Morgunblaðið - 24.10.2001, Blaðsíða 12

HÖFUÐBORGARSVÆÐIÐ
12 MIÐVIKUDAGUR 24. OKTÓBER 2001 MORGUNBLAÐIÐ
FRÉTTIR
UNDIRGÖNG undir Vífilsstaðaveg
við Sjávargrund verða tilbúin til
notkunar á næstu vikum. Ár er liðið
frá gerð ganganna en þau hafa ekki
verið í notkun þar sem tengingu hef-
ur vantað við gönguleiðir hingað til.
Að sögn Eiríks Bjarnasonar, bæj-
arverkfræðings í Garðabæ, eru
nokkur ár síðan ákveðið var að gera
umrædd göng. „Þegar við gerðum
aðalskipulag Garðabæjar 1997 kom
athugasemd frá íbúum við Sjávar-
grund um að það vantaði gönguleið
fyrir skólabörn. Því var ákveðið að
setja þessi göng á aðalskipulagið og í
fyrra, þegar við gerðum Vífilsstaða-
veg til vesturs frá Hafnarfjarðar-
vegi, var ákveðið að setja þetta í
framkvæmd.“
Göngin voru gerð í fyrrahaust en
að sögn Eiríks hefur þröng aðkoma
hindrað frágang við þau. „Við þurf-
um að komast inn á lóð Sjávargrund-
arinnar þar sem Alviðrublokkin er
og höfum verið að reyna að ná samn-
ingum við húsfélagið þar um. Hug-
myndin er að fá smáskika af lóðinni
og láta þá fá annað í staðinn til þess
að við getum gert gönguleiðir til og
frá göngunum. Göngin hafa ekki ver-
ið í notkun en við erum að gera
bráðabirgðatengingar að þeim núna
til þess að þau verði virk og því verð-
ur lokið á næstu vikum.“
Eiríkur segir göngin nýtast börn-
um í Flataskóla og Garðaskóla auk
þess sem þau tengist íþróttasvæðinu
og raunar öllum miðbæ Garðabæjar.
Kostnaður við framkvæmdina er á
bilinu 10-15 milljónir króna.
Undirgöng tilbúin á næstunni

  










  
 


 



!




%
& $
"%& 

'



($ 
) 



   Garðabær
FORELDRAFÉLAG Víðistaða-
skóla telur húsnæði skólans og að-
búnað nemenda óviðunandi og hefur
óskað eftir viðræðum við bæjaryf-
irvöld vegna þessa. Framkvæmda-
stjóri stjórnsýslu- og fjármálasviðs
bæjarins segir ljóst að viðhaldi skól-
ans hafi verið verulega ábótavant.
Í bréfi til bæjarráðs Hafnarfjarð-
ar segir varaformaður félagsins að
húsnæði skólans sé gamalt og úr
sér gengið auk þess sem aðstöðu
vanti til kennslu í hinum ýmsu
námsgreinum, s.s. heimilisfræði,
tölvu- og tónlistarkennslu. „Skólinn
lekur, salerni í eldri hluta skólans
eru gömul og brýn nauðsyn á end-
urnýjun þeirra, endurnýjun hús-
gagna gengur hægt og matarað-
staða nemenda í 1. til 7. bekk er
engin,“ segir í bréfinu. Er vísað til
ákvæðis grunnskólalaga um að hið
síðasttalda skuli vera fyrir hendi.
Þá er tíundað að félagsaðstaða nem-
enda í barnadeild sé lítil sem engin
þar sem sú aðstaða sem fyrir var
hafi verið tekin undir tölvukennslu í
vetur.
Sagt er að skólalóðin sé vægast
sagt í ömurlegu ástandi. „Leiktæki
eru fá, aðstaða til bolta- og útileikja
lítil, lýsing alls ekki nóg umhverfis
skólann og lagfæring á tröppum
vestan megin við skólann er enn
ekki hafin.“
Þá er aðstaða félagsmiðstöðvar-
innar Vitans gerð að umtalsefni en
þetta er annað starfsár miðstöðv-
arinnar í skólanum. Er þess getið
að starfsemin hafi farið vel af stað
og að almenn ánægja sé meðal nem-
enda, kennara og foreldra með að fá
félagsmiðstöðina inn í skólann. Hins
vegar er bent á að aðstaða hennar í
skólanum sé alls ekki við hæfi og sú
minnsta í Hafnarfirði miðað við
nemendafjölda. Bent er á að stólar
og borð séu gólfföst sem rýri nota-
gildi salarins og myrkvunartjöld
vanti auk þess sem loftræsting sé
ónóg og mataraðstaða of lítil.
Loks er gagnrýnt að fjármagn til
Vitans sé mun minna en til annarra
félagsmiðstöðva þrátt fyrir að ung-
lingadeild skólans sé ein sú fjöl-
mennasta í bænum.
Í niðurlagi bréfsins segir að for-
eldrafélaginu sé kunnugt um að
stækkun skólans og endurbætur
séu á áætlun árið 2004. „Við viljum
fyrir hönd barna okkar gera þá
kröfu á bæjaryfirvöld að sofa ekki á
verðinum fram að þeim tíma því úr-
bóta er þörf á ofangreindum atrið-
um hið fyrsta,“ segir í bréfinu og er
óskað eftir fundi með bæjaryfirvöld-
um vegna málsins.
„Bæði tímafrekt
og kostnaðarsamt“
Að sögn Halldórs Árnasonar,
framkvæmdastjóra stjórnsýslu- og
fjármálasviðs Hafnarfjarðarbæjar,
hefur þetta mál verið lengi til um-
ræðu. Elsti hluti Víðistaðaskóla er
30 ára gamall en ástand bygging-
arinnar er verra en aldur hennar
gefur til kynna.
Hann segir að undanfarið hafi
verið reynt að gera nauðsynlegustu
úrbætur. „Hins vegar er þetta allt
bæði tímafrekt og kostnaðarsamt
og á sama tíma höfum við verið að
einsetja grunnskólana í Hafnarfirði.
Röðin er ekki enn komin að Víði-
staðaskóla og því er ekki óeðlilegt
að foreldrarnir kvarti og geri at-
hugasemdir við aðbúnaðinn,“ segir
hann.
Þegar hann er spurður um hvort
skólinn hafi dregist afturúr varð-
andi viðhald segir Halldór: „Miðað
við aldur hússins og í ljósi þess að
elsti hlutinn er þó hvað best farinn
held ég að það sé nokkuð ljóst að
viðhaldi skólans hefur verið veru-
lega ábótavant.“
Eins og fram kemur í bréfi for-
eldrafélagsins er gert ráð fyrir
stækkun og endurbótum á skólan-
um árið 2004. Halldór segir ekki
sjáanlegt að einsetningu skólans
verði flýtt.
„Aftur á móti höfum við reynt að
bregðast við þannig að forða megi
enn frekari skemmdum með því að
gera við lekaskemmdir og annað því
um líkt. Eins höfum við gert átak í
að bæta brunavarnir,“ segir hann
og bætir við að næsta skref sé að
ræða við fulltrúa foreldra og fá
fram sjónarmið þeirra. Síðan verði
kannað hvað bæjaryfirvöld geta
gert til þess að koma til móts við
þær athugasemdir.
Húsnæði Víðistaða-
skóla úr sér gengið
Viðhaldi
ábótavant, segir
fulltrúi bæjarins
Hafnarfjörður
Morgunblaðið/Þorkell
Foreldrar í Víðistaðaskóla segja húsnæði skólans gamalt og úr sér gengið og skólalóðina í slæmu ástandi.
KIRKJUÞING, sem lýkur störfum
í dag, samþykkti í gær að mótmæla
einhliða sölu ríkisins á jörðum sem
tengjast og tilheyra prestssetrum.
Samkomulag hefur ekki náðst um
sölu og ráðstöfun þessara eigna en
kirkjuþing lýsti jafnframt yfir
ánægju með jákvæða afstöðu
kirkjumálaráðherra, Sólveigar Pét-
ursdóttur, til þessa samningaferils.
Einnig var í gær ítrekuð samþykkt
fyrri kirkjuþinga um að prestssetur
verði áfram á Þingvöllum.
Átta mál hlutu afgreiðslu á
þinginu í gær, en alls hafa 25 mál
verið til umfjöllunar. Samþykkt hef-
ur verið stofnun nýrrar sóknar og
prestakalls í Kópavogi, Lindasóknar
og Lindaprestakalls, sem taka á
gildi 1. júlí á næsta ári.
Önnur mál sem afgreidd voru í
gær fjölluðu m.a. um rekstrarkostn-
að prestsembætta, niðurlagningu
kirkjubyggingarsjóðs, fjármál þjóð-
kirkjunnar, skýrslu Prestssetra-
sjóðs og breytingu á starfsreglum
vígslubiskupa þannig að prófasts-
dæmin á Austurlandi falli undir
vígslubiskupinn á Hólum í stað
Skálholts áður. Einnig var sam-
þykkt í gær að greiða fyrir sam-
skiptum við svonefndar fríkirkjur
innan Þjóðkirkjunnar, þ.e. Fríkirkj-
una í Reykjavík, Óháða söfnuðinn
og Fríkirkjuna í Hafnarfirði. Máli
er fjallar um starfsreglur prests-
embætta var vísað til biskups til
frekari athugunar.
Á kirkjuþingi hefur einnig verið
samþykkt að skipa nefnd til að
kanna fyrirkomulag um val á sókn-
arprestum og prestum frá árinu
1987 til þessa dags. Enn fremur á
nefndin að skilgreina hvernig áhrif
safnaðanna „og sanngirni gagnvart
prestastéttinni verði tryggð í
reglum um val á presti“, eins og
segir í samþykktri tillögu. Nefnd-
inni er ætlað að leggja niðurstöður
sínar og tillögur að breytingum
ásamt greinargerð fyrir kirkjuþing
2002.
Einhliða sölu ríkisins á
kirkjujörðum mótmælt
UMBOÐSMAÐUR barna, Þórhildur
Líndal, segir úrræði vanta sárlega
fyrir heimilislausa unglinga eða ung-
linga á götunni, m.a. í Reykjavík. Hún
fagnar því hins vegar ef borgaryfir-
völd ætla að fjölga úrræðum fyrir
börn, samkvæmt því sem fram kom í
Morgunblaðinu á fimmtudag. Þór-
hildur hefur líkt og Barnaverndar-
stofa áhyggjur af réttarstöðu þeirra
barna á landsbyggðinni sem koma af
bágstöddum heimilum.
„Ég hef meira komið að málum þar
sem unglingar eiga í hlut, unglingar
sem orðið hafa að flýja að heiman eða
geta ekki búið heima hjá sér vegna
vanda sem þar er fyrir. Mér sýnist
þau úrræði sem Reykjavíkurborg
hefur fyrir ung börn sem búa við erf-
iðar aðstæður á heimilum vera í rétta
átt og stefnan í samræmi við Barna-
sáttmálann, með því að reyna að
styðja sem mest við fjölskyldurnar
þegar börnin eru ung að árum. Með
því að loka öðru vistheimilinu get ég
þó ekki ímyndað mér að það dugi að
vera einungis með tvö einkaheimili en
mér virðist af frásögn Morgunblaðs-
ins að svo verði. Tíminn verður að
leiða í ljós hvort þetta dugar. En það
er afar brýnt verkefni að leysa vanda
unglinganna, sem er ekki vært heima
fyrir.
Ég er ekki eingöngu að tala um
unglinga sem eru sjálfir í vímuefna-
neyslu heldur þá sem hafa gefist upp
vegna vandræðaástands heima fyrir
og eru þar af leiðandi í mikilli hættu á
að fara út af sporinu,“ segir Þórhild-
ur. Heimilislausir unglingar hafa að-
allega leitað í Rauðakross-húsið en á
síðasta ári komu þangað 32 unglingar
sem bjuggu við erfiðleika á sínum
heimilum, þar af 14 stelpur og 18
strákar. Flest voru þau á aldrinum
14–17 ára. Fyrstu fimm mánuði þessa
árs komu fimmtíu börn og unglingar
til Rauða krossins, að sögn Þórhildar,
þar af voru tólf án heimilis og sex
þeirra fóru aftur á götuna án þess að
einhver úrræði væru í boði.
Þórhildur segist hafa bent á vanda
þessara unglinga sl. sumar og þá
hefðu barnaverndaryfirvöld ekki vilj-
að viðurkenna að eitthvað væri að.
Séu sömu yfirvöld að viðurkenna
vandann núna þá fagni hún því.
Umboðsmaður barna hefur fengið
nokkur mál til umfjöllunar sem tengj-
ast börnum og unglingum sem eiga
bágstadda foreldra. Þórhildur segir
hverju máli vera ofaukið, Ísland sé
það lítið samfélag að það eigi að geta
hlúð að hverjum einstaklingi.
Börn á landsbyggðinni njóta
ekki lögbundinna réttinda
Varðandi stöðu barna á lands-
byggðinni segist Þórhildur hafa bent
á vanda þeirra á síðustu árum og lýst
yfir áhyggjum sínum. Að hennar mati
má ætla að börn á landsbyggðinni
njóti ekki til fulls þeirra réttinda sem
barnaverndarlög kveða á um. Þau
þurfi að búa við sömu skilyrði og börn
í þéttbýlinu ef eitthvað bjáti á heima
fyrir.
„Upplýsingar benda til þess að
ekkert sé að gerast hjá mörgum
barnaverndarnefndum úti á lands-
byggðinni sem fær varla staðist.
Þarna þarf meira eftirlit með störfum
þessara nefnda að koma til. Í árs-
skýrslu minni fyrir árið 2000 birtust
upplýsingar frá Barnaverndarráði
sem sýndu að ekkert málskot barst
frá nefndum sem ætlað er að þjóna
alls 128 þúsund íbúum á árunum 1995
til 1999. Aðeins ellefu barnaverndar-
nefndir stóðu að baki þeim málum
sem fjallað var um.
Ég hef vakið athygli félagsmálar-
áðherra á þessari staðreynd, en ekki
fengið formleg viðbrögð frá honum.
Ég veit ekki til þess að hafin sé könn-
un á þessu en ég tel fulla þörf á að hún
fari fram sem fyrst. Þá er það mín
skoðun að það þurfi að stækka barna-
verndarumdæmin til muna og gera
sveitarfélögunum betur kleift að tak-
ast á við þau vandamál sem upp koma
og tengjast börnum. Í hverjum lands-
hluta þyrfti að vera ein öflug skrif-
stofa með sérhæfðu starfsfólki sem
sveitarfélögin stæðu þá sameiginlega
að,“ segir Þórhildur en þess má geta
að árið 1999 var kosið í 62 barna-
verndarnefndir hjá sveitarfélögunum
og árið 1995 voru nefndirnar 104.
Umboðsmaður barna segir tíma til
kominn að sveitarfélögin setji barna-
verndarmálin í forgang hjá sér og nú
sé lag til þess fyrir kosningarnar
næsta vor. Börnin séu framtíðaríbúar
sveitarfélaganna sem þurfi að hugsa
vel um. Þórhildur segir mikilvægt að
auka samvinnu sveitarfélaganna á
þessu sviði.
Umboðsmaður barna fagnar fleiri
úrræðum fyrir heimilislaus börn
Úrræði vantar
fyrir heimilis-
lausa unglinga