Morgunblaðið - 19.01.2002, Blaðsíða 12
FRÉTTIR
12 LAUGARDAGUR 19. JANÚAR 2002 MORGUNBLAÐIÐ
Guðlaugur Þór sagði álit sam-
keppnisráðs vera áfellisdóm um
tónlistarskóla í borginni. Þar kæmi
fram að borgin hefði ekki sett fram
formlegar reglur um úthlutun
styrkja, reglur sem stuðst væri við
væru ógagnsæjar og byðu heim
hættu á mismunun. Sagði hann það
ótrúlega framkomu af hálfu borg-
arinnar að neita afgreiðslu máls
meðan aðili þess hefði leitað réttar
síns. Guðlaugur Þór sagði meiri-
hlutann hafa lofað tveggja milljóna
króna styrk en þar sem hann hefði
ákveðið að leita réttar síns hefði
meirihlutinn ákveðið að lækka
styrkinn um eina milljón króna.
Sigrún Magnúsdóttir, borgar-
fulltrúi Reykjavíkurlistans, sagði
Tónskóla Hörpunnar hafa tekið til
starfa fyrir rúmum tveimur árum
án þess að afla sér leyfa. Sveit-
arfélög hefðu ákvörðunarvald um
hvort tónlistarskólar séu styrktir
og þar sem stofnun Hörpunnar
hefði ekki verið með samþykki
borgarinnar hefði ekki verið lofað
styrk.
Boðinn styrkur
til tilraunastarfs
Guðlaugur Þór sagði aðalatriði
málsins og gagnrýnivert að draga
styrkloforð til baka vegna þess að
umsækjandi hefði leitað réttar síns.
Hrannar Björn sagði það með
öllu óeðlilegt að veita styrk meðan
mál Hörpunnar hefði verið hjá
Samkeppnisstofnun. Sagði hann
Guðlaug Þór einungis vera að
reyna að gera málið tortryggilegt
og þyrla upp moldviðri. Minnti
hann á að lagt hefði verið til á
fundi fræðsluráðs 14. janúar að
veita Tónskóla Hörpunnar einnar
milljónar króna styrk til að gera
tilraun með breytta kennsluhætti
fyrir börn á fyrsta og öðru ári í
hljóðfæraleik. Sagði hann af-
greiðslu hafa verið frestað m.a.
vegna málflutnings sjálfstæðis-
manna.
Styrkúthlutun til tón-
listarskóla gagnrýnd
MÁLEFNI Tónskóla Hörpunnar komu til umræðu á borgarstjórnarfundi sl.
fimmtudag. Guðlaugur Þór Þórðarson, borgarfulltrúi Sjálfstæðisflokksins,
gagnrýndi það sem hann nefndi ótrúlega framkomu af hálfu borgarinnar að
úthluta ekki styrk til skólans þar sem skólastjórinn hefði kvartað til Sam-
keppnisstofnunar um meinta mismunun við úthlutun styrkja borgarinnar til
tónlistarskóla. Hrannar Björn Arnarsson, borgarfulltrúi Reykjavíkurlistans,
sagði það hafa verið með öllu eðlilegt að bíða með að úthluta styrk meðan mál-
ið hefði verið til skoðunar hjá samkeppnisráði.
VÍSAÐ var frá í borgarstjórn
Reykjavíkur í fyrradag tillögu
Guðlaugs Þórs Þórðarsonar,
borgarfulltrúa Sjálfstæðisflokks-
ins, um að endurskoða strax
göngustígaframkvæmdir við hest-
húsabyggðina í Víðidal. Hrannar
Björn Arnarsson, borgarfulltrúi
Reykjavíkurlistans, bar fram frá-
vísunartillögu og var hún sam-
þykkt.
Guðlaugur Þór gerði málið að
umtalsefni þar sem hann taldi
nauðsynlegt að aðskilja umferð
gangandi og hjólandi frá umferð
hrossa. Tillaga sjálfstæðismanna
hafði verið lögð fram í umhverf-
is- og heilbrigðisnefnd í síðustu
viku og var henni einnig vísað
frá þar.
Framkvæmdir
langt komnar
Guðlaugur Þór kvaðst vilja
gera aðra tilraun með að fá sam-
þykki fyrir því að endurskoða
framkvæmdirnar enda væri slysa-
hætta því samfara að leyfa um-
ferð hestamanna á sömu göngu-
og reiðhjólastígum. Gerir tillaga
sjálfstæðismanna ráð fyrir að um-
ferð þessara hópa yrði aðskilin
eins og kostur er og að samráð
yrði haft við Íslenska fjallahjóla-
klúbbinn og Hestamannafélagið
Fák við endurskoðunina.
Hrannar Björn sagði tillögu
sjálfstæðismanna hafa komið
fram heldur seint, eða þegar
framkvæmdir við stígana hafi
verið langt komnar. Af þeim sök-
um hefði henni verið vísað frá í
umhverfis- og heilbrigðisnefnd og
því beint til gatnamálastjóra að
öllum öryggisráðstöfunum sem
fram koma í greinargerð hans
um málið yrði fylgt fast eftir.
Einnig að samráð yrði haft við
hagsmunaaðila. Flutti Hrannar
Björn sömu frávísunartillögu á
borgarstjórnarfundinum.
Guðlaugur Þór ítrekaði að
hann vildi gefa meirihlutanum
tækifæri til að gera það eina
rétta í málinu, að endurskoða
framkvæmdirnar í því skyni að
draga úr slysahættu.
Ingibjörg Sólrún Gísladóttir og
Óskar Bergsson blönduðu sér líka
í umræðuna af hálfu Reykjavík-
urlistans og sögðu nauðsynlegt
að laga þessi mál og að það yrði
gert.
Frávísunartillaga meirihlutans
var síðan borin upp og hún sam-
þykkt.
Vilja endurskoða
göngustíga við Víðidal
Í UPPHAFI fundar borgar-
stjórnar Reykjavíkur á fimmtu-
dag minntist Helgi Hjörvar, for-
seti borgarstjórnar, Sigurjóns
Péturssonar, fyrrverandi borgar-
fulltrúa, sem lést af slysförum
10. janúar. Fór hann nokkrum
orðum um feril Sigurjóns.
Sigurjón starfaði lengi í borg-
arstjórn Reykjavíkur og var
borgarfulltrúi Alþýðubandalags-
ins árin 1970 til 1994. Árin 1970
til 1990 sat hann í borgarráði,
hann átti sæti í útgerðarráði,
stjórn Innkaupastofnunar
Reykjavíkur og stjórn Veitu-
stofnana. Þá greindi Helgi frá
því að Sigurjón hefði í áratug
setið í stjórn Trésmiðafélags
Reykjavíkur og að honum hefðu
verið falin fjölmörg trúnaðar-
störf á vegum félagsins og borg-
arinnar.
Sigurjón starfaði frá árinu
1996 sem deildarstjóri grunn-
skóladeildar Sambands ísl.
sveitarfélaga. Sagði Helgi hann
m.a. hafa haft kjarasamn-
ingamál á sinni könnu og hefði
einmitt verið á heimleið frá
kynningarfundi um samn-
ingamálefni þegar hann beið
bana í umferðarslysi. Vottuðu
borgarfullrúar hinum látna virð-
ingu sína með því að rísa úr
sætum.
Sigurjóns Péturssonar
minnst í borgarstjórn
VILHJÁLMUR Þ. Vilhjálmsson,
borgarfulltrúi Sjálfstæðisflokksins,
ræddi skipulag Norðlingaholts, sem
er austan Seláshverfis, á fundi borg-
arstjórnar í fyrradag. Kvaðst hann
gagnrýna drög að samningi milli
borgarinnar og Rauðhóls ehf. vegna
framkvæmda í Norðlingaholti. Hann
sagði landið vera í eigu margra aðila,
eða nærri 50 ha., en að 28,9 ha. væru í
eigu borgarinnar.
Vilhjálmur sagði sjálfstæðismenn
gagnrýna það sem hann nefndi fjár-
hagslegt samkrull borgarinnar með
tveimur fyrirtækjum varðandi skipu-
lag og framkvæmdir á þessu svæði.
Hann sagði að ætlunin væri að verk-
efnið yrði fjárhagslega sjálfstætt en
þó væri gert ráð fyrir að borgin ann-
aðist reikningshald þess. Taldi hann
það fyrirkomulag óheppilegt og að
fara ætti heldur þá leið sem sjálfstæð-
ismenn hefðu bent á að borgin seldi
hlut sinn á svæðinu. Mætti hugsa sér
að Rauðhóll ehf. keypti land borgar-
innar eða annar aðili sem áhuga hefur
á að koma þar við sögu.
Borgarfulltrúinn sagði Reykja-
víkurlistann ætla með þessu að halda
áfram þeirri stefnu að bjóða upp lóðir
eins og gert hefur verið í Grafarholti
og halda þar með áfram uppboðs-
stefnu sem leiðir til þess að lóðaverð
hækkar áfram. Sagði hann sjálfstæð-
ismenn vilja innheimta sanngjarnt
gatnagerðargjald í Norðlingaholti.
Þá gagnrýndi Vilhjálmur að samráð
við aðra lóðahafa á svæðinu um skipu-
lagsvinnu hefði verið í algjöru lág-
marki.
Borgarstjóri vísaði þessari gagn-
rýni á bug og sagði borgina vinna á
svipaðan hátt og áður. Hún undir-
byggi byggingarland og skipulag og
semdi síðan við ýmsa aðila um bygg-
ingarframkvæmdir. Hér væri um það
að ræða að semja við tvo stóra land-
eigendur um málið en ekki væri hug-
myndin að stofna nýtt fyrirtæki né
heldur væri ætlun borgarinnar að
ráðast sjálf í framkvæmdir.
Samningsdrög vegna
Norðlingaholts gagnrýnd
UM þessar mundir eru starfsmenn
fyrirtækisins Húsavík – harðviður
hf. að vinna við sögun á íslensku
lerki. Lerkið kemur úr Guttorms-
lundi í Hallormsstaðarskógi. Nota
á það sem gólfefni í Sesseljuhús,
vistmenningarstöð sem er í bygg-
ingu á Sólheimum í Grímsnesi.
Eftir að búið er að saga trjábol-
ina niður í gólfborð verða þau
sett í þurrkklefa í nokkrar vikur
og að því loknu fullunnin sem
gólfefni.
Þetta mun vera í fyrsta sinn
sem harðviðarfyrirtækin sem
starfrækt hafa verið á Húsavík
vinna gólfefni úr íslensku hráefni
utan þess að unnið hefur verið úr
trjábolum sem rekið hefur á
fjörur hér við land.
Morgunblaðið/Hafþór Hreiðarsson
Vilberg Jóhannesson meðhöndlar íslenskt lerki sem síðar verður notað
sem gólfefni í Sesseljuhúsi á Sólheimum.
Vinnur gólfefni
úr íslensku lerki
Húsavík. Morgunblaðið.
HÉRAÐSDÓMUR Suðurlands
hefur vísað frá dómi ákæru sýslu-
mannsins á Hvolsvelli gegn bónda í
Rangárvallasýslu sem ákærður var
fyrir illa meðferð á dýrum.
Ákæran var í sex liðum. Var
maðurinn m.a. sakaður um að hafa
riðið í hrossarekstri „brúnum
hesti, horuðum vegna vanfóðrunar
og ójárnað, skilið hann eftir sveitt-
an og umhirðulausan í vegkanti.“
Þá hafi hann ekki hirt og fóðrað
nægilega vel hrossastóð sem hann
hafi seinna rekið um 40 km leið
með þeim afleiðingum að mörg
voru að því komin að drepast.
Stóðið sem hafi talið um 150–200
hafi hann síðan hýst í óviðunandi
húsnæði og m.a. ekki hleypt hross-
unum út til viðrunar. Honum var
ennfremur gefið að sök að hafa
sleppt 30–40 stóðhestum í haga, án
þess að um örugga vörslu væri að
ræða. Þá hafi hann haldið hunda
án viðunandi umönnunar. Hund-
arnir hafi verið geymdir í viðbygg-
ingu, milligangi og bílskúr án þess
að hreinsað væri undan þeim og
þeim ekki tryggt eðlilegt frelsi til
hreyfingar.
Þorgerður Erlendsdóttir héraðs-
dómari gerði ýmsar athugasemdir
við alla liði ákærunnar og sagði
hana í heild sinni ónákvæma og
óskýra. Ekki væri ætíð ljóst fyrir
hvað væri ákært, lýsing á atburð-
um væri gjarnan ónákvæm og eig-
endur eða umráðamenn hrossanna
ekki tilgreindir. Því væri ekki ann-
að hægt en að vísa málinu í heild
sinni frá dómi.
Allur sakarkostnaður féll á rík-
issjóð, þ.m.t. málsvarnarlaun skip-
aðs verjanda mannsins, Guðmund-
ar Óla Björgvinssonar hdl.
Bóndi ákærður fyrir illa meðferð á dýrum
Vísað frá vegna galla í ákæru
FÉLAGSMÁLARÁÐ fjallaði um
biðlista á öldrunarstofnunum Ak-
ureyrarbæjar á síðasta fundi sín-
um. Í yfirliti um biðlista frá ára-
mótum kemur fram að 34
einstaklingar bíða eftir hjúkrun-
arrými og þar af eru 24 í mjög
brýnni þörf. Er þetta fjölgun um
13 frá því í janúar á síðasta ári.
Eftir dvalarrými bíða 66 ein-
staklingar, eða 14 fleiri en í janúar
í fyrra. Félagsmálaráð telur þess-
ar tölur sýna að fá þurfi sem fyrst
afstöðu heilbrigðisráðuneytisins
til úttektar á hjúkrunarrýmaþörf
sem ráðuneytinu var kynnt sl. vor.
Jafnframt verði í væntanlegum
viðræðum um þjónustusamning í
málefnum aldraðra lögð áhersla á
að finna leið til að auka heima-
þjónustu við þá einstaklinga sem
eru í brýnni þörf.
Biðlisti eftir
rýmum lengist
Öldrunarstofnanir Akureyrarbæjar