Morgunblaðið - 08.06.2001, Blaðsíða 4

FRÉTTIR
4 FÖSTUDAGUR 8. JÚNÍ 2001 MORGUNBLAÐIÐ
MENNTASKÓLANUM í Reykjavík
var slitið í 155. sinn í gær og fór at-
höfnin fram í Háskólabíói þar sem
mikið fjölmenni var samankomið.
Alls brautskráðist 191 stúdent, 15
úr fornmáladeild, 55 úr ný-
máladeild, 32 úr eðlisfræðideild og
89 úr náttúrufræðideild.
Ragnheiður Torfadóttir, sem
gegnt hefur starfi rektors við MR
frá árinu 1995, lætur af störfum 1.
ágúst nk. og tekur Yngvi Pétursson,
konrektor skólans, við af henni.
Í ræðu sinni minntist Ragnheiður
meðal annars á tvo af fyrstu kenn-
urum skólans, þá Sveinbjörn Eg-
ilsson og Björn Gunnlaugsson, og
sagði að þeir væru öllum í MR nær-
tækt dæmi um menn sem hefðu ver-
ið boðberar menningar og vísinda.
Þeir hefðu rutt yngri mönnum
braut og væru þeim leiðarljós. Við
nýstúdenta sagði hún jafnframt:
„Hvar sem leiðin liggur hafið þið
alltaf frelsi til að brjóta heilann,
efast, spyrja spurninga og leita
svara“ og vísaði þar til orða franska
heimspekingsins Decartes.
Í kveðjuorðum sínum sagði Ragn-
heiður: „Það má með sanni segja að
Menntaskólinn, antiqua mater
alma, hafi mig unga alið. Ég kom í
skólann 15 ára og hef aðeins verið
fjarri honum tvisvar sinnum tvö ár.
Starfsferillinn hófst þegar ég var
rektorsritari á morgunvakt vet-
urinn eftir að ég varð stúdent. Þá
var mitt fyrsta verk á morgnana að
ganga í allar stofur, taka manntal
og hringja í þá nemendur sem voru
ekki komnir. Þá um veturinn fékk
ég kveðju frá strákunum í 5.X. Á
kortinu stóð: „Til morgunsólar
Menntaskólans“ og kveðjan hófst á
vísuorðunum: Þig ætíð vermi vorsól
heit og verndi hér í skóla. Mér
finnst, þegar allt er á litið, að þeim
hafi orðið að ósk sinni.“ Þá þakkaði
hún kennurum, vinum og félögum á
kennarastofunni og öllu samstarfs-
fólki sem hefði gert veruna í skól-
anum ánægjulega. „Ég þakka ekki
síst öllum nemendum mínum. Ég
þakka skólanum og óska honum
bjartra daga um ókomin ár og ald-
ir,“ sagði Ragnheiður og að því
búnu risu allir úr sætum og klöpp-
uðu.
Í MR er til siðs að elsti kennarinn
kveðji fráfarandi rektor á skólaslit-
um og kom það í hlut Eiríks Har-
aldssonar. Hann lætur einnig af
störfum við skólann en hann var
ráðinn til MR haustið 1956.
Fram kom í skýrslu skólans sem
rektor lagði fram að henni þætti
sárt að sjá hvernig tíminn hefði
fengið að leika gömlu húsin án þess
að bætt hefði verið úr með viðhaldi
og endurgerð sem þeim hæfði.
„Þetta á sérstaklega við um skóla-
húsið, sem geymir ekki aðeins sögu
Lærða skólans og Menntaskólans,
heldur einnig sjálfstæðisbaráttu Ís-
lendinga, þar sem það hýsti end-
urreist Alþingi sumurin 1845–79 og
þjóðfundinn 1851.“
Afmælissöngur fyrir
dúx skólans
Dux Scholae Menntaskólans í
Reykjavík að þessu sinni er Þór-
ólfur Nielsen með ágætiseinkunn-
ina 9,36 en semidux varð Svanur
Pétursson með ágætiseinkunina
9,27.
Þórólfur varð tvítugur í gær og
sungu hátíðargestir afmælissöng-
inn fyrir hann. „Það er rosalega
gaman að vera dúx og skemmtilegt
að brautskráningin er á sjálfum af-
mælisdeginum. Þetta gerist varla
betra.“ Hann segir að mikla vinnu,
aga og skipulag þurfi til að svo vel
gangi í námi en þó hefur það ekki
bitnað á félagsstarfi. „Ég hef haft
einna mest að gera í ár á þessum
fjórum árum en ég hef verið að æfa
handbolta nokkrum sinnum í viku
með Stjörnunni.“
Aðspurður sagðist hann ætla að
starfa í sumar hjá Landsvirkjun við
sogstöðvar og vinna að aðhaldi í
kringum virkjanirnar en þetta er
fimmta sumarið sem Þórólfur starf-
ar þar. „Í haust mun ég svo hefja
nám í læknisfræði og það verður
svaka álag en ég hef góðan und-
irbúning, bæði úr MR og svo úr
Flataskóla og Garðaskóla,“ en hann
segir að það hafi verið einstakt að
vera í MR og þar ríki mjög góður
andi.
Hæsta einkunn frá upphafi
Að venju fengu fjölmargir stúd-
entar viðurkenningu og voru bóka-
og peningaverðlaun afhent af því
tilefni.
Alls fengu tíu stúdentar ágæt-
iseinkunn og tíu remanentar, en
það eru nemendur í 3., 4. og 5. bekk.
Hæstu einkunn remanenta hlaut
Eyvindur Ari Pálsson 4. M, 9,92.
Það er hæsta einkunn sem gefin
hefur verið við skólann.
Þá voru embættismönnum við
skólann sem brautskráðust veittar
viðurkenningar fyrir vel unnin
störf í þágu skólans.
Ragnheiður Torfadóttir rektor kvaddi MR á skólaslitum í gær
Andi hugvits og
menningar hefur
alltaf verið í
Menntaskólanum
Morgunblaðið/Golli
Ragnheiður Torfadóttir rektor óskar Þórólfi Nielsen, Dux Scholae, til
hamingju með árangurinn.
HARALDUR Örn Ólafsson og
Guðmundur Eyjólfsson urðu í fyrri-
nótt frá að hverfa í atlögu sinni á
tind Denali, hæsta fjalls N-Amer-
íku, vegna veðurs. Hvassviðri og
miklir kuldar eru á fjallinu og
sneru þeir félagar aftur í efstu búð-
ir.
Veðurspá er óhagstæð næstu
daga, það er kalt og hvasst á fjall-
inu.
Þeir eru í efstu búðum í 5.200
metra hæð og munu síðar í dag
taka ákvörðun um hvort þeir fari
niður í svokallaðar læknabúðir þús-
und metrum neðar meðan þeir bíða
af sér veður. Þeir félagar eru við
góða heilsu.
Sneru aftur frá Denali
FRAMKVÆMDIR standa nú yfir í
Hvalnesskriðum í sunnanverðu
Kambanesi við Breiðdalsvík þar sem
mörg hundruð þúsund rúmetrar eru
færðir úr hlíðum fjallsins við gerð
nýs vegar á milli Stöðvarfjarðar og
Breiðdalsvíkur. Af þessu hafa skap-
ast nokkrar umferðartafir.
Guðjón Magnússon, hjá Vega-
gerðinni á Reyðarfirði, segir að veg-
arkaflinn sé um 4,6 km langur og
hann verði að stærstum hluta á
sama stað og áður en sums staðar
færist hann neðar í hlíðina. Fram-
kvæmdirnar miða m.a. að því að
minnka líkur á grjóthruni á veginn
sem hefur verið nokkuð um. Verk-
lok eru áætluð um mitt næsta sum-
ar.
Morgunblaðið/Albert Kemp
Miklar framkvæmdir standa
yfir í Kambanesskriðum.
Nýr vegur
gerður um
Hvalnesskriður
RAGNAR Guðmundsson, fram-
kvæmdastjóri fjármála- og stjórn-
unarsviðs hjá Norðuráli, segir að
fyrirtækið vonist eftir því að svör
fáist nú í júnímánuði við því hvort
hægt verður að ráðast í stækkun
verksmiðju fyrirtækisins á Grund-
artanga.
Ragnar sagði að þeir tveir fund-
ir sem verið hefðu með stjórnvöld-
um og Landsvirkjun á miðvikudag-
inn væru liður í röð funda sem
verið hefðu undanfarið og ættu
eftir að vera á næstunni. Engin
sérstök tímamót hefðu verið í
þessum efnum nú að öðru leyti en
því að Kenneth Peterson hefði ver-
ið á þessum fundum. Hann hefði
ekki mikið verið hér á landi und-
anfarin 2–3 ár og því hefðu fund-
irnir bæði verið vinnufundir og til
upplýsingar fyrir hann um stöðu
mála.
Viðræður ganga
samkvæmt áætlun
„Það má segja að það séu í raun
og veru viðræður í fullum gangi og
gangi samkvæmt áætlun en það er
ekki komin nein niðurstaða enn þá,
hvorki í viðræðum um orkuna né
gagnvart hinu opinbera um skatta-
mál og aðstöðu,“ sagði Ragnar.
Hann sagði að þeir hefðu lagt á
það áherslu að meginlínur í þess-
um efnum gætu legið fyrir helst
nú í júní til þess að þeir gætu tek-
ið ákvörðun um hvort það eigi að
halda áfram með verkefnið eða
ekki. Það sem þeir væru að leita
eftir væru forsendur varðandi
orkuverð annars vegar og svo
skatta- og þjónustumál hins vegar.
Þegar þær lægju fyrir væri hægt
að leggja mat á arðsemi verkefn-
isins.
„Ef við metum það svo að arð-
semin sé fullnægjandi eða líkur á
að við náum ásættanlegri niður-
stöðu verður haldið áfram og ef
svo er ekki verður ekki haldið
áfram,“ sagði Ragnar.
Norðurál
vonast
eftir svör-
um í júní
VISTKERFI sjávar á miðunum
umhverfis Ísland hefur breyst til
batnaðar á síðustu fjórum árum og
nýjar athuganir í vorleiðangri Haf-
rannsóknastofnunar sýna jákvæðar
niðurstöður varðandi stöðu vist-
kerfisins. Þessar jákvæðu breyting-
ar koma aðallega til vegna þess að
hlýrri sjór og saltari hefur streymt
sunnan úr Atlantshafi undanfarin
ár með þeim afleiðingum að vist-
kerfið verður jákvæðara í heild fyr-
ir fiskinytjastofna.
Svend-Aage Malmberg, haffræð-
ingur hjá Hafrannsóknastofnun,
segir að undanfarin fjögur ár hafi
verið hlýrri og saltari sjór við land-
ið heldur en verið hafi í nokkuð
langan tíma þar á undan, og þá sér-
staklega fyrir norðan og austan,
heldur en var á nokkuð löngum
tíma þar áður. Erfitt er að henda
reiður á ástæðum þessara breyt-
inga sem orsakast af sveiflum í líf-
ríkinu og straumum sunnan og
norðan úr höfum.
„Þessar breytingar til batnaðar
hafa verið í fjögur ár a.m.k. á mið-
unum við landið. Þar er meiri út-
breiðsla á hlýrri sjó sunnan úr Atl-
antshafinu og hann er saltari líka.
Við teljum yfirleitt að slíkar breyt-
ingar séu jákvæðar og teljum þetta
vera gott fyrir vistkerfið í heild og
höfum reynslu af því líka.“
Svend segir erfitt að meta hvaða
áhrif breytingarnar hafi á einstaka
fiskistofna en almennt séð hafi
ástandið í sjónum á undanförnum
misserum verið að mestu í takt við
ástandið sem var fyrir hafísárin á
sjöunda áratugnum og hafi náð sér
nokkuð vel á strik. Mestu svipting-
arnar eru fyrir norðan og austan
landið þar sem kaldi sjórinn kemur
úr norðri á móti hlýja sjónum og
geta sveiflurnar orðið allt frá 0 upp
í 5 gráður.
Þrátt fyrir að erfitt sé að meta
áhrif á einstaka fiskistofna segir
Svend að benda megi á að sam-
kvæmt nýjum niðurstöðum Haf-
rannsóknastofnunar á stofnstærð
þorsksins séu góðir, ungir árgangar
á leiðinni, og það sé í takt við það að
árferði hafi farið batnandi á und-
anförnum árum. Þá hafi komið
mjög góðar niðurstöður í ljós í vor-
leiðangri Hafró, sem kynntar verða
fljótlega.
Vistkerfi sjáv-
ar batnað
undanfarin ár