Morgunblaðið - 30.06.2001, Blaðsíða 13

HÖFUÐBORGARSVÆÐIÐ
MORGUNBLAÐIÐ LAUGARDAGUR 30. JÚNÍ 2001 13
sími 562 6470
Sveitarfélög - verktakar - fyrirtæki
Ýmsir möguleikar við
rýmis- og lagerlausnir.
Kynntu þér möguleikana.
Getum með stuttum
fyrirvara afgreitt
gámahús frá
eftir þínum óskum.
ÞJÓÐMINJASAFN Íslands sendi á
dögunum hreppsnefnd Bessastaða-
hrepps bréf, þar sem bent var á að
fornminjar gætu leynst á svæði við
Miðskóga, en samkvæmt nýju deili-
skipulagi hreppsins er uppbygging
svæðisins fyrirhuguð.
Að sögn Gunnars Vals Gíslasonar,
sveitarstjóra í Bessastaðahreppi,
eru lóðirnar sem um ræðir fjórar og
standa innst við götuna. „Þarna eru
fjórar nýjar íbúðarlóðir, en hverfið
var byggt fyrir 25 árum. Þessar lóð-
ir hafa verið óbyggðar fram til
þessa,“ segir hann.
Hann segir að síðan hreppsnefnd
barst bréfið frá Þjóðminjasafninu
hafi sveitin átt í viðræðum við safnið
um að vinna með því að könnun á
svæðinu, grafa könnunarskurði og
finna út úr því hvort þarna sé um að
ræða raunverulegar fornminjar eða
ekki. „Þjóðminjasafnið vill skoða
hvort þarna hafi staðið gamli
Skógtjarnarbærinn, sem minnst er
á allt aftur á landnámsöld,“ segir
Gunnar Valur.
Fornleifakönnun í sumar
„Við þurfum náttúrlega að finna
út úr því hvort þarna séu fornminjar
áður en við leyfum byggingar á
þessum lóðum,“ segir hann og telur
jafnframt að fornleifakönnunin
þyrfti ekki að taka langan tíma.
Ekki sé búið að ræða við landeig-
endur hvernig málið verði unnið
áfram, en þessar lóðir séu inni á
landareign, sem sé í eigu margra að-
ila.
„Við ætlum að stefna að því að
fara í þessa könnun í sumar. Ef ekk-
ert finnst verða lóðirnar gerðar
byggingarhæfar, en ef eitthvað
finnst verður að skoða það mál nán-
ar,“ segir Gunnar Valur, en á fundi
hreppsnefndar fyrr í mánuðinum
var samþykkt að ganga til samninga
við landeigendurna, um uppbygg-
ingu lóðanna fjögurra, þar sem með-
al annars verði ákveðin kostnaðar-
skipting við fornleifakönnunina á
svæðinu.
Að hans sögn eru þetta hefðbund-
in vinnubrögð hjá Þjóðminjasafni að
senda svona erindi, sem og hrepps-
nefndar að taka við því. „Þetta hefur
ekki gerst áður hjá okkur en menn
eru alltaf að verða betur meðvitaðir
um fornleifar og ýmsar þjóðminjar,
þannig að mér finnst þetta vera
mjög eðlileg viðbrögð frá þeim,“
segir Gunnar Valur og bendir á að
málið sé á ákveðnum byrjunarreit.
Þjóðminjasafnið vill láta
skrásetja fornminjar við Miðskóga
Mögulegt að
Skógtjarnarbær-
inn sé á svæðinu
Bessastaðahreppur
VIÐGERÐ á Háteigskirkju stendur
nú yfir en verið er að endursteypa
burðarsúlurnar undir turnunum.
Að sögn Flosa Ólafssonar hjá
verkfræðistofunni Línuhönnun,
sem hefur með höndum umsjón á
verkinu, var orðið tímabært að taka
súlurnar í gegn. „Það voru komnar
skemmdir í steypuna og það var tal-
in ástæða til að bregðast við því
með því að brjóta þær niður. Það
verður þó gert í áföngum því auð-
vitað er ekki hægt að taka þær allar
í einu. Síðan eru þær endur-
steyptar,“ segir hann en tólf súlur
eru í hvorum turni.
Hann segir verkið vandasamt og
þó nokkra aðgerð. Því miði hins
vegar vel áfram og sé reyndar á
undan áætlun.
Smíða þurfti sérstaka palla utan
á turnana til að verkið gæti farið
fram. „Stillansarnir eru staðfærðir
að þessum kirkjuturnum enda þarf
að haga þessu þannig að þetta sé
sem minnst áberandi og trufli sem
minnst starfsemi í kirkjunni, sem er
í fullum gangi. Til dæmis er verið
að gifta þarna þrisvar til sex sinn-
um á hverjum laugardegi,“ segir
Flosi.
Áætlað er að verkinu verði lokið
15. ágúst en það er Ístak sem sér
um framkvæmdina.
Morgunblaðið/Golli
Súlur endursteyptar
á Háteigskirkju
Hlíðar
„ÞAÐ var merkileg upplifun að
spila fyrir framan jafn sögufræga
staði og Schönbrunnhöll,“ segir
Benedikt Thorarensen, 15 ára
trommuleikari í Skólahljómsveit
Kópavogs, en hljómsveitin er ný-
komin úr ellefu daga ferð um
Austurríki og Ítalíu.
Í ferðina fóru sex fullorðnir og
47 hljómsveitarmeðlimir á aldr-
inum 13-19 ára. Benedikt og
Lydía Ósk Ómarsdóttir, 18 ára
klarínettuleikari, voru meðal
þeirra. Lydía var að fara í fjórða
skipti út með hljómsveitinni, en
Benedikt í það fyrsta og segist
hann stefna á fleiri ferðir.
Að sögn Össurar Geirssonar,
stjórnanda Skólahljómsveitarinn-
ar, eru um 140 félagar í hljóm-
sveitinni, þeir yngstu níu ára.
Þrjár lúðrasveitir eru reknar inn-
an hljómsveitarinnar og er hefð
fyrir að elsta sveitin fari til út-
landa annað hvert ár. „Við höld-
um tónleika og reynum að kynn-
ast menningu landanna. Við
höfum alfarið verið í Evrópu, en
langtímadraumurinn er að fara til
Kína,“ segir Össur og bætir því
við að það taki hljómsveitina tvö
ár að safna fyrir ferðum.
Marserað um götur
Vínarborgar
Að hans sögn var dagskráin í
Austurríki mjög stíf og skipaði
tónleikahald þar stærstan sess. Á
einum tónleikanna fluttu þau nýtt
verk „Suite Arktica II“ eftir Pál
Pampichler Pálsson og var tón-
skáldið á meðal áheyrenda. „Það
var okkur mikill heiður að vera í
fyrsta lagi beðin um að spila þetta
úti í Austurríki og í öðru lagi að
hann skyldi koma að sjá okkur.
Hann stjórnaði þarna líka sinni
eigin útsetningu af „Á Sprengi-
sandi“ eftir Sigvalda Kaldalóns,“
segir Össur.
„Í Vín vorum við þátttakendur í
landsmóti austurrískra blásara-
sveita. „Við vorum alveg ótrúlega
ólík hinum hljómsveitunum. Bún-
ingarnir voru allt öðruvísi. Allir
voru í svona austurrískum þjóð-
búningum,“ segir Lydía.
Þau eru öll sammála um að
einn helsti hápunktur ferðarinnar
hafi verið þegar þau marseruðu
ásamt öllum1800 hljóðfæraleikur-
um, sem tóku þátt í landsmótinu,
um miðborg Vínar. „Það var svo
mikið af fólki að horfa. Allt öðru-
vísi en á Íslandi, fólk raðaðist
meðfram götunum og klappaði.
Það var mikil stemmning hjá
fólkinu, það hafði svo mikinn
áhuga á þessu,“ sagði Lydía og
talið berst að lúðrasveitaáhuga á
Íslandi. Það er samdóma álit
þeirra að lítill áhugi sé á lúðra-
sveitum á Íslandi. Til dæmis séu
það helst foreldrarnir sem sæki
tónleika skólahljómsveitarinnar.
En sveitirnar þrjár koma samtals
fram á bilinu 80-100 sinnum á ári.
Að sögn Össurar var áfangastað-
urinn á Ítalíu Ligniano Sabbia-
doro og var þetta í fyrsta sinn
sem hljómsveitin tók sér sumarfrí
í lok ferðarinnar. „Við ákváðum
núna að pakka öllum tónleikunum
á fyrri hluta ferðarinnar og eiga
svo rólega daga í lokin. Í rauninni
eru þetta líka verðlaun til krakk-
anna fyrir mjög góða frammi-
stöðu undanfarin ár,“ segir hann
og skýrir um leið frá því að þetta
hafi verið vímulaus ferð. „Allir
voru mjög ánægðir með þá
ákvörðun, sem og ferðina alla,“
segir hann að lokum.
Skólahljómsveitin komin úr velheppnaðri Evrópureisu
Á tónleikum við Schönbrunnhöllina en tónlistarmennirnir segja þá hafa verið merkilega upplifun.
Spiluðu „Á Sprengi-
sandi“ Kaldalóns fyrir
Austurríkismenn
Morgunblaðið/Jim Smart
Lydía Ósk og Benedikt voru
kát eftir Evrópuferðina enda
vellukkuð í alla staði.
Kópavogur