Morgunblaðið - 24.10.2001, Blaðsíða 2

11 milljóna
fjárdráttur
aðalbókara
upplýstur
AÐALBÓKARI Flugleiða hef-
ur játað á sig meintan fjárdrátt
og telst hann að fullu upplýstur.
Í fréttatilkynningu frá Flug-
leiðum kemur fram að aðalbók-
arinn hefur játað að hafa dregið
að sér fé sem nemur rúmlega
11 milljónum króna á þessu ári
og í fyrra.
Málið hefur verið kært til
efnahagsbrotadeildar ríkislög-
reglustjóra.
FRÉTTIR
2 MIÐVIKUDAGUR 24. OKTÓBER 2001 MORGUNBLAÐIÐ
Fylgstu
með
nýjustu
fréttum
www.mbl.isRosenberg á möguleika/B1
Línurnar að skýrarst í
Meistaradeild Evrópu/B2
4 SÍÐUR
Sérblöð í dag
SÓLVEIG Pétursdóttir dómsmála-
ráðherra kynnti nýtt frumvarp til
laga um fasteignakaup á ríkisstjórn-
arfundi í gær.
„Þetta er mjög stórt frumvarp og
ég vænti þess að því verði vel tekið á
Alþingi. Þetta eru fyrstu lög sinnar
tegundar en þau munu eyða réttar-
óvissu og efla neytendavernd,“ sagði
Sólveig um frumvarpið.
Sérstakt mið tekið af
norskum lögum
Ráðherra segir frumvarpið vel
unnið og að leitað hafi verið umsagn-
ar hjá fjölmörgum aðilum, meðal
annars hjá Arkitektafélagi Íslands,
Dómarafélagi Íslands, Neytenda-
samtökunum, Félagi fasteignasala og
Húseigendafélaginu. Auk þess var
gerð könnun á löggjöf Norður-
landanna á þessu sviði. Sérstakt mið
var tekið af norskum lögum á þessu
sviði, að sögn ráðherra.
„Þetta eru fyrstu lög sinnar teg-
undar,“ sagði ráðherra. „Ef frum-
varpinu verður vel tekið á Alþingi, en
ég á ekki von á öðru, gengur í fyrsta
sinn í gildi heildarlöggjöf um fast-
eignaviðskipti. Sá háttur hefur verið
hafður á að dómstólar hafa byggt á
lögjöfnun, venjum sem hafa myndast
á fasteignamarkaði og almennum
meginreglum kröfuréttar. Þessu
frumvarpi er ætlað að eyða réttar-
óvissu,“ sagði hún.
Ráðherra segir að í frumvarpinu sé
hugtakið „galli“ skilgreint nákvæmar
en áður til að draga úr þeirri óvissu
sem kann að skapast í sambandi við
það hugtak og hefur valdið ágreiningi
milli kaupanda og seljanda. „Þannig
að vonir standa til þess að þegar
frumvarpið verður að lögum dragi úr
málaferlum vegna fasteignakaupa en
þau eru algeng núna,“ sagði Sólveig.
Í frumvarpinu felst líka mikil neyt-
endavernd, að sögn Sólveigar. „Leit-
ast er við að styrkja réttarstöðu
þeirra sem kaupa fasteignir og þeirra
sem hafa atvinnu af að byggja og
selja fasteignir. Í frumvarpinu eru
slík viðskipti skilgreind sem neyt-
endakaup og er kaupanda veitt sér-
stök vernd við slíkar aðstæður,“
sagði Sólveig.
Matsskýrslur um
ástand fasteigna
Sérstakt nýmæli í frumvarpinu eru
matsskýrslur, en það eru sérstakar
skýrslur sem gerðar yrðu af sérfróð-
um mönnum um ástand fasteignar
fyrir sölu. Þetta er úrræði sem selj-
andi tekur ákvörðun um og ber
kostnað af vegna þess, að sögn ráð-
herra. Segir hún matsmenn þurfa að
hafa sérstakt leyfi frá ráðuneytinu.
Frumvarp til nýrra fasteignalaga kynnt í ríkisstjórn í gær
Ætlað að efla neytenda-
vernd og eyða réttaróvissu
ALLT tiltækt lið Slökkviliðs
höfuðborgarsvæðisins var kallað
út snemma í gærkvöld þegar eld-
ur kom upp í gömlu húsi við bæ-
inn Lund í Kópavogi neðan við
Nýbýlaveg. Eldurinn logaði glatt
um tíma og barst mikill reykur
yfir Hafnarfjarðarveg og út yfir
voginn.
Eldurinn kom upp í gömlu húsi
sem fyrirtækið Litbolti, Paintball
ehf., var með aðsetur í. Óttuðust
menn um tíma að eldurinn bærist
í stóra skemmu sem áföst er hús-
inu en greiðlega gekk að slökkva
hann. Ekki er vitað um tildrög
eldsins en viðbyggingin er talin
ónýt. Einnig er ljóst að nokkurt
tjón varð á innanstokksmunum en
tækin sem notuð eru til að leika
litbolta eru talsvert dýr.
Lögreglan lokaði hluta Nýbýla-
vegar um tíma vegna sprengju-
hættu sem stafaði af þrýstikútum
úr litabyssum sem geymdar voru
í húsinu. Umferð var þó komin í
samt lag um tíuleytið í gærkvöld.
Kveikt í rusli fyrir
utan Grensáskirkju
Slökkviliðið var einnig kallað
út í gærkvöld til þess að slökkva
eld við Grensáskirkju þar sem
hafði verið kveikt í rusli fyrir ut-
an kirkjuna. Greiðlega gekk að
slökkva eldinn.
Morgunblaðið/Júlíus
Eldur í Litbolta við Lund
Skrifstofur Borgarendurskoðunar
væntanlega opnaðar í dag
Ólíklegt að þetta
sé miltisbrandur
BÚIST er við að skrifstofur Borg-
arendurskoðunar verði opnaðar í
dag en þær voru innsiglaðar á mánu-
dag eftir að torkennilegt hvítt duft
fannst í umbúðum utan af tímaritinu
The Economist.
Ólafur Steingrímsson, yfirlæknir
á sýklafræðideild, segir ólíklegt að
duftið innihaldi miltisbrand. „Það óx
ekkert fyrsta sólarhringinn og þá
eru litlar líkur á að það gerist en við
útskrifum þetta eftir tvo sólar-
hringa.“ Endanlegar niðurstöður
verða því ljósar í dag, miðvikudag.
Í Morgunblaðinu í gær var rætt
við dreifingarstjóra The Economist
sem sagði að duftið væri að öllum lík-
indum meinlaust en það væri notað
til að auðvelda pökkun á tímaritinu.
Starfsemi Borgarendurskoðunar
hefur að sjálfsögðu raskast enda
skrifstofur stofnunarinnar öllum
lokaðar. Símon Hallsson borgarend-
urskoðandi sagði í samtali við Morg-
unblaðið í gær að starfsfólkið hefði í
gær farið í vettvangsferðir í stofn-
anir og fyrirtæki borgarinnar og því
hefði starfsemin ekki alveg stöðvast.
Þær tafir sem hefðu orðið á vinnu
Borgarendurskoðunar yrðu væntan-
lega unnar upp á næstu dögum. Sím-
on segir að full ástæða hafi verið til
að taka það alvarlega þegar hvítt
duft féll úr umbúðum tímaritsins.
„Ég lét hringja strax í lögregluna
og hringdi sjálfur í Harald Briem.“
Hann bendir á að tímaritið The
Economist berist vikulega til Borg-
arendurskoðunar og það hafi því ver-
ið opnað mörg hundruð sinnum án
þess að nokkurt duft kæmi út úr um-
búðunum.
Aðspurður segir Símon að það sé
nokkuð misjafnt hvort starfsfólkið
hafi jafnað sig. „Það hafa allir haldið
ró sinni en það myndast einhver
spenna.“ Hann segir að eitthvað
hljóti að draga úr starfsþreki og af-
köstum við svona aðstæður „Fólk er
með þetta í huga sem upplifir þetta.“
SAMNINGAFUNDIR með tónlist-
arkennurum og sjúkraliðum í húsa-
kynnum ríkissáttasemjara í gær báru
engan árangur. Tónlistarkennarar,
sem eru í verkfalli, komu til fundar á
hádegi en sáttasemjari sleit fundi um
fjögurleytið án þess að nokkuð hefði
þokast í samkomulagsátt. Sáttasemj-
ari hefur boðað tónlistarkennara til
nýs sáttafundar kl. 14 í dag.
Síðdegis í gær hittust á stuttum
fundi fulltrúar sjúkraliða og Reykja-
víkurborgar, án afskipta ríkissátta-
semjara, en missagt var í blaðinu í
gær að þeir hópar ætluðu að hittast á
föstudag. Hið rétta er að þá munu
sjúkraliðar hitta samninganefnd rík-
isins og síðan launanefnd sveitarfé-
laga næstkomandi þriðjudag. Hafi
samningar ekki tekist munu sjúkra-
liðar hjá ríkinu og tveimur sjálfseign-
arstofnunum fara í þriggja daga verk-
fall í næstu viku, eða frá aðfaranótt
mánudags til miðvikudagskvölds.
Óbreytt hjá sjúkraliðum
og tónlistarkennurum
Harpa VE
strandaði við
Grindavík
NÓTASKIPIÐ Harpa VE 25
strandaði austan til í innsiglingunni
til Grindavíkur um kvöldmatarleytið
í gærkvöld. Skipið sat fast í rúma
klukkustund en björgunarmönnnum
á björgunarbátnum Oddi V. Gísla-
syni tókst að toga í skipið og koma
því á flot þegar sjór féll að í gær-
kvöld, enda sat skipið ekki mjög fast.
Björgunarsveitin Þorbjörn var í við-
bragðsstöðu en ekki reyndist þörf á
að kalla björgunarsveitarmenn út.
Engin slys urðu á mönnum og ekki
var vitað til þess í gærkvöld að skipið
hefði skemmst.
Harpa VE er 445 brúttótonna og
53 metra langt skip. Samkvæmt upp-
lýsingum frá Grindavíkurhöfn mun
skipið ekki hafa verið með rétt hafn-
arkort í tölvunni og það truflaði
væntanlega skipstjórann með þeim
afleiðingum að skipið hélt sig ekki
nægilega vel í rennunni inn í höfnina.