Morgunblaðið - 08.06.2001, Blaðsíða 76

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 8. JÚNÍ 2001 VERÐ Í LAUSASÖLU 165 KR. MEÐ VSK.
SEX stærstu lífeyrissjóðir landsins
hafa sameinast um starfshóp til að
vinna að áætlun og greinargerð um
fyrirhugað álver á Reyðarfirði til að
leggja fyrir stjórnir sjóðanna. Að
sögn Þorgeirs Eyjólfssonar, forstjóra
Lífeyrissjóðs verslunarmanna sem
fer fyrir starfshópnum, þarf að hafa
hraðar hendur því ætlunin sé að segja
af eða á um hvort ráðist verður í stór-
iðju á Austurlandi í félagi við Norsk
Hydro strax upp úr áramótum.
Þeir lífeyrissjóðir sem aðild eiga að
starfshópnum eru Lífeyrissjóður
verslunarmanna, Lífeyrissjóður
starfsmanna ríkisins, Lífeyrissjóður-
inn Framsýn, Sameinaði lífeyrissjóð-
urinn, Lífeyrissjóður sjómanna og
Lífeyrissjóður Norðurlands. Það eru
framkvæmdastjórar sjóðanna sem
eiga sæti í starfshópnum fyrir þeirra
hönd og eiga að afla nægilegra upp-
lýsinga á næstu vikum og mánuðum
til að í haust og vetur verði hægt að
taka endanlega ákvörðun.
„Það er ljóst að við verðum að halda
vel á spilunum og nýta sumarið vel.
Eigi tímamörk að standast þarf að
hraða uppbyggingu fyrir austan og fá
til þess umtalsvert erlent lánsfé,“
sagði Þorgeir við Morgunblaðið.
Hann segir að viðræður við erlend
lánafyrirtæki hefjist innan tíðar.
Fundur var haldinn meðal fjár-
málafyrirtækja, stórfyrirtækja og líf-
eyrissjóða um Reyðarálsverkefnið á
Hótel Sögu á dögunum þar sem farið
var yfir stöðu mála og þann fjárfest-
ingarkost sem fyrirhugað álver er. Að
sögn Þorgeirs kom m.a. fram á fund-
inum að samanlagður kostnaður við
byggingu álvers og rafskautaverk-
smiðju á Reyðarfirði yrði ekki undir
100 milljörðum króna.
Formaður stjórnar eins stærsta líf-
eyrissjóðs landsins, Lífeyrissjóðs
starfsmanna ríkisins, er Ögmundur
Jónasson, alþingismaður vinstri-
grænna og formaður BSRB. Hann
segir málið hafa verið lítillega rætt
innan stjórnar sjóðsins en telur ekki
raunhæft að fjalla um það af alvöru á
þessu stigi málsins. Til þess skorti
enn of miklar grunnupplýsingar.
„Við höfum orð ríkisstjórnarinnar
fyrir því að Landsvirkjun muni ekki
fara út í framkvæmdir við Kára-
hnjúkavirkjun nema hún hafi tryggt
sér orkusölusamning sem felur í sér
5-6% arðsemi af fjárfestingum vegna
virkjunarinnar,“ segir Ögmundur.
„Samkvæmt mínum kokkabókum
mun slík arðsemi þýða mjög hátt
orkuverð og verði orkuverðið eins
hátt og ég hef grun um að það þyrfti
að vera er ljóst að það verður ekkert
af þessum framkvæmdum.“
Ögmundur segir að af þessum sök-
um eigi lífeyrissjóðir og aðrir fjárfest-
ar að fara sér hægt. „Mér þætti mjög
óábyrgt að fara fram með þessi mál
áður en orkusölusamningar liggja
fyrir,“ sagði hann.
Fjárfesting í álveri á Reyðarfirði
Starfshópur sex
stærstu lífeyris-
sjóða skipaður
ÁRNI M. Mathiesen sjávarútvegs-
ráðherra tilkynnti í gær að hann ætl-
aði að fá utanaðkomandi aðila til að
meta forsendur og mat Hafrann-
sóknastofnunar á ástandi nytjastofna
við landið, en eins og Jóhann Sigur-
jónsson, forstjóri stofnunarinnar,
greindi frá sl. þriðjudag hefur þorsk-
stofninn verið stórlega ofmetinn und-
anfarin ár og er nú í sögulegu lág-
marki.
Árni M. Mathiesen segir að þótt
mat Hafrannsóknastofnunar sé ófull-
komið sé vísindaleg úttekt stofnunar-
innar besta matið sem Íslendingar
hafi til að byggja fiskveiðistjórnun
sína á. Hins vegar verði að skoða mál-
ið mjög vel í ljósi ríkjandi óvissu og
því hafi hann ákveðið að bregðast við
með ítarlegri naflaskoðun.
Sjávarútvegsráðherra ætlar að
óska formlega eftir skýringum Haf-
rannsóknastofnunar á ofmati á þorski
undanfarin fjögur ár. Hann ætlar
einnig að óska eftir því formlega við
Fiskistofu að hún geri grein fyrir
þeim þáttum sem geti haft áhrif á ná-
kvæmni upplýsinga um landaðan afla.
Hann leggur enn fremur áherslu á að
störfum aflareglunefndar verði hrað-
að, að lögin um Hafrannsóknastofnun
verði endurskoðuð og athugun fari
fram á grundvelli fram kominnar
gagnrýni. Niðurstöður eiga að liggja
fyrir í haust og að þeim loknum, í lok
október eða nóvember, stendur til að
skipuleggja sérstakt málþing þar sem
almenningi gefst kostur á að fylgjast
með og koma á framfæri sjónarmið-
um þegar sérfræðingar fara yfir
helstu þætti rannsókna og stjórnunar
í sjávarútvegi.
Árni M. Mathiesen segir að ekki sé
verið að gera Hafrannsóknastofnun
að blóraböggli. „Ég er ekki að kasta
rýrð á Hafrannsóknastofnun eða van-
treysta henni en það hafa komið upp
hlutir sem gera það að verkum að við
treystum þessu ekki eins vel í dag og
við gerðum í gær.“
Sjávarútvegsráðherra óskar skýringa frá Hafrannsóknastofnun
Utanaðkomandi aðili meti
niðurstöður stofnunarinnar
 Óska eftir/38
ÞAÐ virtist létt yfir trillukörlunum í Hafnarfjarð-
arhöfn þegar þeir lögðu að bryggju eftir fengsælan túr
í gær. Ekki er þó ólíklegt að fyrirhuguð kvótasetning
meðafla og kvótamál almennt hafi borið á góma.
Morgunblaðið/Jim Smart
Spjallað í Hafnarfirði
GUNNAR Ásberg Helgason frá
Lambhaga á Rangárvöllum, sem
er blindur, hreyfihamlaður og
með skerta heyrn, lauk stúdents-
prófi frá Fjölbrautaskóla Suður-
lands um síðustu helgi.
Fötlun Gunnars stafar af ill-
kynja krabbameinsæxli á heila-
stofninum við litla heila sem fjar-
lægt var árið 1990, þegar hann
var 14 ára.
Á tímanum sem liðinn er síðan
hefur hann lokið 2–3 ára grunn-
skólanámi auk hins hefðbundna
menntaskólanáms.
Lét fötlun
ekki aftra sér
 Fékk viðurkenningu/22
VERÐLAG á sjávarafurðum er að
meðaltali fremur hátt í sögulegu
samhengi og ívið hærra það sem af
er þessu ári en það var á sama tíma í
fyrra á föstu verðlagi. Í krónum talið
er verðið hins vegar verulega hærra
en það hefur verið vegna gengis-
lækkunar krónunnar.
Þórður Friðjónsson, forstjóri
Þjóðhagsstofnunar, segir að ef litið
sé á það hvernig verðvísitala sjáv-
arafurða hefur þróast frá árinu 1990,
þegar hún var sett á 100, sé hún núna
í 127,1. Að vísu þurfi að draga verð-
bólgu erlendis frá ef ætlunin sé að
skoða raunvirðið í þessum efnum en
verð á sjávarafurðum hafi verið með
ágætu móti á árinu 1990.
Verðið sé núna tiltölulega hátt og
hafi verið hátt í raun og veru frá
árinu 1997. Þá hafi vísitalan verið
109,7 en hafi árið eftir hækkað í
124,9. „Verðið er tiltölulega hátt í
sögulegu samhengi og verð á sjávar-
afurðum hefur verið mjög traust
þegar litið er á það í heild síðastliðin
fjögur ár,“ sagði Þórður.
Hann sagði að sú 14% hækkun á
verði sjávarafurða í íslenskum krón-
um sem rætt hefði verið um að und-
anförnu væri milli fyrsta ársþriðj-
ungs í ár og sömu mánaða í fyrra.
Milli 1 og 2% væri verðhækkun er-
lendis en að öðru leyti væri um geng-
isbreytingar að ræða.
Þórður sagði að verð á flestum
sjávarafurðum væri traust. Mjög
gott verð væri á botnfiskafurðum.
Verð á lýsis- og mjölafurðum væri
hins vegar tiltölulega lágt en það
væri vegið upp með góðu verði á öðr-
um afurðum.
Sjávarvöruverðlag hátt
í sögulegu samhengi
+,-.+
+,/.0
 
! "(() ))"
% 


55!6!!
"!
*
!
  !*
!!
55! 75 75' 75 758 7!!










+12.+
++,.+
+1+.2
+1-.1