Morgunblaðið - 12.07.2001, Blaðsíða 2
FRÉTTIR
2 FIMMTUDAGUR 12. JÚLÍ 2001 MORGUNBLAÐIÐ
Fylgstu
með
nýjustu
fréttum
www.mbl.isSkíðalandsliðið í alpagreinum
í óvissuferð/B1
Skagfirðingar ætla sér sigur á
landsmóti UMFÍ/B4
4 SÍÐUR16 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
SKIPSTJÓRUM norsku loðnuskipanna þriggja,
sem varðskipið Ægir fylgdi til hafnar á Seyðis-
firði á mánudag, var birt ákæra fyrir Héraðsdómi
Austurlands í gær. Skipstjórarnir eru ákærðir
fyrir að hafa veitt loðnu innan íslenskrar land-
helgi, þegar þeir höfðu tilkynnt að veiðin hafi far-
ið fram í grænlensku landhelginni. Þeir kváðust
vera saklausir af ákæruatriðum, sögðu að þeirra
staðsetningartæki hefðu gefið til kynna að þeir
væru innan grænlenskrar landhelgi.
Fyrr um daginn var kyrrsetningu skipanna
þriggja aflétt, gegn 31,5 milljóna króna tryggingu
fyrir sekt, sakarkostnaði og upptöku afla. Eftir að
bankatrygging hafði verið afhent lögreglu sigldu
skipin áleiðis til Noregs. Útgerð Torsons greiddi
tæpar 12 milljónir í tryggingu, útgerð Troms-
øybuen tæpar 11 milljónir og útgerð Inger Hildar
tæpar 9 milljónir.
Í gær fór dómskvaddur matsmaður um borð í
skipin til að meta verðmæti aflans, sem var met-
inn á 7.500 kr. tonnið. Samtals voru 2.600 tonn af
loðnu í skipunum þremur og er verðmæti aflans
því um 20 milljónir króna.
Lárus Bjarnason, sýslumaður á Seyðisfirði,
sagði í samtali við Morgunblaðið að rannsókn
málsins væri lokið. Teldist málið upplýst af hálfu
sýslumannsembættisins og væri það dómstóla að
ákvarða hvernig því myndi lykta.
Í ákæruskjölum segir að skipin hafi verið frá
þremur til níu sjómílum innan íslensku landhelg-
innar, þótt aflinn hafi verði skráður í þeirri græn-
lensku. Gerð er krafa um að þeir verði dæmdir til
að þola upptöku andvirði aflans og dæmdir til
sekta og greiðslu sakarkostnaðar, að sögn Jón-
asar A. Þ. Jónssonar, lögmanns norsku útgerð-
anna.
Jónas segir að um prófmál sé að ræða, ekki hafi
áður verið dæmt í staðsetningarmáli hér á landi
og að í ljós eigi eftir að koma hvort ákæruvaldið
geti sannað að mælitæki Landhelgisgæslunnar
séu réttari en mælitæki norsku skipanna.
Fjareftirlit á tölvutæku formi
Landhelgisgæslan fylgdist með ferðum skip-
anna með fjareftirliti. Einnig voru afladagbækur,
leiðabækur og önnur gögn borin saman, að sögn
Halldórs Nellett, skipherra og yfirmanns gæslu-
framkvæmda Landhelgisgæslunnar. Hann segir
að gögn um ferðir skipanna séu til á tölvutæku
formi. Einnig segir hann tækin mjög nákvæm og
að ekki eigi að vera nein skekkja í þeim. Halldór
segir að skipstjóri á Torson, þó ekki sá sami og
hefur nú verið ákærður, hafi áður fengið á sig
dóm í Noregi og þá hafi fjareftirlit Norðmanna
verið notað til að færa sönnur á sekt hans.
Jónas segir að þar sé ekki um sambærilegt mál
að ræða, þá hafi ferill skipsins á rúmsjó ekki verið
rakinn, þar sem skipið hafi aldrei farið úr höfn.
Skipstjórinn hafi aftur á móti fullyrt að skipið hafi
farið á miðin.
Milliþinghald í málinu, sem er þinghald til und-
irbúnings aðalmeðferðar, hefst 11. ágúst. Jónas
segist búast við því að aðalmeðferð málsins hefjist
í september. Hann segir óvíst hvort skipstjór-
arnir sjálfir mæti fyrir dómara þegar málið verð-
ur dómtekið. Það verði ákveðið í haust og sé
ómögulegt að segja til um það á þessu stigi. Tekin
hafi verið af þeim ítarleg skýrsla hjá lögreglu og
þeir hafi lýst yfir sakleysi við þingfestingu.
Skipstjórarnir sögðu í samtali við Morgunblað-
ið að þeir teldu að rannsókn málsins hafi tekið
alltof langan tíma og engan veginn væri verið að
hugsa um þau aflaverðmæti sem í húfi væru.
„Vonandi er ekki verið að hefna gamalla harma úr
Smugudeilunni,“ sagði Holgeir Angell, skipstjóri
Tromsøybuen.
Í Morgunblaðinu í gær var sagt frá því að sjáv-
arútvegsráðherra Noregs, Otto Gregussen, sé
vonsvikinn yfir því að norsk hringanótaskip hafi
verið tekin fyrir brot á veiðireglum í íslenskri
landhelgi og að hann telji fulla ástæðu til að reið-
ast útgerðarmönnunum. Skipstjórarnir vildu ekki
tjá sig sérstaklega um ummæli ráðherrans.
„Hann verður að sjálfsögðu að gera það sem hon-
um þykir réttast,“ sagði Angell. „Það veldur okk-
ur þó vissulega vonbrigðum að hann skuli ekki
standa við bakið á okkur.“
Kyrrsetningu norsku loðnuskipanna aflétt gegn rúmlega 30 millj. tryggingu
Skipstjórarnir neituðu sök
RÚMLEGA tvítugur Fáskrúðs-
firðingur, Sigurður Ægir Ægis-
son, komst í hann krappann á
þriðjudagskvöld þegar sendiferða-
bíll sem hann ók rann um 20 metra
leið niður snarbratta hlíðina við
Vattarnesskriður milli Fáskrúðs-
fjarðar og Reyðarfjarðar.
Tildrög slyssins voru þau að
grjót hrundi á veginn fyrir framan
bílinn og aftan. Sigurður Ægir
náði ekki að beygja frá og ók á
grjótið þannig að sprakk á fram-
dekki. Fyrst í stað náði hann að
halda bílnum meðfram veginum,
utan vegar, en til að bíllinn ylti
ekki tók hann stefnuna beint niður
skriðurnar. Þarna er mjög stór-
grýtt, en honum tókst að halda
bílnum á öllum hjólum. Sigurður
Ægir var einn í bílnum og slapp án
nokkurrar skrámu. Hann segir bíl-
inn vera ótrúlega lítið skemmdan.
Lögreglan á Fáskrúðsfirði telur
það kraftaverk að Sigurði Ægi hafi
tekist að koma í veg fyrir að bíllinn
ylti. „Ég hlýt að hafa fengið ein-
hverja hjálp við þetta,“ segir Sig-
urður Ægir. Hann segist ekki hafa
verið hræddur, en hafi þó fengið
svolítið áfall eftir á. „Ég var bara
feginn að sleppa heill,“ sagði hann.
Sigurður Ægir er atvinnubíl-
stjóri og ekur fyrir Samskip. Þeg-
ar Morgunblaðið náði tali af hon-
um var hann kominn aftur undir
stýri og segist hann ekkert vera
smeykur við að fara skriðurnar
þrátt fyrir óhappið. Hann segir
skriðurnar þó vera leiðinlegar, þar
sé mikið grjóthrun og á veturna
falli þar oft snjóflóð. Til stendur að
gera göng milli Reyðarfjarðar og
Fáskrúðsfjarðar, en Sigurði Ægi
finnast göngin ekki koma nógu
snemma.
„Ég veit ekki eftir hverju þeir
eru að bíða. Það á bara að fara af
stað með borinn, það hafa nokkur
banaslys orðið þarna,“ segir hann.
Lögreglan segir að mikið hafi
verið um grjóthrun úr klettunum
fyrir ofan veginn á þessum kafla
nú í vor og í sumar.
Sendiferðabíll rann um 20 metra
leið niður snarbrattar skriður
Kraftaverk að
bíllinn valt ekki
INGIBJÖRG Sólrún Gísladóttir
segir til greina koma að skoða flutn-
ing hinnar staðbundnu löggæslu frá
ríkinu til borgarinnar.
Í nýútkominni skýrslu samstarfs-
hóps um miðborgarmál kemur fram
að ofbeldisverkum í borginni hafi
fjölgað verulega á undanförnum ár-
um og sérstaklega þeim sem eru al-
varlegs eðlis. Ingibjörg bendir í
þessu sambandi á samþykkt borgar-
ráðs um að þjónustuþörf borgarbúa
fyrir löggæslu verði metin.
Í skýrslunni er sett fram sú hug-
mynd að það verði tekið til athug-
unar hvort löggæsla í Reykjavík
flytjist frá ríki til borgar ef lögreglan
getur ekki veitt þá þjónustu sem
borgaryfirvöld telja nauðsynlega til
að unnt sé að tryggja öryggi borg-
aranna.
Ingibjörg segir athugandi að
skoða þessa hugmynd nánar. „Árið
1995 óskuðum við eftir viðræðum við
dómsmálaráðuneytið um að flytja
hina staðbundnu lögreglu til borg-
arinnar og vildum gera það sem lið í
verkefni reynslusveitarfélaga,“ segir
hún. „Því var reyndar hafnað á þeim
tíma en ég tel að það komi alveg til
álita að skoða það aftur vegna þess
að ég tel að það sé orðin uppsöfnuð
óánægja hjá borgarbúum og raunar
borgaryfirvöldum með löggæslumál-
efni í borginni því lögreglan hefur
ekki nægan styrk til að takast á við
þau margvíslegu verkefni sem hún
þarf að sinna. Það þarf einfaldlega að
efla löggæsluna.“
Ekki samboðið
neinu samfélagi
Í skýrslunni er nokkuð komið inn
á þau vandræði sem stafa af geðfötl-
uðum einstaklingum og ógæfumönn-
um sem eiga ekki í nein hús að
venda. Í ályktun sem Geðhjálp hefur
sent frá sér segir að sumarlokanir
geðdeilda komi hart niður á geðsjúk-
um og aðstandendum þeirra.
„Ef um er að ræða geðfatlaða ein-
staklinga þá er það ekki samboðið
neinu samfélagi að það fólk sé á göt-
unni,“ segir Ingibjörg um þetta.
„Heilbrigðis- og félagsþjónustan
verða að taka sameiginlega á því
máli.“
Borgarstjóri um löggæslumál í borginni
Má skoða hvort lög-
gæslumál yrðu á
forræði borgarinnar
Grófum líkamsmeiðingum/14
Á SUÐURLANDI vinna bændur
hörðum höndum við heyskap þessa
dagana, enda brakandi þurrkur. Á
flestum bæjum voru bændur og
búalið úti við í gær og nýttu góða
heyskapartíð en myndin er tekin
við Hlíðarenda í Ölfusi.
Næsta sólarhringinn segir Veð-
urstofa Íslands að gera megi ráð
fyrir skúrum á Suðurlandi og setur
það vonandi ekki of mikið strik í
reikninginn hjá bændum, enda hafa
þeir örugglega nýtt vel blíðuna
undanfarið. Veðurstofan gerir ráð
fyrir vætu eftir helgi.
Morgunblaðið/Árni Sæberg
Brakandi
þurrkur á
Suðurlandi