Morgunblaðið - 18.10.2001, Blaðsíða 51

UMRÆÐAN
MORGUNBLAÐIÐ FIMMTUDAGUR 18. OKTÓBER 2001 51
ALMENN fjársöfnun meðal
Kópavogsbúa, sem miðar að því að
safna nægu fé til þess að unnt
verði að ljúka framkvæmdum við
stækkun Sunnuhlíðar, hjúkrunar-
heimilis aldraðra í Kópavogi, mun
fara fram laugardaginn 20. októ-
ber næstkomandi. Þessari fjár-
söfnun munu ýmsir velunnarar
Sunnuhlíðar leggja lið, aldraðir
Kópavogsbúar munu ganga í öll
hús í bænum og óska eftir fjár-
framlögum. Framundan er mikið
átak sem ég vona að mæti skiln-
ingi og velvilja íbúa í bænum.
Svo sem flestum er kunnugt er
mikill skortur á hjúkrunarrými
fyrir aldraða um land allt og ekki
síst í Kópavogi. Sunnuhlíð hefur
um langan aldur þjónað þörfum
aldraðra í bænum að þessu leyti,
en sífelldur skortur á vistrými hef-
ur komið í veg fyrir að unnt hafi
verið að mæta brýnni þörf til fulls.
Hinn 10. desember sl. hófust fram-
kvæmdir við stækkun Sunnuhlíðar,
en gert er ráð fyrir að þann 20.
nóvember verði nýbyggingin tekin
í notkun og mun þá hjúkrunar-
heimilið geta tekið við 20 vist-
mönnum til viðbótar. Áætlaður
byggingarkostnaður við nýbygg-
inguna í heild er 265 milljónir
króna, en því miður náðist ekki að
afla nema 220 milljóna króna og
eru þá meðtalin fjárframlög úr rík-
issjóði. Því hafa stjórn samtakanna
og byggingarnefnd neyðst til að
fresta hluta framkvæmdanna. Er
það mjög miður, því sá frestur
bitnar á starfseminni
í heild. Vegna þessa
fjárskorts þurftu
samtökin að láta frá-
gang við sjúkraþjálf-
unarrými og starfs-
mannaaðstöðu bíða
um sinn. Auk þess
hefur orðið að fresta
frágangi á rými þar
sem áætlað var að sjö
vistmenn gætu dvalið.
Er það mjög bagalegt
í ljósi hinnar miklu
þarfar sem er fyrir
hjúkrunarrými fyrir
aldraða hér í Kópa-
vogi.
Með fjársöfnuninni sem ráðist
verður í þann 20. október nk. er
ætlunin að lyfta grettistaki. Mark-
miðið með þessu átaki er að safna
því fé sem vantar til þess að unnt
verði að ljúka nýbyggingunni, en
til þess skortir um 30
milljónir króna. Þegar
það fé hefur safnast
verður þegar hafist
handa við að ljúka
þeim framkvæmdum
sem frestað hefur ver-
ið og má ætla að
byggingin verði full-
kláruð á næsta ári
safnist nægilegt fé í
því söfnunarátaki sem
nú fer í hönd.
Ljóst er að auðvelt
hefði verið fyrir sam-
tökin að taka lán til
þess að ljúka bygging-
arframkvæmdum, en
þá er því miður ekki nema hálf
sagan sögð. Það er nefnilega þann-
ig að greiða þarf öll lán til baka og
rekstrarframlagið í dag nægir
varla til þess að greiða reksturinn.
Stjórnin, þó bjartsýn sé, leggur
ekki til að farið verði út í fram-
kvæmdir og yfirvöldum sýndur
reikningurinn á eftir. Slík vinnu-
brögð eru ekki viðhöfð hjá stjórn
Sunnuhlíðar, þótt víða séu for-
dæmi um slíkt. Það er ætlun
stjórnarinnar að sýna ábyrgð og
festu við alla fjársýslu Sunnuhlíð-
ar.
Sunnuhlíð er sjálfseignarstofnun
þar sem öllum arði af starfseminni
er varið til hennar sjálfrar, en að
undanförnu hefur því miður ekki
verið um hagnað að ræða og skýr-
ist það fyrst og fremst af hinni
miklu þenslu sem verið hefur á
vinnumarkaði hér á landi að und-
anförnu.
Frá því Sunnuhlíð tók til starfa
hefur íbúafjöldi í Kópavogi vaxið
mjög og fjöldi aldraðra tvöfaldast.
Nú bíða um 60 umsóknir um vist-
rými afgreiðslu og af því má sjá
hve þörfin er brýn. Það skiptir því
miklu að vel takist með þá söfnun
sem í hönd fer.
Um leið og ég þakka hinum fjöl-
mörgu og þá ekki síst meðlimum
ýmissa klúbba og félaga í bænum
sem lagt hafa Sunnuhlíð og þeirri
starfsemi, sem þar er rekin, lið vil
ég hvetja Kópavogsbúa og fyrir-
tækin í bænum til þess að styðja
við bakið á Sunnuhlíð og bregðast
vel við óskum um fjárstuðning.
Með samstilltu átaki munum við
ná þeim árangri sem stefnt er að.
Söfnum fyrir Sunnuhlíð
Guðjón Magnússon
Fjársöfnun
Ég vil hvetja Kópavogs-
búa og fyrirtækin í bæn-
um, segir Guðjón Magn-
ússon, til þess að styðja
við bakið á Sunnuhlíð og
bregðast vel við óskum
um fjárstuðning.
Höfundur er formaður
Sunnuhlíðarsamtakanna.
G
læ
si
le
g
a
r
g
ja
fa
vö
ru
r Skál
kr. 6.300
Mörkinni 3, sími 588 0640
Opið mán.-fös. frá kl. 12-18.
Lau. frá kl. 11-14.
Toppárangur
með
þakrennukerfi
þakrennukerfi
Fagm
enns
ka
í
fyrir
rúmi

BLIKKÁS EHF.
SKEMMUVEGUR 36
200 KÓPAVOGUR
SÍMI 557 2000 - FAX 557 4111
Söluaðilar um land allt
BROSTE - HAUST 2001
Blómasmiðja Ómars, Keflavík
Huggulegt
heima....
er heitast
í dag