Morgunblaðið - 12.07.2001, Blaðsíða 18

SUÐURNES
18 FIMMTUDAGUR 12. JÚLÍ 2001 MORGUNBLAÐIÐ
ⓦ í Ytri-Njarðvík
Upplýsingar veitir
umboðsmaður á
staðnum, Eva
Gunnþórsdóttir í
síma 421 3475.
ÞÆR stöllur Kristjana, Thelma
Dögg og Tinna Hrund voru upp-
teknar í sólskininu á dögunum við
að snyrta og laga blómaskrúðið
sem býður gesti velkomna í Garð-
inn, þegar blaðamaður átti leið hjá.
Þær hafa unnið í allt sumar, og
reyndar fleiri sumar, við að fegra
bæinn og hefur líkað nokkuð vel.
Þær sögðu að sólin skini oft í Garð-
inum og því væri skemmtilegt að
vinna úti.
Morgunblaðið/Eiríkur P.
Arfi reyttur í Garðinum
Garður
ENN á eftir að ráða í nokkrar
kennarastöður við grunnskólann í
Grindavík og segir Gunnlaugur
Dan Ólafsson skólastjóri að nokkuð
vanti þar upp á. Búið er að ráða
þrjá kennara við skólann fyrir
næsta haust en eftir er að ráða í sjö
stöður.
„Það vantar fjóra almenna kenn-
ara. Síðan vantar í rauninni kenn-
ara í heimilsfræði, líffræðikennara
og tónmenntakennara í hlutastarf,“
segir Gunnlaugur Dan. Þrjátíu og
fjórar kennarastöður eru við skól-
ann alls.
Að sögn Gunnlaugs er þegar far-
ið að skoða aðra möguleika, svo sem
að ráða leiðbeinendur í stað kenn-
ara. Hann segir kjarasamninga við
kennara ekki hafa haft tilskilin
áhrif á ráðningar í skólum á lands-
byggðinni. „Ég held að mjög mörg
sveitarfélög hafi gert ráð fyrir því
að þetta myndi auðvelda kennara-
ráðningar. Kjarasamningarnir sem
slíkir hafa hins vegar ekki búið til
kennara.“
Gunnlaugur segir skort á kenn-
urum stafa fyrst og fremst af því að
kennarastéttin sé of fámenn. Sam-
keppni um kennara haldi því áfram
óháð nýjum kjarasamningum.
Hann segir grunnskólann hafa
reynt að fá til sín kennara með ein-
greiðslum, flutningsstyrkjum og
húsnæðisbótum en að dregið hafi
verið úr greiðslunum fyrir þetta
skólaár þar sem menn hefðu vonast
til þess að nýir kjarasamningar
myndu hafa sitt að segja.
Gunnlaugur segir að reynsla sín
sé sú að skriður komist ekki á
mannráðningar fyrr en eftir versl-
unarmannahelgi og oft hafi menn
látið freistast og beðið með ráðn-
ingar þar til þá. Hins vegar sé erf-
iðara nú en áður að bíða með slíkt
þar sem skólarnir hefjast fyrr í ár
en ella. Að auki sé vont að raða
kennurum niður þegar ekki er búið
að ráða í allar stöður. Þá setur það
strik í reikninginn varðandi
greiðslur úr svokölluðum launapotti
sem um var samið í nýjum kjara-
samningi og dreift er á kennaralið
skólans.
Nýir kjarasamningar ekki
auðveldað ráðningu kennara
Eftir að ráða í sjö
stöður í Grindavík
Grindavík
REYKJANESBÆR undirritaði í
fyrradag, ásamt Siv Friðleifsdóttur
umhverfisráðherra, Ólafsvíkuryfir-
lýsingu sveitarfélaga, en með sam-
þykkt þeirrar yfirlýsingar skuld-
binda sveitarfélög sig til að leggja
sitt af mörkum til sjálfbærrar þróun-
ar. Í því felst m.a. að virkja íbúa,
félagasamtök og aðila atvinnulífsins
til öflugrar þátttöku í verkefnum sem
tengjast Staðardagskrá 21 og hafa
markmið um sjálfbæra þróun að leið-
arljósi við gerð skipulagsáætlana og
aðra ákvarðanatöku varðandi mál-
efni sveitarfélagsins.
Við þetta tilefni undirritaði
Reykjanesbær jafnframt samning
við Landvernd um þátttöku í verk-
efninu „vistvernd í verki“ sem snýr
fyrst og fremst að almenningi. Þá af-
henti Njarðtak öllum leikskólum
bæjarins safnkassa sem staðsettir
verða við leikskólana og verður börn-
unum kennt að nota slíka kassa.
Undirritun samninganna fór fram
í leikskólanum Hjallatúni sem er nýj-
asti leikskóli Reykjanesbæjar og var
tekinn í notkun í ársbyrjun. Kjartan
Már Kjartansson, formaður stýri-
hóps Staðardagskrár 21 í Reykja-
nesbæ, sagði undirritun samning-
anna í beinu framhaldi af samþykkt
bæjarstjórnar á dögunum á Staðar-
dagskrá 21 en bærinn skipar nú hóp
þeirra 11 sveitarfélaga á landinu sem
undirritað hafa Staðardagskrána. Þá
hafa alls 23 sveitarfélög undirritað
Ólafsvíkuryfirlýsinguna sem Kjartan
segir að sé nokkurs konar Kyoto-
bókun Íslendinga.
Fjölskylduvænt, framsækið
og nútímalegt sveitarfélag
Kjartan sagði að slagorð bæjarins
í verkefninu væri; „því klókari, því
minni slóð“ sem vísaði til speki ind-
íána sem lögðu sig fram um að fela
slóð sína í umhverfinu á þann hátt að
ekkert minnti á veru þeirra þar. Að
sögn Kjartans er samþykktin aðeins
upphafið að sjálfbærri þróun og tekin
verði lítil en örugg skref fram á veg-
inn í umhverfismálum.
Þeir þættir sem Reykjanesbær
mun einbeita sér að í fyrstu eru hol-
ræsi og fráveitur, úrgangur frá heim-
ilum og fyrirtækjum, gæði neyslu-
vatns, náttúrumengun, hávaða- og
loftmengun, menningarminjar og
náttúruvernd, skipulagsmál og um-
hverfisfræðsla í skólum sem Kjartan
sagði mjög mikilvægt í verkefninu.
Hann sagði verkefnið byggja á
tveimur hornsteinum, annars vegar
viðbrögðum við núverandi ástandi,
s.s. að bæta holræsi, flokka sorp,
tryggja gæði neysluvatns o.s.frv., en
hins vegar væri það menntun og
fræðsla. Þar koma til skjalanna verk-
efnið „vistvernd í verki“ fyrir al-
menning, umhverfisstefna í skólum
og kynningarfundir fyrir fyrirtæki.
Markmið Staðardagskrár 21 eru
þau að Reykjanesbær verði fjöl-
skylduvænt, framsækið og nútíma-
legt sveitarfélag og bærinn verði eft-
irsóttur valkostur fyrir einstaklinga,
fyrirtæki og stofnanir.
Sveitarfélögin bera
mikla ábyrgð
Siv Friðleifsdóttir umhverfisráð-
herra sagðist óska íbúum Reykjanes-
bæjar til hamingju með þann merka
árangur að hafa lokið við undirritun
þessara yfirlýsinga, enda beri sveit-
arfélög mikla ábyrgð í umhverfismál-
um.
„Ég hef alltaf furðað mig á því
hvernig umræðan gengur stundum
út á það hér varðandi Staðardag-
skrána og þróun í samfélaginu varð-
andi umhverfismál, hvað hún hefur
oft beinst að Alþingi, ríkisstjórn, ráð-
herrum o.s.frv. Það er alveg ljóst að
sveitarfélögin bera mjög mikla
ábyrgð. Þau hafa oft á tíðum betri
möguleika á að nálgast íbúana en
önnur stjórnvöld hafa. Það er mjög
mikilvægt hvernig almenn stjórnvöld
hegða sér og hvaða ábyrgð þau
leggja og stefnu, en sveitarfélög
gegna þar lykilhlutverki,“ sagði Siv.
Ólafur Thordersen afhenti fyrir
hönd fyrirtækis síns, Njarðtaks, öll-
um leikskólum bæjarins safnkassa í
tilefni af 20 ára afmæli fyrirtækisins
sem sérhæfir sig í sorphirðu og ann-
arri þjónustu sem því tengist. Guð-
ríður Helgadóttir, leikskólafulltrúi
Reykjanesbæjar, veitti gjöfunum
viðtöku og sagði safnkassana dýr-
mæta gjöf til leikskólanna og gerði að
verkum að betur væri hægt að kenna
börnunum að losna við úrgangsefni á
vistvænan hátt.
Reykjanesbær orðinn þátttakandi í Staðardagskrá 21
„Klókir menn skilja
eftir sig litla slóð“
Morgunblaðið/Eiríkur P.
Siv Friðleifsdóttir umhverfisráðherra og Kjartan Már Kjartansson
undirrituðu Ólafsvíkuryfirlýsinguna.
Reykjanesbær
27 FÆREYINGAR frá Vogi á Suðurey, sem er vinabær
Sandgerðis, voru í heimsókn í Sandgerði nýlega. Að
þessu sinni voru gestirnir starfsmenn og fjölskyldur
Suðuroyar Sparikassa sem hefur aðsetur í Vogi. Fær-
eysku gestirnir hafa ferðast um landið og eyddu einum
degi í Sandgerði og skoðuðu Hvalsneskirkju, kerta-
verksmiðjuna Jöklaljós, listasmiðjuna Nýja vídd,
Byggðasafnið í Garði og Fræðasetrið í Sandgerði þar
sem bæjarfulltrúar og makar tóku á móti gestum og
skipst var á gjöfum.
Sandgerði og Vogur hafa verið vinabæir síðan 1987
en upphafið má rekja til samskipta knattspyrnufélags-
ins Reynis og Vogs boltafélags, sem hófust árið 1957.
Upphafsmenn voru Henrik Johanesson frá Sumba á
Suðurey, sem býr í Sandgerði, og Peter Vilhem frá
Vogi. Fyrstu árin heimsóttu knattspyrnufélögin hvort
annað en á undanförnum árum hafa heimsóknir verið
frá ýmsum félagasamtökum og fyrirtækjum.
Morgunblaðið/Reynir Sveinsson
Starfsfólk og fjölskyldur Suðuroyar Sparikassa ásamt bæjarfulltrúum við Fræðasetrið í Sandgerði.
Færeysk heimsókn frá Vogi á Suðurey
Sandgerði