Morgunblaðið - 18.07.2002, Qupperneq 41

hvað er góð mynd. Hins vegar er til
það viðmið, að langi mann sjálfan til
að hafa tekið myndina, telst hún góð,
og víst gildir það um þær allar fyrir
þann, sem hér heldur á penna.
Myndirnar eru svo mikið stækkaðar,
að auðvelt ætti að vera að þekkja
flestar tegundir. Að auki eru litlar
myndir, sem sýna eðlilega stærð dýr-
anna.
Bókin er í handhægu broti og
myndir þekja stóran hluta á hverri
síðu. Helzt til of er þrengt að texta og
æskilegt hefði verið að hafa fleiri
millifyrirsagnir. Ágætt yfirlit er yfir
flokkun liðdýra og greint er frá söfn-
un og varðveizlu þeirra. Á hinn bóg-
inn hefði verið full þörf á að birta
teikningar af fulltrúum helztu hópa
með ítarlegum skýringum. Að sama
skapi hefði orðskýringakaflinn mátt
vera rækilegri. Þar hafa læðst inn
nokkrar villur. Ax og rekill eru til
dæmis ekki blóm heldur blómskip-
anir. Þá er skýringin á hýsli ekki alls
kostar rétt. Eins og áður sagði er
megintexti skýr og auðskilinn og er
það mest um vert. Þó er sagt, að hun-
angsflugur færi hunang í bú sitt og
mun þar átt við blómasafa (nektar),
villzt er á orðunum trjákenndur og
trékenndur, en annað er fremur
smávægilegt.
Til þessa hefur næsta fátt verið
gert til að kynna almenningi þennan
heim lífríkisins, ef undan eru skildar
Pöddur (rit Landverndar 1989) og
ekki síður Stóra skordýrabók Fjölva
eftir V.J. Stanek, sem Þorsteinn
Thorarensen þýddi 1974 (í heimilda-
skrá er Þorsteinn ranglega talinn
höfundur). Nú hefur verið myndar-
lega ráðin hér bót á með útgáfu þess-
arar lærdómsríku bókar. Þó að hún
fjalli aðeins um tæpar hundrað teg-
undir, ætti hún engu að síður að
koma að mjög miklum notum. Í henni
er margur fróðleiksmolinn, sem óef-
að mun veita mörgum mikla ánægju.
Ágúst H. Bjarnason
LISTIR
MORGUNBLAÐIÐ FIMMTUDAGUR 18. JÚLÍ 2002 41
kr. 49.90
0.-
kr. 49.90
0.-
Hafnarborg
Tveimur sýningum lýkur í Hafn-
arborg á mánudag: Málverkasýn-
ingu Davids Alexanders og samsýn-
ingunni „Counting“. Þar er á ferð sjö
manna hópur sem kallar sig Distill.
Listamennirnir eru þau Maria
Patricia Tinajero-Baker frá Equa-
dor, Amy Barillaro, Ann Chucvara,
Julie Poitras Santos og Jaeha Yoo
sem öll eru bandarísk, Tsehai John-
son frá Eþiópíu og svo hin íslenska
Hrafnhildur Sigurðardóttir.
Sýningin er opin frá kl. 11 til 17.
Sýningum lýkur
SUMARÓPERA Reykjavíkur
stendur fyrir tónleikum í Nes-
kirkju við Hagatorg kl. 20 í kvöld
sem bera yfirskriftina: Óp-
erustjörnur morgundagsins flytja
barokkperlur. Þar eru á ferð átta
söngvarar sem Sumaróperan
valdi eftir áheyrnarpróf úr mikl-
um fjölda umsækjenda. Söngv-
ararnir eru Nathalía Druzin Hall-
dórsdóttir, Dóra Steinunn
Ármannsdóttir, Bentína Sigrún
Tryggvadóttir, Hafsteinn Þórólfs-
son, Aðalsteinn Bergdal, Sólveig
Samúelsdóttir, Hjördís Elín Lár-
usdóttir og Jóhannes Jóhann-
esson. Píanóleikari er Steinunn
Halldórsdóttir. Stjórnandi á tón-
leikunum er Hrólfur Sæmunds-
son, barítónsöngvari, sem er
stjórnandi Sumaróperunnar.
Dagskráin samanstendur af
brotum úr Messíasi eftir Handel
og sýnishornum úr óperunni Dido
og Eneas sem Sumaróperan
frumsýnir í Borgarleikhúsinu 10.
ágúst. Söngvararnir átta munu
þar flytja kóra og smærri hlut-
verk. Sérstakir gestir á tónleik-
unum í Neskirkju eru Ingveldur
Ýr Jónsdóttir, mezzósópran, sem
fer með titilhlutverkið í uppsetn-
ingu á Dido og Eneas, og Ásgerð-
ur Júníusdóttir, mezzósópran, en
hún fer með hlutverk Seiðkon-
unnar.
Tónleikarnir í Neskirkju eru
þriðju og síðustu tónleikarnir í
tónleikaröðinni Óperustjörnur
morgundagsins.
ÍTR og Hitt húsið styrkja starf-
semi Sumaróperunnar með þeim
hætti að greiða óperustjörnum
morgundagsins fyrir að starfa að
þessari tónleikaröð og syngja í
óperunni í Borgarleikhúsinu.
Flytja brot
úr Messíasi
Óperustjörnur morgundagsins sem fram koma á tónleikunum.
Morgunblaðið/Arnaldur
Í FORSAL Safnahúss Borgarfjarð-
ar á Bjarnarbraut 4-6 í Borgarnesi
má nú sjá gjörningatengda innsetn-
ingu Hannesar Lárussonar „Eldur/
Epli“. Verkið er til sýnis fram í ágúst
í tengslum við opnun skógasýning-
arinnar „Milli fjalls og fjöru“ í nýjum
sýningarsal Safnahússins.
Á sýningunni er fjallað um skóga á
Íslandi að fornu og nýju, bæði frá
sjónarmiði náttúrufars og menning-
arsögu og reynt að varpa ljósi á mik-
ilvægi skógarins í sögu lands og
þjóðar. Þar er í máli, mynd og hljóði,
skýrðar og sýndar helstu skóganytj-
ar Íslendinga frá fornu fari og í því
tilefni hefur verið sett upp kolagröf,
rauðablástursofn, eldsmiðja og
hlóðaeldhús. Varpað er fram kenn-
ingum um þróun skóglendis og
skógaeyðingu á Íslandi, allt frá því
fyrir ísöld og fram á okkar daga. Auk
þess eru á sýningunni helstu trjá-
plöntur landsins jafnt úr náttúruleg-
um sem ræktuðum skógum.
Í tengslum við sýninguna er hand-
verkssýning og sala, en efniviðurinn
er að mestu íslenskt birki. Byggða-
safn Borgarfjarðar hefur einnig opn-
að sýningu í sama húsi. Þar er og að
finna Náttúrugripasafn Borgar-
fjarðar.
Opnunartími Safnahússins í sum-
ar er 13-18 alla daga.
Safnahús Borgarfjarðar
Skógasýning í nýj-
um sýningarsal
♦ ♦ ♦