Morgunblaðið - 24.10.2001, Blaðsíða 43

FRÉTTIR
MORGUNBLAÐIÐ MIÐVIKUDAGUR 24. OKTÓBER 2001 43
Draumavél
heimilanna!
Vegleg brúðargjöf!
Ísaumuð svunta
með nöfnum og
brúðkaupsdegi fylgir!
5 gerðir - margir litir
Borgartúni 20 - sími 562 2901 og 562 2900
60 ára frábær reynsla.
DEILDIR Rauða kross Íslands á
höfuðborgarsvæðinu hafa fært
Slökkviliði höfuðborgarsvæðisins
bangsa til þess að gefa börnum sem
flutt eru í sjúkrabílum SHS. Bangs-
arnir eru í búningum sjúkraflutn-
ingamanna og með merki Rauða
kross Íslands. Jón Viðar Matth-
íasson aðstoðarslökkviliðsstjóri
segir ánægjulegt að geta fært börn-
um bangsana að gjöf til þess að
létta þeim lundina á erfiðum stund-
um og börnin eru þessu mjög þakk-
lát.
Sigurveig H. Sigurðardóttir, framkvæmdastjóri Reykjavíkurdeildar,
afhenti Jóni Viðari Matthíassyni Rauðakrossbangsana að viðstöddum
Arnari Jónssyni og Hildi Ólafsdóttur.
Gleðigjafi handa börnum
í sjúkrabílum SHS
FORELDRA- og styrktarfélag
Greiningarstöðvar heldur aðalfund í
dag miðvikudag 24. október kl. 20.30
í húsi Greiningarstöðvarinnar á 4.
hæð.
Að loknum venjulegum aðalfund-
arstörfum ræðir Stefán J. Hreiðars-
son um fjárhagsvanda Greiningar-
stöðvar og takmarkanir á þjónustu.
Fundargestum gefst kostur á að
koma með fyrirspurninr. Kaffiveit-
ingar verða á fundinum.
Aðalfundur foreldra-
og styrktarfélags
ÁTTHAGAFÉLAG Þórshafnar &
nágrennis heldur sinn árlega vetr-
arfagnað, fyrsta vetrardag, laugar-
daginn 27. október frá kl. 19.30–3.00
í sal Skútunnar, Hólshrauni 3, Hafn-
arfirði.
„Það er árviss viðburður fyrsta
vetrardag að hittast og skemmta
okkur saman sem brottflutt erum frá
Þórshöfn og nágrannasveitum,“ seg-
ir í fréttatilkynningu.
Fagnaður Átthaga-
félags Þórshafnar
JÓNAS Þór, sagnfræðingur heldur
fyrirlestur á vegum Ættfræðifélags-
ins í fundarsal Þjóðskjalasafns Ís-
lands á Laugavegi 162, fimmtudag-
inn 25. október kl. 20.30. Fyrir-
lesturinn nefnir hann „Landnám
Íslendinga í Vesturheimi“.
„Jónas hefur að undanförnu staðið
fyrir námskeiði um Landnám Ís-
lendinga í Vesturheimi, en áhugi
Kanadamanna og Bandaríkjamanna
af íslenskum ættum á uppruna sín-
um fer vaxandi,“ segir í fréttatil-
kynningu.
Fyrirlestur um
landnám Íslendinga
í Vesturheimi
TVÖ eins dags námskeið Reykjavík-
urdeildar Rauða krossins, um áföll,
sálræna skyndihjálp, kreppu, sorg
og sorg barna eru fyrirhuguð.
Fyrra námskeiðið verður föstu-
daginn 26. október kl. 8.30 – 17 og
hið síðara laugardaginn 27. október
kl. 8.30 – 17. Bæði námskeiðin eru
haldin í húsnæði Reykjavíkurdeildar
Rauða krossins, Fákafeni 11, 2. hæð.
Leiðbeinandi er Margrét Blöndal
hjúkrunarfræðingur. Innifalið í þátt-
tökugjaldi er bók og bæklingur um
efnið. Skráning er hjá Reykjavíkur-
deildinni.
Námskeið í sálrænni
skyndihjálp
KVÖLDFUNDUR Sagnfræðinga-
félagsins í ReykjavíkurAkademíu
fer fram í aðalfundarsal hennar á
fjórðu hæð í JL-húsinu, Hringbraut
121, í kvöld kl. 20.30. Magnús Þorkell
Bernharðsson, lektor í miðaustur-
landafræðum við Hofstra-háskólann
í New York, verður gestur á fund-
inum. „Hann mun fyrst fara nokkr-
um orðum um stöðu miðausturlanda-
fræða í fræðaheiminum, ræða um
bakgrunn fræðimanna, bæði fræði-
legan og pólitískan, aðstöðu til rann-
sókna, aðgang að heimildum og þess
háttar. Þá mun hann í lengra máli
víkja að eigin rannsóknum sem hafa
einkum beinst að þjóðerni og þjóð-
ernishreyfingum í þessum heims-
hluta. Í lokin mun hann fjalla um
þróun mála í Miðausturlöndum á
undanförnum árum, einnig í ljósi
nýliðinna atburða,“ segir í fréttatil-
kynningu.
Heimur
Miðausturlanda