Morgunblaðið - 14.08.2002, Blaðsíða 1

TBL. 90. ÁRG. MIÐVIKUDAGUR 14. ÁGÚST 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 14. ÁGÚST 2002
Á MYNDINNI að ofan sjást íbúar tékknesku höfuðborg-
arinnar Prag bera sandpoka í varnargarða við bakka Moldár.
Hin myndin sýnir hins vegar ástandið á járnbrautarstöðinni í
þýsku borginni Dresden í gær.
Klaus Töpfer, yfirmaður umhverfisverkefnis Sameinuðu
þjóðanna (SÞ), sagði í gær að iðnaðarþjóðir yrðu að axla hluta
ábyrgðarinnar á veðrinu sem gengið hefur yfir Evrópu og As-
íu undanfarna daga. Sagði hann að ekki væri lengur hægt að
draga í efa að mennirnir bæru að hluta til ábyrgð á hamför-
unum. Flóðin í Prag undanfarna daga eru hin mestu í manna
minnum en embættismenn í borginni sögðu seint í gærkvöldi
að svo virtist sem hætta vegna vatnavaxtanna færi minnkandi.
Reuters
AP
Varnargarðar hlaðnir í Prag

Mestu vatnavextir/20
SAPARMURAT Niyazov, lífs-
tíðarforseti í Túrkmenístan,
sem nýlega breytti mánaðanöfn-
unum og lét nefna þá meðal ann-
ars í höfuðið á sér og mömmu
sinni, hefur nú bætt um betur og
endurskilgreint mannsævina frá
vöggu til grafar.
Mannsævin að mati Túrk-
menaföðurins, eins og Niyazov
er kallaður, skiptist í nokkur 12
ára tímabil. Það fyrsta, bernsk-
an, stendur þá til 12 ára aldurs
og síðan taka ungdómsárin við.
Þá er komið að þroskaárunum
og næstu þrjú tímabil kennir
hann við fullnustu þeirra, inn-
blástur og visku ellinnar.
Niyazov, sem er 62 ára, er nú
að upplifa sín innblástursár og
hann þarf ekki að kvíða ellinni
fyrr en við 85 ára aldur sam-
kvæmt hinni nýju skilgreiningu.
Raunar má ætla, að ellin sé
lítið áhyggjuefni fyrir Túrk-
mena almennt því að meðalævi-
líkur túrkmenskra karlmanna
eru 60 ár og kvenna 65.
Snúið á
Elli kerl-
ingu
Ashgabat. AP.
GEORGE W. Bush Bandaríkjafor-
seti sagðist í gær trúa því að efna-
hagur landsins væri á réttri leið en
meira þyrfti til að hann næði sér
að fullu. Bush lét þessi orð falla á
ráðstefnu um ástand efnahagsmála
í Bandaríkjunum, en fundinn sótti
m.a. helmingur ráðherra í ríkis-
stjórn forsetans, fjölmargir for-
stjórar stærstu fyrirtækja landsins
og fulltrúar verkafólks. Tæplega
250 manns sóttu ráðstefnuna og
ræddu þeir málin í átta umræðu-
hópum en samkundan fór fram í
Baylor-háskólanum í Waco í Texas.
„Jafnvel þótt hart sé í ári í
augnablikinu erum við enn Banda-
ríkjamenn,“ sagði forsetinn. „Ég
er ótrúlega bjartsýnn á framtíð
þessa lands vegna þess að ég þekki
styrk þess.“ Bush gerði hlé á sum-
arfríi sínu til að sækja ráðstefnuna,
en hann hefur síðustu daga dvalist
á búgarði sínum í Crawford í Tex-
as.
„Við höfum heyrt frá Banda-
ríkjamönnum sem hafa áhyggjur
af ástandinu en hafa ekki misst
kjarkinn,“ sagði Bush. „Við vitum
af vandamálum þeim sem að okkur
steðja, en við berum fullt traust til
efnahags Bandaríkjanna.“
Fjárfestingaráðgjafinn Charles
Schwab, sem sótti ráðstefnuna,
sagði forsetanum að traust fjár-
festa væri á mjög viðkvæmu stigi.
Sagðist Schwab trúa því að nið-
ursveiflan á verðbréfamörkuðum
undanfarið væri tímabundin en
bætti við að efnahagslægðin væri
„líklega sú versta sem við höfum
upplifað“.
Bush sagði mikilvægt að vinna
aftur traust fjárfesta og sagði að
ein leið til að ná því markmiði væri
að sýna fólki að ríkisstjórnin tæki
bókhaldssvindl mjög alvarlega.
Handtökur og fangelsisdómar yfir
forstjórum sem gerast sekir um
slíkt væru til þess fallin að gefa
slík skilaboð. Bush bætti hins veg-
ar við: „Traust vinnst ekki aðeins
með aðgerðum stjórnvalda. Mark-
aðurinn verður að hafa eftirlit með
sjálfum sér.“
Bush notaði einnig tækifærið til
að minna Bandaríkjaþing á mik-
ilvægi þess að halda opinberum út-
gjöldum í skefjum. „Efnahagslægð
og stríðsrekstur hafa aukið halla
ríkissjóðs, en ég er staðráðinn í því
að standa straum af forgangsverk-
efnum ríkisstjórnarinnar samhliða
því að hafa þann hemil á útgjöldum
sem nauðsynlegur er til að draga
úr fjárlagahallanum.“
Forsetinn kom við hjá fjórum
umræðuhópanna eftir að hafa flutt
erindi sitt og eyddi um fimmtán
mínútum með hverjum þeirra.
„Hefði betur verið
áfram í fríi“
Nokkrir fjármálaskýrendur
drógu í efa skynsemi þess að halda
ráðstefnuna í ljósi þess að stjórn
seðlabanka Bandaríkjanna fundaði
í gær og voru m.a. ræddar þar
hugsanlegar breytingar á vöxtum.
„Ég hef meiri áhuga á hvað seðla-
bankinn ákveður en því sem fer
fram í Waco,“ sagði hagfræðing-
urinn Sung Won Sohn. „Það sem
gerist í Waco mun í rauninni ekki
hafa nein áhrif á efnahaginn í nán-
ustu framtíð,“ bætti hann við. Í
gærkvöldi lá síðan fyrir að vextir í
Bandaríkjunum héldust óbreyttir.
Bruce Bartlett hagfræðingur,
sem var ráðgjafi föður forsetans er
hann réð ríkjum í Hvíta húsinu,
sagðist í gær draga í efa að ráð-
stefnan myndi auka traust manna
á markaðnum. „Ég held að þetta
sé tímaeyðsla,“ sagði Bartlett. „Ég
held að forsetinn hefði betur verið
áfram í fríi.“
Bush sækir ráðstefnu um ástand efnahagsmála
„Ótrúlega bjartsýnn“
Waco. AP, AFP.
Gagnrýnendur
efast um að ráð-
stefnan skili
miklum árangri
BRESKA lögreglan hóf síðdegis í
gær rannsókn á tveimur svæðum um
tíu kílómetra frá heimilum þeirra
Jessicu Chapman og Holly Wells þar
sem jörð hefur nýlega verið raskað.
Stúlkurnar, sem eru báðar tíu ára,
hurfu fyrir tíu dögum.
Skokkari nokkur benti lögregl-
unni á svæðin, en hann hafði kvöldið
sem stúlkurnar hurfu heyrt „öskur
unglinga“ þar nærri. Hann tilkynnti
lögreglunni um öskrin en ákvað
sjálfur að athuga málið betur þegar
ljóst var að stúlkurnar höfðu horfið.
Svæðin, sem lögreglan rannsakar
nú, eru ekki fjarri þeim stað sem
leigubílstjóri nokkur missti af bíl
sem hann hafði veitt eftirför og sem
menn telja nú að kunni að hafa haft
stúlkurnar tvær innanborðs.
Lögreglan hefur beðið fjölskyldur
stúlknanna að búa sig undir hið
versta, en um tíuleytið í gærkvöldi
sagði talsmaður lögreglunnar að for-
rannsóknir hefðu skilað ófullnægj-
andi niðurstöðum og því væri ekkert
hægt að fullyrða um hvað kunni að
finnast á svæðunum. Staðirnir hafa
verið girtir af og sagði talsmaðurinn
að unnið yrði alla nóttina við upp-
gröft. „Við gerum okkur grein fyrir
því hve erfitt það er fyrir fjölskyldur
stúlknanna að þurfa að bíða svo lengi
eftir fréttum, en við verðum að fara
að öllu með gát til að spilla ekki
hugsanlegum sönnunargögnum.“
Ættingjarn-
ir búast við
hinu versta
London. AFP.