Morgunblaðið - 24.06.2001, Qupperneq 2

RANNSÓKN á vinnuslysinu sem
varð vegna sprengingar í kerskála
3 hjá álverinu í Straumsvík á
föstudagsmorgun er í fullum gangi
en henni sinna rannsóknardeild
lögreglunnar í Hafnarfirði, Vinnu-
eftirlit ríkisins, Löggildingarstofa
ásamt Íslenska álfélaginu í
Straumsvík.
Tveir starfsmenn verktakafyrir-
tækisins Kerfóðrunar hf. voru
lagðir inn á gjörgæsludeild eftir að
hafa brennst alvarlega og í gær,
laugardag, var von á gervihúð
ásamt sérfræðingi frá Bandaríkj-
unum.
Yngri maðurinn, sem er 21 árs
gamall, brenndist á 35% líkamans
og er á góðri leið með að komast
úr lífshættu segir Halldór Hall-
dórsson, öryggisfulltrúi ÍSAL.
„Hann sýnir eðlilega framþróun
miðað við aðstæður og reiknað er
með að hann verði kominn úr gjör-
gæslu á mánudaginn.“
Að sögn Halldórs er líðan eldri
mannsins, sem er 43 ára gamall,
og er brunninn á 80% líkamans,
óbreytt og er hann enn í lífshættu.
„Það kemur með flugi frá Banda-
ríkjunum seinni partinn í dag [í
gær] sérfræðingur ásamt gervihúð
og vonirnar eru þær að þessi húð
geti hjálpað honum. Það skýrist
betur þegar hann kemur til lands-
ins.“
Vinnuslysið í álverinu í Straumsvík
Hjálp möguleg
með gervihúð
Morgunblaðið/Ásdís
Morgunblaðið/Golli
Alls útskrifuðust 585 kandídatar frá Háskóla Íslands í gær auk 63 sem luku viðbótar- eða diplómanámi.
BRAUTSKRÁNING kandídata frá Háskóla Ís-
lands fór fram í Laugardalshöll í gær. Alls útskrif-
uðust 585 kandídatar, auk 53 sem luku árs viðbót-
arnámi og 10 sem luku diplómanámi. Af
kandídötunum luku 52 meistarnámi og er það 33%
aukning miðað við útskrift í júní 2000. Af 52 meist-
arakandídötum eru 12 sem ljúka prófi í sálfræði og
eru það þeir fyrstu sem útskrifast með hana frá HÍ.
Páll Skúlason háskólarektor sagði m.a. að skólinn
væri stoltur af kandídötum sínum og að þeir væru
ávöxturinn sem réttlæti tilvist hans. „Háskóli Ís-
lands fagnar 90 ára afmæli sínu á þessu ári. Hann
var stofnaður þann 17. júní árið 1911, á aldarafmæli
Jóns Sigurðssonar, sjálfstæðishetju okkar Íslend-
inga. Jón taldi þrjú efni vera mikilvægust fyrir efl-
ingu íslensku þjóðarinnar. Hann nefndi þau alþing-
ismálið, skólamálið og verslunarmálið.“ Þessi þrjú
úrlausnarefni sem Jón Sigurðsson taldi mestu
skipta fyrir velferð okkar eru að sögn Páls enn í
fullu gildi. „Ástæðan er sú að þau eru órofa tengd
því hvernig við mannfólkið skipuleggjum í megin-
dráttum samlíf okkar og samskipti.“ Páll sagði
einnig í ræðu sinni að á síðustu 10 árum hefðu Ís-
lendingar upplifað meira góðæri í efnahagsmálum
en dæmi eru um í þjóðarsögunni, ef undan er skilið
stutt skeið í síðari heimsstyrjöld þegar erlent fé
flæddi skyndilega inn í landið. „Hugsun okkar Ís-
lendinga og gildismat hefur fyrst og fremst beinst
að þeim lífsgæðum sem veraldarauðurinn færir.
Þau gæði skyldi enginn vanmeta. Veraldarauður og
öflugt viðskipta- og framleiðslulíf eru sannarlega
forsenda velmegunar okkar sem einstaklinga og
þjóðfélagsþegna. En þau eru ekki eina forsendan,
því fleira þarf til að tryggja hamingju okkar. Takist
okkur ekki að skapa einnig uppbyggileg samskipti í
stjórnmálum og menningu getur svo farið að hin
efnahagslega velsæld leiði íslenskt þjóðlíf í ógöng-
ur. Ógöngurnar yrðu fólgnar í því að líta svo á og
starfa í þeim anda að öll okkar samskipti eigi að
vera af viðskiptalegum toga og að stjórnmálalíf og
menningarlíf lúti í reynd lögmálum viðskiptalífs-
ins.“
Veraldarauður-
inn er ekki nóg
Um þriðjungi fleiri kandídatar brautskráðir frá Háskóla Íslands nú en fyrir ári
FRÉTTIR
2 SUNNUDAGUR 24. JÚNÍ 2001 MORGUNBLAÐIÐ
ÞÓRIR Haraldsson, aðstoðarmaður
heilbrigðis- og tryggingaráðherra,
hefur sagt starfi sínu lausu og ráðið
sig til starfa á lögfræðisviði Íslenskr-
ar erfðagreining-
ar. Hann hefur
fengið lausn frá
störfum frá
næstu mánaða-
mótum.
Þórir sagði að
nokkrir dagar
væru síðan þetta
hefði komið til en
hann hefði tekið
sér stuttan um-
hugsunarfrest og ákveðið að þiggja
starfið. Þetta væri spennandi vett-
vangur og hann langaði til að nýta
menntun sína og reynsluna úr ráðu-
neytinu.
Hann sagði að hann hefði hugsað
sitt ráð þegar ráðherraskiptin hefðu
orðið fyrir skömmu en þegar honum
hefði verið boðið starfið áfram hefði
hann samþykkt það. Hann hefði
einnig unnið mikið að almannatrygg-
ingamálum síðasta hálft annað árið
og þeirri vinnu væri að ljúka með
gildistöku nýrra laga nú 1. júlí.
Aðstoðar-
maður heil-
brigðisráð-
herra til ÍE
Þórir
Haraldsson
Forstjóri Nýherja um
viðræður við Skýrr
Væntum
þess að
samið yrði
við Nýherja
ÞÓRÐUR Sverrisson, forstjóri Ný-
herja, segir að þeir hafi vænst þess
að samið yrði við fyrirtækið um
kaup á nýju fjárhags- og starfs-
mannakerfi fyrir ríkið en frá því var
skýrt í gær að gengið hefði verið til
viðræðna við Skýrr hf. um verk-
efnið.
Þórður sagði að tugir ríkisstarfs-
manna hefðu komið að því að meta
verkefnið og í því mati hefði SAP-
kerfið sem Nýherji byði upp á kom-
ið mun betur út en það kerfi sem
það hefði átt í samkeppni við. Í birtu
mati hefði þannig SAP-kerfið dúxað
og fengið hæstu einkunn í 20 matsl-
iðum af 22.
Þá hefði kerfi Nýherja verið sett
upp víða í einkafyrirtækjum, þannig
að búið væri að aðlaga það íslensk-
um aðstæðum.
„Þess vegna töldum við það mun
betri kost og það er líka mat þeirra
ríkisstarfsmanna sem að þessu
komu, þannig að ég held að það
hljóti að vera vonbrigði fyrir rík-
isstarfsmenn að fá ekki besta kerfið
og þess í stað hafi ráðuneytið valið
ódýrari kostinn,“ sagði Þórður.
Tilboð Nýherja hljóðaði upp á
tæpar 1.800 milljónir króna en til-
boð Skýrr upp á rúmar 1.100 millj-
ónir, en þetta eru framreiknaðar til-
boðsupphæðir í tíu ár að sögn
Þórðar.
Átti von á að vandaðasta
kerfið yrði valið
Hann bætti því við að kostnaður í
þessum efnum væri afstæður að
verulegu leyti og munurinn á fjár-
festingu aðeins fáir tugir milljóna á
ári sem ekki væri há fjárhæð í þessu
samhengi. Það væri mjög flókið að
meta svona kerfi og bera saman.
Fjárfestingin væri meiri í kerfi Ný-
herja enda væri þar um að ræða
meiri hugbúnað og meira í það lagt
en í hitt kerfið. Hann benti á að rík-
ið væri að fjárfesta í einu mikilvæg-
asta stjórntæki sínu og þess vegna
hefðu þeir átt von á því að vand-
aðasta kerfið yrði fyrir valinu.
ATVINNUMÁLANEFND Akra-
ness og Iðntæknistofnun hafa sett
fram stefnumótun í atvinnumálum
fram til ársins 2007. Atvinnuleysi í
bænum er nær ekkert og ástand at-
vinnumála hefur ekki verið jafngott í
13 ár en bærinn vill vera búinn undir
lægð í efnahagslífinu, að sögn Guðna
Tryggvasonar formanns atvinnu-
málanefndar.
„Lögð var áhersla á þrjá flokka,
atvinnumál, samfélagsmál og síðan
ferðamál, verslun og þjónustu en
þessum flokkum þótti rétt að gera
sérstök skil þar sem því hefur verið
haldið fram að eftir opnun Hvalfjarð-
arganga eigi þeir undir högg að
sækja.“ Hann segir að ekki hafi verið
sýnt fram á það en vissulega hafi
munstrið breyst. „Ég tel ekki að
göngin hafi haft neikvæð áhrif á
verslun en samkeppnisaðstaðan er
breytt. Svipað má segja um ferða-
málin, við fáum annars konar ferða-
fólk hingað, áður kom mikið af gang-
andi vegfarendum með Akraborg-
inni en núna kemur fleira fólk á
bílum.“ Hann segir að fólk hafi verið
óánægt með almenningssamgöngur
til Reykjavíkur eftir að göngin komu
en í stefnumótuninni er hvatt til þess
að þær verði skoðaðar og samstarf
við SVR verði kannað.
Álverið á Grundartanga
verði stækkað
Hann segir atvinnumálin vera í
góðu ástandi en þó sé alltaf ástæða
til að kanna hvort hægt sé að gera
betur. „Við hvetjum m.a. til nánari
samvinnu skóla og fyrirtækja og til
meiri vöruþróunar og nýsköpunar.
Við hvetjum einnig til frekari stór-
iðju á svæðinu, að Álverið á Grund-
artanga verði stækkað. Þá viljum við
kanna leiðir að samkeppnishæfara
raforkuverði til sementsframleiðslu
og að takmörkunum vegna afhend-
ingar raforku verði breytt,“ segir
Guðni.
Stefna í atvinnumálum Akranes-
bæjar mótuð til ársins 2007
Aðstæður breytt-
ar eftir tilkomu
Hvalfjarðarganga
Í útskriftar-
ferð á Norð-
urströndum
MEÐAL þeirra sem útskrifuðust frá Há-
skóla Íslands í gær var Sigurvin Elíasson,
fyrrverandi sóknarprestur á Skinnastað í
Öxarfirði. Útskrifaðist hann með BA-próf í
sagnfræði, áttatíu og þriggja ára að aldri.
Sigurvin var ekki viðstaddur útskrift-
arathöfnina og þegar blaðamaður reyndi að
ná tali af honum á Akureyri, þar sem hann
er búsettur, fengust þær fregnir að hann
væri á Norðurströndum í gönguferðalagi
með Ferðafélagi Íslands. „Við fjölskyldan
segjum að hann sé í útskriftarferðalagi.
Það er von á honum til Reykjavíkur á
þriðjudagskvöld og hingað til Akureyrar
seinni hluta miðvikudags,“ segir Steinunn
Þórhallsdóttir, stjúpdóttir Sigurvins.
Aðspurð hvort hún viti hvers vegna hann
hafi tekið upp á því á efri árum að fara í
sagnfræði í Háskólanum segir hún að hann
sé mikill grúskari og hafi einfaldlega verið
að finna sér eitthvað til dundurs.