Morgunblaðið - 12.07.2002, Blaðsíða 25

LISTIR/KVIKMYNDIR
MORGUNBLAÐIÐ FÖSTUDAGUR 12. JÚLÍ 2002 25
Skólavörðustíg 7, RVÍK,
Sími 551-5814
-Gæðavara
Verð kr: 6.200.-
Verð kr: 7.900.-
Verð kr: 8.900.-
Verð kr: 9.900.-
Verð kr: 3.500.-
Verð kr: 3.100.-
Verð kr: 2.800.-
Verð kr: 3.100.-
Verð kr:
7.900.-
Verð kr:
8.900.-
Verð kr:
6.900.-
Verið velkomin -
aðgengi er orðið mjög gott að búðinni
Verð kr:
7.300.-
Verð kr:
9.500.-
Verð kr:
11.500.-
Verð kr:
12.500.-
Verð kr:
5.900.-
Verð kr: 3.100.-
alltaf á sunnudögumFERÐALÖG
SS HUNT’S BBQ
GRILLKJÖT
25%afsl.
KOSTAR MINNA
BARNASTJÖRNUR eiga gjarnan
strembið líf fyrir höndum og eldast
oftar en ekki á annan veg en hentar
skemmtanaiðnaðinum. Hin ungu og
efnilegu Frankie Muniz og Amanda
Bynes eru stjörnurnar í Malcolm in
the Middle og The Amanda Show,
sjónvarpsþáttunum vinsælu. Þau eru
bæði að hefja leitina að frægð og
frama á hvíta tjaldinu og leika saman í
gamanmyndinni Big Fat Liar.
Muniz leikur Jason Shepherd, for-
fallinn og hraðlyginn nemanda sem
liggur undir endalausum ámælum
kennaranna fyrir að ljúga sig útúr
hverju verkefninu á fætur öðru, ekki
síst heimavinnunni. Þegar kennslu-
konan hans grípur Jason glóðvolgan
við sína forhertustu lygasmíð frá upp-
hafi setur hún honum afarkosti: Að
klára heimaverkefnið fyrir kvöldið
eða hann verður sendur í sumarskóla!
Nú eru góð ráð dýr svo Jason lætur
reyna rétt einu sinni á skáldagáfuna.
Lýgur upp frábærri sögu sem hann
rétt nær að ljúka mínútum áður en
tímamörkin skella á. Hann er á harða-
hlaupum með afraksturinn á fund
kennslukonunnar er stór og mikill eð-
alvagn skellur á honum. Ökumaður-
inn er Marty Wolf (Paul Giamatti),
kvikmyndaframleiðandi í Hollywood,
sem tínir upp blöðin hans Jasons og
sér samstundis að hér er komið frá-
bært efni í kvikmynd. Tekur feginn
við og heldur með skáldskapinn til
kvikmyndaborgarinnar á vestur-
ströndinni.
Jason er ekki á því að láta fara
þannig með sig og ætlar sér ekki að
gefast upp fyrr en í fulla hnefana.
Heldur því á fund Wolfs ásamt Kay-
lee (Amanda Bynes), vinkonu sinni,
en karl er ekki á því að láta krakka
trufla áætlanirnar. Þau svara aftur á
móti með því að hvekkja hann á allan
máta. Orrustan er hafin!
Þess má til gamans geta að Big Fat
Liar er tekin í Universal-kvikmynda-
verinu og segjast glöggir menn sjá
ýmsa kunnuglega sviðsmuni og bygg-
ingar ef vel er að gáð. Húsið hans
Normans Bates úr Psycho er í aug-
sýn, bílarnir úr Aftur til framtíðar og
Þegar Trölli stal jólunum, o.s.frv.
Ásamt barnastjörnunum kemur
Giamatti talsvert til sögunnar, en
hann er kunnur senuþjófur úr fjölda
mynda.
Leikarar: Frank Muniz (Dr Dolittle 2, It
Had to Be You); Amanda Bynes (frum-
raun); Paul Giamatti (Big Momma’s
House, Man on the Moon, Saving Private
Ryan). Leikstjóri: Shawn Levy (Just
Married, Address Unknown).
Forfallinn, sjúk-
legur haugalygari
Háskólabíó frumsýnir bandarísku fjöl-
skyldumyndina Big Fat Liar með Frank
Muniz, Amöndu Bynez og Paul Giamatti.
Giamatti ræðir við Muniz.
EINN af litríkari kvikmyndagerðar-
mönnum samtímans, Barbet
Schroeder, leikstýrir spennumynd-
inni Murder by Numbers með hinni
feikivinsælu Söndru Bullock í aðal-
hlutverki.
Lík ungrar konu finnst í skóglendi
utan við strandbæ í Kaliforníu. Cassie
Mayweather (Sandra Bullock), sér-
fræðingur í glæpadeildinni, er send á
staðinn, ásamt Sam Kennedy (Ben
Chaplin), nýjum félaga sínum á vakt-
inni.
Vettvangsrannsókn leiðir í ljós
hrottafengið morð sem unnið hefur
verið í ofbeldisæði og asa.
Cassie hefur á tilfinningunni að
meira búi undir en virðist við fyrstu
sýn. Eitthvað málinu skylt rifjar upp
fyrir henni atburði, langt aftur úr for-
tíðinni.
Cassie fikrar sig áfram við að púsla
saman þeim litlu sönnunargögnum
sem eru til staðar. Sam er þolinmóður
og lætur hana ráða ferðinni, gefur lít-
ið fyrir orðsporið sem fer af samstarfi
hennar við fyrrverandi félaga.
Morðrannsóknin færir lögreglu-
mennina á fund Richards (Ryan Gosl-
ing), eiganda skónna sem morðinginn
hefur hugsanlega notað þegar verkn-
aðurinn var framinn. Richards heldur
því fram að skónum hafi verið rænt úr
skápnum hans og hefur skothelda
fjarvistarsönnun. Er samvinnuþýður
en eitthvað í fari hans setur Cassie úr
jafnvægi, áttar sig ekki á honum.
Grunar að meira búi undir sjálfs-
öruggu yfirborðinu.
Eftir fundinn við Richard fara lög-
reglumennirnir hvor í sína áttina
hvað vinnubrögð snertir. Sam heldur
áfram að púsla á meðan Cassie fer
óhefðbundnar leiðir og styðst við hug-
boð, grunsemdir og drauga úr fortíð-
inni.
Það kemur í ljós að hinn aðlaðandi
Richards á í dularfullu vinfengi við
Justin Pendleton (Michael Pitt). And-
stæðu hans við fyrstu sýn, en undir
niðri eiga þeir ýmislegt sameiginlegt.
Þeir eru afskiptir synir efnafólks og
lifa í eigin veröld þar sem foreldrar
eru einkum nauðsynlegir til að fjár-
magna furðulegan lífsstílinn.
Með þessi brot reyna lögreglu-
mennirnir að komast til botns í máli
sem verður æ flóknara og ískyggi-
legra með hverri mínútunni.
Leikarar: Sandra Bullock (Speed, A Time
to Kill, Wrestling Ernest Hemingway,
Miss Congeniality); Ben Chaplin (The
Truth About Cats and Dogs, Washington
Square, The Thin Red Line); Ryan Gosl-
ing (The Believer, Remember the Titans).
Leikstjóri: Barbet Schroeder (Reversal of
Fortune, Barfly, Kiss of Death).
Hið full-
komna
morð?
Sambíóin Álfabakka, Kringlunni og Ak-
ureyri frumsýna Murder by Numbers
með Söndru Bullock, Ryan Gosling,
Michael Pitt og Ben Chaplin.
Rýnt í sönnunargögnin: Sandra
Bullock og Ben Chaplin í
Murder By Numbers.
HINN sívinsæli og kattliðugi
slagsmálahundur og gamanleikari
Jackie Chan stingur upp sínum
svarthærða
kolli í átaka-
og gaman-
myndinni
Accidental
Spy, eða
Njósnari
fyrir tilvilj-
un. Hún
byrjar, líkt
og margar
aðrar, mitt í
grámyglu
hversdags-
ins. Það er
ekkert að
gerast hjá
Buck
(Chan), sölu-
manni
heilsurækt-
artóla, þegar
hann sér tvo
grunsamlega
skuggabaldra
læðupokast
inní húsa-
sund. Buck finnur á sér að eitt-
hvað gruggugt er að brjótast um í
huga náunganna. Fylgir því í hum-
átt á eftir þeim enda þyrstir hann í
ævintýri og slagsmál til að krydda
tilbreytingarleysi kaupmennsk-
unnar.
Hugboð Bucks reynist rétt því
kauðarnir tveir eru ekki á leið inní
sundið til að gera góðverk dagsins
heldur ræna skartgripaverslun.
Okkar maður brettir upp ermarn-
ar, skyrpir í lófana og vita bófarnir
ekki fyrri til en afgreiðslublókin er
búin að berja þá til óbóta og sír-
enurnar væla.
Umtalið, sem fylgir hetjudáðum
Bucks, hefur óvænt eftirmál og hin
bestu áhrif á framtíðardrauma
sölumannsins því einkaspæjarinn
Liu (Eric Tsang) kemur að máli
við Buck til að tjá honum að hann
sé örugglega týndur sonur forríks
kóresks kaupahéðins.
Nú vænkast heldur betur hagur
strympu því Buck leggst í ferðalög
og uppfyllast óskir hans um ríki-
dæmi og ljúfa lífið. Hann heldur
m.a. til Tyrklands, en kemst að því
að ekki er allt sem sýnist. Hann er
orðinn þátttakandi í e.k. leik katt-
arins að músinni og verður aftur
að bretta upp ermar. Í þetta skipti
til að bjarga eigin skinni.
Leikarar: Jackie Chan (Rush Hour I.
og II., Shanghai Knigts, Shanghai
Noon); Eric Tsang, Vivian Hsu. Leik-
stjóri: Teddy Chan (Ziyu fengbao)
(1999) eða Purple Storm; San tau
dip ying (1997) eða Downtown
Torpedoes; Shen tou die ying (1997);
In the Heat of Summer (1994) Wan
9 zhao 5 (1994) eða Twenty
Something.
Njósnari
fyrir
tilviljun
Regnboginn frumsýnir Accidental Spy
með Jackie Chan, Eric Tsang, Vivian
Hsu og Min-jeong Kim.
Jackie Chan í
gamalkunnum
stellingum.