Morgunblaðið - 19.01.2002, Blaðsíða 28
LISTIR
28 LAUGARDAGUR 19. JANÚAR 2002 MORGUNBLAÐIÐ
SJÖ kvikmyndir hlutu vilyrði til
framleiðslu árið 2003 þegar úthlutað
var úr Kvikmyndasjóði Íslands í gær,
og nema styrkloforðin alls 180 millj-
ónum króna. Þá var 196 milljónum
úthlutað til kvikmyndagerðar á árinu
2002, þar af sjö styrkir til þróunar
kvikmynda þar sem handrit liggur
fyrir, alls að upphæð 7,5 milljónir, og
átta styrkir voru veittir til handrits-
gerðar, að upphæð 500.000 hver.
Vilyrði fyrir hæstu styrkjunum á
næsta ári hlutu Sögn ehf., 47,5 millj-
ónir, til framleiðslu á kvikmyndinni
Saga í leikstjórn Baltasars Kormáks,
Íslenska kvikmyndasamsteypan, 40
milljónir, til framleiðslu á myndinni
Sólon Íslandus í leikstjórn Margrétar
Rúnar Guðmundsdóttur, Kvik-
myndafélagið Dís, 30 milljónir, til að
framleiða myndina Dís í leikstjórn
Kristófers Dignus, Íslenska kvik-
myndasamsteypan, 30 milljónir, til
framleiðslu myndarinnar Skari
Skrípó í leikstjórn Óskars Jón-
assonar og Saga film, 25 milljónir til
framleiðslu myndarinnar Draumur í
dós, í leikstjórn Karls Ágústs Úlfs-
sonar. Auk þess hlaut Kvikmynda-
félag Íslands vilyrði um viðbótar-
framlag, 3 milljónir, til framleiðslu
myndarinnar Maður eins og ég í leik-
stjórn Roberts Douglas, og Réttur
dagsins hlaut vilyrði um 2 milljónir til
framleiðslu myndarinnar Reykjavík
Guesthouse í leikstjórn Björns Thors
og Unnar Aspar Stefánsdóttur.
Saga hlaut hæsta vilyrðið
Í stuttu ávarpi sínu við úthlutunina
gerði Þorfinnur Ómarsson, fram-
kvæmdastjóri Kvikmyndasjóðs, víð-
reisn íslenskra kvikmynda, sem
margar hverjar væru sýndar í kvik-
myndahúsum um allan heim, að um-
talsefni. Benti Þorfinnur jafnframt á
að eiga mætti von á að átta til tíu ís-
lenskar kvikmyndir yrðu frumsýndar
á árinu og þakkaði hann þeirri
grósku aukið svigrúm sjóðsins til
styrkveitinga sem samið var um við
mennta- og fjármálaráðuneytin árið
1998.
Kvikmyndin Saga, sem hlaut
hæsta styrkvilyrðið fyrir árið 2003, er
að sögn leikstjórans, Baltasars Kor-
máks, byggð á Brennu-Njáls sögu, en
meðhöfundur hans að handritinu er
Ólafur Egilsson. „Með því að nefna
myndina Sögu viljum við gefa okkur
dálitla fjarlægð frá Njálu. Markmiðið
er ekki það að „kvikmynda“ söguna,
heldur skapa sjálfstæða heild út frá
ákveðnum hlutum hennar. Þar verð-
ur fyrst og fremst sögð saga Gunnars
og Hallgerðar, en Hrútur er þar jafn-
framt mikill örlagavaldur,“ segir
Baltasar. Hann segir styrkvilyrðið
mikið ánægjuefni, en þó sé mikið
verk fyrir höndum með frekari fjár-
mögnun, þar sem um sé að ræða eitt
stærsta kvikmyndaverkefni sem ráð-
ist hefur verið í á Íslandi. „Fram-
leiðslukostnaður er áætlaður um 450
milljónir og hafa með þessu náðst inn
fyrstu 47,5 milljónirnar. Um er að
ræða heils árs tökuverkefni frá
2003–4 og vonandi kemst ég af stað á
þeim tíma. Það fer eftir því hvort
handritið vekur sama áhuga erlendis
og það gerir hér, enda er hugmyndin
sú að framleiða myndina ekki síst
með erlendan markað í huga,“ segir
Baltasar.
Margrét Rún Guðmundsdóttir hef-
ur unnið að undirbúningi kvikmynd-
arinnar Sólon Íslandus sem fjallar
um Sölva Helgason. Hún segir hand-
ritið lauslega byggt á skáldsögu Dav-
íðs Stefánssonar frá Fagraskógi. „Ég
leitast þó við að velja ákveðna hluta
og miðla mínum skilningi á Sölva
Helgasyni. Það má kannski öðru
fremur líta á hann sem dæmigerðan
Íslending. Hann var þrautseigur, fór
sínar eigin leiðir og lét ekki bugast
hvað sem á dundi.“ Verkefnið hafði
áður fengið styrkvilyrði frá Kvik-
myndasjóði, en það er nú fyrst sem
nægileg aukafjárveiting hefur náðst.
„Við vonumst til að geta farið af stað
með tökur í vor. Ég er um þessar
mundir að ráða í hlutverk, en Ingvar
Sigurðsson mun fara með hlutverk
Sölva,“ segir Margrét um vinnuferli
myndarinnar.
Boltinn byrjar að rúlla
Kvikmyndin Dís er byggð á sam-
nefndri skáldsögu þeirra Birnu Önnu
Björnsdóttur, Oddnýjar Sturludóttur
og Silju Hauksdóttur sem út kom
fyrir jólin 2000. Hafa höfundarnir
sjálfir unnið kvikmyndahandrit eftir
sögunni. Kristófer Dignus mun leik-
stýra myndinni og segir hann 30
milljón króna styrkloforðið mikið
gleðiefni. „Nú fer boltinn að rúlla og
förum við næst í að leita frekari fjár-
mögnunar. Það fer eftir því hvernig
þau mál ganga hvenær tökur hefjast,
en myndin verður gerð að sum-
arlagi,“ segir Kristófer.
Óskar Jónasson er handritshöf-
undur kvikmyndar um Skara Skrípó
sem hlaut 30 milljóna króna vilyrði til
framleiðslu. „Þetta verður ítarlegri
saga um Skara og hans vandamál í
nútímanum, því hann var upp á sitt
besta fyrir nokkrum áratugum. Nú
stendur hann hins vegar frammi fyrir
því að ala upp dóttur sína í Rauða
hverfi Reykjavíkurborgar á sama
tíma og hann er að reyna hasla sér
völl sem skemmtikraftur og flýja
undan réttvísinni. Myndin verður án
tals, eingöngu verður notast við um-
hverfishjóð, tónlist og myndir við
miðlun sögunnar,“ segir Óskar um
verkefnið og áætlar hann að tökur
geti hafist árið 2003.
Karl Ágúst Úlfsson er höfundur
kvikmyndaverkefnisins Draumur í
dós sem hlaut 25 milljóna króna vil-
yrði. Hann segist hafa gengið með
hugmyndina að myndinni í maganum
í um 14 ár og unnið að handritinu síð-
astliðin þrjú ár. Styrkvilyrðið sé því
einkar kærkomið „Þetta er ljúfsár
saga af ástarfimmhyrningi og þrá
hinna ófleygu eftir því að fljúga.
Myndin er kannski jafn sár og hún er
gamansöm, og er hún bara eins og líf-
ið sjálft að því leyti.“
Sjö myndir í vinnslu
Kvikmyndirnar sem hljóta styrki
til framleiðslu á þessu ári að und-
angengnu vilyrði síðasta árs eru Haf-
ið sem Baltasar Kormákur leikstýrir
og Sögn ehf. framleiðir, 40 milljónir
en framlengingu vilyrðis síðasta árs
hlutu Kaldaljós í leikstjórn Hilmars
Oddssonar, 40 milljónir, Næsland í
leikstjórn Friðriks Þórs Friðriks-
sonar, 35 milljónir, Stormy Weather í
leikstjórn Sólveigar Anspach, 26
milljónir, Ís-lending í leikstjórn Halls
Helgasonar, 25 milljónir, Differences
Alike í leikstjórn Peters Ringgård, 10
milljónir og 1.0 í leikstjórn Marteins
Þórssonar, 10 milljónir.
Þróunarstyrki árið 2002 hlutu
Pegasus, 1 milljón, vegna handritsins
Napóleonsskjölin/White Lies eftir
Arnald Indriðason/R.C. Rossenfier,
Tröllakirkja, 1 milljón, vegna hand-
ritsins Tröllakirkja eftir Gísla Snæ
Erlingsson, Umbi, 1 milljón, vegna
handritsins Stella í framboði eftir
Guðnýju Halldórsdóttur, Zik Zak
kvikmyndir, 1 milljón, vegna hand-
ritsins Hvíslarinn eftir Martein Þór-
isson, Íslenska kvikmynda-
samsteypan, 1 milljón, vegna
handritsins Snerting eftir Kristínu
Jóhannesdóttur, Markell, 500 þús-
und, vegna handritsins Syracusa –
Seyðisfjörður eftir Þorkel S. Harð-
arson og Örn Marinó Arnarsson. Sér-
stakan styrk til frekari þróunar hlaut
handritið Sjálfstætt fólk eftir Ruth
Prawer Jhabvala fyrir árið 2003.
Styrki til handritsgerðar að upp-
hæð 500.000 hver hlutu Arnaldur
Indriðason og Óskar Jónasson fyrir
S.A.S., Börkur Gunnarsson fyrir Sig-
fús H303, Brian Fitzgibbon fyrir
Dongo, Guðrún Ragnarsdóttir fyrir
Silungapollur, Huldar Breiðfjörð fyr-
ir Næst sterkastur, Ragnar Braga-
son fyrir Magalúf, Sjón fyrir Morgan
Kane og Styrmir Sigurðsson fyrir
Bara allt fínt. Auk styrkjanna verður
um 2 milljónum varið til aðstoðar við
gerð handritanna er styrk hlutu.
Í úthlutunarnefnd Kvikmynda-
sjóðs árið 2002 sátu Anna G. Magn-
úsdóttir, Christof Wehmeier og Þor-
finnur Ómarsson. Í undirnefnd vegna
handritastyrkja voru Bjarni Jónsson,
Guðrún Vilmundardóttir og Pétur
Blöndal.
Úthlutað úr Kvikmyndasjóði Íslands
Sjö myndir
hlutu vilyrði
Morgunblaðið/Árni Sæberg
Þorfinnur Ómarsson, framkvæmdastjóri Kvikmyndasjóðs Íslands, til-
kynnti um úthlutanir úr sjóðnum á blaðamannafundi í gær.
LANGHOLTSKIRKJA, sem hefur
um árabil verið öflug miðstöð tónlist-
arflutnings á höfuðborgarsvæðinu,
mun á næstunni tengjast fleiri grein-
um lista og menningar með fjöl-
breyttum listviðburðum fram á vor.
Það er nýstofnað listráð kirkjunnar
sem hafa mun veg og vanda af þess-
ari starfsemi og verður fyrsti við-
burðurinn í kirkjunni, þar sem þrjár
listgreinar fléttast saman, í dag.
Dagskráin hefst kl. 17 með hátíð-
artónleikum. Þar verða flutt verk frá
endurreisnar- og barokktímanum
fyrir málmblásara, orgel og ketil-
bumbur eða pákur. Thor Vilhjálms-
son rithöfundur verður fulltrúi orðs-
ins listar og mun lesa upp og opnuð
verður sýning á verkum myndlist-
armannanna Kristjáns Davíðssonar
og Ásgerðar Búadóttur.
Tilefni þess að forráðamenn
Langholtskirkju hyggjast hasla
kirkjunni víðari völl á listasviðinu er
hálfrar aldar afmæli Langholts-
prestakalls en það var stofnað 29.
júní 1952. Kór kirkjunnar var stofn-
aður árið eftir og verður því 50 ára á
næsta ári, 2003. Afmælanna verður
minnst með margvíslegum hætti á
þessu ári og því næsta, meðal annars
með fjölbreyttum listviðburðum og
verður í því sambandi ekki síst leitað
til listamanna sem búa í sókninni,
hafa búið þar eða tengjast Lang-
holtskirkju með einhverjum hætti.
Listamenn
sóttir í sóknina
Ólöf Erla Bjarnadóttir keramik-
hönnuður, sem á sæti í listráðinu,
segir að listráðið hafi viljað leita til
listamanna í sókninni í þessari fyrstu
Listafléttu. „Við buðum Kristjáni og
Ásgerði, sem bæði eru velþekktir
listamenn, að sýna í kirkjunni eins
og húsrúmið leyfir, og þau þáðu það.
Hvort þeirra um sig hefur búið í það
minnsta í þrjátíu ár í sókninni. Þetta
verða fimm ný olíumálverk eftir
Kristján og þrjú ofin myndverk eftir
Ásgerði; nokkuð blönduð í tíma. Það
vill til að það er svo hreinn arkitekt-
úr á kirkjunni, að verkin geta hangið
inni í kirkjunni sjálfri, sem er mjög
skemmtilegt og óvenjulegt, að ég
held. Við höfum fengið Aðalstein
Ingólfsson listfræðing til að tala svo-
lítið um myndlistarmennina og verk
þeirra. Þriðji nestorinn úr sókninni
sem við buðum að taka þátt í þessu
er Thor Vilhjálmsson, sem mun lesa
upp úr verkum sínum. Og svo er það
auðvitað tónlistin, sem verður
hressileg en mjög hátíðleg, þannig
að þetta verður mjög fjölbreytt.“
Á tónleikunum verður leikið á
hljóðfæri sem sjaldan hljóma saman
á tónlistarviðburðum hér á landi en
það eru trompetar, básúnur, orgel
og ketilbumbur. Flytjendur eru
trompetleikararnir Ásgeir H. Stein-
grímsson, Einar St. Jónsson, Eirík-
ur Örn Pálsson og Guðmundur Haf-
steinsson; á básúnur leika þeir
David Bobroff, Jón Halldór Finns-
son, Oddur Björnsson og Sigurður
Þorbergsson; á orgel Douglas
Brotchie og bumburnar slá þeir
Eggert Pálsson og Steef van Ost-
erhout, en verkin sem þeir leika eru
sem fyrr segir frá endurreisnar- og
barokktímanum. Í sumum verkanna
skiptast málmblásararnir í tvo
„kóra“ sem kallast á og eru á mis-
munandi stöðum í kirkjunni. Orgelið
er í hlutverki þriðja kórsins. Tvö
verkanna eru eins konar at, eða ein-
vígi milli tveggja ketilbumbu- eða
pákuleikara.
Markmið Listráðs Langholts-
kirkju er að stuðla að fjölbreyttu
lista- og menningarlífi á vettvangi
kirkjunnar og í tengslum við starf-
semi hennar.
Listaflétta í Langholti
Morgunblaðið/Golli
Tónlistarmenn leika barokktónlist á trompeta, básúnur og bumbur.
Skipulag vegna tónlistarhúss
44 tillögur
sendar inn
ÚRSLIT í hugmyndasamkeppni um
skipulag lóðar í miðborginni þar sem
rísa mun tónlistarhús og ráðstefnu-
miðstöð verða kynnt við hátíðlega at-
höfn í Ráðhúsi Reykjavíkur á morg-
un, sunnudag, kl. 16. Samtímis
verður opnuð sýning á öllum tillög-
unum, en dómnefnd bárust 44 tillög-
ur.
Í byrjun árs 1999 samþykktu rík-
isstjórn Íslands og borgarráð
Reykjavíkur að beita sér fyrir bygg-
ingu tónlistarhúss og ráðstefnumið-
stöðvar (TRH) í miðborginni. Í kjöl-
far þess var skipuð samstarfsnefnd
ríkis og borgar um verkefnið sem
unnið hefur að undirbúningi þess síð-
an. Ákveðið hefur verið að sá hluti
verkefnisins sem snýr að tónlistar-
húsi, ráðstefnumiðstöð, hóteli og
tengdum mannvirkjum verði boðinn
út í heild, þ.m.t. endanleg hönnun
mannvirkja og lóðar.
Þar sem um er að ræða eitt stærsta
skipulags- og byggingaverkefni síð-
ustu ára í miðborg Reykjavíkur, sam-
þykkti borgarráð Reykjavíkur að
efna til alþjóðlegrar hugmyndasam-
keppni um skipulag lóðarinnar og
nærliggjandi svæða við Austurhöfn í
samstarfi við Arkitektafélag Íslands,
að höfðu samráði við hafnarstjórn og
samstarfsnefnd ríkis og borgar um
undirbúning TRH.
Áhersla var lögð á að um hug-
myndasamkeppni væri að ræða sem
fjallaði um skipulag. Ekki átti að
leggja fram hugmyndir um nákvæma
hönnun einstakra bygginga. Lóðin,
sem ætluð er undir tónlistarhús, ráð-
stefnumiðstöð og hótel, er í tveimur
hlutum. Annars vegar 7.200 fermetr-
ar milli Geirsgötu og Tryggvagötu og
u.þ.b. 20.000 fermetrar norðan Geirs-
götu og í átt að Ingólfsgarði (þar sem
Faxaskáli stendur nú).
Mörg læknuð
mein er eftir Þ.
Ragnar Jónasson.
Þar er rakin saga
heilbrigðisþjón-
ustu og velferð-
armála á Siglufirði
og hún skoðuð í
víðu samhengi.
Þetta er fimmta
bók Þ. Ragnars um siglfirska sögu,
menningu og mannlíf.
Bókin skiptist í fjóra meginhluta en
efniskaflar eru tuttugu og þrír. Fyrst er
fjallað um lækningar á fyrri tíð, lækna-
skipan og lækna, þá um sjúkrahúsin
þrjú sem hafa verið rekin á Siglufirði í
áranna rás. Loks er í bókinni fjallað
um ýmsa starfsemi á heilbrigðissviði
sem rekin hefur verið í bænum, svo
sem sjúkrasamlag, berklavarnir, lyfja-
búðir og dvalarheimili fyrir aldraða.
Útgefandi er Heilbrigðisstofnun
Siglufjarðar. Bókin er 156 bls., prent-
uð í Odda hf. Kápu hannaði Ragnar
Helgi Ólafsson. Verð: 3.480 kr.
Saga