrirtæki sem fengið hafa leyfi til
afgreiðslu farþega fengið aðstöðu.
Samkeppnisráð kvað upp þann
úrskurð á síðasta ári að flugstöðin
bryti samkeppnislög með því að
neita Vallarvinum ehf. um aðstöðu
til innritunar og farþegaþjónustu.
Beindi ráðið þeim fyrirmælum til
Flugstöðvar Leifs Eiríkssonr hf. að
bæta úr þessu. Unnið hefur verið
að breytingum í flugstöðinni til að
gera þetta mögulegt og eru fram-
kvæmdirnar á lokastigi.
Verið er að stækka innritunar-
salinn inn í herbergi sem lögreglan
á Keflavíkurflugvelli hafði til af-
nota og þar hefur verið komið fyrir
fimm nýjum innritunarborðum og
farangursböndum. Lögreglan fékk
í staðinn aðstöðu í bráðabirgðahúsi
sem reist hefur verið við hlið flug-
stöðvarinnar.
Flugstöðin hefur fjárfest í innrit-
unarkerfi sem Einar Már Jóhann-
esson rekstrarstjóri segir að sé af
fullkomnustu gerð. Það er af gerð-
inni SITA, en oft kennt við Luft-
hansa, og tölvukerfi þess er rekið í
Berlín. Innritunarkerfið er óháð
innritunarkerfi Flugleiða sem dótt-
urfélag þess, IGS hf., rekur nú.
Kostar 35 milljónir
Breytingarnar á innritunarsaln-
um og farangursflokkun ásamt
kostnaði af öðrum nauðsynlegum
ráðstöfunum er um 35 milljónir kr.,
að sögn Einars. Kostnaður við nýja
tölvukerfið er þar ekki innifalinn.
Tvö fyrirtæki, auk Flugleiða,
hafa leyfi til afgreiðslu á Keflavík-
urflugvelli. Það eru Vallarvinir ehf.
sem eru umboðsaðilar fyrir Cargo-
lux og Suðurflug hf. sem flugfélag-
ið Atlanta hf. á hlut í. Davíð Jó-
hannsson, framkvæmdastjóri
Suðurflugs, segir að fyrirtækið
muni nota sér þá aðstöðu sem boð-
ið verður upp á í flugstöðinni.
Félagið mun þó ekki nota aðstöð-
una mikið í sumar vegna þess að
Atlanta er ekki með leiguflug hing-
að um þessar mundir. Davíð segir
að fyrirtækið hafi verið að fjárfesta
til að geta tekið að sér þessa þjón-
ustu og muni annast innritun far-
þega Atlanta þegar félagið hefur
aftur flug hingað í haust og leita
eftir viðskiptum við tilfallandi
leiguvélar sem hingað koma með
hópa.
Dótturfélag Flugleiða er með á
leigu þau tuttugu borð sem fyrir
eru í flugstöðinni. Nýju borðin
verða í tímaleigu þannig að af-
greiðslufyrirtækin greiða leigu fyr-
ir þau eftir notkun. Hægt er að
tengja nýju borðin kerfi Flugleiða
og telur Einar víst að flugfélagið
þurfi að leigja viðbótarborðin á
álagstímum vegna stöðugrar fjölg-
unar flugfarþega.
Samkeppni eykst í afgreiðslu flugfarþega
Fimm ný innritunar-
borð tekin í notkun
Morgunblaðið/Helgi Bjarnason
Starfsmenn verktaka eru þessa dagana að leggja lokahönd á stækkun
innritunaraðstöðunnar í Leifsstöð.
Flugstöð Leifs Eiríkssonar
BAÐSTOFAN, myndlistarklúbbur
frístundamálara í Reykjanesbæ,
stendur fyrir yfirlitssýningu á verk-
um nemenda nú um helgina. Sýn-
ingin verður í Svarta pakkhúsinu.
Á sýningunni verða sýndar mynd-
ir sem unnar hafa verið í vetur en
fjöldi nemenda þetta starfsárið er
tuttugu, 18 konur og tveir karl-
menn, frá aldrinum 18 til 75 ára. Í
vetur hafa nemendur Baðstofunnar
hist vikulega og málað saman og á
tveggja vikna fresti hafa þeir unnið
undir handleiðslu Kristins Pálma-
sonar, kennara klúbbsins þetta
starfsárið.
Má bjóða í myndir
Baðstofan hefur starfað í hartnær
30 ár, fyrst undir handleiðslu Er-
lings Jónssonar listamanns en fyrsti
formaður klúbbsins var Gunnar Dal.
Hjördís Árnadóttir, formaður
myndlistarklúbbsins, segir að mynd-
irnar séu ekki sérstaklega verðlagð-
ar en það megi án efa bjóða í þær.
„Við höfum aldrei verið með sér-
staka sölusýningu á verkum okkar
og Baðstofan er meira fyrir fólk sem
málar myndir sér til ánægju og til að
gefa sínum nánustu. Þó hafa ýmsir
nemendur hópsins lagt málara-
listina fyrir sig og má nefna Ástu
Árnadóttur og Ástu Pálsdóttur í því
sambandi. Jafnframt hafa sumir far-
ið í frekara listnám og að minnsta
kosti fjögur ungmenni sem starfað
hafa með Baðstofunni eru nú í
myndlistarnámi á Íslandi og Ítalíu.“
Sýning Baðstofunnar verður
haldin í Svarta pakkhúsinu, Hafn-
argötu 2 í Keflavík, og verður hún
opin á milli klukkan 14 og 18, laug-
ardag og sunnudag.
Morgunblaðið/Golli
Nokkrir nemendur Baðstofunnar stilla sér upp fyrir ljósmyndara.
Nemendurnir
mála sér til ánægju
Reykjanesbær
Myndlistarsýning Baðstofunnar
SJÖTÍU og fimm nemendur voru
brautskráðir frá Fjölbrautaskóla
Suðurnesja við hátíðlega athöfn á
sal skólans síðastliðinn laugardag.
Vorönn skólans, þeirri 49. í röðinni,
var slitið að útskrift lokinni.
Af þeim sem brautskráðust voru
53 stúdentar, 20 af starfsnáms-
brautum, 11 af iðnbrautum, 2 úr
meistaranámi og 1 af vélstjórnar-
braut. Auk þess lauk 1 skiptinemi
námi frá skólanum. Af útskriftar-
nemum komu 38 úr Keflavík, 12 úr
Njarðvík, 9 úr Sandgerði, 8 úr
Garðinum, 7 úr Grindavík og einn
úr Vogum. Konur voru 45 en karlar
30.
Fjöldi viðurkenninga
Að venju voru veittar viðurkenn-
ingar fyrir góðan námsárangur.
Björk Ólafsdóttir fékk viðurkenn-
ingar fyrir góðan árangur í mynd-
list, íslensku, frönsku, ensku,
dönsku, raungreinum, stærðfræði
og sögu. Anna Valborg Guðmunds-
dóttir fékk viðurkenningar fyrir ár-
angur í ensku, spænsku, dönsku og
raungreinum. Anna Albertsdóttir
fékk viðurkenningu fyrir góðan ár-
angur í viðskipta- og hagfræðigrein-
um, Birna Valborg Jakobsdóttir
fyrir uppeldis- og sálarfræði, Einar
Þorgeirsson fyrir ensku og Ólafur
Þór Þórðarson fyrir vélstjórnar-
greinar. Christine Buchholz fékk
viðurkenningu fyrir góðan árangur
á sjúkraliðabraut. Þau Anna Al-
bertsdóttir, Arngrímur Vilhjálms-
son, Björk Ólafsdóttir, Einar Þor-
geirsson, Hilma H. Sigurðardóttir
og Tryggvi Þór Reynisson fengu
viðurkenningu fyrir störf í þágu
nemenda. Auk þess fékk Lynn
Browning skiptinemi gjöf frá skól-
anum.
Sparisjóðurinn í Keflavík veitir
útskriftarnemum frá skólanum við-
urkenningar vegna góðs námsár-
angurs. Að þessu sinni fékk Björk
Ólafsdóttir 75.000 kr. námsstyrk
fyrir hæstu einkunn á stúdentsprófi
og viðurkenningar fyrir góðan ár-
angur í stærðfræði og raungreinum,
erlendum tungumálum og íslensku.
Andrea Eiríksdóttir hlaut viður-
kenningu fyrir góðan árangur í við-
skiptagreinum og Anna Valborg
Guðmundsdóttir fyrir góðan árang-
ur í erlendum tungumálum.
Veitt voru verðlaun fyrir málm-
suðukeppni sem haldin var á önn-
inni en keppnin var nú haldin sjötta
árið í röð. Þar varð Eyjólfur Alex-
andersson í 1. sæti, Guðni Þ. Frí-
mannsson í 2. sæti og Árni Jó-
hannsson í því þriðja.
Áform um viðbyggingu
Í ávarpi til brautskráðra nem-
enda lét Ólafur Jón Arnbjörnsson
skólameistari þess getið að á þessu
ári væri haldið upp á 25 ára starfs-
afmæli Fjölbrautaskóla Suðurnesja.
Á þessum tíma hafi verið byggt við
skólann að minnsta kosti fjórum
sinnum og um 2.800 nemendur lokið
þar námi. Flestir nemendurnir hafa
verið af Suðurnesjum en í vaxandi
mæli, meðal annars vegna sérstöðu
skólans, hafa nemendur komið frá
öðrum landshlutum og nú síðustu
árin einnig frá öðrum löndum og
öðrum heimsálfum.
Skólameistari gat þess að frá og
með næsta hausti muni nemendur
geta komið með eigin fartölvur í
skólann, tengst innra neti hans og
þannig notað tölvuna í náminu. Þá
fagnaði Ólafur áformum um bygg-
ingu nýrrar álmu. Við það muni
vinnuaðstaða nemenda og kennara
batna til muna og heildarútlit og
umhverfi skólans komast í það horf
sem hæfi æðstu menntastofnun
Suðurnesja.
Ljósmynd/Víkurfréttir
Rúmlega fimmtíu stúdentar voru brautskráðir frá FS, auk nemenda af iðn- og starfsmenntabrautum.
Vorönn Fjölbrautaskóla Suðurnesja slitið við hátíðlega athöfn á sal skólans
75 nem-
endur
braut-
skráðir
Reykjanesbær
SIGURÐUR Ingvarsson var
endurkjörinn oddviti Gerða-
hrepps á hreppsnefndarfundi í
fyrrakvöld. Fulltrúar minni-
hlutans greiddu Finnboga
Björnssyni atkvæði.
Lengi hafa tvö öfl verið að
takast á í hreppsmálunum í
Garði, H-listi sjálfstæðismanna
og annarra framfarasinnaðra
kjósenda og I-listi félags
óháðra borgara. H-listinn var
lengst af með meirihluta og
Finnbogi Björnsson var oddviti
um árabil.
Við síðustu kosningar kom
fram nýr framboðslisti, F-listi
framfarasinnaðra kjósenda og
var hann klofningslisti frá H-
listanum. Fékk F-listinn fjóra
menn kjörna og hefur haft
meirihluta hreppsnefndar á
kjörtímabilinu. H-listinn fékk
tvo fulltrúa og I-listinn einn.
Fjórir gegn þremur
Í upphafi kjörtímabilsins
stóð fulltrúi I-listans að nefnd-
akjöri með meirihlutanum. Við
oddvitakjör nú og fyrir ári hafa
fulltrúar þessarra framboða
sem lengi tókust á um völdin
staðið saman við oddvitakjör og
fékk Finnbogi Björnsson þrjú
atkvæði á móti fjórum atkvæð-
um Sigurðar Ingvarssonar
oddvita. Ingimundur Þ. Guðna-
son, F-lista, var endurkjörinn
varaoddviti með fjórum at-
kvæðum.
Minni-
hlutinn
stendur
saman
Garður