Morgunblaðið - 10.07.2001, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 10. JÚLÍ 2001 VERÐ Í LAUSASÖLU 165 KR. MEÐ VSK.
TÓMAS Guðbjartsson, sérfræðing-
ur í skurðlækningum á Háskóla-
sjúkrahúsinu í Lundi, bendir á í
grein í nýjasta tölublaði Lækna-
blaðsins að enn hafi ekki tekist að
sýna fram á með sannfærandi hætti
að botnlangataka með kviðsjá í stað
opinnar aðgerðar leiði til þess að
sjúklingar séu komnir fyrr til vinnu
eftir aðgerð eða útskrifist fyrr af
sjúkrahúsi. Botnlangataka með
kviðsjá er aðferð sem hefur þekkst
frá árinu 1983 og síðan þá hafa birst
á annað hundrað rannsóknir þar sem
kviðsjáraðgerð er borin saman við
hefðbundna botnlangatöku og eru
þær fæstar gerðar með tilviljunar-
úrtaki.
Langflestar þessara rannsókna
hafa verið kviðsjáraðgerðum í hag,
þar sem sýnt er fram á styttri
sjúkrahúslegu, minni verki, ör og
fylgikvilla en eftir opna aðgerð.
Í grein sinni segir Tómas að nýrri
rannsóknir hafi þó ekki getað stað-
fest yfirburði kviðsjáraðgerða og því
vakni eðlilega sú spurning hvor að-
gerðin sé betri. Hann bendir á að í
greinum sem nýlega hafa birst, þar
sem farið er kerfisbundið yfir rann-
sóknir sem gerðar hafa verið með til-
viljunarúrtaki til að mæla mun á
kviðsjáraðgerðum og opnum botn-
langatökum, hafi niðurstaða höfunda
verið sú að ekki sé hægt að sýna
fram á umtalsverða yfirburði kvið-
sjáraðgerðar. Í rannsóknunum hefur
komið í ljós að verkir voru minni eft-
ir kviðsjáraðgerð og í flestum þeirra
voru sjúklingarnir fljótari að ná
fullri færni eftir aðgerð. Lengd
sjúkrahúsdvalar og fylgikvillar hafi
hins vegar reynst sambærilegir í
báðum hópunum.
Kviðsjáraðgerðir dýrari
Tómas segir í grein sinni að þegar
niðurstöður rannsóknanna séu hafð-
ar til hliðsjónar megi fullyrða að
munur á botnlangatöku með kviðsjá
og opinni aðgerð sé ekki eins mikill
og oft hafi verið haldið fram. Hann
segir kviðsjáraðgerð hafa ákveðna
kosti umfram botnlangatöku, sér-
staklega hvað snerti verki og færni
sjúklinga eftir aðgerð, en hafa beri í
huga að kviðsjáraðgerð sé tímafrek-
ari og dýrari en opin aðgerð. Tómas
telur að síðasta orðið í þessari um-
ræðu hafi ekki verið sagt, en eins og
staðan sé í dag virðist hin aldar-
gamla opna botnlangataka standa
vel fyrir sínu.
Læknablaðið fjallar um ólíkar aðferðir við botnlangatöku
Yfirburðir kviðsjárað-
gerða ekki staðfestir
SÓLIN lét aðeins sjá sig í
Reykjavík í gær. Glöddust
margir yfir því að sjá til sólar,
enda búnir að fá nóg af rign-
ingu undanfarið og nutu veð-
urblíðunnar á sumarklæðum.
Þeirra á meðal var þessi kona
sem sat í sólinni í Nauthóls-
vík.
Morgunblaðið/Jim Smart
Loksins
sólarglæta
EVRÓPSKI kvikmyndasjóðurinn
Eurimages hefur ákveðið að veita
Fálkum, næstu kvikmynd Friðriks
Þórs Friðrikssonar, framleiðslustyrk
að jafnvirði 31 milljónar króna, en
samkvæmt upplýsingum frá íslensku
kvikmyndasamsteypunni er þetta
hæsti styrkur sem sjóðurinn hefur
veitt íslenskri kvikmynd til þessa.
Handritið að Fálkum skrifa Einar
Kárason og Friðrik Þór Friðriksson
og framleiðendur myndarinnar eru
auk íslensku kvikmyndasamsteyp-
unnar, Film and Music entertainment
í Englandi, Filmhuset í Noregi og
Peter Rommel productions í Þýska-
landi.
Áætlað er að tökur hefjist síðla
sumars og fari fram hérlendis og í
Þýskalandi.
Evrópski kvikmynda-
sjóðurinn
Fálkunum
veitt 31 millj-
ón í styrk
VARÐSKIPIN Óðinn og Ægir færðu
fjögur norsk loðnuskip til hafnar í
gær og fyrrakvöld vegna meintra
ólöglegra veiða innan íslensku land-
helginnar. Óðinn kom með skipið
Magnarson til Ísafjarðar á sunnu-
dagskvöld þar sem í ljós kom marg-
faldur munur milli aflatölu í dagbók
skipsins og þeirrar tölu sem gefin var
upp til stjórnstöðvar Landhelgisgæsl-
unnar. Sýslumaðurinn á Ísafirði mun
væntanlega gefa út ákæru á hendur
norska skipstjóranum í dag.
Ægir kom með loðnuskipin Inger
Hildi, Tromsøybuen og Torson til
hafnar á Seyðisfirði síðdegis í gær
vegna meintra brota á lögum um veið-
ar erlendra skipa í íslenskri lögsögu.
Skýrslutökur eiga að hefjast hjá emb-
ætti sýslumanns á Seyðisfirði í dag að
fengnum vitnisburði frá varðskips-
mönnum.
Morgunblaðið/Pétur Kristjánsson
Varðskipið Ægir, sem sést í bakgrunni, sigldi á eftir þremur norskum loðnuskipum til hafnar á Seyðisfirði í gær.
Fjögur norsk skip tekin

Margfaldur/6
VON er á björgunarbátnum Hannesi
Þ. Hafstein frá Sandgerði til hafnar
um hádegisbilið í dag með vélarvana
færeyskan bát.
Hannes fór út um miðjan dag í gær
að sækja bátinn sem, að sögn Tilkynn-
ingaskyldu SVFÍ, var staddur um 100
mílur vest-suð-vestur út af Reykja-
nesi þegar upp kom í honum vélabilun
og óskað var eftir aðstoð.
Í gærkvöldi var björgunarbáturinn
á leið með bátinn til hafnar í Sand-
gerði og bjóst Guðmundur Ólafsson,
formaður Björgunarsveitarinnar Sig-
urvonar, við að landi yrði náð um há-
degi í dag.
„Þetta er 200 tonna bátur frá Fær-
eyjum sem heitir Fuglfirðingur. Þeir
voru svona átta tíma að ná til bátsins
þannig að þeir ættu að ná landi um há-
degisbil, það er góður dráttarkraftur í
Hannesi,“ sagði Guðmundur.
Með vél-
arvana
bát á leið
til landsRÍKISSAKSÓKNARI hefur ákærthálffertugan mann fyrir tilraun til
manndráps, en honum er gefið að sök
að hafa stungið jafnaldra sinn tvisvar
með hnífi þannig að hann hlaut djúp
stungusár aftan og neðan við vinstra
eyra og sár á vinstri síðu. Til vara er
ákært fyrir sérstaklega hættulega
líkamsárás.
Árásin var framin við veitingastað í
Fákafeni í Reykjavík 5. janúar sl. Að
auki er maðurinn ákærður fyrir að
hafa skömmu eftir árásina kastað
hnífnum í átt að manni sem elti hann
uppi eftir árásina og þannig stofnað
honum „í augljósan háska á ófyrirleit-
inn hátt“, eins og segir í ákærunni.
Maðurinn var handtekinn um hálf-
tíma eftir árásina og var síðan úr-
skurðaður í gæsluvarðhald til 9.
febrúar. Hann hefur síðan sætt far-
banni.
Ákærður
fyrir til-
raun til
manndráps
♦ ♦ ♦
♦ ♦ ♦
MAÐUR á fertugsaldri slasaðist lít-
illega þegar hann datt á reiðhjóli eftir
að hafa hjólað á gangstéttarbrún við
Njálsgötu í Reykjavík snemma í gær-
kvöldi. Að sögn vakthafandi læknis á
slysadeild Landspítala – Háskóla-
sjúkrahúss í Fossvogi hlaut maðurinn
skurð á enni en hann mun hafa verið
nokkuð við skál þegar óhappið átti sér
stað. Maðurinn fékk svo að fara heim
þegar gert hafði verið að sárum hans.
Hífaður hjól-
reiðamaður
slasaðist