Morgunblaðið - 12.07.2002, Blaðsíða 24

LISTIR
24 FÖSTUDAGUR 12. JÚLÍ 2002 MORGUNBLAÐIÐ
Í JOHNNY Casanova birtast aft-
ur stíleinkenni þau sem Ofleikur og
Jón Gunnar sýndu í síðasta verki
sínu, E. Mikið hugarflug, hraði og
sjálfstraust. Aftur er öllum meðulum
leikhússins beitt: raunsæislegum
samtölum, skopstælingu, ljóðrænum
eintölum, tónlist, ljósum, sprenging-
um, dansi. Og aftur er spjótum beint
að einu samfélagsböli, að þessu sinni
stöðu samkynhneigðra og erfiðleik-
um þeim sem fylgja því að koma út í
samfélagi sem er í besta falli for-
dómafullt en því versta fjandsam-
legt.
Verkið hverfist um tvo drengi í
fjögurra manna vinahóp. Annar hef-
ur lengi gert sér grein fyrir kyn-
hneigð sinni en leynt henni, hinn er
að vakna til vitundar um sína. Þeir
ná saman en umhverfið er þeim eins
fjandsamlegt og hugsast getur, ann-
ar glímir við ofbeldisfullan föður,
hinn við bókstafstrú fjölskyldu sinn-
ar. Þessi ástarsaga er einföld og
sterk og í látlausum meðförum Jak-
obs Ómarssonar og Péturs Eggert-
sonar áhrifaríkasti þáttur sýningar-
innar.
Það umhverfi sem Jón Gunnar kýs
að láta söguna gerast í, ofstækisfullt
trúarsamfélag, dregur hins vegar að
mínu mati úr áhrifamætti sögunnar.
Allt umhverfi strákanna er svo gegn-
sýrt af hræsni, þröngsýni, heimsku,
óheiðarleika og illvilja að það verður
nánast snertipunktalaust við raun-
veruleikann. Og sú mynd sem dregin
er upp af trúarsamfélaginu í verkinu
kveikir frekar á hugleiðingum um
fordóma gagnvart slíkum söfnuðum
en því andstreymi sem samkyn-
hneigðir sannarlega búa við í hvers-
dagslegum íslenskum nútímaraun-
veruleika. Það er sú tilfinning sem
fyrrnefndar senur strákanna skila,
en andstreymið sem þeir mæta er
síðan svo yfirgengilegt að það verður
nánast skoplegt, sem ég held ekki að
hafi verið ætlunin. Sýningin er eins
og áður sagði hröð og viðburðarík.
Leikhópurinn jafn og sterkur, enda
að þessu sinni fámennari en áður og
valinn maður í hverju rúmi. Jón
Gunnar stýrir gangi mála af all-
nokkru öryggi, þó stundum hefði
verið hægt að leggja skýrari áherslu
á aðalatriðin og draga þau betur
fram, einangra mikilvæg augnablik í
sögunni. Þetta á ekki síst við um
samtalssenur vinahópsins og fjöl-
skyldunnar, sem voru vel leiknar en
liðu fyrir linnulausa og frekar flat-
neskjulega tónlist sem var látin
hljóma undir þeim nánast öllum og
stóð í vegi fyrir áhrifamikilli vinnu
leikarans með hraða og ris. Annars
staðar, í senum sem snertu ekki hina
raunsæislegu aðalsögu, naut tónlist-
in sín ágætlega.
Þau atriði sem tínd hafa verið til
og fundið að draga í raun lítt úr að-
dáun þeirri sem Ofleikur á skilið fyr-
ir djörfung sína og sköpunargleði.
Hópnum er mikið niðri fyrir og trúir
greinilega á áhrifamátt leikhússins
til að koma boðskap á framfæri og
hreyfa við fólki. Það er ekki lítils
virði og auðvelt að hrífast með, eins
þegar skotið er yfir markið.
LEIKLIST
Ofleikur
Höfundur og leikstjóri: Jón Gunnar Þórð-
arson. Tónlist: Francois Evans og Cucul-
ar. Lýsing: Jón Þorgeir Kristjánsson. Leik-
endur: Ástríður Viðarsdóttir, Birna Dröfn
Jónasdóttir, Elín Ósk Gísladóttir, Heiða
Björk Árnadóttir, Hildur Friðriksdóttir,
Hjörtur Jóhann Jónsson, Jakob Ómars-
son, Jón Þorgeir Kristjánsson, Pétur Egg-
ertsson, Pétur Kristófer Oddsson og Val-
gerður Pétursdóttir.
JOHNNY CASANOVA
Á útleið
Þorgeir Tryggvason
NORSKI orgelleikarinn Hal-
geir Schiager heldur tvenna
tónleika um helgina, hina fyrri
á laugardag kl. 12 og hina síð-
ari kl. 20 á sunnudag.
Á efnisskrá Schiager er m.a.
tónlist eftir tékkneska tón-
skáldið Petr Eben, verk eftir
Norðmennina Leif Solberg og
Kjell Mørk Karlsen og Þjóð-
verjann Gustav Adolph Mer-
kel.
Halgeir er fæddur 1955 á
Biri við Gjøvik og lauk org-
anistaprófi frá Tónlistarhá-
skóla Noregs árið 1979 undir
leiðsögn Magnes Elvestrands.
Síðar stundaði hann fram-
haldsnám í München og
Strassborg hjá prófessor
Franx Lehrndorfer og pró-
fessor Daniel Roth.
Halgeir Schiager starfar
sem organisti við Grefsen-
kirkjuna í Osló.
Orgelleikur á
norska vísu
Nýlistasafnið
ÞESSI helgi verður síðasta
sýningarhelgin á verkum hol-
lenska myndlistarmannsins
Aernout Mik í Nýlistasafninu.
Á síðasta sýningardegi,
sunnudag, mun myndlistar-
maðurinn Tumi Magnússon
vera með leiðsögn fyrir sýning-
argesti kl. 14.
Sýningu lýkur
HALLDÓRA Helgadóttir opnar á
morgun, laugardag, sýningu á Hót-
el Reykholti í Borgarfirði og ber
sýningin heitið „Bláir hestar“.
Viðfangsefni sýningarinnar er ís-
lensk náttúra, máluð með olíu á dúk
þar sem farið er frjálslega með liti
og form, að því er segir í tilkynn-
ingu, en minna skeytt um nákvæma
túlkun.
Halldóra, sem starfar að mynd-
list á Akureyri, útskrifaðist frá mál-
unardeild Myndlistarskólans á Ak-
ureyri árið 2000. Hún hefur tekið
þátt í ýmsum samsýningum en
þetta er hennar önnur einkasýning.
Sýningin á Hótel Reykholti verð-
ur opnuð kl. 16 og stendur til 4.
ágúst. Aðgangur er ókeypis og eru
allir boðnir velkomnir.
Verk af sýningu Halldóru Helgadóttur að Hótel Reykholti.
Hestar á hóteli
SÝNING á völdum verkum Bene-
dikts Gunnarssonar listmálara var
opnuð í Skálholtsskóla á dögunum
og verður þar út sumarið, en stað-
arlistamenn Skálholts sýna þar
verk sín í þrjá mánuði í senn.
Sýning Benedikts kemur í kjölfar
Kristínar Geirsdóttur sem hófst í
byrjun sumars.
Benedikt hefur valið verk til sýn-
ingar í Skálholti sem mynda raðir
um ákveðin stef svo sem um sköp-
unina og tilurð ljóssins og einnig
um ögurstundir í lífi mannsins.
Benedikt sækir myndefnið bæði í
Gamla og Nýja testamentið sem og
í íslenska sögu. Verkin eru unnin
með margskonar tækni, í olíu, ak-
ryl og vatnslitum. Benedikt hefur
haldið fjölda sýninga, unnið ýmiss
konar verk fyrir kirkjur bæði alt-
aristöflur og glugga, auk þess sem
verk hans eru í eigu margra safna
hér heima og erlendis. Hann hefur
kennt myndlist við Kennaraháskóla
Íslands í áratugi. Benedikt er einn-
ig heiðurslistamaður Kópavogs ár-
ið 2002.
Benedikt
Gunnars-
son sýnir í
Skálholti
Benedikt Gunnarsson sýnir í Skálholtsskóla þessa dagana.
AÐ VENJU verður dagskráin í Ár-
bæjarsafni fjölbreytt um helgina.
Á morgun, laugardag, heldur tríó-
ið Jazzandi tónleika fyrir safngesti
kl. 14. Leiknir verða þekktir djass-
standardar ásamt frumsömdu efni.
Tríóið skipa þeir Sigurjón Alex-
andersson gítarleikari, Sigurdór
Guðmundsson bassaleikari og Ingvi
Rafn Ingvason trommuleikari.
Við Kornhúsið verða gamaldags
leiktæki; kassabílar, stultur og húla-
hringir. Einnig verður hægt að leika
með leggi og skeljar en teymt verður
undir börnum frá kl. 13 til 15.
Á Sunnudag verður sagnfræðing-
urinn Guðjón Friðriksson með leið-
sögn fyrir gesti safnsins um sýn-
inguna „Saga Reykjavíkur – frá býli
til borgar“ kl. 13 og 15. Netahnýt-
ingar verða við Nýlendu og í Árbæ
bíður húsfreyjan gestum upp á ný-
bakaðar lummur. Á baðstofuloftinu
verður spunnið og saumaðir roðskór.
Teymt verður undir börnum frá kl.
13 til 15 við Árbæinn. Harmóníkan
verður þanin við Árbæ og Dillons-
hús, en þar er boðið upp á veitingar.
Klukkan 14 hefst dagskráin Spek-
úlerað á stórum skala í húsinu Lækj-
argötu 4. Þar býður Þorlákur Ó.
Johnson upp á skemmtun í anda lið-
ins tíma. Þar fá gestir innsýn í lífið í
Reykjavík á 19. öld.
Í miðbæ Reykjavíkur klukkan 13 á
sunnudag mun safnið standa fyrir
sögugöngu undir leiðsögn Guðnýjar
Gerðar Gunnarsdóttur borgarminja-
varðar. Gengið verður um Aðal-
stræti og Grjótaþorp þar sem er að
finna minjar um elstu byggð í
Reykjavík frá landnámsöld, hús frá
dögum Innréttinganna og fyrsta
skeiði kaupstaðarins. Mæting er við
styttu Skúla fógeta kl. 13 og er þátt-
taka ókeypis.
Djass í Árbæjarsafni
SÝNING um sögu olíuskipsins El
Grillo verður opnuð á Seyðisfirði á
morgun kl. 16. El Grillo er rúmlega
7.000 tonna olíuskip sem liggur á
botni Seyðisfjarðar skammt frá
kaupstaðnum. Skipið var smíðað í
Bretlandi árið 1922 og sökkt í loft-
árás þýska flughersins í febrúar
1944. Það var þá með fullfermi af olíu
og töluvert af vopnum. Í áranna rás
hefur verið kafað niður að skipinu til
þess að tæma það af olíu og hreinsa
burt sprengjur. Sýningin sem hlotið
hefur nafnið „El Grillo í stríði og
friði“ er sérsýning á vegum Tækni-
minjasafns Austurlands á Seyðis-
firði. Sýndir verða munir úr skipinu
og tengdir því og saga skipsins frá
upphafi til dagsins í dag skýrð í máli
og myndum. Sýningin verður í Seyð-
isfjarðarskóla og stendur til 11.
ágúst, en hún verður opin alla daga
nema mánudaga kl. 14 til 18.
Myndir á hringferð
Á sama tíma verður einnig opnuð í
Seyðisfjarðarskóla myndlistarsýn-
ingin „170 sinnum hringinn“.
Hér er á ferðinni samsýning lista-
mannanna Gunnars Karlssonar,
Jóns Axels Björnssonar, Valgarðs
Gunnarssonar og Bjargar Örvar.
Yfirskrift sýningarinnar vísar í að
málverkin eru öll í stærðinni 170 x
170 cm, eitt verk frá hverjum lista-
manni, og að þau eru á hringferð um
landið. Sýnd eru ný verk á hverjum
stað þar sem sýningin kemur við.
Sýningin verður opin kl. 14 til 18
alla daga nema mánudaga.
Sýning um
El Grillo og
farandlist
OPNUÐ hefur verið sýning á verk-
um Sigríðar Guðnýjar Sverrisdóttur
í húsakynnum veitingastaðarins Við
fjöruborðið á Stokkseyri.
Sigríður Guðný, sem er myndlist-
armaður og grafískur hönnuður,
lauk stúdentsprófi frá listasviði Fjöl-
brautar í Breiðholti 1979. Þá lá leið
hennar í Myndlista- og handíðaskóla
Íslands og útskrifaðist hún þaðan
sem grafískur hönnuður 1983.
Myndirnar á sýningu Sigríðar eru
unnar með akríl-litum á striga og eru
þær allar málaðar undanfarna mán-
uði. Myndefnið er af ýmsum toga, en
flestar myndirnar lýsa hlutum og
formi í okkar nánasta umhverfi.
Einnig fléttar Sigíður letri saman við
myndefnið. Sigríður Guðný hefur áð-
ur haldið sýningu á Port City Java-
kaffihúsinu.
Sýningin á Stokkseyri stendur í
júlí og ágúst.
Sigríður Guðný Sverrisdóttir
við eitt verka sinna.
Sigríður
Guðný við
fjöruborðið