Morgunblaðið - 14.08.2002, Side 22

ERLENT
22 MIÐVIKUDAGUR 14. ÁGÚST 2002 MORGUNBLAÐIÐ
MOHAMMAD Khatami, forseti
Írans, kom í opinbera heimsókn til
Afganistans í gær. Sagði hann við
komuna, að stjórn sín hefði fram-
selt alla þá, sem grunaðir væru um
aðild að al-Qaeda, hryðjuverka-
samtökum Osama bin Ladens.
Í þessari fyrstu heimsókn ír-
ansks leiðtoga til Afganistans í 40
ár ætlar Khatami að leggja á það
áherslu í viðræðum sínum við afg-
önsku stjórnina, að ópíumfram-
leiðslan í Afganistan verði stöðvuð.
Að auki ætlar hann að heita Afg-
önum stuðningi við uppbyggingu í
landinu og leggja fram rúmlega 42
milljarða íslenskra króna í því
skyni.
Khatami staðfesti fréttir um, að
Íranir hefðu framselt menn, sem
grunaðir væru um aðild að al-
Qaeda, til Sádi-Arabíu og vísaði á
bug fullyrðingum Bandaríkja-
manna um að Íranir hefðu ekki
lagt sitt af mörkum til baráttunnar
gegn hryðjuverkum.
„Við höfum meiri reynslu en
Bandaríkjamenn af þeirri bar-
áttu,“ sagði hann á fréttamanna-
fundi í Kabúl með Hamid Karzai,
forseta Afganistans. „Í skjóli
hennar getur ekkert eitt ríki reynt
að segja öðrum fyrir verkum.“
Bandaríkjastjórn hefur sakað
Íransstjórn um að leyfa al-Qaeda-
félögum að fara um landið óáreitt-
um en Khatami sagði, að hvenær
sem minnsti grunur hefði leikið á,
að um al-Qaeda-menn væri að
ræða, hefðu þeir verið framseldir
og ekki aðeins til Sádi-Arabíu.
„Heimskuleg gremja“
„Bandaríkjastjórn virðist eitt-
hvað misskilja vald sitt og sína
eigin hagsmuni. Eftir 11. septem-
ber hefur utanríkisstefna hennar
einkennst af heimskulegri
gremju,“ sagði Khatami án þess að
skýra mál sitt frekar. Nefndi hann
ekki Írak á nafn en sagði, að árás
á eitt ríki hefði áhrif í öðrum.
„Voldugum ríkjum ber meiri
skylda til þess en öðrum að vinna
að friði um allan heim.“
Karzai, forseti Afganistans, tók
enga afstöðu til yfirlýsinga Kha-
tamis enda eru Afganir mjög háðir
stuðningi Bandaríkjamanna. Þakk-
aði hann hvorum tveggja, Írönum
og Bandaríkjamönnum, fyrir að-
stoð við að byggja upp landið.
Mohammad Khatami, forseti Írans, í opinberri heimsókn í Afganistan
AP
Mohammad Khatami, forseti Írans, og Hamid Karzai, forseti Afganist-
ans, spjalla saman á fréttamannafundi í Kabúl í gær.
Segir Banda-
ríkjastjórn mis-
skilja vald sitt
Kabúl. AP.
AMRAM Mitzna, borgarstjóri
Haífa, lýsti formlega yfir því í gær
að hann hygðist gefa kost á sér í
leiðtogakjöri ísraelska Verka-
mannaflokksins. Með framboði hans
er kominn fram valkostur við núver-
andi leiðtoga flokksins,
Binyamin Ben Elizer
varnarmálaráðherra,
en Mitzna boðar mun
meiri sveigjanleika í
samningaviðræðum við
Palestínumenn en
stjórnvöld hafa viljað
sýna til þessa.
„Ég lýsi yfir því að
ég verð í framboði og
ég er sannfærður um
að ég mun fara með
sigur af hólmi. Það
verður hins vegar að-
eins fyrsta orrustan,“
sagði Mitzna á fundi
með fréttamönnum í
Haífa og vísaði þannig til þingkosn-
inganna í Ísrael í októbermánuði. Sá
sem sigrar í leiðtogakjörinu mun
fara fram gegn frambjóðanda Lík-
ud-bandalags Ariels Sharons, nú-
verandi forsætisráðherra.
Mitzna lagði áherslu á „algjöra
nauðsyn þess að hafnar verði á ný
samningaviðræður við Palestínu-
menn“ en bætti við að hann hefði
ekki „töfralausn“ á takteinum sem
hann hygðist leggja fram.
Skoðanakannir benda til þess að
framboð Mitzna mælist vel fyrir.
Hann nýtur, samkvæmt þeim, meira
fylgis en Ben Elizer og
Haim Ramon, formað-
ur utanríkis- og varn-
armálanefndar ísr-
aelska þingsins. Matan
Vilnai menntamálaráð-
herra skýrði frá því
fyrr í vikunni að hann
hefði ákveðið að hætta
við framboð og að hann
hygðist styðja Mitzna.
Deildi við Sharon
Mitzna er 57 ára
fyrrum hershöfðingi.
Hann telst ekki til
„haukanna“ í ísr-
aelskum stjórnmálum
og boðar að í stað harðlínustefnu
núverandi stjórnvalda beri að leita
leiða til að leysa deilu Ísarela og
Palestínumanna með friðsamlegum
hætti. Hann nýtur nú þegar mikils
stuðnings innan Verkamannaflokks-
ins sem raunar á mjög undir högg
að sækja í ísraelskum stjórnmálum.
Mitzna hefur í viðtölum síðustu
daga sagt að Ísraelum beri að kalla
heim herlið sitt frá 95% Vestur-
bakkans og gjörvöllu Gaza-svæðinu.
Hann vill að landnemabyggðir gyð-
inga á svæðum Palestínumanna
verði leystar upp og að Austur-
Jerúsalem verði skipt upp í hverfi
araba og gyðinga.
Hann hefur einnig fordæmt loft-
árás Ísraela á Gaza-borg í liðnum
mánuði en hún kostaði 14 óbreytta
borgara lífið auk eins af leiðtogum
Hamas-hreyfingarinnar, sem staðið
hefur fyrir fjölmörgum ódæðisverk-
um gagnvart ísraelskum borgurum
og neitar að viðurkenna tilverurétt
Ísraelsríkis.
Mitzna var herforingi þegar Ísr-
aelar réðust inni í Líbanon árið
1982. Var hann einn fárra ráða-
manna innan hersins sem lýsti yfir
andstöðu við þá aðgerð. Honum
lenti þá saman við Ariel Sharon sem
í þá daga fór með embætti varn-
armálaráðherra.
Engu að síður var Mitzna falið að
stjórna miðstjórn ísraelska herafl-
ans og þurfti hann því að bregðast
við fyrstu intifada-uppreisn Palest-
ínumanna árið 1987. Segir Mitzna
að sú reynsla hafi kennt honum að
Ísraelar þyrftu að móta aðrar áætl-
anir en þær sem einvörðungu
kvæðu á um aukna valdbeitingu.
Hann hefur hins vegar ítrekað lýst
yfir því að enga miskunn beri að
sýna í baráttunni við hryðjuverka-
menn.
Síðustu níu árin hefur Mitzna ver-
ið borgarstjóri Haífa, sem er þriðja
stærsta borg Ísarels. Þar búa um
275.000 manns og eru rúm tíu pró-
sent íbúanna ísraelskir arabar.
Haífa hefur löngum verið talin eitt
helsta vígi Verkamannaflokksins.
Nýr valkostur kominn fram
Borgarstjóri Haífa sækist eftir embætti leiðtoga
ísraelska Verkamannaflokksins og boðar aukinn
sveigjanleika í viðræðum við Palestínumenn
Jerúsalem. AFP.
Amram Mitzna
FLETT hefur verið ofan af glæpa-
samtökum, sem smyglað hafa
hundruðum barna frá Mið-Amer-
íku til foreldra þeirra, sem eru
ólöglegir innflytjendur í Banda-
ríkjunum.
Bandaríska innflytjendaeftirlitið
hóf að rannsaka málið í apríl síð-
astliðnum og hafði við það mikla
samvinnu við yfirvöld í Gvatemala,
El Salvador og Mexíkó. Hafa tólf
manns verið handtekin í Banda-
ríkjunum og El Salvador en ekkert
þeirra er bandarískur ríkisborgari.
Hámarksrefsing við athæfinu er
10 ára fangelsi og 22 milljóna
króna sekt.
Í fórum smyglaranna fundust
nákvæmar skrár allt frá árinu
1994 og samkvæmt þeim er ljóst,
að til Bandaríkjanna hafa þeir
komið hundruðum barna. Ljóst er,
að þeir hafa auðveldað sér leikinn
með mútum til embættismanna
víða.
Smyglararnir tóku til jafnaðar
425.000 krónur fyrir að koma
hverju barni til Bandaríkjanna og
voru foreldrarnir oft í nokkur ár
að safna fyrir því með vinnu sinni
sem ólöglegir innflytjendur.
Eins og fyrr segir hófst rann-
sóknin í apríl en þá voru sjö lang-
ferðabifreiðar með 53 börn stöðv-
aðar í Gvatemala.
Smygluðu
börnum til
Banda-
ríkjanna
Washington. AFP.
...fegurð og ferskleiki
Ókeypis KARIN HERZOG „OXYGEN BAR“
fimmtudag, föstudag og laugardag
Í Hollywood eru „OXYGENS BARS“ þar sem stjörnurnar koma í „MINI
FACIALS“ frá KARIN HERZOG og endurheimta ferskleikann eftir
strangar upptökur. Nú gefst þér líka tækifæri að prófa án endurgjalds,
svo komdu og leyfðu okkur að dekra við þig.
Pantaðu tíma í Snyrtivörudeild Hagkaups Smáralind sími 530 1000.
Á sama tíma bjóðum við glæsilegan kaupauka, þegar keyptir eru tveir
hlutir í Karin Herzog.
SÆNSKA krónprinsessan Vikt-
oría greindi frá því opinberlega á
mánudag að hún þjáðist af les-
blindu (dyslexíu). Sagði Viktoría
að bæði hún og yngri bróðir
hennar, Karl Filippus prins,
hefðu í gegnum tíðina átt erfitt
með að lesa og skrifa.
Lengi hefur verið vitað að les-
blinda þjakaði marga meðlimi
sænsku konungsfjölskyldunnar, þ.
á m. Karl Gústaf konung, en
menn þar á bæ hafa þó verið lítið
gefnir fyrir að bera vandræði sín
á torg. Viktoría,
sem er 25 ára,
tók hins vegar
af skarið á
mánudag er hún
ávarpaði ráð-
stefnu um ein-
elti í skólum,
sem haldin var í
Örebro. Dag-
blaðið Expressen greindi síðan
frá ummælum hennar í gær.
„Einu sinni fannst mér að ég
hlyti að vera bæði heimsk og
seinþroska,“ sagði Viktoría. „Það
var ekki alltaf skemmtilegt að
sitja lengur en hinir til að æfa til-
tekin orð. Í dag geri ég mér hins
vegar grein fyrir því að ég hef
notið blessunar. Ég hef fengið
mikla aðstoð og stuðning í barátt-
unni við lesblinduna. Þess vegna
finnst mér ekkert erfitt að ræða
opinskátt um þetta.“
Sagði Viktoría í samtali við Ex-
pressen að henni hefði fundist
gaman í skóla en lærdómurinn
hefði þó verið erfiður á köflum.
Stokkhólmi. AP.
Viktoría prinsessa með lesblindu
HEILSU Ronalds Reagans, fyrrum
forseta Bandaríkjanna, fer ört hrak-
andi og á það jafnt við um líkamlegt
sem andlegt ástand hans. Er nú svo
komið að Reagan, sem er 91 árs,
þekkir ekki lengur eiginkonu sína,
Nancy, en hann þjáist af Alzheimer-
sjúkdómi. Líkamleg heilsa forsetans
ku hafa verið góð þar til nýlega en
vitað var að andleg geta hans var
stórlega skert sökum sjúkdómsins.
Reagan
hrakar ört
New York. AFP.
♦ ♦ ♦