Morgunblaðið - 14.08.2002, Blaðsíða 8

FRÉTTIR
8 MIÐVIKUDAGUR 14. ÁGÚST 2002 MORGUNBLAÐIÐ
Glæsileg...
Baðkar og sturta 336.900 kr.
180x90x213 cm, með nuddi
verð áður: 449.323 kr.
Funoi handlaug 20.636 kr.
Scala handlaug 29.656 kr.
stölluð, 470x470 mm og 200 mm á hæð
...hreinlætistæki
Handy C. hornbaðkar 85.000 kr.
135x135x58 cm
Ver› á›ur: 113.338 kr.
145x145x58 cm, með nuddi
Ver› á›ur: 381.227 kr.400 mm og 150 mm á hæð
Stelleria hornbaðkar 285.900 kr.
Ráðstefna norrænna félagsfræðinga
Samfélagið
í netheimi
RÁÐSTEFNA nor-rænna félagsfræð-inga verður haldin
í Reykjavík dagana 15.–17.
ágúst. Helgi Gunnlaugs-
son, formaður Félagsfræð-
ingafélags Íslands, sagði
Morgunblaðinu nánar frá
ráðstefnunni.
– Hver er saga ráðstefn-
unnar?
„Ráðstefnan er haldin af
norræna félagsfræðinga-
félaginu og Félagsfræð-
ingafélagi Íslands og hefur
álíka ráðstefna verið hald-
in að jafnaði annað hvert
ár í einhverju Norður-
landanna. Ráðstefnan nú
er sú 21. í röðinni. Hins
vegar er þetta í annað sinn
sem þingið er haldið hér á
Íslandi, hið fyrra sinn var
árið 1981. Þannig er sannarlega
kominn tími til að ráðstefnan sé
haldin hér á ný. Undirbúnings-
hópur hefur unnið að ráðstefnunni
undanfarin tvö ár og Gestamót-
takan ehf. sér um alla framkvæmd
með hópnum. Undirbúningurinn
hefur gengið afar vel og er von á
að ráðstefnan heppnist mjög vel í
alla staði.“
– Hvert er þema ráðstefnunnar
að þessu sinni?
„Að þessu sinni ber ráðstefnan
heitið Netsamfélagið – frelsi eða
fjötrar. Fjórir aðalfyrirlesarar
munu flytja sérstök erindi varð-
andi þema eða heiti ráðstefnunn-
ar, en efni málstofa verður á ýms-
um sviðum félagsfræðinnar.“
– Á hve mörgum er von á ráð-
stefnuna?
„Við eigum von á hátt í fjögur
hundruð þátttakendum að þessu
sinni, sem er tvöfalt á við fjöldann
sem mætti á síðustu ráðstefnu í
Bergen í Noregi fyrir þremur ár-
um. Það sýnir okkur að efni henn-
ar hefur vakið athygli og von á
spennandi umræðum. Vísinda-
menn og fræðimenn heimsækja
okkur frá hinum Norðurlöndun-
um auk gesta frá öðrum löndum
og kynna rannsóknir sínar. Alls
verða um 250 erindi flutt á yfir 20
málstofum.“
– Er dagskrá ráðstefnunnar
þéttofin?
„Já, á morgun er ráðstefnan
sett á háskólasvæðinu með ávarpi
forseta Íslands í Súlnasal Radis-
son SAS Hótels Sögu, en það er
skemmtilegt að geta þess að for-
setinn hélt hátíðarræðu á ráð-
stefnunni hér heima árið 1981,
þegar hann var prófessor við fé-
lagsvísindadeild Háskóla Íslands.
Hver málstofan rekur aðra yfir
daginn, en á kvöldin verður mót-
taka í Ráðhúsi Reykjavíkur,
kvöldverður í Bláa lóninu og eftir
lokafyrirlestrana verður haldið á
vit Menningarnætur í Reykjavík.
Reynt er að gera dagskrána
spennandi og áhugaverða.“
– Hverjir eru aðalfyrirlesarar?
„Fyrsta má nefna Arlie R.
Hochschild, frá Berkeley-háskóla
í Kaliforníu. Hún mun flytja erindi
um alþjóðavæðingu og
stöðu kynjanna innan
hennar. Næstan má
nefna David Lyon, frá
Queens-háskólanum í
Kanada, en hann mun
ræða þekkingarsamfélagið, með-
ferð persónulegra upplýsinga og
friðhelgi einkalífsins. Saskia
Sassen, frá háskólanum í Chicago,
mun koma inn á stöðu þjóðríkisins
innan hins nýja alþjóða hagkerfis.
Loks er Nils Christie, frá háskól-
anum í Ósló, sem flytur erindi um
þróun viðurlaga gegn afbrotum á
Vesturlöndum.“ Þess má geta að
Saskia Sassen heldur opinn fyr-
irlestur í Norræna húsinu í dag
klukkan 17 og Nils Christie sömu-
leiðis í Reykjavíkurakademíunni í
kvöld, klukkan 20.
– Hver eru viðfangsefni mál-
stofanna?
„Þær eru flestar á meginsviðum
félagsfræðinnar. Þar má nefna
vinnumarkaðinn, þjóðernishyggju
og innflytjendur, vísindapólitík,
heilsufélagsfræði, vald og lýðræði,
umhverfismál, samspil dreifbýlis
og þéttbýlis, velferðarmál, menn-
ing og fjölmiðla, svo eitthvað sé
nefnt. Sérfræðingar á viðkomandi
sviði stjórna umræðum og fluttir
eru fyrirlestrar um rannsóknir á
þeim málefnum.“
– Hvert er gildi ráðstefnu sem
þessarar fyrir fræðin?
„Það má með sanni segja að
ráðstefna sem þessi sé nokkurs
konar uppskeruhátíð fyrir fræði-
menn á sviði félagsfræði. Hér
koma menn saman, ræða málin og
kynnast nýjum rannsóknum.“
– Íslendingar sitja nú við
stjórnvölinn í norræna félags-
fræðingafélaginu.
„Já, Guðbjörg Linda Rafnsdótt-
ir hefur verið formaður félagsins
undanfarin þrjú ár og er það í
fyrsta sinn sem Íslendingur gegn-
ir því embætti. Það er okkur mikil
ánægja að halda ráðstefnuna með-
an Guðbjörg Linda er formaður,
en nýr formaður, frá Svíþjóð, tek-
ur við að henni lokinni.
Auk Guðbjargar Lindu
situr Ingólfur V. Gísla-
son í stjórn norræna
sambandsins fyrir
hönd okkar Íslendinga.
Sömuleiðis eru ritstjórar tímarits
félagsins, Acta Sociologica, um
þessar mundir íslenskir, þeir
Rúnar Vilhjálmsson og Þórólfur
Þórlindsson. Tímaritið er mjög
hátt skrifað innan félagsfræðinn-
ar og er mikilvæg tekjulind fyrir
félagið.“
Nánari upplýsingar um ráð-
stefnuna má finna á heimasíðu,
www.sociologkongress.hi.is.
Helgi Gunnlaugsson
 Helgi Gunnlaugsson er
fæddur í Reykjavík 1957, lauk
stúdentsprófi frá Mennta-
skólanum við Tjörnina árið 1977,
BA-prófi í félagsfræði frá
Háskóla Íslands 1982, meistara-
og doktorsprófi í félagsfræði frá
University of Missouri í
Columbia í Bandaríkjunum 1985
og 1992 þar sem hann sérhæfði
sig í afbrotafræði. Helgi er
formaður Félagsfræðingafélags
Íslands og starfar sem dósent í
félagsfræði við HÍ og kenndi
félagsfræði við Menntaskólann í
Reykjavík 1987–1996. Helgi er
giftur Kristínu Hildi Ólafsdóttur
lektor í myndmennt við KHÍ og
eiga þau tvö börn.
Áhugaverðar
málstofur og
fyrirlestrar
Þetta er allt í lagi, ykkur er óhætt að koma öll inn í einu.