Morgunblaðið - 10.07.2001, Blaðsíða 42

42 ÞRIÐJUDAGUR 10. JÚLÍ 2001 MORGUNBLAÐIÐ






 


     

     
 

   



   

 !   " 
  
  !
   $


   
 &        BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
HAGMÆLTIR og bragfærir Ís-
lendingar skipta ugglaust þúsund-
um og vísnavinir tugþúsundum.
Húsfyllir er á öllum hagyrðingasam-
komum og ekki er til svo aumt hér-
aðsfréttablað að það haldi ekki úti
vísnaþætti og hann jafnan vinsæl-
astur efnis.
Um þetta get ég borið enda haft
töluverð afskipti af slíkum skrifum í
vestfirskum blöðum. Því undrast ég
að hið þjóðlega Mbl. – blað allra
landsmanna – skuli ekki sinna þess-
um vinsæla þætti menningararfsins
meira en raun ber vitni.
Ég þakka lesendum fyrir fram-
úrskarandi uppörvandi viðbrögð
vegna „Vísnabréfs að vestan“ frá 11.
febrúar í vetur. Enn er verið að
hringja og hvetja mig til framhalds
og er sem fyrr illt að eggja óbil-
gjarnan.
Enn skal róa á Moggamið
mæra garpa snjalla,
einnig hrella við og við
valdadellukalla.
Aðalsteinn Valdimarsson á Stand-
seljum við Djúp horfði á Ólympíu-
leikana í Melbourne.
Víst það bætir basl og vos
breyskri þjóð til sóma,
þetta Völu bjarta bros
bronspenings í ljóma.
Kristnihátíð taldi út um páskana
og var vegin og metin af spekingum
þar á meðal Aðalsteini.
Kristnihátíð bágt var brall,
biskup flaut í tárum.
Mátti þola messufall,
mest á þúsund árum.
Og þessi heilræði eru Aðalsteins.
Láttu hljótt þó lifir dátt.
Lít ei fljótt á matið grátt.
Veittu þrótt til minni mátt.
Mættu drótt með sinnið kátt.
Megas fékk móðurmálsverðlaun
kennd við Jónas Hallgrímsson.
Ein hefur nefnd á ísafold
öðlast stimpil sóða.
Lítilsvirt er, lágt í mold
listaskáldið góða.
Hæstiréttur er stöðugt umræðu-
efni.
Forðum hlífði Hæstarétti
heillrar þjóðar fylgd og trú.
Að lýðhyllinni lúa setti.
Lægstiréttur kallast nú.
Útskýringabréf og símtöl vegna
dóma eru varasöm hjá slíkri stofnun
sem Hæstarétti.
Það er meira en meðaltjón,
marga hljóða setti,
ef er bæði fól og flón
að finna í Hæstarétti.
Ekki var það fagurt sem lesa
mátti milli línanna hjá Steingrími
Hermannssyni um eftirmann hans
hjá Framsókn.
Ættarkvóta kreistir fast,
knúinn ágrind nægri.
Þolir betur lof en last.
Leitar stíft til hægri.
Lítið hefur mörgum þótt leggjast
fyrir sama kappa í þjóðhagsstofu-
málinu.
Halldór er til fremdar fús,
feginn vildi líkjast kletti.
Er sem lafhrædd, örsmá mús
undir Davíðs fjalaketti.
Kristjáni Árnasyni á Skála fannst
þjóðhagsstofumálið athyglisvert,
enda fyrrverandi framsóknarmaður.
Dabbi kóngur byrsti sig og rak þá alla út,
þar megið þið sitja í þjóðhagslegum hnút.
Ég get stjórnað sjálfur og spáð með
spekingum.
Spyrjið bara hann Dóra? Og Dóri sagði:
Humm.
Pétur Blöndal er salt Alþingis,
svo sem í Öryrkjamálinu.
Að öryrkjarnir eigi bágt
er alger haugalygi.
Á okkar kostnað liggja lágt
í leti og fylliríi.
Svo kom vorið og ráðherraskipti.
Í nótt kom vorið og guðaði á gluggann
minn
um garðinn hoppa þrestir léttir á fæti.
Og Framsókn gömlu eykst líka ásmegin,
því Austfjarðaþokan er komin í
ráðherrasæti.
Og ekki má Ingibjörg liggja óbætt hjá
garði.
Ingibjörg var ósköp góð
að annast veika og sára
og þetta litla þolinmóð
að þjóna undir Kára.
Í vor átti landsfaðirinn áratugs
valdaafmæli.
Ríkir Davíðs ógnaröld,
alltaf harðnar glíman.
Þó er víst að karlsins kvöld
kemur, einhverntíman.
Og alltaf er Davíð að koma þjóð-
inni í opna skjöldu svo sem með
skipan í Seðlabankaráð.
Davíð heiðrar héppann sinn.
Hann má það með sanni.
Þetta er mesta þægðarskinn
og þýlyndari en Tanni.
Framsóknarmenn á flokksþingi
brýndu róminn gegn Vinstri græn-
um. Hér er andsvar.
Menguð er orðin og mosagræn,
markvisst stefnir að eigin bana.
Hvorki elskuð né umhverfisvæn,
ástæðulaut að friða hana.
Veiðar smábáta hafa verið mjög í
brennidepli hér á Vestfjörðum und-
anfarið. Hér er barnagæla frá of-
anverðri síðustu öld.
Ýtum hverri fleytu á flot,
feðra rækjum vana.
Og svo hausum eins og skot
alla sægreifana.
Rímsins vegna má alveg eins
setja ráðherrana í endi fjórðu hend-
ingar.
Og svo slæ ég botninn í með þessu
almenna viðhorfi Vestfirðinga.
Ríkisstjórnar sveltisið
seint til laga metum
og því róum út á mið
eins og framast getum.
INDRIÐI AÐALSTEINSSON,
Skjaldfönn v/Djúp.
Vísnabréf
að vestan II.
Frá Indriða Aðalsteinssyni: