Morgunblaðið - 12.07.2001, Blaðsíða 51

FRÉTTIR
MORGUNBLAÐIÐ FIMMTUDAGUR 12. JÚLÍ 2001 51
LAUGARDAGINN 14. júlí mun
Heiðrún Guðmundsdóttir líffræðing-
ur ganga með gestum Alviðru og
fræða þá um þá fjölbreyttu flóru sem
þar er að finna.
Þátttökugjald er 600 kr. fyrir full-
orðna, 400 kr. fyrir 12–15 ára og
ókeypis fyrir yngri börn. Innifalið er
kakó og kleinur að göngu lokinni.
Plöntuskoðun
í Alviðru
HELGINA 14. og 15. júlí verða jóla-
dagar í Jólahúsinu í Kópavogi.
„Jóladagar eru markaðsdagar þar
sem skemmtileg jólamarkaðsstemn-
ing verður á lóð Jólahússins við
Smiðjuveg 23a í Kópavogi. Jólaskraut
verður á markaðsverði, jólasveinninn
kíkir í heimsókn og gefur krökkunum
eitthvað gott og boðið verður upp á
jólaöl. Þetta munu verða fyrstu jóla-
dagarnir en stefnan er að gera þetta
að árvissum viðburði,“ segir í frétta-
tilkynningu frá Jólahúsinu.
Jóladagar í júlí
♦ ♦ ♦
♦ ♦ ♦
♦ ♦ ♦
FÉLAGSLÍF
Almenn samkoma í Þríbúðum,
Hverfisgötu 42, í kvöld kl. 20.00.
Vitnisburðir. Ræðumaður:
Bergsteinn Ómarsson.
Fjölbreyttur söngur. Kaffi að
lokinni samkomu. Allir velkomnir.
www.samhjalp.is .
SMÁAUGLÝSINGAR
EINN liður hátíðardagskrár
Egilsstaðabúa 17. júní var afhend-
ing viðurkenningar Rotaryklúbbs
Héraðsbúa fyrir framúrskarandi
starf að menningarmálum af
margvíslegum toga. Viðurkenn-
ingu hlaut að þessu sinni Kristrún
Jónsdóttir, fyrir ötult framlag til
leiklistarmála á Héraði.
Ingólfur Arnarson veitti við-
urkenninguna, auk 30 þúsund
króna. Hann segir það tillegg
Rotaryklúbbsins til samfélagsins
á Héraði að vekja jákvæða at-
hygli á því fólki sem vinnur óeig-
ingjarnt og fórnfúst starf hvort
sem er á menningarsviðinu eða
annars staðar í samfélaginu.
Kristbjörg, sem ævinlega er
kölluð Dúrra, hefur um langt ára-
bil lagt gjörva hönd að leikhúslífi
Héraðsbúa. Er þá sama hvort um
er að ræða búningahönnun, leik-
stjórn, sviðsgerð, aðgöngumiða-
sölu eða aðal- og aukahlutverk í
uppfærslum. Nú síðast kom hún
að sýningu Óperustúdíós Austur-
lands á Brúðkaupi Fígarós. Krist-
björg er forstöðumaður Bóka-
safns Héraðsbúa.
KJÖRDÆMISRÁÐ Sjálfstæðis-
flokksins í suðurkjördæmi standa
fyrir kvöldvöku í Skógum undir
Eyjafjöllum annað kvöld. Um er að
ræða skemmtidagskrá þar sem opið
er fyrir gesti og gangandi.
Grill verður milli klukkan átta og
tíu en um það sér matreiðslumaður-
inn Ole Olesen frá Selfossi. Síðan
verður harmonikkudansleikur með
samsöng og fleiru í barnaskólahús-
inu frá Litlahvammi í Mýrdal sem
búið er að endurreisa á safninu í
Skógum.
Nikkuball með
samsöng og fleiru
JEPPADEILD Útivistar efnir til
helgarferðar næstu helgi um Húna-
þing vestra þar sem svæðið verður
skoðað frá sjónarhóli heimamanna.
Eknir verða fáfarnir jeppaslóðar
með viðkomu á sögufrægum stöðum.
Gengið verður norður Vatnsnesfjall
með útsýni sunnan frá Eiríksjökli og
norður Strandir. Brottför er kl. 20.00
föstudag. Fararstjóri er Hrefna
Hrólfsdóttir sem þekkir svæðið vel.
Tjaldað verður í Kirkjuhvammi of-
an Hvammstanga og farið í göngu-
ferðir, m.a. um fáfarnar slóðir. Nán-
ari upplýsingar og pantanir á
skrifstofu Útivistar að Hallveigar-
stíg 1.
Útivist með jeppa-
og gönguferð
SKÓGARGANGA verður í kvöld,
fimmtudaginn, 12. júlí kl. 20.30, á
vegum skógræktarfélaganna í
fræðslusamstarfi þeirra við Búnað-
arbanka Íslands hf. Skógargöngurn-
ar eru skipulagðar í samvinnu við
Ferðafélag Íslands og eru ókeypis
og öllum opnar. Gangan er í umsjón
Skógræktarfélags Mosfellsbæjar.
Að þessu sinni er mæting við Dal,
hestamiðstöð Dallandi. Fáni Skóg-
ræktarfélags Mosfellsbæjar verður
við afleggjarann og fánaborg við
upphafsstað. Bílastæði verða við
hestamiðstöðina í Dal. Gengið verð-
ur um sumarbústaðalönd ofan Mið-
dals og við Selvatn, auk þess sem
ræktunin í Dallandi verður skoðuð.
Á þessu svæði er víða afar fallegur
trjágróður, sem skoðaður verður í
göngunni og kynntur fyrir göngu-
fólki, segir í fréttatilkynningu. Einn-
ig verða áhugaverð tré hæðarmæld.
Göngustjóri verður Vilhjálmur Lúð-
víksson.
Boðið verður upp á rútuferð frá
húsi Ferðafélags Íslands, Mörkinni 6
og leggur rútan af stað kl. 20.00 Nán-
ari upplýsingar veitir Skógræktar-
félag Íslands.
Skógar-
ganga við
Selvatn
♦ ♦ ♦
Í SUMAR kann að ráðast hvort
grundvöllur er fyrir áframhaldandi
rekstri ferjunnar Lagarfljótsorms-
ins og uppbyggingu á aðstöðu og
þjónustu í kringum hana. Siglinga-
leið ferjunnar er hringur frá Lag-
arfljótsbrúnni inn til Atlavíkur og til
baka.
Bókanir í ferðir sumarsins eru
færri en rekstraraðilar bjuggust við
en selja þarf árlega um 16 þúsund
miða aðra leiðina, til að reksturinn
standi undir sér.
Benedikt Vilhjálmsson, útgerðar-
stjóri ferjunnar, segir að í fyrra hafi
farþegum fækkað frá árinu áður, og
megi þar mest um kenna Sleipnis-
verkfalli á mesta annatíma.
Hann segir slæman fjárhag eink-
um vera fortíðarvanda, meðal annars
til kominn vegna þess að Byggða-
stofnun hafi lofað að leggja 10 millj-
ónir króna í fyrirtækið. Það hafi ekki
staðist.
Engar endurbætur verða gerðar á
aðstöðu ferjunnar í sumar, en um
bráðabirgðaaðstöðu er að ræða,
bæði í Atlavík og við Lagarfljótsbrú.
Morgunblaðið/Steinunn
Rekstur Lagar-
fljótsormsins velt-
ur á auknum far-
þegafjölda
Egilsstöðum. Morgunblaðið.
SAMKEPPNISRÁÐ hefur nýlega
mælt fyrir um að skilið verði fjár-
hagslega á milli þess hluta starfsemi
Þjóðminjasafns Íslands sem rekinn
er í samkeppni við aðra aðila og hins
vegar þess hluta sem ekki er rekinn í
samkeppni við aðra. Á þetta að ger-
ast fyrir næstu áramót. Aðskilnaður-
inn felst m.a. í því að óheimilt verður
að greiða niður kostnað við sam-
keppnisrekstur með tekjum af þeirri
starfsemi sem ekki er rekin í sam-
keppni við aðra aðila.
Um er að ræða úrskurð í kæru-
máli sem Fornleifafræðistofan sendi
samkeppnisráði en þar var kvartað
yfir ójafnri stöðu við fornleifarann-
sóknir. Fram kemur í kærunni að
Fornleifafræðistofan vinni við
skráningu fornleifa, mat á umhverf-
isáhrifum vegna framkvæmda,
skipulag, framkvæmd og stjórn upp-
graftar og rannsókna, ráðgjöf vegna
sýninga og menningartengdrar
ferðaþjónustu, könnun á menningar-
landslagi o.fl. Helstu samkeppnisað-
ilar Fornleifafræðistofunnar séu
Þjóðminjasafn Íslands og Fornleifa-
stofnun Íslands. Markaðurinn í máli
þessu sé fornleifaskráning, mat á
umhverfisáhrifum vegna fram-
kvæmda, skipulag, ráðgjöf við sýn-
ingar og menningartengda ferða-
þjónustu, framkvæmd og stjórn
uppgraftar og rannsóknir af ýmsu
tagi á sviði fornleifafræði. Fornleifa-
fræðistofan taldi að fyrirtækið nyti
ekki jafnrar samkeppnisstöðu á
framangreindum markaði og óskaði
eftir að Samkeppnisstofnun kannaði
hvort keppinautar hennar nytu
beinna og óbeinna framlaga eða
styrkja sem gerðu þeim kleift að nið-
urgreiða starfsemi sína á samkeppn-
ismarkaði eða skekkja samkeppnis-
stöðuna að öðru leyti. Í niðurstöðu
samkeppnisráðs kemur fram að með
nýjum lögum um Þjóðminjasafnið
hafi verið skilið á milli safnahlut-
verks Þjóðminjasafnsins og stjórn-
sýsluhlutverks þess sem hafi verið
fært til sérstakrar stofnunar, Forn-
leifaverndar ríkisins, og komi til með
að vera óháð Þjóðminjasafninu.
Forsendur íhlutunar til staðar
þrátt fyrir lagabreytingu
Segir samkeppnisráð að umrædd
lagabreyting komi væntanlega til
með að draga úr hættunni á hags-
munaárekstrum milli Þjóðminja-
safnsins og annarra sem stunda
fornleifarannsóknir. Í ljósi þess að
Fornleifavernd ríkisins sé ætlað að
leitast við að bjóða út þær fornleifa-
rannsóknir sem hún telji nauðsyn-
legar á hverjum tíma megi ætla að
meira samkeppnislegt jafnræði komi
til með að ríkja á milli einkafyrir-
tækjanna í geiranum og Þjóðminja-
safnsins hvað varði aðgang að forn-
leifarannsóknum og leyfisveitingum
í framhaldi af því. Að mati sam-
keppnisráðs megi einnig ætla að að-
skilnaður á milli stjórnsýslu annars
vegar og rannsóknarstarfsemi og
annarra þátta á sviði fornleifastarfa
hins vegar með lagabreytingunni
leiði til þess að meira jafnræði verði
með keppinautum á sviði fornleifa-
fræða. Að því leyti stuðli lagabreyt-
ingin að því að markmiði samkeppn-
islaga verði fullnægt á þessum
markaði.
Samkeppnisráð segir að þrátt fyr-
ir lagabreytinguna séu forsendur
fyrir beitingu 14. greinar samkeppn-
islaga þó enn til staðar þar sem Þjóð-
minjasafnið verði eftir sem áður fjár-
magnað af hinu opinbera, auk þess
sem safnið muni selja tiltekna þjón-
ustu til opinberra aðila og einkafyr-
irtækja í samkeppni við aðra, m.a.
kvartanda í máli þessu. Það gefi því
að mati samkeppnisráðs tilefni til
þess að ráðið mæli fyrir um fjárhags-
legan aðskilnað á milli þeirrar starf-
semi Þjóðminjasafnsins sem verður í
samkeppnisrekstri og þeirrar sem
ekki er rekin í samkeppni.
Samkeppnisrekstur Þjóðminjasafns Íslands
Samkeppnisráð mælir fyrir
um fjárhagslegan aðskilnað
Morgunblaðið/Steinunn
Fjölvirk á fjölunum
Egilsstöðum. Morgunblaðið.
LANDSPÍTALI – háskólasjúkra-
hús hefur endurnýjað samning um
rekstur háþrýstiklefa sem hefur
verið notaður til háþrýstilækninga
á sjúkrahúsinu í Fossvogi og gildir
samningurinn að sögn Péturs
Björnssonar, ræðismanns Ítalíu á
Íslandi, til næstu fimm ára.
Undir háþrýstingi má auka súr-
efnismagn í líkamanum og lækna
ýmiskonar sjúkdóma og kvilla sem
ekki er hægt að öðrum kosti, svo
sem kafaraveiki, reykeitrun, slæm
beinbrot og opin sár, t.d. fótasár
sykursýkissjúklinga. Fótasár sem
gróa seint og illa eru oft fylgikvilli
sykursýki og hafa margir sykur-
sýkissjúklingar fengið meðferð í
klefanum sem stuðlar að bættum
súrefnisflutningi til fótanna. Klef-
inn er einnig notaður til að með-
höndla reykeitrun og kafaraveiki.
Klefinn er hugsaður sem örygg-
is- og neyðartæki og er hann því í
fullum rekstri allan ársins hring.
Háþrýstiklefar reynast til dæmis
vel til að lækna sár sem komin er
eitrun í en er einnig notaður sem
stuðningstæki við ýmiskonar aðrar
meðferðir og þar sem meðferðin
flýtir oft fyrir bata getur hún stytt
sjúkrahúsdvöl.
„Flugmenn sem hafa orðið fyrir
þrýstingstapi hafa einnig verið
meðhöndlaðir í klefanum og eins
er æ ríkari þörf fyrir hann vegna
aukinna vinsælda sportköfunar hjá
Íslendingum,“ segir Pétur en þeg-
ar meira af óvönu fólki fer að kafa
eykst hættan á kafaraveiki.
Átta ára reynsla
á Íslandi
Ítalinn Calcedonio Conzales
færði Borgarspítalanum að gjöf
háþrýstiklefa árið 1993 ásamt árs-
starfsemi við klefann. Að þessu ári
liðnu bauð hann samstarfsverkefni
til þriggja ára, þar sem Íslend-
ingar borguðu annan helminginn
og Ítalir hinn af rekstrarkostnaði
klefans. Eftir þessi fjögur ár var
þörfin orðin svo mikil að Calcedon-
io útvegaði stærri klefa og nýjan
samstarfssamning til fimm ára. Ís-
lendingar eignuðust þann klefa að
þeim tíma liðnum og er rekstur
hans nú að mestu í höndum ís-
lenska ríkisins.
Á fimmta tug ítalskra lækna og
tæknimanna hefur starfað hér á
landi á undanförnum árum í sam-
bandi við klefann og er nú kominn
á samstarfssamningur milli há-
skólans í Trieste á Ítalíu og Há-
skóla Íslands um háþrýstilækning-
ar þar sem ítalskir og íslenskir
læknanemar fá verklega þjálfun í
háþrýstilækningum á Íslandi en
sækja bóklegt nám til Trieste.
Rekstrarsamningur
um háþrýstiklefa
endurnýjaður