Morgunblaðið - 18.10.2001, Blaðsíða 37

LISTIR
MORGUNBLAÐIÐ FIMMTUDAGUR 18. OKTÓBER 2001 37
ölvu-
bókhald
Markmiðið með þessu 96 kennslustunda námi er að þjálfa
nemendur fyrir víðtæk tölvubókhaldsstörf í atvinnulífinu.
Kennt er á “Navision Financials” með viðbótarlausnum
sem skiptast niður í eftirfarandi námsgreinar:
Nemendur sem sækja námið þurfa að hafa haldgóða
tölvuþekkingu og skilning á bókhaldi.
Boðið er upp á bæði morgun- og kvöldnámskeið
sem hefjast 22. og 23. október.
Upplýsingar og innritun í símum
544 4500 og 555 4980 og á www.ntv.is
Grunnkerfi (6)
Fjárhagsbókhald og launakerfi (36)
Sölu- og viðskiptamannabókhald (24)
Birgða,- innkaupa- og tollakerfi (30)
Verklegar æfingar
(kennslustundir í sviga):
Hólshrauni 2 - 220 Hafnarfirði - Sími: 555 4980
Hlíðasmára 9 - 201 Kópavogi - Sími: 544 4500
Eyravegi 37 - 800 Selfossi - Sími: 482 3937
Póstfang: skoli@ntv.is - Veffang: www.ntv.is
n
t
v
.
is
nt
v.
is
n
tv
.i
s
FYRSTU 5 verkin eftir Mozart
eru samin fyrir hljómborð þegar
Mozart var sex ára en fiðlusón-
öturnar K 6 til 15 eru samdar á ár-
unum 1762 til ’64 og sex síðustu, K
10-15, eru samdar í London, þegar
Mozart var níu ára og naut gest-
risni Johanns Christian Bach.
Sagnfræðingar telja að Johann
Christian hafi leiðbeint hinum
unga Mozart í gerð sinfónískra
verka, nokkuð sem faðir hans hafði
bannað drengnum að fást við en
stráksi hafi notað tækifærið, þegar
faðir hans veiktist og gat ekki vak-
að yfir honum.Talið er að hann
hafi samið fjórar eða fimm sinfóní-
ur meðan hann dvaldist í London
og leiðréttingar, sem sjást í verk-
unum, séu hugsanlega eftir Jo-
hann Christian. Þrjár af þessum
sinfóníum eru til (K 16, 19 og 19a),
hreint ótrúlega góð tónverk og
sama má segja um fiðlusónöturn-
ar.
Á tónleikum Kammerhóps Sal-
arins sl. sunnudag var fyrsta verk-
ið fiðlusónatan K 14, í C-dúr, en
samkvæmt forskrift Mozart og
samkvæmt venju einnig tilgreint
að leika megi verkið á selló. Á tón-
leikunum var sónatan leikin á
flautu og voru það Áshildur Har-
aldsdóttir og Nína Margrét Gríms-
dóttir sem fluttu þetta ljúfa æsku-
verk eftir Mozart. Flutningurinn
var í alla staði fallega mótaður,
einkum tveir fyrri þættirnir, þó
menúettarnir hafi hugsanlega ver-
ið of hraðir, miðað við það, að sá
dans er hægur og uppfærður í
gangandi takti. Hvað um það, þá
var samleikur Áshildar og Nínu
Margrétar óaðfinnanlegur.
Annað verkið á tónleikunum var
flautukvartettinn K 285, sem sam-
inn er í Mannheim á jólum 1777 og
þrátt fyrir að Mozart vildi ekki
semja fyrir flautu er verkið að
mörgu leyti mjög vel samið og sér-
staklega hægi þátturinn, þar sem
Mozart leikur sér á meistaralegan
máta með svonefnda hljómleys-
ingja, sérstaklega granntóna, er
gefur tónmálinu vissa sársaukatil-
finningu. Má vera, að þótt Mozart
hafi verið leiður yfir því að þurfa
að semja fyrir flautu, eigi það þátt
í þeim sérkennilega trega, sem
heyra má í þessum einstæða kafla.
Flautukvartettinn var sérlega vel
leikinn og þar fór fyrir öðrum Ás-
hildur, því kvartettinn er nær einn
samfelldur flautuleikur. Með í
þessum fallega leik voru Sif, Helga
og Sigurður Bjarki.
Píanó- og fiðlusónatan í B-dúr K
378 er gamall kunningi, og var
glæsilega leikin af Nínu Margréti
og Sif. Þrátt fyrir að píanóið sé
þarna í forustuhlutverki átti fiðlan
nokkrar fjörugar strófur í fyrsta
kaflanum, syngjandi laglínuna í
miðkafla hæga þáttarins, er leiðir
svo fallega yfir í upphafsstefið.
Lokakaflinn er ein flugeldasýning,
sem var aldeilis vel fluttur. Loka-
verk tónleikanna var píanókvart-
ettinn í g-moll, K 478, sem er það
sem kalla mætti píanókonsert og
þar bættist í hópinn Miklos
Dalmay og var leikur hans sérlega
glæsilegur og í raun magnaður.
Sif, Helga og Sigurður Bjarki áttu
stóran þátt í þessum frábæra
flutningi.
Sagan segir, að þegar Mozart
var í London hafi hann og Johann
Christian Bach orðið mestu mátar
og til þeirra hafi sést, er Johann
Christian sat undir drengnum við
píanóið og þeir spiluðu til skiptis,
botnuðu tónhendingar hvor hjá
öðrum. Það er ljóst, að Johann
Christian vissi að á hnjám hans sat
snillingur, því varla hefði hann lof-
að smástrák að gera sér dælt við
sig og þaðan af síður að „kveðast“
á við sig, enda virti Mozart Johann
Christian mikils og var að mörgu
leyti undir áhrifum af tónmáli
hans.
Snillingurinn Mozart var í Saln-
um sl. sunnudag. Tónmál hans átti
sér tilvist í handtaki þeirra er þar
komu fram og vart er hægt að
hugsa sér betri flutning en þar gat
að heyra. Sú kynslóð, er þarna um
vélaði, mun tryggja framtíð góðrar
tónlistar í landinu og er fær um að
stefna sínu til sætis, þar sem „feg-
urðin ein ríkir ofar hverri kröfu“.
Var Mozart í salnum?
TÓNLIST
S a l u r i n n
Kammerhópur Salarins flutti
fjögur verk eftir Mozart.
Flytjendur voru: Áshildur
Haraldsdóttir, Helga Þórarins-
dóttir, Miklos Dalmay, Nína
Margrét Grímsdóttir,
Sif Tulinius og Sigurður
Bjarki Gunnarsson.
Sunnudagurinn 14. október, 2001.
KAMMERTÓNLEIKAR
Jón Ásgeirsson
W.A. Mozart