Morgunblaðið - 26.06.2001, Blaðsíða 15

HÖFUÐBORGARSVÆÐIÐ
MORGUNBLAÐIÐ ÞRIÐJUDAGUR 26. JÚNÍ 2001 15
BETRI LÍÐAN
FORMLEG opnun nýs þjónustuhúss
við ylströndina í Nauthólsvík var á
föstudag. Húsið hefur fengið ávísun
á Bláflaggið svonefnda, alþjóðlega
vottun fyrir baðstrendur sem meðal
annars tekur til öryggis og hrein-
lætis.
Að sögn Loga Sigurfinnssonar
hjá Íþrótta- og tómstundaráði
Reykjavíkur var mikið um að vera á
opnunardaginn og var boðið upp á
tónlist, götuleikhús og stranddans
svo eitthvað sé nefnt. Þá afhenti
formaður Landverndar borg-
arstjóra ávísun á Bláflaggið.
„Það gerðist bara rétt fyrir opn-
unina að þeir frá Landvernd höfðu
samband en við sóttum í fyrra um
aðild að þessari vottun,“ segir Logi
og bætir því við að úttektaraðili
hennar sé í tengslum við Evrópu-
sambandið. „Það eru um þrjátíu að-
ilar á baðströndum og smábáta-
höfnum í Evrópu sem fá að flagga
Bláflagginu en þeir uppfylla viss
skilyrði um umhverfi, vinnuferla,
öryggi, hreinlæti og fleira.“
Eftir að fínstilla vatnskerfið
Hann segir Bláflaggið vera góða
viðurkenningu fyrir ströndina en í
sumar verður fylgst með því að
þessi skilyrði séu uppfyllt í reynd
en ekki bara á pappírum. Gangi það
eftir flaggar ylströndin bláu að ári.
Auk ylstrandarinnar hefur Bláa
lónið fengið ávísun á flaggið.
Að sögn Loga var töluvert af
fólki sem kom við á ylströndinni um
helgina þó enn sé ekki byrjað að
nota aðstöðuna. „Við ákváðum á
föstudaginn eftir að búið var að
opna að hleypa fólki ekki í böðin því
það er ennþá verið að fínstilla
vatnsrennslið og við vildum vera
vissir um að allt væri öruggt,“ segir
hann en bætir því við að stefnt sé að
því að þetta verði komið í lag á allra
næstu dögum.
Morgunblaðið/Sverrir
Það var sannkölluð strandarstemmning þegar þjónustuhúsið opnaði á föstudag.
Ylströndin flaggar bláu að ári
Nauthólsvík
HENNÝ Hinz, sem sæti á í stjórn
foreldrafélags leikskólans Drafn-
arborgar í Reykjavík, segir ljóst
að fyrirhugaðar hækkanir leik-
skólagjalda komi örugglega illa við
marga. Í viðtali við Kristínu
Blöndal, formann leikskólaráðs
borgarinnar, í Morgunblaðinu fyr-
ir helgi kom fram að vænta megi
hækkana í takt við hækkanir á
Seltjarnarnesi og í Garðabæ en
þær eru 10 - 13 prósent . Þó kom
fram í máli Hennýar að hækk-
anirnar séu ekki eina áhyggjuefni
foreldra leikskólabarna í Reykja-
vík.
„Það eru örugglega allir sam-
mála um að hækkanirnar séu
slæmar í kjölfar annarra hækkana
í þjóðfélaginu. Svo er heldur ekki
ýkja langt síðan leikskólagjöld
hækkuðu síðast. Það sem ég er
helst óánægð með er mannhaldið á
leikskólunum. Ég vil geta gengið
að sama fólkinu en síðan dreng-
urinn minn byrjaði, fyrir um ári,
hafa verið gífurlegar mannabreyt-
ingar og gengið illa að manna leik-
skólann. Þótt hækkanir séu slæm-
ar og komi illa við mann þá er
þetta sýnu verra mál. Ég er ekki
viss um að síðustu launahækkanir
leikskólakennara nægi til að leysa
vandann því byrjunarlaun þeirra
hækkuðu mun minna en þeirra
sem hafa meiri starfsaldur. Verið
er að mennta fullt af fólki sem
leikskólakennara sem svo skilar
sér ekki inn í leikskólana. Ég sem
foreldri hefði viljað sjá meiri
hækkun byrjunarlauna til að betur
gengi að laða að hæft fólk sem svo
ílengdist í starfi. Þótt ég sé
óánægð með hækkunina þá myndi
ég samt sem áður meta það mikils
ef hún yrði til að úr rættist í
mönnunarmálum,“ segir Henný.
Sigurhanna V. Sigurjónsdóttir,
leikskólastjóri Drafnarborgar í
Reykjavík, segist ekki hafa frekari
upplýsingar um fyrirhugaðar
hækkanir á leikskólagjöldum en
komið hafa fram í fjölmiðlum. Hún
segir þó ljóst að þær komi ábyggi-
lega illa við marga foreldra leik-
skólabarna. „Þetta er ekki eina
hækkunin sem á dynur þessa dag-
ana, matvæli hafa hækkað, elds-
neytisverð og nú strætó líka,“ seg-
ir Sigurhanna.
Fyrirhuguð hækkun leikskólagjalda
Kemur illa við
foreldra leik-
skólabarna
Reykjavík
INGUNNARSKÓLI verður nafn
nýja skólans í Grafarholti sem
hefur störf í haust en fræðsluráð
Reykjavíkur samþykkti tillögu
þar um á fundi sínum í vikunni.
Það var Þórhallur Vilmundar-
son prófessor sem átti tillöguna að
þessu nafni en jafnframt lagði
hann til að næsti skóli sem rís í
Grafarholti verði látinn heita
Sæmundarskóli og var það einnig
samþykkt.
Nöfnin eru eftir fræðikonunni
Ingunni sem var uppi á 11. öld og
Sæmundi fróða.
Ingunnarskóli
og Sæmundarskóli
Grafarholt