Morgunblaðið - 26.06.2001, Blaðsíða 3

Alþjóðaþing samtakanna The
International Save the Children
Alliance var haldið í Reykjavík í
maí sl. og var það í fyrsta sinn
sem það fer fram hér á landi. Á
þinginu var fjallað um það
hvernig efla megi Save the
Children samtökin, en markmið
þeirra er að hjálpa börnum um
allan heim sem búa við ofbeldi.
Um 80 manns frá 30 löndum sóttu
þingið, sem þótti takast með
miklum ágætum.
„Það var mjög þýðingarmikið
fyrir okkur að fá erlenda fulltrúa
Save the Children hingað heim,”
segir Kristín Jónasdóttir, fram-
kvæmdastjóri Barnaheilla-Save
the Children Iceland. „Við erum
lítil þjóð norður í hafi og af þeim
sökum fjarlæg í hugum margra.
Með því að halda alþjóðaþingið
hér fengu hinir erlendu fulltrúar
skýrari mynd af Íslandi og starfi
Save the Children samtakanna
hér á landi. Þingið tókst ákaflega
vel í alla staði og var ánægja
með útkomuna. Mikill hugur var
í þátttakendum og nú verður
þinginu fylgt eftir og unnið að
því að efla samtökin Save the
Children um allan heim.”
Ánægja með nýafstaðið
alþjóðaþing í Reykjavík
F R É T T I R A F S T A R F S E M I N N I
1. TBL. 2. ÁRG. JÚNÍ 2001
Barnaheill-Save the Children Iceland
Laugavegi 7, 101 Reykjavík
Sími: 561 0545 Fax: 552 2721
Ábyrgðarmaður: Krístín Jónasdóttir
barnaheill@barnaheill.is
www.barnaheill.is
• Samstarfsverkefni Barnaheilla og
Félags íslenskra leikskóla-
kennara um forvarna-
starf gegn kynferðis-
legu ofbeldi á börn-
um er nú lokið í bili.
Verkefnið er samstarfs-
verkefni Save the
Children samtaka í
Evrópu og er markmið
þess að þróa forvarnastarf inn-
an menntakerfisins gegn slíku
ofbeldi. Barnaheill þakka Félagi
íslenskra leikskólakennara sam-
starfið, sem hefur verið bæði
gagnlegt og ánægjulegt.
• Bókin „Þetta er líkaminn minn”,
sem gefin er út af Barnaheillum,
hefur hlotið afar góðar
viðtökur, en markmiðið
með útgáfunni er
að aðstoða full-
orðna og börn á leik-
skólaaldri við að
ræða saman um of-
beldi á opinn og
óþvingaðan hátt.
Bókinni er dreift á heilsugæslu-
stöðvum landsins við svonefnda
þriggja og hálfs árs skoðun
barna, auk þess sem
henni hefur verið
dreift til allra
leikskóla á land-
inu. Bókina er hægt
að nálgast endur-
gjaldslaust á skrif-
stofu Barnaheilla.
• Fimmta ritröð Barnaheilla er að
koma út um þessar mundir. Í rit-
röðinni er að finna erindi sem
flutt voru á ráðstefnu um stöðu
barna af erlendum uppruna, er
haldin var hér á landi í árslok
1999. Ritröðin er seld
bæði í áskrift og
lausasölu. Nánari
upplýsingar eru
veittar á skrifstofu
Barnaheilla.
P
R
[pje err]
Frá alþjóðaþingi The International Save the Children Alliance í Reykjavík í maí.
Barnaheill-Save the Children
Iceland vinna nú að því að setja
upp vef með upplýsingum um
barnaklám og afleiðingar þess.
Vefurinn er hluti af fræðsluverk-
efni Barnaheilla gegn barnaklámi
á Netinu, en markmið þess er að
afla upplýsinga um umfang
vandans og koma þeim á fram-
færi við almenning. Verkefnið
verður unnið í nánu samstarfi við
barnaverndar- og lögregluyfir-
völd hér á landi. Það er styrkt af
Evrópusambandinu.
Með verkefninu vilja Barnaheill
fyrst og fremst vekja athygli
tölvunotenda sem og Netþjón-
ustuaðila á því að barnaklám sé
framleitt og því dreift á markviss-
an hátt um Netið. Á nýja vefnum
verður m.a. að finna form til út-
fyllingar í þeim tilgangi að til-
kynna til samtakanna slóðir með
barnaklámi á Netinu, sem not-
endur hugsanlega rekast á á vafri
sínu um Veraldarvefinn. Upplýs-
ingum sem þannig berast verður
síðan komið áfram til lögregluyfir-
valda. Reiknað er með að vefur-
inn komist í gagnið síðsumars.
Barnaheill munu óska eftir að
gerast meðlimir í INHOPE Associ-
ation (www.inhope.org), sam-
tökum neyðarlína í Evrópu, sem
berjast gegn barnaklámi á Net-
inu. Haldinn verður kynningar-
fundur hér á landi með fulltrúum
INHOPE nk. fimmtudag, 28. júní.
Á fundinn er boðið fulltrúum
ýmissa stofnana og félagasam-
taka sem málið varðar s.s. lög-
reglu, barnaverndaryfirvalda,
ráðuneyta, Alþingis og netþjón-
ustufyrirtækja.
Vefur í smíðum gegn barnaklámi
Börn meðal þátt-
takenda á þingi
SÞ í New York
Aukaallsherjarþing Sameinuðu
þjóðanna um réttindi barna
verður haldið í New York 19.–21.
september nk. Save the Children
samtökin hafa komið að undir-
búningi þingsins, ásamt öðrum
frjálsum félagasamtökum svo og
Barnahjálp Sameinuðu þjóðanna.
Save the Children samtökin leggja
áherslu á þátttöku barna í alls-
herjarþinginu, í því skyni að fá
gleggri mynd af því hvaða skoð-
anir unga fólkið hefur á eigin
málefnum.
Um 150 börn víða úr heiminum
tóku þátt í undirbúningsfundi
fyrir þingið sem haldinn var í New
York 11.–15. júní sl. og er reiknað
með góðri þátttöku barna á alls-
herjarþingi Sameinuðu þjóðanna í
haust.
Barnaheill-Save the Children
Iceland eru meðal þátttakenda í
samstarfsverkefni aðildarsam-
taka Save the Children í Evrópu,
um ofbeldi gagnvart börnum og
réttarstöðu þeirra. Markmið
verkefnisins er að kanna stöðu
barna sem beitt eru ofbeldi, í
réttarkerfinu í löndum Evrópu,
og leita úrræða þeim til verndar.
Í tengslum við verkefnið hafa
Barnaheill nú hafist handa við
gerð samanburðarrannsóknar á
því hvernig þessum málum er
háttað hér á landi. Könnuð verð-
ur réttarstaða íslenskra barna
sem beitt eru ofbeldi og hvað
betur megi fara í því sambandi.
Hefur Margrét Vala Kristjáns-
dóttir lögmaður verið fengin til
að annast framkvæmd rannsókn-
arinnar og úrvinnslu hennar hér
á landi.
Haldin verður námstefna í
Madrid á Spáni á næsta ári, þar
sem niðurstöður úr rannsóknum
aðildarlandanna verða kynntar.
Þangað verður boðið löglærðum
sérfræðingum og munu þeir
miðla af reynslu sinni og þekk-
ingu á þessu sviði og vinna að
hugmyndum um hvernig megi
vernda rétt barna enn betur.
Samstarfsverkefni aðildarsam-
taka Save the Children í Evrópu er
styrkt af Daphne-áætlun Evrópu-
sambandsins. Verkefninu lýkur í
desember 2002.
Samstarfsverkefni um réttarstöðu
barna sem beitt eru ofbeldi
SMÆLKI
Barnaheill þakka stuðninginn:
Afltækni ehf.
Akureyrarbær
Austurbæjarskóli
Austur-Hérað
Ábendi ehf.
Álit ehf.
Ás fasteignasala
Bárðdælahreppur
Bifreiðaverkstæði Kópavogs
Bifreiðaverkstæðið Pardus
Bílamálun Halldórs Nikulás.
Breiðagerðisskóli
BSÍ pakkaafgreiðsla
BYKO
Bændasamtökin
Davíð S. Jónsson & Co.
Delta hf.
Eignamiðlunin ehf.
Endursk. Jóns H. Runólfssonar
Fagus hf.
Fellaskóli
Flugleiðir
Foldaskóli
Framtak ehf.
Garðabær
Gámaþjónustan Akureyri
Grindavíkurbær
Gler og speglar ehf.
Grandi hf.
Gúmmíbátaþjónustan
Hafnarfjarðarbær
Hagaskóli
Haraldur Böðvarsson hf.
Háteigsskóli
Hátækni ehf.
Hexa ehf.
Hitaveita Egilsstaða
Hitaveita Suðurnesja
Hlíðaskóli
Húsavíkurbær
Hveragerðisbær
Hyrna ehf.
Höldur ehf.
Ísafjarðarbær
Íslandsmarkaður
Íslensk tækni ehf.
Ísstöðin hf.
J.Á. verktakar
Kemis ehf.
Kjarnafæði
Kjarnavörur
Kópavogsbær
Lýsi hf.
Mjólkurbú Flóamanna
Morgunblaðið
Mosfellsbær
Möl og sandur hf.
Nóatún
Olíufélagið hf.
Omega Farma ehf.
Ora ehf.
Orkuveita Reykjavíkur
PricewaterhouseCoopers ehf.
Rafberg ehf.
Raflagnir Íslands ehf.
Raftæknistofan hf.
Reykjagarður hf.
Rimaskóli
Rolf Johansen & Co. ehf.
Seltjarnarnesbær
Sementsverksmiðjan hf.
Siglufjarðarkaupstaður
Skaftárhreppur
Skipa- og vélatækni ehf.
Skipstj.- og stýrimannaf. Ísl.
Skráningarstofan hf.
Skútustaðahreppur
Sólbaðsstofa Grafarvogs
Spennubreytar
Starfsmannafél. Reykjavíkurb.
Stilling ehf.
Stjarnan ehf.
Straumnes ehf.
Sveitarfélagið Hornafjörður
Sæhamar ehf.
Tangi
Texti ehf.
Trésm. Þráins E.Gíslasonar sf.
Útgerðarfélagið Bára ehf.
Varmárskóli
Veiðarfærasalan Dímon ehf.
Veiðafæraversl. Verbúðin ehf.
Veitingaþj. Lárusar Loftssonar
Verðlagsstofa skiptaverðs
Verkfræðist. Suðurnesja ehf.
Vestmannaeyjabær
Vesturbyggð
Vélabær ehf.
Vélsmiðja Akraness ehf.
Vídd ehf.
Vífilfell ehf.
Vogaskóli
Verzlunarmannaf. Reykjavíkur
Þorbjörn Fiskanes hf.
Ölfushreppur
Ölgerðin Egill Skallagrímss.
Öryggisvarslan ehf.
AUGLÝSING