Morgunblaðið - 10.07.2001, Blaðsíða 13

AKUREYRI
MORGUNBLAÐIÐ ÞRIÐJUDAGUR 10. JÚLÍ 2001 13
HÖNNUN á nýju heimavistarhúsi
við Menntaskólann á Akureyri er
lokið en um er að ræða nemenda-
garða fyrir báða framhaldsskólana
á Akureyri, MA og Verkmennta-
skólann á Akureyri.
Til stóð að hefja framkvæmdir í
sumar en í ljós kom að bjóða verður
smíði hússins út á Evrópska efna-
hagssvæðinu. Við það tefst smíði
hússins um eitt ár og lýkur því ekki
fyrr en árið 2003 í stað þess að því
átti að vera lokið á næsta sumri.
Nýju nemendagarðarnir eru
fyrstu nemendagarðar fyrir fram-
haldsskólanemendur sem reknir
verða af sjálfstæðu rekstarfélagi,
sjálfseignarstofnuninni Lundi.
Í kjölfar þess að nýju nemenda-
garðarnir rísa verður unnt að bjóða
fólki af höfuðborgarsvæðinu og
raunar landinu öllu að stunda nám á
Akureyri.
Húsið mun rísa austan við núver-
andi heimavistarhús, í Stefáns-
lundi. Það er 4.800 fermetrar að
stærð og að mestu fimm hæðir en
að nokkrum hluta verður það á sex
hæðum. Alls verða þar 123 her-
bergi, flest tveggja manna, um 30
fermetrar með baði og eldunarað-
stöðu, síma, sjónvarpi og tenging-
um fyrir fjölmiðlun og upplýsinga-
tækni. Dvalarrými verður fyrir 330
manns í þessum nýju nemenda-
görðum.
Íbúðalánasjóður lánar 90% af
byggingarkostnaði en menntamála-
ráðuneytið og Akureyrarbær
leggja fram 10% kostnaðar.
Aðalhönnuður nemendagarðanna
er Fanney Hauksdóttir arkitekt.
Hönnun nemendagarða fyrir Menntaskólann og Verkmenntaskólann lokið
Verkið tefst um eitt
ár vegna útboðs á
EES-svæðinu
Tölvugerð þrívíddarmynd af nemendagörðunum, núverandi vist og ný-
byggingunni, eins og séð væri úr norðaustri.
Nemendagarðarnir, núverandi vist (til vinstri) og nýbyggingin, eins og
séð væri úr suðri. Þar myndast þetta torg og nýr inngangur.
SVIPAÐUR fjöldi nemenda sótti um
námsvist á fyrsta ári í Menntaskól-
anum á Akureyri á næsta skólaári og
var í fyrra, eða um 190 nemendur.
Tryggvi Gíslason skólameistari
sagði að færri nemendur hefðu horfið
frá námi í kjölfar verkfallsins síðasta
vetur en búist hefði verið við, þannig
að ásókn þeirra væri ekki eins mikil
og menn hefðu talið að yrði þá. Hann
sagði árganginn sem nú kæmi inn í
framhaldsskólana óvenju lítinn og
svo yrði einnig á þarnæsta skólaári.
Heimavist skólans er fullsetin og þar
komust færri að en vildu.
Hjalti Jón Sveinsson, skólameist-
ari Verkmenntaskólans á Akureyri,
sagði að nemendur yrðu álíka margir
á næsta skólaári og var á því síðasta
eða á ellefta hundrað talsins. Nýnem-
ar væru eitthvað færri en á síðasta
ári vegna þess hve fámennur árgang-
urinn væri en á móti kæmi að nem-
endur, sem hætt hefðu námi í verk-
fallinu í fyrra, kæmu inn í skólann á
ný.
Framhaldsskólarnir
á Akureyri
Svipaður
fjöldi
nýnema og
í fyrra
Í FEÐRANNA slóð er vinnuheiti á
heimildakvikmynd um búferlaflutn-
inga fólks úr Svarfaðardal yfir í
Skagafjörð fyrir einni öld. Það er
Jón Garðarsson bóndi á Neðra-Ási í
Skagafirði sem á hugmyndina.
Jón segir að á næsta ári verði lið-
in um 100 ár síðan langafi hans og
langamma Jón Zophoníasson og
Svanhildur Björnsdóttir fluttu frá
Bakka í Svarfaðardal að Neðra-Ási
í Hjaltadal í Skagafirði, og á þeim
tíma hafi fólk ekki haft önnur ráð
en fara stystu leið með pjönkur sín-
ar og búsmala og í þeirra tilfelli
hafi verið yfir Heljardalsheiði að
fara, og það var raunar leið margra
fleiri. Jón segir að sér hafi fyrir
löngu dottið í hug að minnast þess-
ara 100 ára búferlaflutninga á ein-
hvern hátt, t.d. með því að fara með
afkomendur þeirra Jóns og Svan-
hildar þessa sömu leið og sjá hvern-
ig til tækist. Sl. vetur sótti hann
nám við ferðamálabraut Hólaskóla,
þar sem hann varpaði þessari hug-
mynd fram, hún hafi fallið í góðan
jarðveg. Í framhaldinu hafi verið
ákveðið að kanna hvort mögulegt
væri að kvikmynda slíka för, sem
menningarsögulega heimild um
þessar ferðir. Um er að ræða sam-
starfsverkefni Jóns, Ferða-
málabrautar Hólaskóla, Byggða-
safnsins á Glaumbæ og
félagsskapar sem kallar sig Búálfa
auk þess sem verkefnið er stutt af
Hestamiðstöð Íslands.
Í vikunni var svo lagt upp í eins-
konar tilraunaferð, til að skoða
hvort unnt væri að gera slíka ferð
þannig úr garði að hægt væri að
kvikmynda hana.
Allt var sviðsett á sem nákvæm-
astan hátt. Jón bóndi rölti af stað
frá Koti í Svarfaðardal með 2 trúss-
hesta og kvígu í taumi, áleiðis yfir
Helju. Upphaf ferðarinnar var kvik-
myndað, og síðan átti að kvikmynda
er hann kæmi niður að vestanverðu.
Í vetur verður unnið úr myndefninu
og þá skýrist hvort af gerð kvik-
myndarinnar verður á næsta sumri.
Jón sagði að hvort sem af kvik-
myndagerð yrði eður ei, myndi
hann setja upp ferð fyrir afkom-
endur Jóns og Svanhildar í júlí 2002
þar sem reynt yrði að hafa allt sem
líkast því og var fyrir 100 árum.
Mynd um
búferlaflutn-
inga úr
Svarfaðardal
Ljósmynd/Helgi Jónsson
Ólafsfjörður
HÁANNATÍMI er nú hjá fóður-
verksmiðjunni Laxá á Akureyri og
fóður framleitt frá morgni til
kvölds.
Fyrirtækið átti tíu ára afmæli nú
fyrir skömmu og var haldið upp á
það að viðstöddu fjölmenni.
Meðal þeirra sem þar komu voru
fulltrúar frá Danafeed í Dan-
mörku, en þeir hafa sýnt kaupum á
verksmiðjunni áhuga að sögn Val-
gerðar Kristjánsdóttur fram-
kvæmdastjóra. Verksmiðjan er að
mestu leyti í eigu KEA og
Akureyrarbæjar. Fulltrúar Dana-
feed voru á ferð á Akureyri fyrir
síðustu jól og föluðust eftir kaup-
um á verksmiðjunni en þá var KEA
ekki tilbúið að selja sinn hlut. Val-
gerður sagði að hjá Danafeed væri
framleitt fóður fyrir ýmsar tegund-
ir fiska, m.a. lúðu, en þeir væru
ekki sterkir í laxafóðri.
Aukin umsvif framundan
Laxá hefur gert samning um
sölu á 1.500 tonnum af fóðri til
Færeyja og hefur þegar afhent 600
tonn upp í samninginn. Valgerður
taldi nokkuð víst að hægt yrði að
selja meira fóður til Færeyja en
samningurinn segir til um. „Ég hef
trú á því að þeir kaupi meira af
okkur, mér sýnist þeir vera tilbún-
ir til þess,“ sagði hún.
Þá er hún einnig bjartýn á fram-
tíð fyrirtækisins á þessum tíma-
mótum, enda væri fiskeldi að
aukast á Íslandi og því fylgdu auk-
in umsvif fyrir verksmiðjuna.
„Fyrirtækið hefur gengið vel og
við erum bjartsýn á framhaldið.
Enda höfum við á að skipa góðu
starfsfólki, en það er fyrirtækinu
mikilvægt,“ sagði Valgerður.
Morgunblaðið/Rúnar Þór
Valgerður Kristjánsdóttir framkvæmdastjóri og Þuríður Vilhjálmsdótt-
ir skrifstofustjóri Laxár ánægðar á tímamótum fyrirtækisins.
Danir sýna verk-
smiðjunni áhuga
Fóðurverksmiðjan Laxá 10 ára
DAGSKRÁIN „Á slaginu sex“ sem
stendur yfir á vinnustofum Aðalheið-
ar S. Eysteinsdóttur og Jóns Lax-
dals Halldórssonar í Kaupvangs-
stræti 24 á Akureyri heldur áfram
fram í næstu viku.
Heimir Hlöðversson sér um dag-
skrána í dag, þriðjudag, Sigurður
Jónsson á morgun, Stefán Vilhjálms-
son á fimmtudag, Sigurður Ólafsson
á föstudag, Jan Voss á laugardag,
Valgerður Jónsdóttir á sunnudag og
Jón Laxdal Halldórsson næstkom-
andi mánudag.
Á slaginu sex
FYRIRTÆKIÐ VSÓ Ráðgjöf
Akureyri ehf. hefur skipt um nafn
og heitir nú Rekstrarráðgjöf Norð-
urlands ehf.
Ákveðið var að breyta nafni fyr-
irtækisins þegar breytingar urðu á
eignarhaldi þess. Engar breytingar
verða á starfsemi félagsins og það
hefur sömu kennitölu, símanúmer
og heimilisfang og áður en það er
til húsa að Glerárgötu 28 á Ak-
ureyri.
Rekstrarráðgjöf Norðurlands
vinnur að alhliða rekstrarráðgjöf,
s.s. endurskipulagningu, stefnu-
mótum, verkefnastjórnun, hagræð-
ingu í rekstri og gerð viðskipta-
áætlana. Einnig hefur félagið unnið
að ýmsum úttektum, bæði fyrir hið
opinbera og félagasamtök, s.s.
samanburð á kostnaði og árangur í
leikskóla og grunnskóla og úttekt
og stefnumótun á sviði umhverf-
ismála fyrir Landssamband ís-
lenskra útvegsmanna. Þá hefur
fyrirtækið einnig unnið talsvert
fyrir erlenda aðila á sviði sjávar-
útvegs.
Rekstrarráðgjöf Norðurlands er
í samstarfi við Arkitekta- og verk-
fræðiskrifstofu Hauks og Endur-
skoðun Norðurlands hf. á Akureri
og í Reykjavík við Deloitte &
Touche og VSÓ Ráðgjöf.
Samstarfið gerir félaginu kleift
að bjóða þjónustu á breiðu sviði og
einnig gerir þetta samstarf félag-
inu fært að taka að sér stór verk-
efni sem krefjast samstarfs sér-
fræðinga á ýmsum sviðum.
VSÓ Ráðgjöf verð-
ur Rekstrarráðgjöf
Norðurlands ehf.
FÉLAGAR í Veðurklúbbnum á
Dalbæ mæla með því að fólk
taki eftir veðrinu næsta föstu-
dag, 13. júlí, en þá byrja hunda-
dagar og eins er Margrét-
armessa hin fyrri þann dag.
Verði veður gott þann dag má
gera ráð fyrir að svo verði um
hundadagana alla. Veður þann
dag þykir líka geta skipt sköp-
um hvað haustið varðar, en ef
rignir umræddan dag boðar
það vott haust. Jakobsmessa er
25. júlí og ef þá verður þurrt og
bjart boðar það að góð nýting
verði á heyjum. En ef bjart sól-
skin er allan daginn verður
næsti vetur harður og kaldur.
Veðurklúbburinn
á Dalbæ
Gott veður
á föstudag
boðar góða
hundadaga