Morgunblaðið - 12.07.2001, Blaðsíða 6

FRÉTTIR
6 FIMMTUDAGUR 12. JÚLÍ 2001 MORGUNBLAÐIÐ
Við bjóðum ódýra gistingu í sumar.
Upplýsingar í síma 430 3100.
Fagurt umhverfi
- Steinsnar frá höfuðborginni
HÓTEL
GLYMUR
HVALFJARÐARSTRÖND
Sími 430 3100 - Fax 430 3101 - info@hotelglymur.is - www.hotelglymur.is

Námskeið

Tímamót

Brúðkaup

Fundi

Ráðstefnur

Námstefnur
Einnig bjóðum við aðstöðu fyrir:
ÁRNI Már Waage
prentmyndasmiður lést
á Mallorka 6. júlí síð-
astliðinn á 59. aldurs-
ári.
Árni fæddist í
Reykjavík 21. janúar
1942. Foreldrar hans
voru Magnús Guð-
mundsson Waage, bif-
reiðarstjóri í Reykja-
vík, og Jóhanna
Sveinsdóttir.
Hann hóf nám í
prentmyndagerð við
Iðnskólann í Reykjavík
1961 og lauk því í sept-
ember árið 1964. Hann starfaði um
árabil hjá Myndamótum og síðar
Morgunblaðinu, síð-
ustu árin við mynd-
vinnslu á auglýsinga-
deild Morgunblaðsins.
Eftirlifandi eigin-
kona Árna er Sigríður
Jóhanna Gísladóttir og
eignuðust þau átta
börn, 7 dætur og einn
son. Barnabörn þeirra
eru 24 og barnabarna-
börn tvö.
Morgunblaðið þakk-
ar Árna Waage fyrir
farsæl störf á langri
samleið og sendir eig-
inkonu hans, börnum
og aðstandendum innilegar samúð-
arkveðjur.
Andlát
ÁRNI MÁR
WAAGE
ÞAÐ er ekki á hverjum degi sem
síldartorfur sjást í höfninni í Þor-
lákshöfn, en þessa dagana er sann-
arlega mikið um silfur hafsins þar.
Hallgrímur Erlendsson, starfs-
maður Járnkarlsins í Þorlákshöfn,
kom auga á mikið af síld í höfninni í
fyrrakvöld. Sjálfur veiddi hann
þrjár litlar og eina stóra, sem
mældist 21 sentimetri. Hann dró þá
ályktun að þarna væru tveir ár-
gangar á ferð.
Hallgrímur segir að þetta sé
mjög sjaldgæf sjón, hann viti alla-
vega ekki til þess að síldin hafi birst
áður á þessum stað. Hún hafi komið
nálægt en aldrei alveg inn í höfn-
ina. „Ég man þegar ég var krakki
þá kom loðna hingað inn, hún geng-
ur alltaf framhjá á hverju ári og
loðnuskipin eru hérna alveg uppi í
hafnarkantinum að veiða. En ég hef
aldrei séð síld hérna áður,“ segir
Hallgrímur.
Að hans sögn hefur súlan verið
óvenju mikið á sveimi síðustu tvær
vikur, enda mikið um æti nú með
komu síldarinnar. Hann segir að
best sé að sjá síldina á kvöldin, þá
glytti í hana og hægt sé að telja
hana. „Svo hverfur hún eins og
dögg fyrir sólu þegar maður hendir
smásteini út í,“ segir Hallgrímur.
Yngri síldin heldur
sig nær landi
Hjálmar Vilhjálmsson, fiskifræð-
ingur á Hafrannsóknarstofnun, tel-
ur að þetta sé ung síld og það geti
vel passað að þarna séu tveir ár-
gangar á ferð. „Það er mjög stór
árgangur í uppvexti 1999 og líka í
árgangnum 1998. Þegar svona stór-
ir árgangar eru að vaxa upp geta
þeir birst nánast hvar sem er og
líka inni í höfnum,“ segir Hjálmar,
en bendir á að reyndar hafi smáa
síldin þá tilhneigingu að halda sig
nálægt landi, gagnstætt því sem sé
með þá eldri.
Að Hjálmars sögn vex síld upp á
ýmsum stöðum við landið, mjög
mikið í fjörðum fyrir norðan, á
Vestfjörðum, inni á Breiðarfirði,
austanlands og svo framvegis, en
líka stundum á svæðinu sitthvorum
megin við Þorlákshöfn. Hann telur
hins vegar að síldin hafi villst inn í
höfnina sjálfa.
„Hafnir eru yfirleitt ekki taldar
heppilegur staður fyrir síldar-
torfur. Einn svona merkilegur upp-
vaxtarstaður er Eyjafjörður og
jafnvel Pollurinn, innan við Odd-
eyrartangann. Það er oft svona
smásíld þar og þegar niðursuðu-
verksmiðja K. Jónssonar var þar þá
suðu þeir meðal annars niður þessa
smásíld og seldu sem sardínur,“
segir Hjálmar.
Síldin er íhaldssöm
Hann segir að ekki sé talið snið-
ugt að veiða smærri síld en 25 senti-
metra, en þá sé hún orðin þriggja
eða fjögurra ára. Þetta sé því fram-
tíðin sem þarna sé um að ræða.
„Mér þykir það ákaflega senni-
legt að síldin hverfi þarna fljótt úr
höfninni, annars er erfitt að segja
til um síldina, hún er að sumu leyti
íhaldssöm tegund. Þannig að ef hún
hefur fest sig niður einhvers staðar
þá á hún það til að liggja þar lengi,“
segir Hjálmar.
Hann telur samt að sökum ófrið-
ar og mengunar, sem sé fyrir hendi
í svona lokuðum höfnum eins og í
Þorlákshöfn, sé ótrúlegt að hún
staldri lengi við.
Morgunblaðið/Ásdís
Hallgrímur Erlendsson á bryggjunni í Þorlákshöfn með síldina sem hann veiddi.
Silfur hafsins í Þorlákshöfn
Óvenjulegt er að síld finnist inni í höfnum. MÁLFLUTNINGI í máli Alþýðu-
sambands Íslands gegn sjávarútvegs-
ráðherra fyrir hönd íslenska ríkisins
vegna laga á verkfall sjómanna lauk í
Héraðsdómi Reykjavíkur í gær.
Dóms er að vænta fljótlega en málið
sætir flýtimeðferð.
Ástráður Haraldsson hrl. sem fer
með málið fyrir hönd ASÍ sagði fyrir
dómi gær að ljóst væri að lögin sem
Alþingi samþykkti 16. maí sl. fælu í
sér ólögmæta skerðingu á samnings-
frelsi og verkfallsrétti sjómanna.
Réttur verkalýðsfélaga til að standa
að kjarasamningum félagsmanna
sinna væri varinn af 74. grein stjórn-
arskránnar. Rétturinn til verkfalla
væri varinn af sömu grein. Með laga-
setningunni hefðu íslensk stjórnvöld
því brotið gegn stjórnarskránni en
jafnframt gegn 11. grein mannrétt-
indasáttmála Evrópu.
Ástráður benti á að í mannréttinda-
sáttmálanum væri áréttað að einung-
is væri hægt að takmarka félagafrelsi
vegna þjóðaröryggis eða almanna-
heilla. Fráleitt væri að halda því fram
að verkfall sjómanna hafa valdið því-
líkri vá að það réttlætti lagasetninu.
Verkfallsréttur ekki
varinn í stjórnarskrá
Skarphéðinn Þórisson ríkislögmað-
ur lagði áherslu á mikilvægi sjávar-
útvegs. Efnahagslífi landsins hefði
einfaldlega blætt út hefði ekkert verið
að gert. Í húfi hafi verið gríðarlegir al-
mannahagsmunir en litlar líkur á því
að samningar næðust. Verkfallsrétt-
ur væri háður takmörkunum en væri
hvorki heilagur né takmarkalaus.
Rétturinn væri ekki varinn í stjórn-
arskrá eins og Ástráður hélt fram.
Skarphéðinn sagði félagafrelsi ekki
skert með lögunum á sjómenn og
breyttu ekki grundvelli viðkomandi
launþegasamtaka. Starfsemi þeirra
héldi áfram og þau myndu áfram
semja um kaup og kjör félagsmanna
sinna.
Málflutningi
vegna sjómanna-
verkfalls lokið
FJÖLDI umsókna um þjónustuíbúð-
ir á hjúkrunarheimilinu Sóltúni ligg-
ur fyrir, auk þess sem spurn eftir
starfi á hinu nýja hjúkrunarheimili
hefur verið góð, en starfsemi Sóltúns
mun hefjast um áramótin.
Að sögn Hannesar Guðmundsson-
ar framkvæmdastjóra Frumafls
gengur undirbúningsvinna vegna
fyrirhugaðs reksturs á heimilinu vel.
Hann segir byggingarframkvæmdir
vera á réttum tíma og verði verkinu
lokið fyrir lok þessa árs og íbúar
muni flytja inn um áramót. Alls hafa
um 150 einstaklingar sótt um dvöl í
Sóltúni, en 92 þjónustuíbúðir verða í
húsinu. Þá segir Hannes að vel gangi
að ráða í störf á Sóltúni og þegar sé
búið að ráða milli 30 og 40% þess
starfsfólks sem komi til með að vinna
á hjúkrunarheimilinu.
„Það koma nýjar starfsumsóknir
inn á nýjum degi og við erum mjög
sátt við hvernig þetta gengur. Við
látum deilur um eignarhald á félag-
inu hafa sem minnst áhrif á þessa
rekstrarþætti og ljóst er að framtíð-
arsýn Frumafls hefur ekkert breyst.
Frumafl ætlar sér frekari rekstur á
heilbrigðissviði og það er ljóst að um
mikil verkefni verður að ræða
áfram,“ segir Hannes.
Byggja þarf 20 hjúkrunar-
heimili á næstu 10 árum
Hannes bendir á að ætli opinberir
aðilar að standa við heilbrigðisáætl-
un sem gildir til 2010, þurfi að
byggja allt að 20 hjúkrunarheimili í
viðbót á næstu 10 árum.
„Opinberir aðilar taka ákvarðanir
um hverjir standa að þessum fram-
kvæmdum en við erum þess fullviss
að reksturinn í Sóltúni verði til fyr-
irmyndar og okkur verði falin fleiri
verkefni á þessu sviði. Við erum
bjartsýn á framtíðina,“ segir Hann-
es.
Hjúkrunarheimilið Sóltún tekur
til starfa um áramót
Langur bið-
listi eftir þjón-
ustuíbúðum
JÚNÍMÁNUÐUR var þurr og
sólríkur en í svalara lagi, sam-
kvæmt Veðurstofu Íslands. Úr-
komudagar í Reykjavík voru 15,
en eru 17 á meðalári og á Ak-
ureyri voru þeir 8, en þar eru
þeir eru 11 á meðalári. Meðalhiti
í Reykjavík var 8,8° sem er rétt
undir meðallagi, en var 8,1° á
Akureyri sem er 1° undir með-
allagi. Úrkoma í Reykjavík
mældist 31,7 mm sem er rúm-
lega þriðjungi minna en vant er
og sólskinsstundir voru 205,4
sem er 44,4 stundum umfram
meðallag. Úrkoma mældist 14,7
mm á Akureyri sem er rúmlega
helmingur meðalúrkomu og sól-
skinsstundir voru 244,1 sem er
67,1 umfram meðallag.
Þurr og
sólríkur
júní