Morgunblaðið - 24.10.2001, Blaðsíða 21

ERLENT
MORGUNBLAÐIÐ MIÐVIKUDAGUR 24. OKTÓBER 2001 21
STAÐFEST var í gær að tveir
starfsmenn póstþjónustunnar í
Washington, höfuðborg Bandaríkj-
anna, hefðu látist eftir að hafa andað
að sér miltisbrandsgróum. Þúsundir
manna fengu sýklalyf gegn hugsan-
legri sýkingu og hafist var handa við
að afla sýna úr starfsfólki 36 póst-
húsa í borginni.
Ivan Walks, borgarlæknir Wash-
ington, sagði í gær að tveir póst-
starfsmenn, sem andað hefðu að sér
miltisbrandi, væru á sjúkrahúsi.
Ástand þeirra væri alvarlegt. Um þá
tvo sem létust á sunnudag og mánu-
dag sagði Walks: „Dánarorsökin,
það hvernig andlát þessa fólks bar
að, gerir að verkum að við teljum
nánast fullvíst að viðkomandi hafi
andað að sér miltisbrandi og við
göngum út frá því vegna þess að það
er nauðsynlegt til að verja heilsu al-
mennings.“ Síðdegis var síðan stað-
fest að dánarorsökin hefði verið milt-
isbrandssýking. Eru þar með þrír
látnir vestra eftir að hafa andað að
sér miltisbrandsgróum.
Walks sagði að fylgst væri grannt
með tólf manns, sem sýnt hefðu
merki sýkingar. Þar ræddi ekki ein-
vörðungu um starfsmenn póstþjón-
ustunnar.
Fulltrúadeild Bandaríkjaþings
tók að nýju til starfa í gær en skrif-
stofubyggingar beggja þingdeilda
voru áfram lokaðar. Walks gat þess
að hugsanlegt væri að fleiri bréf með
miltisbrandi en það, sem barst skrif-
stofu Toms Daschles, leiðtoga meiri-
hlutans í öldungadeildinni, hefðu far-
ið í gegnum umrætt pósthús. Enn er
þó bréfið til Daschle það eina, sem
vitað er að fór um umrædda póst-
flokkunarstöð í Brentwood í Wash-
ington. Alls komust 28 manns á
skrifstofu Daschle í snertingu við
miltisbrandsgróin, sem það bréf
hafði að geyma.
Feykti hreinsibúnaður upp
miltisbrandsgróum?
Dauði mannanna tveggja og nýju
tilfellin hafa fyllt menn miklum óhug
vestra. Þar sem bréfin, sem inni-
héldu miltisbrandsgróin, voru ekki
opnuð í póstmiðstöðinni, þykir mörg-
um sem hættan á smiti sé mun meiri
en af hefur verið látið. Sú skýring
hefur verið sett fram að hugsanlega
hafi blásarar, sem notaðir eru til að
hreinsa tækjabúnað í pósthúsinu í
Brentwood og víðar, megnað að
feykja upp miltisbrandsgróum. Póst-
urinn er flokkaður í vélum og telja
sérfróðir að miltisbrandsgró á eða í
bréfunum hafi orðið eftir í þeim bún-
aði og þau síðan feykst upp er hann
var blásinn.
Í gær var í athugun að breyta því
vinnulagi auk þess sem í ráði var að
taka í notkun geislatæki, sem megna
eiga að drepa þá sýkla, er í pósti
kunna að leynast.
Dauði tveggja póststarfsmanna eykur enn á ótta fólks í Bandaríkjunum
Staðfest að
dánarorsök var
miltisbrandur
Washington. AP. The Washington Post.
ÍRAKAR hafa að undanförnu
verið að flytja eitthvað af efna-
vopnum sínum í neðanjarðar-
byrgi. Er það haft eftir heim-
ildum í Bandaríkjastjórn.
James Woolsey, fyrrverandi yf-
irmaður CIA, bandarísku leyni-
þjónustunnar, telur mjög lík-
legt, að Írakar hafi átt aðild að
hryðjuverkunum í Bandaríkj-
unum og því verði ekki hjá því
komist að beina spjótunum að
Saddam Hussein Íraksforseta.
Talið er, að geta Íraka til að
framleiða efnavopn hafi aukist
mjög á síðari árum eftir áföllin í
Persaflóastríðinu og nú séu
þeir færir um að framleiða slík
vopn með stuttum fyrirvara.
Kemur það fram í skýrslu, sem
bandaríska varnarmálaráðu-
neytið birti í janúar sl. Segir
þar, að Saddam hafi gert margt
til að fela þessa framleiðslugetu
fyrir umheiminum en vitað sé,
að hann eigi birgðir af sinneps-
gasi, tabún, sarín og VX-efnum.
Sumt af þessum vopnum var
notað í stríðinu við Íran og
gegn Kúrdum í Norður-Írak.
Vopnaeftirlitsmenn Samein-
uðu þjóðanna fundu á sínum
tíma skjöl, sem bentu til, að
Írakar hefðu falið um 6.000
efnavopnahleðslur, en Írakar
tóku þessi skjöl aftur í sína
vörslu. Þeir viðurkenndu hins
vegar 1995, að þeir hefðu fram-
leitt nærri 30.000 lítra af ýms-
um efnum, til dæmis miltis-
brunasýklum, bótúlíni og
aflatoxíni. Vopnaeftirlitsmenn
SÞ telja, að framleiðslan hafi í
raun verið þrisvar eða fjórum
sinnum meiri.
Ef rétt er, að Írakar séu nú
að reyna að fela sýkla- og efna-
vopnin í neðanjarðarbyrgjum,
þá er tilgangurinn vafalaust sá
að koma í veg fyrir, að þeim
verði eytt. Bandaríkjaher ræð-
ur hins vegar yfir geysiöflugum
sprengjum, sem er sérstaklega
ætlað að eyða neðanjarðar-
byrgjum.
Margar vísbendingar
„Vísbendingarnar eru of
margar, of mörg dæmi um
menn, sem flagga skilríkjum
annarra, um kænlega skjala-
fölsun og skipulega samhæf-
ingu landa og heimsálfa á milli,
til að unnt sé að álykta annað
en að baki hryðjuverkunum
standi ríki og vel rekin leyni-
þjónusta,“ sagði Woolsey, fyrr-
verandi yfirmaður CIA, sl.
mánudag. Hann benti einnig á,
að hryðjuverkin hefðu verið
lengi í undirbúningi og vitað
væri, að íraskir leyniþjónustu-
menn hefðu verið í sambandi al-
Qaeda, hryðjuverkasamtök
Osama bin Ladens.
Woolsey lagði áherslu á, að
enn hefði ekki tekist að sanna
aðild Íraka að hryðjuverkunum
en taldi líklegt, að að því kæmi.
Írakar
sagðir
reyna að
fela efna-
vopnin
Washington. AP.
Stretchbuxur kr. 2.900
Konubuxur frá kr. 1.690
Dragtir, kjólar,
blússur og pils.
Ódýr náttfatnaður.
Brandtex fatnaður
Nýbýlavegi 12, sími 5544433