Morgunblaðið - 12.07.2001, Blaðsíða 10

SIGURVEIG H. Sigurðardóttir,
framkvæmdastjóri Reykjavík-
urdeildar Rauða kross Íslands, af-
henti í gær fulltrúum ferming-
arbarna í Reykjavík árið 2001
bókina Fíkniefni og forvarnir, hand-
bók fyrir heimili og skóla, að gjöf. Á
allra næstu dögum mun bókin síðan
verða send að gjöf í pósti til 1.500
heimila í Reykjavík, þ.e. til heimila
allra barna sem fædd eru árið 1987.
Í tilefni afhendingar bókarinnar,
en hún kom fyrst út í febrúar á
þessu ári, var boðið til blaðamanna-
fundar þar sem m.a. kom fram að
þetta væri leið Reykjavíkurdeild
Rauða kross Íslands að leggja fíkni-
vörnum lið. Bókin er gefin út af
Fræðslumiðstöð í fíknivörnum og
rituð af 30 sérfræðingum á ýmsum
sviðum sem tengjast áfengis- og
fíkniefnamálum.
Bókin er forvarnartengd og þar
er m.a. að finna ítarleg skrá yfir að-
ila á Íslandi sem veitt geta ráðgjöf í
forvörnum en fram kom á fundinum
að þetta er fyrsta bókin sinnar teg-
undar á landinu. Þá er fjallað um
áhrif neyslu efnanna m.a. á líffæri,
sálarlíf og samfélag og einkennum
misnotkunar lýst. Bókin er samtals
320 litsíður, prýdd 120 myndum.
„Það er eitt af forgangsverk-
efnum Rauða kross-hreyfing-
arinnar um þessar mundir að sinna
forvarnarstarfi í þágu barna og
unglinga, þetta verkefni er einn lið-
ur í því,“ segir Ómar H. Krist-
mundsson, formaður Reykjavík-
urdeildar Rauða kross Íslands, og
bætti við að samkvæmt íslenskum
rannsóknum hefja mörg börn hér á
landi neyslu fíkniefna á aldrinum 14
til 16 ára. Sérstakrar aðgæslu væri
því þörf þegar kæmi að þessu ald-
ursskeiði.
Hann sagði bókina vera bæði um-
fangsmikla og vandaða og ætti að
vera til á hverju heimili. Það væri
von Reykjavíkurdeildar Rauða
krossins að þetta framlag hennar til
velferðar barna og unglinga kæmi
foreldum að gagni í forvarnarstarf-
inu og yrði þeim hvatning til ár-
vekni.
Markmiðið að fræða fólk um
möguleika í forvörnum
Í erindi Guðna Björnssonar, upp-
eldisfræðings og annars tveggja rit-
stjóra bókarinnar, kom fram að
hugmyndin að bókinni hefði kvikn-
að fyrir 5 árum hjá Fræðslumiðstöð
í fíknivörnum, þ.e. að tekin yrðu
saman upplýsingar um fíkniefni fyr-
ir almenning. Fram að því hafi ekki
verið auðvelt að nálgast slíkar upp-
lýsingar. Hann sagði bókina sniðna
að þörfum skóla og fræðslustofn-
ana, foreldra og heimila. Mikið af
efni bókarinnar væri samið til leið-
beiningar fyrir þá sem vinna með
börnum og unglingum og því ákjós-
anlegt fyrir fræðslustarf í skólum.
„Þekking í þágu forvarnar er
grunnurinn sem við þurfum til að
byggja upp forvarnarstarf. Við von-
um að þessi bók sé tímabært fram-
lag í forvarnarumræðu hér á landi.
Hún leysir þó ekki fíkniefnavand-
ann, sem er stór og mikill, heldur er
hér um að ræða fyrsta skrefið í
þeirri viðleitni að fræða fólk um
möguleikana í forvörnum.“
Sr. Pálmi Matthíasson, sóknar-
prestur í Bústaðakirkju, sagði bók-
ina bæði þarfaþing og fagnaðarefni
en fulltrúar fermingarbarnanna
sem tóku við bókinni eru úr hans
sókn. „Ég kynnist því í mínu starfi
að foreldrar eru oft mjög hræddir
um að þekkja ekki einkenni, við-
brögð og ýmislegt sem fylgir fíkni-
efnaneyslu,“ segir Pálmi.
„Þessi árgangur, árið eftir ferm-
ingu, er sennilega hættulegasta
tímabilið sem börn ganga í gegnum.
Hættulegast vegna þess að það
breytist svo margt á þessu eina ári,“
segir hann. Þá beindi Pálmi máli
sínu til fermingarbarnanna og
hvatti þau til að ræða um innihald
bókarinnar við foreldra sína og for-
ráðamenn.
Afhending bókarinnar Fíkniefni og forvarnir, handbók fyrir heimili og skóla
Bókin gjöf til
1.500 heimila
Þeir sem að bókinni Fíkniefni og forvarnir koma afhentu fulltrúum fermingarbarna eintök.
Morgunblaðið/Sverrir
FRÉTTIR
10 FIMMTUDAGUR 12. JÚLÍ 2001 MORGUNBLAÐIÐ
VATN flæddi um gólf í leikskólanum
Kató í Hafnarfirði þegar öryggis-
vörður Securitas koma þar að um há-
degisbil í gær. Í ljós kom að vatns-
leiðsla við salerni hafði farið í
sundur.
Samkvæmt upplýsingum frá
slökkviliði höfuðborgarsvæðisins
urðu talsverðar skemmdir á hús-
gögnum, hurðum og hurðarkörmum.
Slökkviliðið var fengið til að hreinsa
upp vatn og gert var við rörið.
Engin starfsemi hefur verið í hús-
inu um nokkra hríð vegna sumar-
leyfa.
Vatnsleki í
leikskóla
FREKARI viðræðum í kjaradeilu
tónlistarskólakennara og launa-
nefndar sveitarfélaga hefur verið
frestað til 14. ágúst. Samninga-
menn atvinnurekenda sýndu lítil
viðbrögð við gögnum sem tónlist-
arskólakennarrar lögðu fram á síð-
asta viðræðufundi, að því er kemur
fram á fréttavef Kennarasam-
bandsins.
Á fundinum fóru tónlistarskóla-
kennarar yfir hvaða áhrif ný aðal-
námskrá tónlistarskóla muni hafa
á störf tónlistarskólakennara.
Dregnar voru fram þær nýju
áherslur og breytingar í tónlistar-
kennslu sem kalla á endurskoðun á
störfum tónlistarskólakennara.
Fulltrúar tónlistarskólakennara
fóru yfir þær launabreytingar sem
hafa orðið hjá framhaldsskóla-
kennurum og grunnskólakennur-
um frá árinu 1995 og ræddu í
hverju sá launamismunur sem hef-
ur myndast á milli tónlistarskóla-
kennara og annarra kennara fæl-
ist.
Ákveðið var að fresta fundahöld-
um fram til 14. ágúst en taka þá
góða fundatörn.
Viðræðum
frestað í
fimm vikur
Sveitarfélög og
tónlistarkennarar
HJÚKRUNARFRÆÐIDEILDUM
Háskóla Íslands og Háskóla Akur-
eyrar er báðum hrósað fyrir mik-
ilvægt framlag sitt til heilsuverndar
og hjúkrunarfræðistarfs á Íslandi, í
niðurstöðum heildarúttektar á
hjúkrunarfræðimenntun sem gerð
var á vegum menntamálaráðuneyt-
isins.
Kemur þar fram að deildirnar
bæti hvora aðra upp, þar sem Há-
skólinn á Akureyri miðar að því að
mennta almenna hjúkrunarfræð-
inga sem eru tilbúnir að starfa í
dreifbýli og Háskóli Íslands sér-
hæfða hjúkrunarfræðinga sem
starfa á höfuðborgarsvæðinu. Há-
skólinn á Akureyri leggi áherslu á
verklegt nám en Háskóli Íslands á
rannsóknir og er tekið fram að
deildirnar gætu haft margvíslegan
ávinnig af frekara samstarfi.
Úttekt þessi er sú fyrsta sem
byggist á reglum um gæðaeftirlit
með háskólakennslu sem settar
voru árið 1999 og náði til náms á
BS- og meistarastigi við báða há-
skólana, þar sem lagt var mat á al-
mennt nám, fjarnám og starfsþjálf-
un eftir því sem við á.
„Almennt er þetta frekar jákvætt
mat og koma deildirnar vel út,“ seg-
ir Ásgerður Kjartansdóttir, sér-
fræðingur í mats- og eftirlitsdeild
menntamálaráðuneytisins. Hún seg-
ir að meðal þess sem bent sé á í nið-
urstöðum matsins varðandi báðar
deildirnar sé að auka þurfi notkun
nútímatækni við kennslu hjúkrunar-
fræði, sem og námsframboð og
námsefni. Eins sé bent á að efla
þurfi samstarf deildanna, meðal
annars á sviði rannsókna og í sam-
nýtingu námskeiða til dæmis með
fjarkennslu.
Hún segir að einnig sé hvatt til
þess að deildirnar kynni fræðistörf
sín og rannsóknir meira en nú er
gert og að huga megi betur að þró-
un deildanna og kynningu á þeim.
Í úttektinni er hjúkrunarfræði-
deild Háskólans á Akureyri hrósað
sérstaklega fyrir framlag hennar til
hjúkrunar á landsbyggðinni og er
talið afar jákvætt að þar sé bæði
hægt að ljúka BS-gráðu og fram-
haldsgráðu til meistaraprófs. Hins
vegar uppfylli það ekki almennt við-
urkennda staðla, hversu hátt hlut-
fall stundakennara sé við deildina
og er gerð athugasemd við að kenn-
arar skuli ekki allir hafa lokið
meistara- eða doktorsgráðu.
Samstarf við aðrar deildir
á skyldum fræðasviðum
verði aukið
Hjúkrunarfræðideild Háskóla Ís-
lands er hrósað sérstaklega fyrir
fræðistörf og rannsóknir sem nýtast
allri fræðigreininni og er tekið fram
að nemendur á öllum stigum virðist
almennt ánægðir með menntun
sína. Tekið er til þess að verklega
námið tengist bóklega náminu vel
þegar litið sé til innihalds og mark-
miða, en jafnframt tekið fram að
efla þyrfti formlegt samstarf við
aðrar deildir sem fáist við skyld
fræðasvið.
Einnig er bent á í úttektinni, að
auka þurfi fjármagn til hjúkrunar-
fræðideildar HÍ, eigi hún að geta
uppfyllt rannsóknarskyldur sínar á
sama hátt og aðrar deildir háskól-
ans. Aukning hafi orðið á rannsókn-
um, sérstaklega í tengslum við
stofnun rannsóknaneta, bæði hér-
lendis og erlendis, í samstarfi við
aðra háskóla og rannsóknarstofn-
anir og er tekið fram að stofnun
Rannsóknarstofnunar í hjúkrunar-
fræði virðist hafa haft jákvæð áhrif
og gert rannsóknir í hjúkrun meira
áberandi.
Framkvæmd úttektarinnar var í
höndum matshóps sem skipaður var
af menntamálaráðherra, en í honum
voru Carolyn Waltz, frá School of
Nursing viðUniversity of Maryland,
sem jafnframt var formaður, Pia
Ramhøj, rektor við Hovedstadens
Sygeplejerskeuddannelse í Kaup-
mannahöfn, Sigríður Snæbjörns-
dóttir, fyrrverandi hjúkrunarfor-
stjóri Sjúkrahúss Reykjavíkur, og
Sólveig Jakobsdóttir, lektor við
Kennaraháskóla Íslands.
Hjúkrunarfræðideildum HÍ og HA hrósað í úttekt menntamálaráðuneytisins
Hvatt til aukins sam-
starfs milli deildanna
♦ ♦ ♦
ALLS bárust níu umsagnir við
matsskýrslu um hafnarframkvæmd-
ir við Hraun í Reyðarfirði, en um-
sagnarfrestur rann út 6. júlí sl.
Valgeir Kjartansson, byggingar-
verkfræðingur hjá Hönnun hf., seg-
ir flestar umsagnir jákvæðar í garð
framkvæmdarinnar. Tveir aðilar
vilji þó frekari rannsóknir og upp-
lýsingar um gróðurfar og efnistöku
vegna framkvæmdanna.
,,Umsagnaraðilar telja að fyrir-
liggjandi matskýrsla lýsi umhverf-
isáhrifum framkvæmdarinnar að
mestu leyti á fullnægjandi hátt.
Tvær umsagnir telja þó að umfjöll-
un skýrslunnar skorti á um viss at-
riði. Landgræðsla ríkisins gagnrýn-
ir umfjöllun um gróðurfar og
efnistöku og Náttúruvernd ríkisins
gagnrýnir umföllun um efnistöku,
áhrif á lífríki sjávar og umfjöllum
um til hvaða ráða sé gripið sýni
vöktun hafnarsvæðis neikvæð áhrif
eftir að rekstur er hafinn,“ sagði
Valgeir.
Ein umsögn barst frá einstak-
lingi, en átta frá stofnunum. Þær
stofnanir sem sendu umsagnir voru
Hollustuvernd, Náttúruvernd ríkis-
ins, Þjóðminjasafnið, Veiðimála-
stjóri, Landgræðslan, Siglinga-
stofnun og bæjarstjórn Fjarða-
byggðar.
Að sögn hans hefur öllum um-
sagnaraðilum nú verið svarað en
Skipulagsstjóri mun kveða upp úr-
skurð um framkvæmdirnar í byrjun
næsta mánaðar.
Níu umsagnir bárust
við umhverfismat
KARLMAÐUR á fimmtugsaldri var
handtekinn í Leifsstöð á laugar-
dagskvöld eftir að tollgæslan á
Keflavíkurflugvelli fann eitt kíló af
hassi á manninum. Hann hafði falið
efnið innanklæða.
Að loknum yfirheyrslum hjá
fíkniefnadeild lögreglunnar í
Reykjavík var manninum sleppt.
Hann játaði að hafa staðið að inn-
flutningnum en neitaði að það hefði
verið ætlað til sölu. Maðurinn mun
ekki áður hafa komið við sögu fíkni-
efnamála.
Með eitt kíló
af hassi inn-
anklæða