Morgunblaðið - 24.10.2001, Blaðsíða 4

FRÉTTIR
4 MIÐVIKUDAGUR 24. OKTÓBER 2001 MORGUNBLAÐIÐ
MERKJASKILTI í versluninni Deb-
enhams í Smáralind hafa tekið
stakkaskiptum upp á síðkastið þar
sem þau hafa verið þýdd af ensku
yfir á íslensku.
Eygló Harðardóttir, versl-
unarstjóri Debenhams, segir versl-
unareigendur búðarinnar leggja
ríka áherslu á að allar merkingar í
versluninni séu á íslensku en tíma-
þröng í kringum opnun verslunar-
innar hafi valdið því að merkingar
voru á ensku til skamms tíma.
„Fyrsta opnunardaginn voru allar
merkingar á skiltum á ensku þar
sem íslensku skiltin höfðu enn ekki
borist. Þetta var algjörlega til
bráðabirgða og var fært í rétt horf
skömmu síðar,“ segir Eygló og
bendir á að ensku auglýsingaskiltin
hafi komið í stöðluðum byrj-
endapakka sem allar nýjar versl-
anir Debenhams fái en það sé síðan
verslunarinnar að fá þýðingar á
tungumáli heimamanna.
Aðspurð segist hún ekki vita til
þess að viðskiptavinir hafi gert at-
hugasemdir við ensku merkingarn-
ar en hins vegar sé auðvitað eðlileg-
ast að hafa allar merkingar á
íslensku.
„Það er skýr stefna Debenhams á
Íslandi að þýða allar merkingar sem
við setjum upp í verslunninni í fram-
tíðinni. Einu frávikin verða nokkur
vörumerki sem eru skrásett eign
Debenhams verslunarkeðjunnar og
því hugverk hönnuða hennar. Þetta
eru allt skrásett vörumerki sem
okkur er ekki heimilt að breyta,
eins og til dæmis húsbúnaður sem
gengur undir heitinu Living og
vörur tengdar svefnherberginu svo
sem sængurver og þess háttar sem
heita Sleeping,“ sagði Eygló.
Í verslun Útilífs eru flestar vöru-
merkingar til fyrirmyndar en eitt
vörumerki sker sig þó úr heild-
armyndinni íslensku og er það
bandaríska vörumerkið Nike. Í
deildinni þar sem Nike-vörunum er
stillt fram kemur í ljós að þar eru
föt skilgreind sem fyrir „women“,
„men“ og „kids“ en ekki konur,
karla og börn. Reynir Valgarðsson,
verslunarstjóri Útilífs, segir útstill-
ingarskiltin hafa komið í heild-
arpakka frá höfuðstöðvum Nike í
Bandaríkjunum. „Merki Nike er út-
hugsað frá a til ö, heildarímynd fyr-
irtækisins,“ segir Reynir. Spurður
hvort þetta sé gert til að svara kröf-
um fyrirtækisins um samræmt útlit
verslana þar sem vörur þess séu
seldar, segist Reynir ekki vita til
þess, „þetta eru bara merki sem
starfsmenn Nike settu upp og við
höfðum ekki frekari áhyggjur af,“
sagði hann. Aðspurður hvort Útilíf
komi til með að breyta skiltunum og
heimfæra þau yfir á íslensku svarar
hann neitandi og segir engar hug-
myndir vera uppi um það og engar
athugasemdir hafi enn borist frá
viðskiptavinum.
Hagstæðara vöruverð á Íslandi
Spænska tískuvöruverslunin
Zara vísar til fjölþjóðavitundar við-
skiptavina sinna með öðrum hætti
en Debenhams þar sem verðmerk-
ingar í Zöru eru gefnar upp í
17gjaldmiðlum, allt frá íslenskum
krónum yfir í japanskt jen og flest
þar á milli. Athygli vekur að vöru-
verð verslunarinnar er hagstæðara
á Íslandi en á Norðurlöndum og á
Bretlandi og í Bandaríkjunum.
Peysa sem er merkt að kosti 17
Sterlingspund í Bretlandi, eða 2.516
íslenskar krónur, 33 Bandaríkjadali
eða 3.432 íslenskar krónur og 199
danskar krónur sem jafngilda 2.388
íslenskum krónum, kostar hins veg-
ar 2.295 krónur á Íslandi.
Verð í Zöru er gefið upp í 17 gjaldmiðlum þar sem viðskiptavinurinn
getur borið saman hvað hver flík kostar víða í heiminum.
Merkingar í Debenhams eru nú
á íslensku en voru á ensku.
Morgunblaðið/Kristinn Ingvarsson
Nike mælir á enskri tungu í Útilífi.
Íslenskar merkingar og
enskar á merkjaskiltum
VIRK sprengja fannst á Fjarðarheiði í síðustu viku
og kom í ljós við skoðun sprengjudeildar Landhelg-
isgæslunnar að um bandaríska loftvarnarsprengi-
kúlu úr seinni heimsstyrjöldinni var að ræða.
Sprengikúlunni var eytt á staðnum án þess að
hreyfa hana og varð eftir stór gígur þar sem
sprengjan sprakk. Sá sem fann sprengikúluna brást
hárrétt við, að sögn Landhelgisgæslunnar, með því
að snerta hana ekki en tilkynna þegar um sprengj-
una. Veruleg hætta getur verið á að slíkar sprengi-
kúlur springi í höndum þeirra sem ekki kunna til
verka.
Kúlan var 32 cm á lengd og fyllt með 1,2 kg. af
TNT. Henni hefur líklegast verið skotið frá loft-
varnastöð bandaríska hersins á Seyðisfirði á tímum
síðari heimsstyrjaldarinnar gegn háfleygri þýskri
njósnavél eins og Focke Wulfe Condor. Samkvæmt
upplýsingum frá Landhelgisgæslunni eru sprengi-
kúlur af þessari gerð með tímakveikju í nefi. Eftir
þann tíma sem hún hefur verið stillt á, losnar um
spenntan kveikipinna sem lemur á hvellhettu.
Kúlan á þá að springa með þeim afleiðingum að
sprengjubrot þeytast í allar áttir. Slík sprengjubrot
eru lífshættuleg í allt að 500 metra fjarlægð. Ef hún
springur ekki af einhverjum ástæðum er sprengi-
pinninn í línu við hvellhettuna þannig að minnsta
hreyfing eða högg getur framkallað sprengingu.
Landhelgisgæslan hvetur alla sem slíka hluti
finna að tilkynna um þá en snerta alls ekki og setja
upp varúðarmerki á staðnum, ef sá möguleiki er
fyrir hendi.
Virk sprengja fannst á Fjarðarheiði
Loftvarnarsprengjan sem fannst á Fjarðarheiði. Kúl-
an var um 32 cm á lengd og fyllt með 1,2 kg af TNT.
Minnsta hreyfing getur framkallað sprengingu.
ÁRNI M. Mathiesen sjávarútvegs-
ráðherra segist ekki sjá tilgang í að
halda áfram að vinna með fyrning-
arleiðina svokölluðu líkt og leiðtogar
stjórnarandstöðuflokkanna þriggja
á Alþingi hafa lagt til. Segir ráð-
herrann að í kjölfar þess að endur-
skoðunarnefnd um fiskveiðistjórnar-
málin lauk störfum megi ljóst vera
að meiri sátt er um veiðigjaldsleiðina
svonefndu og því sé eðlilegra að
vinna áfram með hana.
Þeir Össur Skarphéðinsson, for-
maður Samfylkingarinnar, Stein-
grímur J. Sigfússon, formaður
Vinstrihreyfingarinnar – græns
framboðs, og Sverrir Hermannsson,
formaður Frjálslynda flokksins,
lögðu nýlega fram þingsályktunartil-
lögu um nefnd sem leitaði sátta um
breytingar á lögum um stjórn fisk-
veiða. Felur tillagan í sér að forsend-
ur nefndastarfsins verði fyrning
veiðiréttar úr núgildandi kerfi.
Veiðiheimildum verði endurráðstaf-
að í formi aflahlutdeildarsamninga á
grundvelli jafnræðis byggðanna og
útgerðar til nýtingar þeirra.
Árni benti á að nú þegar hefðu
tvær nefndir lokið störfum sem
hefðu haft það verkefni að ná sátt um
fiskveiðistjórnarmálin. Hann teldi
enga sérstaka nauðsyn á að stofna
eina nefndina til nema þá ef menn
hefðu það markmið að halda málinu
áfram í óvissu. „Og ég ímynda mér
reyndar að það sé tilgangur stjórn-
arandstöðunnar,“ sagði hann. „Þau
telja sig væntanlega hafa einhvern
pólitískan hag af því.“
Samfylkingin nú að hlaupast
undan merkjum
Ráðherrann minnti á að að meiri-
hluti endurskoðunarnefndarinnar
svonefndu hefði mælt með veiði-
gjaldsleiðinni. Minnihluti hennar,
sem taldi fyrningarleiðina ákjósan-
legri, hefði aftur á móti klofnað í
þrennt í afstöðu sinni til útfærslu
hennar. Það væri nokkuð undarlegt
að stjórnarandstaðan skyldi nú ætla
sér að flytja mál sem þetta þegar
menn þar á bæ hefðu ekki getað
komið sér saman um útfærslu fyrn-
ingarleiðarinnar í starfi endurskoð-
unarnefndarinnar.
Árni rifjaði jafnframt upp að Sam-
fylkingin hefði átt hvorki meira né
minna en þrjá fulltrúa í auðlinda-
nefnd. Hún hefði ekki gert upp á
milli veiðigjaldsleiðarinnar og fyrn-
ingarleiðarinnar. Leiðinlegt væri að
sjá flokkinn nú ætla að hlaupa frá
þeirri niðurstöðu sem fulltrúar hans
náðu þar.
Sagðist Árni vona að Samfylkingin
sæi að sér og að flokkurinn myndi
taka þátt í að tryggja samstöðu um
það grundvallaratriði að atvinnu-
greinin greiði fyrir afnot sín af auð-
lindinni.
Sjávarútvegsráðherra um tillögu
leiðtoga stjórnarandstöðunnar
Má ljóst vera að
meiri sátt er um
veiðigjaldsleiðina
SAMVINNUEFND um svæðis-
skipulag höfuðborgarsvæðisins hefur
ekki fjallað um nýlega skýrslu Orku-
veitu Reykjavíkur og borgarverk-
fræðings um hagkvæmni hraðlestar
milli Reykjavíkur og Keflavíkur. For-
maður nefndarinnar, Sigurður Ein-
arsson arkitekt, sagði við Morgun-
blaðið að samkvæmt því sem fram
kæmi í skýrslunni, um að járnbrautin
verði að mestu lögð austan Reykja-
nesbrautar, ætti ekki að verða vand-
kvæðum bundið að útvega land undir
brautina. Horft væri til þess að leggja
hana meðfram stofnbrautum en mið-
að við umfang verksins mætti reikna
með uppkaupum á einhverjum húsum
í grennd brautarinnar ef af fram-
kvæmdum yrði.
Sigurður sagði nefndina ekki hafa
tekið þessi mál til sérstakrar umfjöll-
unar síðan ráðgjafar hennar voru fyr-
ir nokkrum árum beðnir að meta
kostnað við svona járnbraut. Sú vinna
leiddi í ljós að hver kílómetri myndi
kosta 1–2 milljarða króna. Hann
reiknaði með að áframhaldandi skoð-
un Orkuveitunnar og borgarverk-
fræðings á kostum og göllum járn-
brautar myndi koma inn í næstu
endurskoðun svæðisskipulags höfuð-
borgarsvæðisins. Sú vinna myndi
væntanlega fara á fullt eftir sveitar-
stjórnakosningar á næsta ári.
„Ef menn sjá einhverja raunhæfni í
þessu í náinni framtíð þá verður að
taka þetta til formlegrar umfjöllun-
ar,“ sagði Sigurður.
Hraðlest milli Reykjavíkur og Keflavíkur
Lögð að mestu
við stofnbrautir