Morgunblaðið - 14.08.2002, Side 14

HÖFUÐBORGARSVÆÐIÐ
14 MIÐVIKUDAGUR 14. ÁGÚST 2002 MORGUNBLAÐIÐ
ÞÉTTLEIKI fyrirhugaðrar byggð-
ar í Norðlingaholti er í samræmi við
stefnumörkun Reykjavíkurborgar
um að þétta byggð í borginni. Þetta
segir Steinunn Valdís Óskarsdóttir,
formaður skipulags- og bygginga-
nefndar Reykjavíkur, um þá at-
hugasemd Kópavogsbæjar að reg-
inmunur sé á hugmyndum
sveitarfélaganna um þéttleika
byggðar á svæðinu. Íbúar í Selás-
hverfi, sem liggur að fyrirhuguðu
byggingarlandi, afhenda í dag und-
irskriftalista þar sem deiliskipulags-
tillögunni er mótmælt en frestur til
að skila mótmælum rennur út í dag.
Morgunblaðið greindi í gær frá
athugasemdabréfi Kópavogsbæjar
þar sem fjölmörg atriði varðandi
skipulagið eru gagnrýnd. Steinunn
Valdís segist ekki vilja tjá sig um
bréfið í smáatriðum fyrr en athuga-
semdafrestur er liðinn. Þó segir hún
ekki rétt að fyrirhugaðar fjögurra
til sex hæða blokkir suðvestast á
deiliskipulagssvæðinu séu einungis í
50–60 metra fjarlægð frá bakka ár-
innar Bugðu en stefnumörkun borg-
arinnar miðar við 100 metra fjar-
lægð. „Þetta er einhver
misskilningur af hálfu Kópavogs-
bæjar. Þeir hljóta að miða við eitt-
hvað annað en við gerum varðandi
fjarlægð árinnar frá byggðinni.“
Kópavogsbær gagnrýnir einnig í
bréfi sínu að þéttleiki byggðarinnar
í Norðlingaholti sé áætlaður 26
íbúðir á hvern hektara á meðan að í
lögsögu Kópavogs í Vatnsenda sé
gert ráð fyrir 8,5 íbúðum á hektara.
„Það er auðvitað stefnumörkun
Reykjavíkurborgar að þétta
byggð,“ segir Steinunn Valdís um
þetta. „Þessi byggð, sem gerir ráð
fyrir 1.000–1.100 íbúðum, er liður í
þessari stefnumörkun. Hverfið er
þannig í sveit sett að það afmarkast
af tveimur mjög stórum umferðar-
æðum, Breiðholtsbraut og Suður-
landsvegi, og við teljum að með því
að hafa þarna 1.000–1.100 íbúðir
geti menn sótt nærþjónustu á borð
við skóla og leikskóla innan hverf-
isins sem aftur er í anda umhverf-
isstefnu borgarinnar og markmiða
um sjálfbæra þróun.
Að sögn Steinunnar Valdísar
verður farið yfir allar athugasemdir
að loknum athugasemdafresti. „Þá
verður lagt mat á þetta og ákveðið í
framhaldinu hvort menn breyti ein-
hverju eða haldi sig við þetta skipu-
lag,“ segir hún.
Bensínstöðin ekki
á sprungusvæði
Í bréfi Kópavogsbæjar er gerð
athugasemd við það að með skipu-
laginu sé Græni trefillinn svokallaði
slitinn í sundur. Í Morgunblaðinu í
gær var haft eftir Helgu Bragadótt-
ur, skipulagsfulltrúa í Reykjavík, að
þetta væri ekki rétt þar sem Græni
trefillinn lægi utan skipulagssvæð-
isins.
Í samtali við Morgunblaðið vísaði
Helga einnig á bug þeirri fullyrð-
ingu bæjaryfirvalda að bensínstöð,
sem til stæði að reisa á svæðinu,
mundi liggja á sprungusvæði. Segir
í bréfi bæjarins að því sé ekki hægt
að útiloka að olíur og bensín eigi
greiða leið í grunnvatn á svæðinu.
Að sögn Helgu er hér um rang-
færslur að ræða enda fari bygging-
arreitur bensínstöðvarinnar ekki
inn á umrætt sprungusvæði.
Sama útsýnið selt tvisvar
Frestur til að skila athugasemd-
um vegna skipulagsins rennur sem
fyrr segir í dag en þá hyggjast íbú-
ar í Seláshverfi skila undirskrifta-
listum þar sem hæð bygginga á
svæðinu er mótmælt. Sigrún Helga-
dóttir, einn af aðstandendum undir-
skriftasöfnunarinnar, segir rúmlega
100 manns hafi skrifað undir
listana. „Þetta hefur hvergi legið
frammi á opinberum stað heldur
eiginlega gengið á milli húsa. Það
hefur ekki verið gert neitt sérstakt
átak í þessu en það er bara svo mik-
ill hugur í fólki.“
Hún segir íbúana fyrst og fremst
áhyggjufulla yfir skertu útsýni og
þeirri breyttu ímynd sem verði á
hverfinu. Sú þétta byggð sem fyr-
irhuguð sé eigi einfaldlega ekki
heima á svæðinu. Þannig sé verið að
mótmæla því að byggð verði eins há
hús og tillagan gerir ráð fyrir. „Í
skipulaginu er verið að hrósa því að
það verði svo fallegt útsýni frá
þessu hverfi. Hér á greinilega að
selja útsýni en fólkið sem býr hér
keypti þetta sama útsýni fyrir
nokkrum árum. Nú á að taka þetta
útsýni og selja það öðrum.“
Að sögn Sigrúnar óttast íbúar því
verðrýrnun á sínum eignum. „Húsin
hér í brúninni hafa mörg verið mun
dýrari en sambærileg hús annars
staðar, ekki síst vegna útsýnisins og
margir hafa svo að segja skipulagt
húsin sín í kringum útsýnið.“
Hún bendir einnig á það sem hún
kallar rangar forsendur í deiliskipu-
laginu. „Það er talað um að þessi
háu hús að norðanverðu í kringum
byggðina eigi að skerma fyrir norð-
anátt. Hins vegar gerði veðurfræð-
ingur úttekt á veðráttunni þarna og
tók það sérstaklega fram að norðan-
áttar gætti lítið á svæðinu. Þannig
að það er algerlega fráleitt að það
sé rétta ástæðan heldur er bara
verið að reyna að koma sem flestu
fólki þarna fyrir til að fá meiri pen-
inga.“
Formaður skipulagsnefndar um þéttleika fyrirhugaðrar byggðar
Morgunblaðið/Jim Smart
Íbúar í Seláshverfi óttast að fjölbýlishús, sem gert er ráð fyrir í tillögu
að skipulagi Norðlingaholts, komi til með að byrgja þeim sýn.
Norðlingaholt
!"#$ $%&'(
! 7  ) /

3

 


 
   



   


 
    

 

 

  


     )*  +


 ,-,.

  ,-,.
$

/ 0*

12$)(2
(     
Í anda mark-
miða um sjálf-
bæra þróun
BÆJARRRÁÐ Mosfellsbæjar hefur
samþykkt að veita aukafjárveitingu
vegna hönnunarkostnaðar við 2.
áfanga Lágafellsskóla, samtals 18
milljónir króna, en ráðgert er að
hönnun hefjist á þessu ári.
Jafnframt hefur bæjarverkfræð-
ingi verið falið að kanna lauslega
kostnað og hugsanlegt fyrirkomulag
á því að koma fyrir sundlaug í kjall-
ara væntanlegs íþróttahúss.
Samkvæmt þriggja ára áætlun
Mosfellsbæjar er gert ráð fyrir að
annar áfangi Lágafellsskóla verði
tekinn í notkun haustið 2004.
Í minnisblaði bæjarverkfræðins
segir að til þess að hægt verði að
standa við þá áætlun þurfi að bjóða
verkið út í febrúar og að fram-
kvæmdir geti hafist í lok maí á
næsta ári. Í öðrum áfanga er íþrótta-
hús og sex kennslustofur en alls er
um að ræða 1591m², þar af 359m² í
kjallara.
Annar áfangi Lágafellsskóla
Morgunblaðið/Golli
Í öðrum áfanga Lágafellsskóla er ráðgert að reisa íþróttahús og sex kennslustofur en hann á að vera tilbúinn til
skólahalds haustið 2004. Fyrsti áfangi skólans var tekinn í notkun síðastliðið haust.
Ráðgert að hefja
hönnun á yfir-
standandi ári
Mosfellsbær
UMSÓKNARFRESTUR um emb-
ætti sóknarprests í Vallaprestakalli
í Hafnarfirði rann út 10. ágúst síð-
astliðinn en um nýtt prestakall er að
ræða. Tveir umsækjendur voru um
embættið. Þeir eru séra Carlos A.
Ferrer og séra Eiríkur Jóhannsson.
Embætti sóknarprests í Valla-
prestakalli er veitt frá 1. september
2002. Vígslubiskup Skálholtsum-
dæmis boðar valnefnd prestakalls-
ins saman en dóms- og kirkjumála-
ráðherra skipar í embættið til fimm
ára.
Vallaprestakall var stofnað 1. júlí
síðastliðinn. Það nær yfir núverandi
íbúðarbyggð í Áslandi og væntan-
lega byggð á Völlum. Auk þjónustu í
Vallaprestakalli skal sóknarprestur
þjóna Kálfatjarnarsókn þar til
Kirkjuþing hefur ákveðið framtíð-
arskipan sóknarinnar. Ennfremur
hefur sóknarpresturinn tímabundn-
um skyldum að gegna við Hafn-
arfjarðarsókn eftir nánara sam-
komulagi.
Tveir sóttu
um nýtt
prestakall
Hafnarfjörður
KONUR eru í meirihluta í tíu sveit-
arfélögum, þar á meðal á Seltjarn-
arnesi, þar sem í bæjarstjórn sitja
fjórar konur af sjö kjörnum fulltrú-
um, eða 57%, að því er segir í tilkynn-
ingu á heimasíðu Seltjarnarnesbæj-
ar.
Félagsmálaráðuneytið hefur tekið
saman ýmsar tölulegar upplýsingar
um nýkjörna sveitarstjórnarmenn,
þar á meðal um kynjahlutfall þeirra.
Fram kemur að hlutfall kvenna hefur
aukist frá kosningunum 1998 úr 28% í
31% á landsvísu.
Í nefndum og ráðum Seltjarnar-
nesbæjar eru kjörnir 40 fulltrúar, þar
af eru 19 konur. Í 6 af 9 nefndum og
ráðum bæjarins eru konur formenn.
Þá er fjárhags- og launanefnd bæj-
arins og starfskjaranefnd eingöngu
skipaðar konum. Það sama gildir um
stjórn starfsmenntunarsjóðs.
Önnur sveitarfélög þar sem konur
eru í meirihluta eru Akureyrarkaup-
staður, Dalvíkurbyggð, Borgarfjarð-
arsveit, Aðaldæla-, Keldunes-, Rauf-
arhafnar-, Mjóafjarðar- og Mýrdals-
hreppur.
Hæsta hlutfall kvenna í bæjar-
stjórn er á höfuðborgarsvæðinu eða
44% en lægst er hlutfallið á Reykja-
nesi eða 24% kjörinna fulltrúa.
Konur í
meirihluta í
bæjarstjórn
og nefndum
Seltjarnarnes
♦ ♦ ♦