Morgunblaðið - 10.07.2001, Blaðsíða 4

BETUR fór en á horfðist þegar
jeppi valt rétt austan við Hvols-
völl á sunnudagskvöld. Kona og
karl voru í bílnum og sluppu þau
ómeidd, sem þau geta þakkað bíl-
beltunum og því að veltigrind var
í stýrishúsi bílsins.
Að sögn lögreglunnar á Hvols-
velli er bíllinn mikið skemmdur,
ef ekki ónýtur.
Talið er að hjólabúnaður hafi
gefið sig, með þeim afleiðingum
að eitt hjólið læstist og missti bíl-
stjórinn við það stjórn á bílnum.
Bíllinn fór í hálfa veltu yfir á
öfugan vegarhelming og segir
lögregla það mikla mildi að ekki
varð árekstur, því stór og öflugur
jeppi var að koma úr gagnstæðri
átt í þann mund sem bíllinn valt,
en ökumaður hans náði að stöðva
bifreið sína í tæka tíð og því varð
ekki meiri skaði af.
Bílbeltin
björguðu
FRÉTTIR
4 ÞRIÐJUDAGUR 10. JÚLÍ 2001 MORGUNBLAÐIÐ

 

 
   
 
 
   


Til sölu Suzuki Vitara JLX 1600
nýskráður 12.03.1998, sjálfskiptur
5 dyra, leðurinnrétting, ekinn 44.000
km. Ásett verð 1.350.000 nánari
upplýsingar hjá Bílaþing Heklu.
SAMNINGANEFND Þroskaþjálfa-
félags Íslands og samninganefnd
ríkisins undirrituðu nýjan kjara-
samning laust fyrir miðnætti á laug-
ardagskvöld á sáttafundi hjá ríkis-
sáttasemjara.
Guðný Stefánsdóttir, talsmaður
Þroskaþjálfafélags Íslands, sagði í
samtali við Morgunblaðið að ánægja
ríkti innan samninganefndar með að
samningur væri loks í höfn. Þórodd-
ur Þórarinsson, varaformaður
Þroskaþjálfafélags Íslands, tók und-
ir orð Guðnýjar og segir sátt ríkja
um samninginn. Hann segir samn-
inginn fela í sér sambærilega upp-
hafshækkun og fólst í samningi
þroskaþjálfa hjá Reykjavíkurborg,
eða um 38%.
Meiri sveigjanleiki
með rammakerfi
Byrjunarlaun þroskaþjálfa miðuð
við 25 ára aldur eru þá komin upp í
143.000 krónur á mánuði en voru áð-
ur 100.001 króna. Þetta er um tveim-
ur þúsundum krónum hærri byrjun-
arlaun en þroskaþjálfar hjá borginni
sömdu um en sá munur jafnast að
sögn Þórodds út með færri aldurs-
þrepum og minni mun á milli launa-
þrepa svo prósentuhlutfallið verður
hið sama. Launaþrepin í nýja samn-
ingnum eru miðuð við lífaldur, en áð-
ur voru þau miðuð við starfsaldur.
„Nú erum við að fara inn í hið svo-
kallaða nýja launakerfi sem ríkið
hefur samið um við BHM og fleiri.
Þetta er rammakerfi sem gefur
meiri sveigjanleika en við höfum áð-
ur haft. Uppbygging launa er tals-
vert öðruvísi þar sem launaprósent-
an verður mismunandi eftir stöðu,
starfs- og lífaldri hvers og eins,“
sagði Þóroddur spurður um helstu
breytingar frá fyrri samningum.
Kjarasamningurinn er eins og fyrr
segir hliðstæður við kjarasamning-
inn sem þroskaþjálfar hjá Reykja-
víkurborg samþykktu með 93,6% at-
kvæða 26. júní sl.
Samningurinn gildir til 30. nóvem-
ber 2004 og verður hann kynntur
félagsmönnum sem starfa hjá ríkinu
á sérstökum kynningarfundum
samninganefndarinnar á næstu dög-
um. Kosið verður um samninginn í
gegnum póstatkvæðagreiðslu en
dagsetning kosningarinnar hefur
ekki verið ákveðin.
Við undirskrift samningsins var
verkfalli þroskaþjálfa hjá ríkinu
frestað til 1. ágúst nk. Einnig var
verkfalli frestað til 1. ágúst hjá
Styrktarfélagi vangefinna, Skálatúni
og Reykjalundi en gengið var frá
kjarasamningi við þær stofnanir hjá
ríkissáttasemjara í gær.
Þroskaþjálfar hjá ríkinu undirrita kjarasamning
Byrjunarlaun verða
143.000 krónur
Morgunblaðið/Sigurður Jökull
Sólveig Steinsson, formaður Þroskaþjálfafélags Íslands, og Þórir Ein-
arsson, ríkissáttasemjari, innsigla nýjan kjarasamning.
JEPPABIFREIÐ festist í Krossá að-
faranótt sunnudags, tveir voru í bíln-
um og sluppu þeir ómeiddir. Að sögn
lögreglunnar á Hvolsvelli fór jeppinn
á kaf á móts við Húsadal fyrri hluta
nætur en ekki barst vitneskja um at-
burðinn fyrr en undir morgun. Menn-
irnir komust út um opna bílrúðu og
náðu synda í land. Mikið var í Krossá
þannig að ekki náðist að draga bílinn
upp úr ánni fyrr en á sunnudagskvöld
þegar dregið hafði úr vatnsstreymi.
Lögreglan telur varhugavert að
menn fari yfir vöð sem þeir ekki
þekkja einbíla um hánótt. Þetta séu
vatnsföll sem breytast og þegar menn
séu þarna á ferð á nóttunni geti verið
langt í hjálp.
Að sögn skálavarðar í Húsadal var
mikil umferð á svæðinu. Margir sneru
reyndar til síns heima á laugardeg-
inum sökum rigningar. Að sögn lögreglunnar á Hvolsvelli er nokkuð um að menn lendi í vandræðum við að fara yfir Krossá.
Jeppi fór
á kaf í
Krossá
JEPPI þeirra Sigurðar Tryggvason-
ar og Lilju Gísladóttur sat fastur í
Hólmsá við Fjallabaksleið syðri í á
þriðju klukkustund á sunnudaginn.
Sigurður sagði í samtali við Morg-
unblaðið í gær að hann hefði því sem
næst verið kominn yfir ána en þá af-
ráðið að snúa við. Á bakaleiðinni
lenti jeppinn hins vegar á jarðföstu
bjargi. Framhjólin fóru upp á stein-
inn og í sama mund gróf áin undan
afturhjólunum þannig að jeppanum
varð ekki hnikað.
Sigurður hringdi þá úr NMT-síma
eftir aðstoð. „Við vorum heppin að ná
sambandi. Þetta er skuggasvæði í
NMT-kerfinu sem er alger hending
að ná símasambandi á,“ sagði Sig-
urður. Hann óð við svo búið í land og
náði í hnullunga sem hann setti undir
framdekkin í þeirri von að þau
myndu ná gripi. Þær tilfæringar
dugðu þó ekki til að losa jeppann.
Þau héldu því til í jeppanum og
biðu eftir hjálp.
Ætluðu í Eldgjá
Aðspurður hvort hætta hefði verið
á ferðum sagði Sigurður að svo hefði
ekki verið. Bíllinn hefði verið alger-
lega skorðaður á bjarginu og e.t.v.
grafist niður um nokkra sentímetra
meðan hann sat fastur í ánni. Hann
hefði aldrei drepið á sér og því hefðu
þau notið ylsins úr miðstöðinni. Eilít-
ið vatn seytlaði reyndar inn í jepp-
ann en hægt var að hleypa því út hlé-
megin. Þá hefði ekki verið neitt mál
að vaða í land hefði til þess komið.
Ferðinni hafði reyndar verið heit-
ið í Eldgjá. „Við ætluðum aldrei að
fara Fjallabaksleið syðri, svo komum
við að skilti sem á stóð Álftavatns-
krókur en ekkert vegnúmer,“ sagði
Sigurður. „Við stoppuðum þarna en
fundum ekkert þessu tengt á kortinu
hjá okkur og héldum bara áfram.
Vorum nýlega búin að mæta svona
sex til sjö bílum og það voru meira
eða minna slyddujeppar eins og ég
er á þannig að við höfðum ekki
áhyggjur af veginum, þannig lagað.
En um leið og við vorum orðin föst
sáum við ekki einn einasta bíl þessa
klukkutíma sem við vorum þarna.“
Talsvert hafði rignt um daginn og
því hafði nokkur vöxtur hlaupið í
Hólmsána.
Sigurður bendir á að áin sé ekki
merkt og því hafi þau í raun ekki vit-
að í hvaða á þau voru föst. Sam-
kvæmt upplýsingum frá Björgunar-
sveitinni Stjörnunni varð slæmt
símasamband á þessum slóðum m.a.
til þess að leiðbeiningar Sigurðar um
staðsetningu jeppans komust illa til
skila. Björgunarsveitin Lífgjöf og
Víkverji voru að auki kallaðar út auk
þess sem lögreglan í Vík í Mýrdal
hóf eftirgrennslan. Björgunarsveit-
irnar komu að Hólmsánni skömmu
fyrir sex og drógu jeppann á þurrt.
Þegar Morgunblaðið ræddi við Sig-
urð í gær hafði hann látið yfirfara
jeppann sem reyndist í góðu standi.
Ferðalaginu var því haldið áfram
eins og ekkert hefði í skorist.
Lögreglan í Vík segir athugandi
hvort ekki megi merkja ár og vöð
betur en nú er gert.
Jeppi fastur í
þrjá tíma í á
Breyting-
ar á útliti
gagna-
safnsins
NOKKRAR útlitsbreytingar
hafa verið gerðar á upphafssíðu
gagnasafns Morgunblaðsins.
Hin helsta er sú að nú er hægt
að velja ýmist efnis- eða orða-
leit á síðunni. Hægt er að fá
frekari upplýsingar um þessar
mismunandi leitarvélar með
því að lesa hjálpartexta sem
finna má á síðunni. Á sömu síðu
má nálgast blað dagsins í hægri
dálki vefjarins. Efnisflokkar
hafa verið lagfærðir lítillega og
dagsetningu viðkomandi blaðs
bætt við efst í dálkinn.
Morgunblaðið