Morgunblaðið - 18.07.2002, Page 12

FRÉTTIR
12 FIMMTUDAGUR 18. JÚLÍ 2002 MORGUNBLAÐIÐ
YST á Kársnesi í Kópavogi er los-
að grjótefni og jarðvegur í landfyll-
ingu sem mun síðar gegna hlut-
verki hafnarsvæðis samkvæmt
framtíðarskipulagi Kópavogsbæjar
að sögn Stefáns Lofts Stefánsson-
ar, deildarstjóra framkvæmda-
deildar bæjarins. Hann segir rusl í
fjörum í nágrenninu ótengt land-
fyllingunni, en íbúar í nágrenninu
hafa orðið varir við það.
„Bárujárn og tunnur eiga ekki
að vera hluti af landfyllingunni og
er reynt að koma í veg fyrir að það
berist á staðinn, en alltaf eru ein-
hverjir sem fara ekki að settum
reglum til að komast hjá förgunar-
kostnaði á rusli,“ segir Stefán. Jó-
hannes Guðmundsson hafnarvörð-
ur sem hefur daglegt eftirlit með
hafnarfyllingunni og ef rusl berst á
staðinn er það fjarlægt úr fylling-
unni.
Mikið eftirlit með
framkvæmdum
„Við gætum þess að ekkert fari í
landfyllinguna sem er mengunar-
valdandi,“ segir Jóhannes og bætir
við að ef grunur er um að mengun
sé á ferð er það skoðað mjög vel og
sýni tekin til að ganga úr skugga
um það og viðeigandi ráðstafanir
gerðar. „Það er því líklegast að
einhver hafi í leyfisleysi losað sig
við efni á þessum stað og þegar
það hefur gerst hefur bærinn séð
um að fjarlægja það sem ekki á
heima í landfyllingu. Þess er vel
gætt. Því miður eru alltaf svartir
sauðir innan um sem ganga svona
um.“
Stefán segir að bætt hafi verið
við landfyllinguna í Kársnesi und-
anfarin 25 ár eða svo. „Í fyllinguna
er notað efni sem kemur upp úr
grunnum og fellur til við gatnagerð
á vegum bæjarins, helst grjót.“
Bæjaryfirvöld hafa stöðugt eftirlit með gerð landfyllingar
Ryðgaðar tunnur og annað rusl í haug á Kársnesi sem einhver hefur skilið þar eftir í leyfisleysi.
Morgunblaðið/Arnaldur
Í fjörunni við Kársnesið flýtur einangrunarplast en starfsmenn Kópa-
vogsbæjar sjá um að hreinsa burt óæskilegt rusl úr landfyllingarefninu.
Rusl á Kársnesi ekki
á vegum bæjarins
GRUNNSKÓLINN á Ísafirði sendi
nýverið bréf til foreldra þar sem
kom fram að „allir grunnskólanem-
endur til heimilis á Suðureyri (Súg-
andafirði) sem hafa verið skráðir í
GÍ [Grunnskólanum á Ísafirði] eða
hafa sótt um skólavist í GÍ fyrir
næsta skólaár, skuli sækja skóla á
Suðureyri frá og með næsta skóla-
ári nema sérstakar ástæður hamli“.
Í Bæjarins besta kemur fram að
alls stunda átta börn frá Suðureyri
nám við Grunnskólann á Ísafirði.
Jón Arnar Gestsson á Suðureyri,
faðir tveggja nemenda í GÍ, segist í
samtali við Bæjarins besta líta svo
á að verið sé að reka börnin úr
skóla á Ísafirði. Hann hefur nú sent
menntamálaráðuneytinu bréf þar
sem hann óskar þess að ráðuneytið
úrskurði ákvarðanir fræðslunefndar
óheimilar og að börn hans fái að
vera í GÍ, sem þau hafi sótt í tvö ár.
Hann biður ráðuneytið einnig að
beina þeim tilmælum til bæjaryf-
irvalda að þau „blandi ekki þeim
börnum sem fyrir eru í skólum inn í
pólitíska valdabaráttu, heldur leysi
úr þeim vandamálum sem upp
koma án þess að hrófla við því sem
fyrir er og senda börnin í skóla sem
einstökum bæjarfulltrúum og
nefndarmönnum finnist að þau eigi
að vera í.“
Oftúlkun hjá Jóni Arnari
Að sögn Guðna Geirs Jóhann-
essonar, formanns bæjarráðs á Ísa-
firði, er það oftúlkun hjá Jóni
Arnari að börnin hafi verið rekin úr
skólanum.
„Málið er í höndum fræðslu-
nefndar núna og ég á ekki von á
öðru en það leysist farsællega,“
segir hann í samtali við Morgun-
blaðið. Hann segir að rætt verði við
foreldra og skólastjórnendur á Suð-
ureyri.
Skarphéðinn Jónsson, skólastjóri
GÍ, segir í samtali við Bæjarins
besta að um geti verið að ræða
túlkunaratriði hvort ákvörðun
fræðslunefndar eigi við nemendur
sem þegar hafi verið fluttir á milli
skóla, til jafns við þá sem sótt hafi
verið um flutning fyrir á næsta
skólaári.
Nokkur börn á Suðureyri hafa sótt grunnskóla á Ísafirði
Krefjast þess að börnin
sæki skóla á SuðureyriJÓN Kristjánsson, heilbrigðis- og
tryggingamálaráðherra, segir að
taka þurfi málefni bótaþega til
umræðu í heild og að þau þurfi að
ræða í ríkisstjórn. Í viðtali við
Morgunblaðið á dögunum lýsti
Harpa Njáls, félagsfræðingur, því
að 40 þúsund krónur vanti mán-
aðarlega upp á fullan lífeyri frá
Tryggingastofnun til þess að
bótaþegar sem hafa ekki aðrar
tekjur en frá ríkinu geti fram-
fleytt sér miðað við lágmarks
framfærslukostnað.
Segir Jón að hann sé að viða að
sér upplýsingum um málið, en
hann hafi áhuga á því að skoða
hversu stór hópur fólks lifi ein-
göngu á tryggingabótum og hafi
ekki annað til lífsviðurværis. „Mér
finnst mest áríðandi að finna þann
hóp sem hefur minnst á milli
handanna í samfélaginu og huga
að honum,“ segir Jón.
Heilbrigðis- og
tryggingamálaráðherra
Skoða þarf hve margir
lifa eingöngu á bótum
SALA og neysla á ylræktuðu græn-
meti hefur aukist mikið að undan-
förnu og fór sala á agúrkum úr 400
tonnum í 500 tonn á fyrstu sex mán-
uðum ársins. Þessi aukning nemur
um hálfu kílói á mann að meðaltali,
að sögn Þórhalls Bjarnasonar, for-
manns grænmetisbænda, en hann
segir að ylræktarsala hafi tvöfaldast
á undanförnum tíu árum.
Þórhallur segir að tómatar hafi
komið seinna inn á markaðinn í ár
en stundum áður, sem stafi af því að
ekki hafi verið mjög sólríkt veðurfar
seinni hluta vetrar. Í sölufélaginu
hafi orðið 30 tonna söluaukning á
tómötum í júní og það seljist allt
sem komi inn. Hann segist ekki geta
sagt til um það hvort hætta er á að
skortur verði á grænmeti, en bendir
á að innflutningur sé frjáls og tolla-
laus svo það sé ólíklegt.
„Fólk er greinilega farið að borða
meira grænmeti en áður, enda hefur
komið í ljós að þetta er ódýrasti
maturinn miðað við hitaeiningar.
Hinn breytti lífsstíll fólks og stans-
laus áróður um að auka neyslu á
þessari vöru hefur haft áhrif, en við
höfum einnig verið með auglýs-
ingaátök í gangi og eigum eftir að
auka það enn meira,“ segir Þórhall-
ur.
Hann segir að agúrkur séu nú
ræktaðar árið um kring og tómatar
einnig næstum allt árið. „Við höfum
fundið það að markaðurinn hefur
stækkað á sumrin vegna þess að við
getum boðið vöruna allt árið og það
virðist halda neyslunni stöðugri.“
Uppskeruhorfur góðar
Þórhallur segir að grænmeti sem
ræktað er utandyra sé ekki komið
mikið inn, fyrir utan kínakál, en
uppskeruhorfur séu góðar. Það hafi
verið gott vaxtarhitastig í sumar, en
þurrkar hafi helst hamlað ræktun.
Sighvatur Þorsteinsson, formaður
Félags kartöflubænda, segir að nú
séu að byrja að koma á markaðinn
kartöflur sem ræktaðar hafa verið
undir plasti. Hann segir veðurskil-
yrði hafa verið prýðileg að mörgu
leyti en að þó hafi verið helst til
þurrt undanfarnar vikur og það hafi
staðið ræktinni aðeins fyrir þrifum.
Sighvatur segir enn ekkert hægt að
segja til um hvernig uppskera árs-
ins verður, það fari allt eftir veðri.
Sala á græn-
meti hefur auk-
ist mikið í ár
ÖKUMAÐUR bifreiðar var fluttur á
Fjórðungssjúkrahúsið á Akureyri eft-
ir bílveltu á Norðausturvegi í Aðal-
dalshrauni í fyrrinótt. Við frumrann-
sókn á vettvangi var hann þó ekki
talinn alvarlega slasaður. Samkvæmt
upplýsingum lögreglu benda aðstæð-
ur á slysstað til þess að bifreiðinni hafi
verið ekið nokkuð greitt en hún hafn-
aði a.m.k. 20 metra frá veginum.
Grunur leikur á að maðurinn, sem var
einn í bílnum, hafi verið ölvaður.
Grunur um ölvun eftir bílveltu
LOFTUR Jóhannsson, formaður
Félags íslenskra flugumferðar-
stjóra, telur að grípi þurfi fyrr inn í
en gert er þegar bilanir koma upp í
nýju fluggagnakerfi hjá flugstjórn-
armiðstöðinni í Reykjavík sem tekið
var í notkun í vor. Hann segir kerf-
ið hafa reynst vel framan af en í
síðustu viku hafi kerfið frosið
nokkrum sinnum. Heimir Már Pét-
ursson, upplýsingafulltrúi Flug-
málastjórnar, sagði í Morgun-
blaðinu í gær að aldrei hefði
skapast hætta þegar kerfið hafi
frosið.
Loftur segir að flugumferðar-
stjórar geti notast við varakerfi
þegar nýja kerfið frjósi, en hins
vegar taki sinn tíma að gangsetja
það. Hann gagnrýnir að of seint sé
brugðist við þegar nýja kerfið sýni
merki þess að ekki sé allt með
felldu og telur að setja eigi vara-
kerfið í gang fyrr en gert er. „Það á
ekki að bíða eftir því að kerfið
hrynji og fara þá inn á varakerfið,“
segir hann. Að sögn Lofts var
brugðist við um síðustu helgi með
því að takmarka fjölda flugvéla sem
hleypt er inn á flugstjórnarsvæðið.
Með því minnkar álagið á flug-
gagnakerfið og um leið álagið á
flugumferðarstóra þegar skipt er
yfir í varakerfi.
Rannsóknanefnd flugslysa
tilkynnt um málið
Þormóður Þormóðsson, formaður
Rannsóknanefndar flugslysa, segir
formlega rannsókn á málinu standa
yfir eftir tilkynningar um bilanir í
fluggagnakerfinu. Hafi frumrann-
sókn leitt í ljós að öryggi væri ekki
ógnað þrátt fyrir frávik í kerfinu.
Formaður Félags flugumferðarstjóra
gagnrýnir nýtt fluggagnakerfi
Of seint brugðist
við bilanamerkjum