Morgunblaðið - 12.07.2001, Blaðsíða 33

LISTIR
MORGUNBLAÐIÐ FIMMTUDAGUR 12. JÚLÍ 2001 33
FLESTUM var ljóst að dagar
krókódílamannsins Dundee, voru
taldir er II. kafli leit dagsins ljós, ár-
ið 1988. Þá voru tvö ár liðin frá
fyrstu myndinni, sem hafði ýmislegt
til að bera. Einkum frumlega hug-
mynd og skemmtilega aðalpersónu,
sem Paul Hogan holdi klæddi af
töluverðum sjarma og léttleika, sem
einkenndi myndina ásamt ýmsum
spaugilegum uppákomum er tveir,
gjörólíkir menningarheimar rákust
á. Fimmtán árum síðar hefur krókó-
dílamaðurinn (Hogan), engu við að
bæta. Sögusviðið er að vísu Los
Angeles, í stað New York. Það
breytir litlu. Kona hans (Linda Koz-
lowski) fær boð um að hjálpa fjöl-
miðlakónginum, honum pabba
gamla. Dundee og sonur fylgja með.
Átakasenurnar og árekstrarnir á
milli óbyggðamannsins og borgar-
frumskógarins eru þreytulegir, þótt
reynt sé að hressa upp á söguþráð-
inn með því að færa tökurnar inn
fyrir hlið Paramount kvikmynda-
versins og Simon Wincer (Lone-
some Dove), sé treyst fyrir stjórn-
inni. Hápunktarnir sárafáir og til
allrar ógæfu er margbúið að berja
þá fasta í minni áhorfenda í sýn-
ishorninu. Atriðið á trjágreininni,
atlagan að plastkvikindinu í kvik-
myndaverinu, o.s.frv. Mislukkuð
krydd eins og George Hamilton með
stólpípusögur og Mike „eyrnabítur“
Tyson í ólíklegu rólyndismóki,
bragðbæta ekki neitt. Kozlowski
reynir ekki einu sinni að leika, enda
löggilt spúsa krókódílamannsins.
Yfrið skárri er Jonathan Banks,
kunnuglegt ómenni úr tugum B-
mynda, og Jere nokkur Burns er
merkilega brattur yfir agnarlitlu,
sem höfuð kvikmyndafyrirtækis
sem stundar smygl bak við tjöldin.
Ekki þar fyrir, krókódíla-Dundee
í Los Angeles er ekki alls varnað,
Hogan getur örugglega glatt óvita
og yngsta smáfólkið (heillar alltént
allt kvenkyns, frá kafloðnum apynj-
um til straumlínulagaðra strand-
gella), og hún er aldrei beinlínis leið-
inleg sem fjölskyldumynd, en því
miður engan veginn skemmtileg
heldur.
KVIKMYNDIR
B í ó h ö l l i n , B í ó b o r g i n ,
K r i n g l u b í ó
Leikstjóri Simon Wincer. Handrits-
höfundur Matthew Berry. Tónskáld
Basil Poledouris. Kvikmyndatöku-
stjóri David Burr. Aðalleikendur
Paul Hogan, Linda Kozlowski, Jere
Burns, Jonathan Banks, Alec Wil-
son, Serge Cockburn. Sýningartími
90 mín. Áströlsk. Paramount. 2001.
CROCODILE DUNDEE
IN LOS ANGELES Krókódílamaðurinn í
kvikmyndaborginni
Sæbjörn Valdimarsson
FIMMTUDAGINN 19. júlí næst-
komandi standa Skálholtsskóli og
Deus ex cinema fyrir sjónþingi um
trúarleg stef í tónlistarmyndböndum.
Sjónþingið fer fram í Skálholtsskóla
og stendur frá kl. 14.00 til kl. 21.00.
Á sjónþinginu munu sérfræðingar
og áhugafólk flytja stutta fyrirlestra
og kynningar í tengslum við sýningar
á völdum tónlistarmyndböndum.
Meðal þeirra sem tala eru dr. Sigvald
Tveit, prófessor við Tónlistarháskól-
ann í Osló, Hilmar Örn Agnarsson,
organisti í Skálholti, Arnfríður Guð-
mundsdóttir, guðfræðingur, Ásgrím-
ur Sverrisson, kvikmyndagerðar-
maður, Bjarni Randver Sigurvins-
son, guðfræðingur, Gunnar J. Gunn-
arsson, lektor, Laufey Ásgrímsdóttir,
bókasafnsfræðingur, Leifur Breið-
fjörð, myndlistarmaður, Ottó Geir
Borg, bókmenntafræðingur, Ólafur
H. Torfason, kvikmyndafræðingur,
Sigríður Pétursdóttir, kvikmynda-
fræðingur og Þorkell Ágúst Óttars-
son, guðfræðingur. Umræður eftir
hverja sýningarlotu.
Þátttöku er hægt að tilkynna á
skrifstofu Skálholtsskóla í síma 486
8870 og á vef Deus ex cinema, http://
www.dec.hi.is/ Ekkert þátttökugjald
er og hægt verður að kaupa máltíðir á
staðnum.
Trúarstef í
tónlistar-
myndböndum
SEX myndlistarkonur, þær Dröfn
Guðmundsdóttir, Freyja Önundar-
dóttir, Gunnhildur Ólafsdóttir, Jó-
hanna Sveinsdóttir, Sigríður Helga
Olgeirsdóttir og Sesselja Tómas-
dóttir, standa fyrir samsýningu að
Hótel Eldborg í Kolbeinsstaðar-
hreppi í sumar. Þessi sýning nefnist
Náttúrusýn, en hún samanstendur
af landslags- og fuglamyndum ásamt
leirskúlptúrum. Listakonurnar
vinna með mismunandi hætti en á
sýningunni eru myndir unnar með
grafíktækni, olíulitum á striga og
tré, glermyndir og skúlptúrar mót-
aðir með leir. Öll verkin eru til sölu.
Sýningin stendur til 15. ágúst. Opið
alla daga vikunnar.
Samsýning á
Hótel Eldborg
GUÐMUNDUR Hafsteinsson
trompetleikari og Kári Þormar org-
anisti leika á hádegistónleikum í tón-
leikaröð Listvinafélags Hallgríms-
kirkju, Sumarkvöld við orgelið, í dag
kl. 12-12.30.
Tónlistin sem þeir félagar flytja er
af ýmsu tagi. Frá barokktímanum
sækja þeir m.a. hinn fræga sálmfor-
leik Bachs, Vaknið, Síons verðir
kalla, en einnig Fanfares eftir Mour-
et. Rómantíkin verður í algleymingi
þegar Svanurinn eftir Saint-Saëns
hljómar. Meðal annarra verka á efn-
isskránni má nefna tvö þjóðlög, ann-
að frá Wales en hitt frá Svíþjóð.
Trompet og
orgel á hádeg-
istónleikum
Siglufjarðarkirkja kl. 20.
Kindur og ókindur – þjóðlög í
sparifötum. Þjóðlagaútsetning-
ar eftir Jórunni Viðar og fleiri.
Flytjendur: Sláttukvintettinn –
Þórunn Guðmundsdóttir, sópr-
an, Hallfríður Ólafsdóttir,
flautu, Ármann Helgason,
klarinett, Lovísa Fjeldsted,
selló og Örn Magnússon, píanó.
Nýja bíó kl. 21.30.
Djasstríóið Flís og Hildur
Halldóra Bjarnadóttir, söng-
kona.
Þjóðlaga-
hátíð á
Siglufirði
♦ ♦ ♦
♦ ♦ ♦