Morgunblaðið - 24.10.2001, Blaðsíða 23

LISTIR
MORGUNBLAÐIÐ MIÐVIKUDAGUR 24. OKTÓBER 2001 23
DILBERT mbl.is
ÁFRAM stelpur gætu verið ein-
kunnarorð skemmtikvölds sem hald-
ið verður í Salnum í kvöld kl. 20. Um
er að ræða nokkurs konar kvenna-
kvöldvöku sem haldin er í tilefni af
væntanlegri útgáfu hljómdisks Ás-
gerðar Júníusdóttur mezzósópran-
söngkonu. Hljómdiskurinn heitir
„Minn heimur og þinn“ og inniheldur
átján lög eftir íslenskar konur við
ljóð íslenskra kvenna. Ásgerður seg-
ist hafa ákveðið að efna til dagskrár-
innar í stað þess að halda hefð-
bundna útgáfutónleika. „Mig langaði
til að gera eitthvað nýtt, og skipu-
lagði því þessa dagskrá sem hefur
vaxið og er orðin að nokkurs konar
„míní-listahátíð“,“ segir Ásgerður.
Flytjendur og höfundar atriðanna
á dagskránni eru eingöngu konur, og
eru atriðin af ýmsu tagi. Ásgerður
mun flytja fimm lög af hljómdisk-
num og nýtur þar liðsinnis lista-
kvennanna Steinunnar Birnu Ragn-
arsdóttur, Bryndísar Höllu Gylfa-
dóttur, Auðar Hafsteinsdóttur og
Áshildar Haraldsdóttur. „Þá mun
Sigrún Eðvaldsdóttir flytja fiðluein-
leiksverk eftir Karólínu Eiríksdóttur
sem ég heyrði á Skálholtshátíð í
sumar og heillaðist af. Ólöf Ingólfs-
dóttir hefur samið dansverk við
fiðlueinleikinn, sem hún mun frum-
flytja við þetta tækifæri. Auk þess
mun Gjörningaklúbburinn flytja
gjörning, Kristín Ómarsdóttir og
Margrét Lóa Jónsdóttir lesa úr nýj-
um verkum sínum, Helga Braga
Jónsdóttir flytur magadansatriði og
Þórunn Lárusdóttir verður kynnir.“
Ásgerður bætir því jafnframt við að í
stað blómaskreytinga á sviðinu muni
Brynhildur Þorgeirsdóttir sýna tvo
skúlptúra, auk þess sem kjólinn sem
Ásgerður Júníusdóttir efnir til skemmtikvölds í Salnum
Óhefðbundnir
útgáfutónleikar
Morgunblaðið/Kristinn
Ásgerður Júníusdóttir ásamt nokkrum kvennanna sem fram koma á
skemmtikvöldinu í Salnum.
hún komi fram í sé hannaður af
Rögnu Fróða. „Þannig eru allar hlið-
ar dagskrárinnar tengdar nýsköpun
kvenna að einhverju leyti, og valdi ég
kvennafrídaginn, sem er í dag, 24.
október, sérstaklega til að halda
skemmtidagskrána. Mig langaði sem
sagt til að efna til einhvers konar
framhalds af því sem ég hef verið að
vinna að fyrir hljómdiskinn, fara
lengra með það. Fyrir hljómdiskinn
hef ég með aðstoð góðs fólks safnað
saman ljóðum og tónsmíðum eftir ís-
lenskar konur, auk þess er þar að
finna nokkur frumsamin lög, m.a.
eftir Karólínu Eiríksdóttur,“ segir
Ásgerður.
Skemmtikvöldið er haldið í sam-
vinnu við Smekkleysu, útgefanda
hljómdisksins, og Kópavogsbæ, sem
styrkt hefur dagskrána. „Ég er satt
að segja mjög stolt af þessari fjöl-
breyttu dagskrá. En fyrst og fremst
á þetta að vera létt og skemmtilegt,
nokkurs konar kvöldvaka, og verður
boðið upp á kaffi og heimabakaðar
kökur á eftir. Fólk getur tekið með
sér börnin sín, og vona ég bara að
nokkrir karlmenn slæðist með í
áhorfendahópinn.“
Dagskráin, sem hefur yfirskriftina
Minn heimur og þinn, hefst sem fyrr
segir kl. 20 í kvöld.
JAZZTRÍÓ Björns Thoroddsen leik-
ur á Múlanum á morgun, fimmtu-
dag.
Leikin verður blanda af ballöðum,
t.d. My One and Only Love sem
Sting söng í myndinni Leaving Las
Vegas, Yesterdays, „Up-tempo“ lög-
Morgunblaðið/Kristinn
Jón Rafnsson, Björn Thoroddsen og Ingvi R. Ingvason.
Tríó á Múlanum
um, t.d. Giant Steps, I got Rhythm
og frumsömdu efni eftir meðlimi
tríósins í fusion, latin og fleiri stíl-
um.
Meðlimir eru: Björn Thoroddssen,
gítar, Jón Rafnsson, kontrabassi, og
Ingvi R. Ingvason, trommur.
Í DAG hefjast sýn-
ingar Stopp-leik-
hópsins í grunn-
skólum og
leikskólum á leik-
ritinu Ævintýrum
Kuggs og Málfríð-
ar. Verkið er byggt
á sögum Sigrúnar
Eldjárn, en leik-
hópurinn vann leik-
gerðina sjálfur.
Kuggur og Málfríð-
ur lenda í ýmsum
ævintýrum þegar
þau fara í hugsana-
blöðruleik. Þau
hoppa inn í ævin-
týri þar sem þau
hitta dreka og
prins, en með að-
stoð barnanna tekst
þeim að bjarga
prinsinum frá ævintýradrekanum
ógurlega, sem hefur haldið prins-
inum föngnum í 60 ár. Í hugs-
anablöðrunni þarf maður að láta
sér detta eitthvað í hug sem mann
langar til að vita og svo á maður
að loka augunum og hugsa stíft um
það. Með hjálp barnanna í salnum
tekst þetta.
Sýna fyrir börn
og unglinga
Stopp-leikhópurinn er atvinnu-
leikhópur sem hefur starfað í fimm
ár. Hópurinn sýnir eingöngu ný ís-
lensk verk fyrir börn og unglinga,
og ævintýrið um Kugg og Málfríði
er áttunda verk hópsins. Hópurinn
starfar á eigin vegum, en stundum
með aðstoð frá ríki og borg. Egg-
ert Kaaber er annar leikaranna í
sýningunni: „Vissulega mætti setja
meiri pening í þennan geira,“ segir
Eggert, „því það eru margir sjálf-
stæðir hópar að sinna leikstarfi.
Við erum eingöngu með verk fyrir
börn og unglinga, og manni finnst
stundum sá hópur verða útundan
þegar verið er að veita styrki. Það
er synd, því það er yfirleitt mjög
öflugt og frjótt starf sem þess
konar hópar standa fyrir.“
Sýningar Stopp-leikhópsins fara
fram í skólum og í leikskólum og
segir Eggert það kost. „Við eigum
ekki húsnæði, en leggjum áherslu
á að vera farandleikhópur, sem
kemur með sýningarnar til krakk-
anna. Þetta er oft miklu skemmti-
legra, því það skapast meira návígi
við krakkana á þeirra heimaslóð-
um og skemmtilegt samspil.“ Egg-
ert segir skóla og
skólayfirvöld taka
þeim mjög vel.
„Skólastjórar,
kennarar og for-
eldrar hafa verið
mjög spenntir fyrir
þessu starfi. Við
höfum til dæmis
verið að höfða tals-
vert til unglinga,
með fræðslusýning-
um sem snúa að
málefnum eins og
reykingum, kyn-
fræðslu, eiturlyfjum
og áfengi, en við
viljum líka vera
með listrænar sýn-
ingar með þessu.
Aðalatriðið er að
metnaðurinn sé fyr-
ir hendi.
Í þessari sýningu viljum við
leggja áherslu á ímyndunaraflið.
Við erum ekki með mikla leik-
mynd, en sagan og ævintýrið eru í
aðalhlutverki, og í gegnum það
viljum við ná til barnanna.“ Sýn-
ingar hefjast á Akureyri, þar sem
hópurinn verður með þrettán sýn-
ingar í átta af ellefu leikskólum
bæjarins. Þaðan verður farið til
Vestmannaeyja, á Snæfellsnes og
víðar, áður en sýnt verður á höf-
uðborgarsvæðinu. Sýningum lýkur
síðan í vor.
Auk Eggerts leikur Katrín Þor-
kelsdóttir í sýningunni; Valgeir
Skagfjörð er leikstjóri og semur
jafnframt tónlist við sýninguna.
Súsanna Magnúsdóttir hannaði
búninga, en leikmyndin er unnin af
hópnum í sameiningu.
Kuggur og Mál-
fríður fara á kreik
Málfríður og Kuggur skoða bréfið frá prinsinum. Katrín Þor-
kelsdóttir og Eggert Kaaber í hlutverkum sínum.
Morgunblaðið/Ásdís