Morgunblaðið - 19.01.2002, Blaðsíða 14

HÖFUÐBORGARSVÆÐIÐ
14 LAUGARDAGUR 19. JANÚAR 2002 MORGUNBLAÐIÐ
Í GEGN um tíðina hafa
heldri frúr borgarinnar lagt
leið sína í Parísarbúðina í
Austurstræti í þeim tilgangi
að kaupa sér náttföt og nær-
föt af bestu gerð. Síðustu 10
árin hafa þær hitt þar fyrir
Sigurjón Ara Sigurjónsson
sem fumlaust hefur afgreitt
þær um brjóstahaldara, líf-
stykki og sokkabönd. Nú er
hins vegar að verða breyt-
ing þar á því í febrúar, að
lokinni rýmingarsölu, hættir
búðin í Austurstrætinu eftir
77 ár þar og flytur starfsemi
sína á Laugaveg 24.
„Það sem við höfum lagt
sérstaka áherslu á er að
vera með vörur fyrir eldri
kynslóðina, t.d. sokka fyrir
sokkabönd, sérstæð nærföt
og síðan þessi vönduðu
vörumerki sem búðin hefur
verið þekkt fyrir í gegn um
tíðina,“ segir Sigurjón og
það fer ekki á milli mála að
hann er stoltur af versl-
uninni, sem hann rekur
ásamt Þóru Gunnarsdóttur
konu sinni. „En nú lokum
við búðinni í febrúar og þá
flytjum við þessa sérvöru
sem við höfum lagt áherslu
á hér upp í NN boutiqe á
Laugavegi 24 og höldum
báðum nöfnunum þar.“
Þrír eigendur hafa verið
að Parísarbúðinni frá upp-
hafi. Bræðurnir Runólfur og
Þorbergur stofnsettu hana
árið 1925 en nokkrum ára-
tugum síðar tóku „stelp-
urnar Rúna og Rakel“ við,
eins og Sigurjón lýsir því.
Þau hjónin tóku svo við
rekstrinum árið 1991. „Við
vorum þá komin með putt-
ana dálítið í þetta því við
rákum heildsölu og seldum
þeim þessi vörumerki sem
við vorum með þannig að
það lá beinast við að við
tækjum við af þeim,“ segir
Sigurjón.
Lífstykkin að koma aftur
Það má leiða líkum að því
að undirfatatískan hafi
breyst frá því verslunin var
að slíta barnsskónum.
„Þetta er búið að fara
marga hringi. Nú erum við
aftur að byrja að selja það
sem búðin lagði áherslu á í
upphafi. Ýmsar gerðir af
nærfötum, sem sáust ekki í
áraraðir, eru að koma inn
aftur,“ segir hann og nefnir
lífstykki og stífar buxur sem
dæmi. „Auðvitað tekur tísk-
an sínar sveiflur en margar
konur eru íhaldssamar.“
Þorrann af opnunartíma
búðarinnar stendur Sig-
urjón við hlið afgreiðslu-
stúlknanna á bak við búð-
arborðið og segir hann
viðskiptavinina hafa kunnað
því ágætlega. „Þeim hefur
ekki þótt það síðra. Þegar
þær átta sig á því að maður
hefur pínulítið vit á því sem
maður er að segja þá trúa
þær manni og treysta. En
hins vegar hef ég alltaf haft
dömur með mér í búðinni
þannig að það er alltaf hægt
að vísa á þær því það er allt-
af ein og ein sem er feimin.“
Hann segir einnig tölu-
vert um að karlmenn komi í
verslunina til að kaupa á
konurnar sínar. „Búðin hef-
ur í gegn um tíðina öðlast
afskaplega gott traust og
virðingu hjá fólki vegna
þess að það gengur hér að
þessari vöru sem það þekk-
ir. Þess vegna hefur þetta
gengið mjög vel og við erum
afskaplega þakklát fyrir
þátt viðskiptavinanna. Sum-
ir þeirra hafa verslað hér í
búðinni í áratugi og virðist
engin breyting ætla að
verða þar á.“
En hvað kemur til að
verslunin hættir í Kvosinni?
„Hér hefur verslunum og
þjónustufyrirtækjum fækk-
að gífurlega að það er
spursmál hvaða erindi fólk á
hingað,“ segir Sigurjón.
„Svo hafa fjölmiðlarnir gert
mikið í því að sverta mið-
borgina og dregið þá mynd
upp af henni að hún sé
hættuleg. Miðborgin er
dimm og allt of lítil lýsing
hérna,“ bætir hann við og
segist hafa orðið var við að
eldri konur séu hræddar við
að vera á ferli í miðbænum.
Hann segir mikið hafa
breyst frá því sem áður var.
„Hérna var verslun í hverju
einasta húsi þegar ég byrj-
aði í Austurstrætinu árið
1952 en það hefur allt
breyst. Þorri allra þjónustu-
og verslunarfyrirtækja hef-
ur annaðhvort horfið af
sjónarsviðinu eða flust í
burtu. Þetta er þróun sem
hefur átt sér langa og leið-
inlega sögu.“
Sigurjón segir ekki laust
við að það gæti trega hjá sér
yfir því að hætta með versl-
unina í Austurstræti enda
segist hann vera ákaflega
stoltur af búðinni og fái
margir viðskiptavinanna tár
í augun þegar þeim er sagt
frá því. „En svo glaðnar aft-
ur yfir þeim þegar við segj-
um þeim að við munum opna
aftur uppi á Laugavegi,“
segir Sigurjón og hlær.
Morgunblaðið/Sverrir
Sigurjón Ari við innganginn að Parísarbúðinni í Austurstræti en í febrúar næstkomandi
verður hurðinni að versluninni lokað í síðasta sinn.
Nærklæði og
náttföt í 77 ár
Miðborg
NÝVERIÐ lauk Reykjavíkur-
höfn við gerð um 10 hektara af
hafnarlandi samhliða dýpkun-
arframkvæmdum við Klepps-
vík sem enn standa yfir.
Kostnaðaráætlun vegna þessa
verkefnis, sem
tekur yfir rúm
fjögur ár, er
um 1.200 millj-
ónir króna.
„Það var
tekin ákvörðun
um að fara í
ákveðnar að-
stöðubætur
fyrir skipa-
félögin árið 1998 og það verk
hefur staðið óslitið síðan,“ seg-
ir Jón Þorvaldsson, forstöðu-
maður tæknideildar Reykja-
víkurhafnar. „Þeim er í sjálfu
sér ekki lokið ennþá því dýpk-
uninni lýkur ekki fyrr en vorið
2003. En þessi mannvirki eru
komin á það stig að það er búið
að opna þau og taka þau í notk-
un. Við erum að ljúka þarna
verkáföngum sem eru með
kostnaðaráætlun í kring um
1.200 milljónir og þetta eru
framkvæmdir á rúmum 4 ár-
um sem í felast aðstöðubætur
fyrir skipafélögin.“
Við þessar framkvæmdir
hafa hafnarbakkar í Sunda-
höfn lengst um 390 metra.
Kleppsbakki hefur verið
lengdur til austurs um 120
metra samfara því sem höfnin
hefur verið dýpkuð og er nú 11
metra djúp. Auk lengingar
Kleppsbakka hefur verið unn-
ið að landfyllingu austan við
nýja bakkann þar sem Eim-
skip hefur verið úthlutað 5
hektara landi til viðbótar við
sitt svæði.
Vogabakki hefur einnig ver-
ið lengdur, bæði til norðurs og
suðurs. Lengingin til norðurs
nemur 155 metrum og verður
dýpið við bakkann mest 10,5
metrar. Samhliða þessu hefur
verið gerð landfylling á svæð-
inu sem veldur því að athafna-
svæði Samskipa jókst um
rúma 2 hektara. Suðurhluti
bakkans var lengdur um 114
metra og með því brugðist við
aðstöðuþörfum annarra flutn-
ingsaðila.
Tvö vöruhótel í bígerð
Jón segir mikið að gerast
hjá skipafélögunum um þessar
mundir. „Eimskip hefur þegar
boðið út byggingu á nýju vöru-
hóteli sem er gríðarlega mikil
framkvæmd og Samskip er
sömuleiðis með vöruhótel í
undirbúningi á sínu svæði. Það
er gríðarlega mikil þróun í
flutningamálum og vörumeð-
höndlun skipafélaganna og
þessi hafnarmannvirki eru
bara hluti af þeirri þróunar-
mynd. Ef við tökum Voga-
bakka til suðurs þá lukum við
við byggingu bakkans haustið
2000 og tókum hann þá í notk-
un. Núna í ársbyrjun 2002 eru
bæði Byko og Húsasmiðjan
búin að byggja stórhýsi þarna
og það er orðið mikið álag á
bakkanum því þangað fer
meginhlutinn af öllum flutn-
ingum þessara fyrirtækja.“
Aðspurður segir hann leng-
ingu hafnanna vissulega auka
rými fyrir skip en það segi þó
aðeins hálfa söguna. „Í raun-
inni er þetta spurning um það
hversu öflugir þessir hafnar-
bakkar eru og hversu djúprist
skip geta komið að þessum
bökkum,“ segir hann og bend-
ir á að þróunin sé sú að skipin
séu ávallt að verða stærri og
djúpristari. Þannig taki nýju
skipin hjá Eimskip 1.500
gámaeiningar í stað 1.000 áð-
ur. „Svona skip eru orðin virki-
lega stór og þessi gömlu hafn-
arform eru orðin of grunn. Því
þurfa þau mikillar endurnýj-
unar og breytinga við.“
Jón segir að fyrsti hafnar-
bakkinn sem byggður var í
Sundahöfn hafi verið byggður
árið 1979 í Kleppsvíkinni fyrir
skipadeild Sambandsins.
Þannig séu Holtagarðar
gamla vöruhúsið sem SÍS
byggði fyrir sig og sín dóttur-
fyrirtæki. „Þá var dýpkað inn
að þessum bakka og þar hafa
menn siglt og tekið skip inn
fram að þessu. Hins vegar var
staðan orðin sú að menn urðu
að sæta sjávarföllum til að
komast þarna inn því þessi
stærri skip ristu 8 metra og
komust ekki inn öðruvísi. Það
gengur náttúrulega ekki upp í
dag því þessi skip eru nánast
eins og strætisvagnar – þau
fara á ákveðnum tíma út og
eiga pantað bryggjupláss í er-
lendum höfnum á ákveðnum
tíma. Menn geta því ekki beðið
eftir sjávarföllunum þótt þeir
hafi gert það í gamla daga.“
Stefnt er á að grafa upp um
500 þúsund rúmmetra jarð-
vegs úr Kleppsvík í því skyni
að dýpka hana og er áætlað að
því verði lokið vorið 2003 en
verkið hófst vorið 2001. Með
þessu er ný siglingaleið opnuð
inn að höfninni. „Fyrir um
þremur árum fórum við í um-
hverfismat fyrir dýpkun
Sundahafnar og settum niður
fyrir okkur framtíðarþörf fyrir
dýpkunum til næstu 15 ára.
Vorið 2000 fengum við sam-
þykkt Skipulagsstofnunar á
þeirri áætlun og þessi dýpkun
er fyrsti áfanginn í henni.“
Frekari dýpkanir eru áætl-
aðar í framtíðinni, meðal ann-
ars við Viðeyjarsundið og við
Klettasvæðið sem er framar á
Sundahöfninni en þau svæði
sem um ræðir hér að ofan. Þá
er frekari dýpkun í Kleppsvík
á áætlun næstu 10–15 ára.
„Við erum að dýpka í 8,5
metra en sjáum fram á að
þurfa að dýpka þarna niður í
9,5 metra. Þannig að við erum
á leiðinni niður,“ segir Jón og
hlær.
Sömuleiðis eru frekari land-
fyllingar ráðgerðar á næstu
árum. „Enn eru eftir um 40
hektarar af þróunarrými
Sundahafnar og stefnt er að
því að hún verði samfellt hafn-
arsvæði í framtíðinni. En þetta
er eitthvað sem verður að
þróast næstu 10–15 árin.“
Skynja ekki
breytingarnar
Aðspurður segir Jón að
kostnaður við framkvæmdirn-
ar falli á höfnina. „Reykjavík-
urhöfn er borgarfyrirtæki
með sjálfstæðan fjárhag og er
kannski eina höfnin á Íslandi
sem hefur þurft að fjármagna
allar sínar framkvæmdir sjálf.
Við tökum lóðargjöld, sem er í
rauninni það sama og gatna-
gerðargjöld, fyrir úthlutun
þessara lóða og síðan höfum
við lóðaleigu.
En þetta hangir saman við
það að hafnarmannvirkin eru
til uppskipunar á vörum.
Þannig að í rauninni er þetta
spurningin um vörugjöld því
þau eru megintekjustofn
Reykjavíkurhafnar.“
Að sögn Jóns er ákveðnum
áfanga náð með þessum fram-
kvæmdum sem full ástæða sé
til að koma á framfæri. „Al-
menningur skynjar þetta
kannski ekki svo glatt því
hann sér þetta ekki. Fólk hef-
ur ekki aðgengi að flestum
þessum svæðum þó enn séu
ákveðnir punktar við höfnina
þar sem fólk getur séð yfir á
þessi svæði.“
Sömuleiðis eru dýpkunar-
framkvæmdirnar eitthvað
sem eðli málsins samkvæmt
eru flestum huldar. „Við not-
um allt dýpkunarefni til land-
gerðar og þarna er að verða til
nýtt land,“ segir Jón að lokum.
Ljósmynd/Emil Þór Sigurðsson
Horft yfir Vogabakka og Kleppsbakka en myndin var tek-
in um áramótin eftir að hafnarlengingunni þar lauk. Upp-
fyllingin á suðurenda Vogabakka sést fyrir framan ný-
reistar vöruskemmur Byko og Húsasmiðjunnar og svo
koma uppfyllingarnar á norðurbakkanum og á Klepps-
bakka koll af kolli.
Stórbætt
aðstaða til
skipa-
flutninga
Nýtt land hefur verið að rísa úr hafi við
Sundahöfn undanfarin ár. Það eru ekki
eldsumbrot sem valda þessum landvinn-
ingum borgarinnar heldur stórvirkar
vinnuvélar sem grafa efni upp úr hafinu
og nota til landgerðar við hafnarbakka.
Sundahöfn


 

   

   

 
  
 

  



- . 
  
! "


#

$
!"




%

##$




&
"
 %
%&$




"&! #!!! #! '

 

 
 
 
Jón
Þorvaldsson