Morgunblaðið - 26.06.2001, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 26. JÚNÍ 2001 VERÐ Í LAUSASÖLU 165 KR. MEÐ VSK.
NÓTASKIPIÐ ÖRN KE fyllti sig af
loðnu í gær eftir einn og hálfan sólar-
hring á miðunum norðaustur af
Langanesi en um 30 til 40 skip voru
þar í gær. Ekkert íslenskt skip er
lengur á síldveiðum úr norsk-íslenska
síldarstofninum en tæplega 10 skip
eru byrjuð á kolmunnaveiðum út af
Austfjörðum.
Lítil sem engin loðnuveiði var um
helgina en veiðin glæddist á ný í gær.
Sævar Þórarinsson, skipstjóri á Ern-
inum, var kominn með fullfermi, um
1.100 tonn, eftir hádegið í gær og
landaði á Djúpavogi fyrir miðnætti.
Hann fór aðeins norðar, þar sem að-
eins eitt norskt skip var fyrir, og seg-
ir að meira hafi verið þar að hafa.
„Við köstuðum oft. Fyrst vorum við í
smáum torfum þarna suður frá en
fengum sæmilegri köst, upp í 200
tonn, þarna norður frá. Þetta er fín
loðna, mjög vel á sig komin, og er ver-
ið að tala um 14 til 16% fitu. Ég held
að það hafi aldrei gerst áður á þess-
um tíma en hún er kjaftfull af átu.“
Engin loðna útaf
Vestfjörðum
Viðar Karlsson, skipstjóri á Vík-
ingi AK, bætti skipi sínu við flotann
fyrir austan land síðdegis í gær eftir
að hafa leitað að loðnu út af Vest-
fjörðum án árangurs í kjölfar lönd-
unar á Akranesi. Hann segir að ekk-
ert hafi verið að sjá fyrir vestan og
hallast að því að loðnan sé ekki komin
þangað. „Við fórum víða norður af
Vestfjörðum, norður undir miðlínu,
en sáum ekkert,“ segir hann og bætir
við að sennilega hafi þeir verið of
snemma á ferðinni. Fyrir austan séu
hins vegar fáar torfur og mörg skip.
Góð kolmunnaveiði hefur verið út
af Austfjörðum norðan við Rósagarð-
inn. Jón Kjartansson SU var fyrstur
að fylla og landaði 1.500 tonnum á
Eskifirði á sunnudag. Börkur NK var
líka með fullfermi og landaði 1.700
tonnum í Neskaupstað í gær og þá fór
Hólmaborg SU með 2.000 tonn til
Eskifjarðar. Ingunn AK var komin
með fullfermi, um 2.000 tonn, síðdeg-
is í gær eftir fimm hol á einum og
hálfum sólarhring. Þá voru Faxi RE
og Þorsteinn EA að fylla sig en auk
þess voru nokkur fleiri skip á svæð-
inu, m.a. fjögur frá Færeyjum.
Guðlaugur Jónsson, skipstjóri á
Ingunni AK, segir að nóg hafi verið af
kolmunna á svæðinu en svæðið hafi
verið blettótt. „Við fengum um 500
tonn eftir fjóra tíma og drógum svo í
þrjá og hálfan tíma og fengum 500 til
600 tonn,“ segir hann um veiði gær-
dagsins.
Kolmunni og loðna
gefa sig fyrir austan
FORSVARSMENN Orku-
veitu Reykjavíkur og Akranes-
veitu hafa undirritað viljayfir-
lýsingu sem felur í sér
sameiningu Orkuveitunnar og
Akranesveitu, Andakílsár-
virkjunar og hluts Akranes-
veitu í Hitaveitu Akraness og
Borgarfjarðar.
Samkvæmt heimildum
Morgunblaðsins á málið sér
nokkurra mánaða aðdraganda,
þótt verulegur skriður hafi
ekki komist á viðræður milli
aðila fyrr en allra síðustu daga.
Í viljayfirlýsingunni er gert
ráð fyrir að með sameining-
unni verði stofnað nýtt fyrir-
tæki, sem taki til starfa um
áramótin, og að sama gjald-
skrá gildi á svæðinu öllu frá og
með þeim tíma.
Mun það hafa í för með sér
meira en 30% lækkun orku-
veitugjalda hjá notendum
Akranesveitu.
Orkuveitan
og Akra-
nesveita
sameinast
FJÓRIR voru fluttir á slysadeild eft-
ir fjögurra bíla árekstur við Geitháls
á Suðurlandsvegi seinni hluta dags í
gær. Einn hinna slösuðu fótbrotnaði
en meiðsl annarra voru minniháttar.
Að sögn lögreglu var aðdragandi
slyssins sá að ekið var aftan á eina
bifreiðina þegar henni átti að beygja
frá Suðurlandsbraut að Bakkakoti á
leið vestur, með þeim afleiðingum að
hún kastaðist framan á aðra bifreið
sem var að koma úr gagnstæðri átt.
Fjórða bifreiðin lenti síðan á hinum
bifreiðunum.
Mörg slys urðu í umferðinni um
nýliðna helgi, m.a. banaslys við
Breiðdalsvík, vélhjólaslys við Borg-
arnes og bílvelta á Gjábakkavegi.
Var mikið álag á starfsmönnum
Landhelgisgæslunnar við sjúkra-
flutninga á TF-LÍF, þyrlu Land-
helgisgæslunnar.
Morgunblaðið/Júlíus
Fjórir slasaðir eftir
árekstur við Geitháls

Þyrla/6
NOKKUR bráðnun hefur átt sér
stað í Grímsvötnum frá lokum goss-
ins þar í desember 1998, og jarðhiti
er enn að aukast að sögn Bryndísar
Brandsdóttur jarðeðlisfræðings.
Hún segir sigkatla hafa myndast
meðfram fjallinu eftir gosið og er
fylgst með svæðinu með jarð-
skjálftamæli á Grímsvelli. Auk þess
eru gerðar landmælingar með
reglulegu millibili. „Svæðið er að
rísa. Eftir gosið lá skjálftavirkni
niðri um tíma en hún hefur aðeins
vaxið á þessu ári. Enginn getur séð
hvað framtíðin ber í skauti sér en
eldstöðin er greinilega virk og það
er fylgst vel með henni,“ segir
Bryndís.
Morgunblaðið/Friðþjófur
Aukin jarðhitavirkni
í Grímsvötnum
ÍSLENSK erfðagreining, ÍE, og
Krabbameinsfélag Íslands hafa gert
með sér samning um aðgang ÍE og
dótturfyrirtækja að upplýsingum í
Krabbameinsskrá Krabbameins-
félags Íslands vegna rannsókna á
erfðaþáttum krabbameins. Þá hefur
líftæknifyrirtækið Urður, Verðandi,
Skuld gert samstarfssamning við
Krabbameinsfélagið um krabba-
meinsrannsóknir, sem felur meðal
annars í sér rannsóknir á ættlægni
krabbameina meðal Íslendinga og
aðgang að upplýsingum úr Krabba-
meinsskránni vegna rannsókna á or-
sökum krabbameina.
Við undirritun samnings Krabba-
meinsfélagsins og ÍE, sem fór fram í
gær, greiðir fyrirtækið 40 milljónir
króna til Krabbameinsfélagsins fyrir
aðgang að skránni og síðan 8 millj-
ónir króna á ári fyrir viðbótarupplýs-
ingar, en samningurinn er til sjö ára.
Kári Stefánsson, forstjóri ÍE, seg-
ir að fyrstu áfangar í rannsóknum
fyrirtækisins komi í ljós strax á
næstu vikum, þ.e. hvernig krabba-
mein erfist. Hann segir að með því
að samkeyra upplýsingar úr krabba-
meinsskránni við ættfræðigrunna
með hugbúnaði sem hefur verið þró-
aður verði unnt að nálgast þessa
þekkingu. Þekking á því hvernig
krabbamein erfist geri kleift að spá
fyrir um það hverjir séu líklegir til að
fá krabbamein. Jafnframt séu í
þessu tækifæri til að styrkja for-
varnir og þróa nýjar aðferðir og lyf.
Krabbameinsfélagið semur við ÍE
Selur aðgang
að krabba-
meinsskránni

Samið við/10
SKRIFAÐ var undir kjarasamning
milli Félags íslenskra hjúkrunarfræð-
inga og fjármálaráðherra, fyrir hönd
ríkissjóðs í gærkvöldi.
Herdís Sveinsdóttir, formaður
Félags íslenskra hjúkrunarfræðinga,
segir að samningurinn gildi til hausts-
ins 2004.
Kjarasamningurinn verður kynnt-
ur hjúkrunarfræðingum á félagsfundi
sem haldinn verður fimmtudaginn 28.
júní nk. og vildi Herdís ekki tjá sig um
innihald hans fyrir þann fund að öðru
leyti en því að samið hafi verið á svip-
uðum nótum og gert hefur verið í öðr-
um samningum.
Kynningarfundurinn, sem haldinn
verður í Rúgbrauðsgerðinni, verður
fjarfundur sem tengist væntanlega 16
stöðum víðs vegar um landið og hefur
félagið ekki áður notað búnað af
þessu tagi til að kynna samninga.
„Það er einfaldara nú til dags að
kynna málið á einum fundi en að fara
um allt land til þess. Við náum til
langflestra hjúkrunarfræðinga með
þessum hætti,“ segir Herdís.
Fyrsti fundur hjúkrunarfræðinga
með viðsemjendum var haldinn 14.
nóvember á síðasta ári. Herdís kveðst
telja að atkvæðagreiðsla, sem líklega
verður um miðjan júlí, geti farið á
hvorn veg sem er. Tæplega 1.800
hjúkrunarfræðingar eru á kjörskrá.
Hjúkrunarfræðingar sömdu í gær
Kynna samning-
inn á fjarfundi