Morgunblaðið - 30.06.2001, Blaðsíða 49

AFMÆLI
MORGUNBLAÐIÐ LAUGARDAGUR 30. JÚNÍ 2001 49
Grecian 2000
hárfroða
Er hárið að
grána og þynnast?
Þá er Grecian 2000
hárfroðan lausnin.
Þú þværð hárið, þurrkar, berð froðuna í,
greiðir og hárið nær sínum eðlilega lit á ný,
þykknar og fær frískari blæ.
Einfaldara getur það ekki verið.
Haraldur Sigurðsson ehf.,
heildverslun
Símar: 567 7030 og 894 0952
Fax: 567 9130
E-mail: landbrot@simnet.is
Fæst í apótekum, hársnyrtistofum og „Þín verslun“
Séra Sigurbjörn Ein-
arsson, biskup, dr.
theol. er níræður í dag,
30. júní. Það er óum-
deilt að séra Sigurbjörn
stendur í fylkingar-
brjósti þeirra manna
sem mest áhrif hafa
haft á kristni og kirkju
á Íslandi á tuttugustu
öld, og stendur hann
þar við hlið manna eins
og æskulýðsleiðtogans
sr. Friðriks Friðriks-
sonar. Séra Sigurbjörn
aflaði sér haldgóðrar
menntunar í guðfræði
og hefur haldið sér vel við í þeim
fræðum allt til þessa, eins og þeir
þekkja er við hann ræða um nýjar
stefnur og strauma í guðfræði. Séra
Sigurbjörn stundaði framhaldsnám í
almennum trúarbragðafræðum, nýja
testamentisfræðum og trúfræði við
erlenda háskóla. Kom hann með
ferska vinda inn í trúmálaumræðu
hér á landi, en ekki síst hafði hann
mikil áhrif á stúdenta sína í guð-
fræðideild Háskóla Íslands, þar sem
hann kenndi frá árinu 1943; prófess-
or frá árinu 1949. Séra Sigurbjörn
varð sóknarprestur við Breiðaból-
staðaprestakall á Skógarströnd árið
1938 og fékk síðan veitingu fyrir
Hallgrímsprestakalli í Reykjavík ár-
ið 1941. Prédikanir hans vöktu fljótt
athygli eins og sjá má af því að fyrsta
prédikunarsafnið hans kom út árið
1944. Síðan hafa nokkrar bækur með
prédikunum hans og ritgerðum verið
gefnar út. Vafalaust eru það prédik-
anir séra Sigurbjörns og útlegging
hans á textum Biblíunnar sem koma
fyrst í hug íslenskrar þjóðar þegar
nafn hans er nefnt. Sem biskup Ís-
lands frá árinu 1959 til 1981 vísiteraði
hann söfnuði um land allt og eins pré-
dikaði hann á stærstu stundum í lífi
þjóðarinnar. Ógleymanlegur er okk-
ur sem á hlýddum aftansöngurinn í
sjónvarpinu á aðfangadagskvöld, þar
sem hann náði að fanga huga okkar
og flytja okkur tíðindi hátíðarinnar
sem birtist í orðinu: Immanúel; Guð
er með oss. Sálmar séra Sigurbjörns,
hvort heldur frumortir eða þýddir,
eru margir hverjir mikið notaðir við
almennar guðsþjónustur sem og við
ákveðin tækifæri.Alls á séra Sigur-
björn 54 sálma í nýjustu útgáfu
sálmabókarinnar, og hefur ort eða
þýtt langtum fleiri sálma á tuttug-
ustu öld en nokkur annar. Auk þeirra
miklu áhrifa sem séra Sigurbjörn
hefur haft á íslenska kirkju og kenni-
lýð með predikunum sínum og grein-
um í guðfræði, hefur hann setið í fjöl-
mörgum nefndum og ráðum, gjarnan
í forsvari, þar sem hann hefur ýtt
áfram þeim málum sem hann hefur
viljað sjá ná fram að ganga. Þar má
nefna Skálholtsfélagið, Hið íslenska
biblíufélag, Prestafélag Íslands,
sálmabókarnefnd, þýðingarnefnd
nýjatestamentisins, helgisiðanefnd
og nefnd til að endurskoða kirkjulög-
gjöf.
Í tímaritinu Víðförla, sem séra Sig-
urbjörn gaf út og ritstýrði á árunum
1948 til 1954, birti hann fjölmargar
greinar um guðfræði og kirkju. Auk
fræðilegrar umfjöllunar um mörg hin
stærstu viðfangsefni guðfræðinnar
fyrr og síðar, má þar, ásamt og í hirð-
isbréfi séra Sigurbjörns, Ljós yfir
land frá árinu 1960, finna glöggt þann
hugsjónareld sem með séra Sigur-
birni hefur búið allt til þessa og sér-
hver sá skynjar glöggt sem við hann
talar um kristni og þjóðlíf. Þó að séra
Sigurbjörn hafi nú níu áratugi að
baki er hann enn töluvert kallaður til
að prédika og halda erindi um kirkju-
leg málefni. Það gerir hann nú sem
fyrr með þeim hætti að eftirminni-
legt er.
Þegar séra Sigurbjörn lét af þjón-
ustu árið 1981, sjötugur að aldri,
hafði Prestafélag Íslands frumkvæði
að útgáfu bókarinnar Coram Deo,
þar sem að birtar eru nokkrar grein-
ar um guðfræði og kirkju eftir séra
Sigurbjörn ásamt umfjöllun um guð-
fræði hans. Til að heiðra séra Sig-
urbjörn í tilefni af níræðisafmæli
hans og til að mega sýna honum örlít-
SIGURBJÖRN
EINARSSON
inn þakklætisvott fyrir
allt hans gríðarlega
mikla starf fyrir fram-
gang kristni og kirkju á
Íslandi í áratugi, hefur
Prestafélag Íslands
haft forgöngu um að á
hausti komanda mun
koma út bók sem hefur
að geyma áður óbirtar
greinar og prédikanir
eftir séra Sigurbjörn og
hann hefur flutt á síð-
ustu árum. Að þeirri út-
gáfu standa einnig
nokkrar þær stofnanir
sem hann hefur helgað
krafta sína. Til viðbótar þeirri útgáfu
væri mikils vert að gefa út bók sem
geymdi safn greina eftir séra Sigur-
björn sem birst hafa á prenti en er
ekki lengur hægt að nálgast.
Í tæpa sjö áratugi hefur séra Sig-
urbjörn notið styrks og ástúðar konu
sinnar frú Magneu Þorkelsdóttur.
Frú Magnea varð níræð 1. mars síð-
ast liðinn. Þjónusta hennar fyrir ís-
lenska kirkju og kristni er meiri en
mælt verður. Heim á prestsheimilið
áttu margir erindi á sínum tíma, sem
prestskonan tók á móti og sinnti, og í
biskupsgarði tók frú Magnea á móti
fjölda gesta í meira en tvo áratugi.
Með manni sínum hefur hún farið
víða hvar hann hefur prédikað eða
haldið erindi, og er óhætt að segja að
alls staðar hefur hún borið Drottni
vitni með einstakri hlýju sinni og
elskulegri framkomu. Sú mynd býr i
hjörtum fjölda fólks um allt land, og
fyrir þann vitnisburð hennar er
þakkað.
Kæru biskupshjón, séra Sigur-
björn og frú Magnea. Hamingjuóskir
eru ykkur fluttar í tilefni níutíu ára
afmælis ykkar. Íslensk kirkja lofar
Guð fyrir þá miklu og fórnfúsu þjón-
ustu sem þið hafið innt af hendi í ára-
tugi, þakkar allt er þið hafið gefið
kirkju og þjóð með lífi ykkar og
starfi. Gefi Guð ykkur gleði og styrk
er þið hefjið göngu mót tíunda áratug
lífs ykkar. Verið þið og fjölskylda
ykkar Guði falin.
Jón Helgi Þórarinsson,
formaður Prestafélags
Íslands.
Ungur að árum eignaðist ég hlut-
deild í Sigurbirni Einarssyni, ef svo
undarlega mætti að orði kveða. Eða
var því alveg öfugt farið, að hann hafi
allt frá æskuárum mínum átt stóra
hlutdeild í mér. Ég hlýddi á hann,
ungan prest í Hallgrímssöfnuði í
Reykjavík, í útvarpi og blæbrigðarík-
ur og mildur málrómur hans hreif
þann sem lagði við hlustir. Og tón
prestsins lét á sama hátt vel í eyrum,
orðin höfðu sérstakan hljóm, voru
sem mild hljómkviða.
Nokkrum árum síðar var Sigur-
björn enn á ný áhrifavaldur í lífi
æskumanns en með öðrum hætti. Nú
birtist presturinn sem fullhugi í orra-
hríð, þar sem tekist var á um við-
kvæm en veigamikil málefni, málefni
sem skiptu mönnum í fylkingar. Og
nú hreif hinn ungi prestur, sem beitti
fyrir sig mælskulist og rökfimi. Í
hönd fóru svo tímar þar sem glýja
æskuáranna var strokin af augum.
Hughrif æskunnar eru þó mótuð í
sálardjúpin og láta á sér kræla þegar
minnst varir, ljúf eða angurvær eftir
atvikum.
Allt frá þeim tíma, þegar Sigur-
björn Einarsson hófst handa í kirkju-
legu starfi í landinu, hafa áhrif hans
verið margvísleg og mótandi. Kemur
í einn stað niður hvað nefnt er, hvar-
vetna er Sigurbjörn hinn farsæli
kraftur og forsjá. Tvær höfuðkirkjur
í landinu hafa verið reistar með hans
fulltingi, Hallgrímskirkja í Reykja-
vík og Skálholtskirkja, jafnhliða því
að hið forna biskupssetur í Skálholti
reis úr öskustó.
Ævistarf dr. Sigurbjörns Einars-
sonar biskups er mikið og með ein-
dæmum farsælt. Í erindi um Matth-
ías Jochumsson skáld, sem dr.
Sigurbjörn flutti á Akureyri í nóvem-
ber 1985 segir hann m.a. „Matthías
var ekki einhamur. Hann var margir
menn í einum. Réttara sagt: Hann
var einn maður í mörgum.“ Þessi orð
Sigurbjörns um skáldbróður hans
eiga eflaust að margra mati vel við
um hann sjálfan. Margþættar yfir-
burða gáfur hans og meðfæddir og
áunnir hæfileikar skipa honum þann
sess að hann er sem einn maður í
mörgum. Hvern meta menn mest,
skáldið, kennimanninn, kirkjuleið-
togann og svo mætti áfram telja.
Hver um sig í þessum hópum er fyr-
irferðarmikill og gnæfir hátt.
Starfsdagur Sigurbjörns Einars-
sonar hefur staðið lengi og mikil er
gifta þjóðarinnar að eignast slíkan
son. Og mikil er hamingja þeirra sem
eiga hann að með einum eða öðrum
hætti. Frá honum stafar kærleikur
og mildi en jafnframt viljastyrkur og
hvatning til góðra verka.
Einn á ferð hefur Sigurbjörn ekki
verið, verndarenglar gæta hans við
hvert fótmál, allt frá þeim degi þegar
hann bjargaðist kornabarn úr elds-
voða þegar æskuheimili hans brann.
Lífsgæfa Sigurbjarnar er eiginkona
hans, Magnea Þorkelsdóttir, sem
hefur fullnað hvert gengið spor
þeirra og barnalán biskupshjónanna
er mikið og fjölskyldan stór.
Á tímamótum leitar hugurinn til
Magneu og Sigurbjörns með hjart-
ans þökk fyrir kærleika og uppörvun,
ekki síst þegar veikindi knúðu dyra í
ranni undirritaðs. Við Þorgerður
samgleðjumst biskupshjónunum í
áfangastað og öllum sem eru þeirra.
Sigurður E. Haraldsson.
FRÉTTIR
Mörkinni 3, sími 588 0640
G
læ
si
le
g
hú
sg
ög
n
Sérpantanir
Opið virka daga
frá kl. 12-18.
M O N S O O N
M A K E U P
litir sem lífga
Kanarí-
veisla
í haust
frá kr. 58.185
Heimsferðir
kynna nú aftur
haustferðir sínar
til Kanaríeyja þann
20. október og 20. nóvember, en Kanaríeyjar eru tví-
mælalaust vinsælasti vetraráfangastaður Íslendinga í
dag. Við bjóðum nú betri gistivalkosti en nokkru
sinni fyrr í hjarta ensku strandarinnar og að sjálf-
sögðu njóta farþegar okkar rómaðrar þjónustu farar-
stjóra Heimsferða allan tímann. Sigurður Guðmundsson verður að
vanda með fjölbreytta skemmti- og íþróttadagskrá, leikfimi og kvöld-
vökur, til að tryggja það að þú fáir sem mest út úr fríinu.
Þökkum frábærar undirtektir.
Helmingur sæta seldur í
ferðina 20. október.
Brottför
· 20. okt. - 31 nótt
· 20. nóv. - 25 nætur
Gististaðir Heimsferða
· Roque Nublo
· Los Volcanes
· Paraiso Maspalomas
· Tanife
25 nætur
Verð frá 58.185
20. nóvember, m.v. hjón með 2
börn á Tanife, 25 nætur.
Verð kr. 77.030
21. nóvember, m.v. 2 í íbúð,
Tanife, 25 nætur.
5. vikur
(31 nótt)
Vinsælasta ferðin
– tæpar 5 vikur
á frábæru verði.
Verð frá 66.084
20. okt., m.v. hjón með 2 börn
á Tanife, 31 nótt.
Verð kr. 89.830
20. okt., m.v. 2 í íbúð, Tanife,
31 nótt.
Skógarhlíð 18, sími 595 1000. www.heimsferdir.is
LAUGARDAGINN 7. júlí verður
efnt til samkomu í Skrúði í Dýra-
firði. Dagskráin hefst kl. 14 og
stendur til kl. 18.
Meðal efnis er tónlist á vegum
Guðna Franzsonar, minningar
Þrastar Sigtryggsonar um
Skrúð og kynntur verður
bæklingur um Skrúð. Þá verða
leikir fyrir börn og unglinga,
m.a. reiptog, söngur og óvæntar
uppákomur.
Einnig fræðsla um garðyrkju,
matjurtarækt og sýnt handverk í
tré. Í lok dagskrár verða gróð-
ursettar trjáplöntur og afhent
viðurkenningarskjöl.
Boðið verður upp á ketilkaffi á
staðnum en einnig skal bent á að
Hótel Edda á Núpi býður upp á
kaffihlaðborð fyrir fullorðna og
límonaði fyrir krakka og rennur
hluti af andvirði í söfnun Skrúðs-
sjóðs.
Samkoma í Skrúði
í Dýrafirði
VEITINGAHÚSIÐ Tapas-barinn
hefur nú opið í hádeginu, en áður
var hann eingöngu opinn á kvöldin.
Af því tilefni hefur verið settur
saman sérstakur hádegismatseðill.
Tapas barinn hefur einnig tekið í
notkun nýjan og bættan kvöldmat-
seðil, með auknu úrvali af réttum.
Til viðbótar þessu hefur verið kom-
ið fyrir borðum og stólum í porti
framan við húsið sem nýverið var
hellulagt.
Á efri hæð Tapas barsins er
veislusalur sem tekur allt að 100
manns. Þar er boðið upp á veislu-
þjónustu með spænskum blæ, svo
sem Flamenco-dansi, spænskri tón-
list og að sjálfsögðu spænskum
mat. Tapas barinn er að Vesturgötu
3b í Reykjavík.
Tapas-barinn opinn
í hádeginu