Morgunblaðið - 14.08.2002, Side 2

FRÉTTIR
2 MIÐVIKUDAGUR 14. ÁGÚST 2002 MORGUNBLAÐIÐ
Fylgstu
með
nýjustu
fréttum
www.mbl.isHermann Hreiðarsson ætlar
ekki að ganga í raðir WBA / B1
KR og Valur leika til úrslita
í bikarkeppni kvenna / B3
4 SÍÐUR
Sérblöð í dag
JÓN Birgir Jónsson, ráðuneytis-
stjóri í samgönguráðuneytinu, átti
fund með umboðsmanni Alþingis í
síðustu viku, þar sem dráttur á svari
ráðuneytisins við fyrirspurn um-
boðsmanns var ræddur. Stjórnsýsla
ráðuneytisins hefur verið í fréttum
undanfarið en umboðsmaður átaldi
ráðuneytið í áliti sínu fyrir drátt sem
varð á svari við fyrirspurn hans, en
svarbréf ráðuneytisins barst um-
boðsmanni rúmu ári eftir að fyrir-
spurn var send ráðherra.
Að sögn Jóns Birgis óskaði hann
eftir fundi með umboðsmanni og var
farið í gegnum þessi mál á fund-
inum. „Það hafði dregist að svara og
okkur fannst hann fulldómharður í
því máli,“ segir hann og bendir á að
málin hafi verið ítarlega rædd, auk
þess sem umboðsmaður var beðinn
afsökunar á að það hefði dregist úr
hófi að svara bréfi hans.
Jón Birgir segir að þetta hafi ver-
ið mistök í ráðuneytinu en undir-
strikar að þessi framkvæmd endur-
spegli ekki störf ráðuneytisins í
heild sinni og því hafi honum fundist
full ástæða til að ræða þetta við um-
boðsmann.
„Við gerðum honum einnig grein
fyrir að við hefðum gert ráðstafanir
til að bæta þetta. Okkur þótti mjög
leiðinlegt að þetta skyldi koma fyrir
og þess vegna vildi ég staðfesta það
við hann að þetta væru mistök sem
kæmu ekki fyrir aftur,“ leggur hann
áherslu á.
Umboðsmaður Alþing-
is beðinn afsökunar
RÚMLEGA fimmta hver útför á
höfuðborgarsvæðinu er bálför og er
það til marks um hversu mjög lík-
brennsla hefur færst í vöxt hér á
landi á síðustu árum.
Í tilkynningu frá Kirkjugörðum
Reykjavíkurprófastsdæma segir að
fjöldi bálfara á landinu í fyrra hafi
verið 234 en alls var fjöldi látinna
1.720 og voru því 13,6% þeirra
brennd á síðasta ári. Á árinu 2000
voru 212 bálfarir á landinu eða
11,63% af öllum útförum.
Þá segir í tilkynningunni að á
árinu 1995 hafi fjöldi bálfara verið
171 eða 8,89% en 1996 hafi 207 bál-
farir verið á landinu öllu eða 11,02%
allra útfara. Frá árinu 1996 hafa bál-
farir ávallt farið yfir 200 og verið
meira en 11% allra útfara. 216 bál-
farir hafa verið að meðaltali á ári
hverju frá 1995 eða 11,74%.
Kirkjugarðar Reykjavíkurpró-
fastsdæma benda á að á árinu 2001
hafi 26,5% útfara á höfuðborgar-
svæðinu verið bálfarir en frá árinu
1995 hafa að meðaltali 22,78% útfara
verið bálfarir.
Í tilkynningunni segir jafnframt
að Kirkjugarðasamband Íslands og
Kirkjugarðar Reykjavíkurprófasts-
dæma hafi samvinnu um að auðvelda
fólki að láta brenna sig, án tillits til
búsetu og hvar duftkerið verður
jarðsett. Þá segir að duftker séu að
jafnaði grafin í sérstakan duftgarð,
sem er í tengslum við kirkjugarð, en
einnig sé algengt að duftkerin séu
grafin ofan á kistugrafir með leyfi
umsjónarmanns leiðis.
Gallup hefur gert þrjár skoðana-
kannanir á síðustu fjórum árum um
viðhorf almennings til bálfara og var
niðurstaðan sú að 70% svarenda
voru jákvæð gagnvart líkbrennslu.
Líkbrennsla færist
í vöxt hér á landi
RÚSSNESKIR sjóliðar af tveimur
herskipum sem eru í opinberri
heimsókn hér á landi heimsóttu
bandaríska hermenn á Keflavík-
urflugvelli í gær.
Dagskráin hófst með knatt-
spyrnuleik úrvalsliða Bandaríkja-
manna og Rússa og að honum
loknum var dagskrá í keiluhöll-
inni á Keflavíkurflugvelli og
skoðunarferð um varnarsvæðið.
Á myndinni má sjá bandarískan
leikmann, til vinstri, og rúss-
neskan leikmann, til hægri, berj-
ast um boltann. Fjöldi áhorfenda
var á leiknum og studdu hermenn
beggja landa sína menn. Áhorf-
endur virtust skemmta sér kon-
unglega en hins vegar fylgdi ekki
sögunni hver úrslit leiksins voru.
Morgunblaðið/Arnaldur
Rússar og Banda-
ríkjamenn berj-
ast um boltann
GÆSLUVARÐHALD rennur
út í dag, miðvikudag, yfir þrem-
ur feðgum sem grunaðir eru
um alvarlega líkamsárás við
Eiðistorg 2. ágúst sl. Lögreglan
í Reykjavík stefnir að því að
leggja fram kröfu um fram-
lengingu á gæsluvarðhaldi
þeirra við Héraðsdóm Reykja-
víkur.
Fórnarlambið
úr lífshættu
Sá sem ráðist var á er karl-
maður um tvítugt og höfuð-
kúpubrotnaði hann í árásinni.
Hann gekkst undir aðgerð á
Landspítalanum í kjölfarið og
er úr lífshættu.
Meintir árásarmenn voru
handteknir í kjölfar árásarinn-
ar og úrskurðaðir í gæsluvarð-
hald um verslunarmannahelg-
ina. Þeir hafa allir komið við
sögu lögreglunnar áður.
Lögreglan um
þrjá feðga grunaða
í ofbeldismáli
Stefnir að
því að fá
gæslu-
varðhald-
ið fram-
lengt
LÖGREGLAN í Borgarnesi segir
að rannsókn meintrar illrar með-
ferðar búfjár á bænum Höfða í
Þverárhlíð sé á lokastigi, en málið
kom upp í lok febrúar. Tekinn var
til skoðunar aðbúnaður og umhirða
búfjár vegna gruns um að dýra-
verndarlög hafi verið brotin með
illri meðferð á búfé á umræddum
bæ.
Að sögn lögreglu er skýrslutöku
að mestu leyti lokið nema ekki hef-
ur verið tekin skýrsla af aðstand-
endum búsins.
Lögreglan á því von á að nið-
urstaða rannsóknarinnar liggi fyrir
á næstunni en hvert framhaldið
verður er síðan í höndum sýslu-
manns.
Rannsókn
á lokastigi
AFKOMA deCODE var svipuð á
fyrri helmingi þessa árs og í fyrra.
Tap af rekstri fyrirtækisins nam um
28 milljónum Bandaríkjadala, sem
svarar til rúmlega 2,4 milljarða ís-
lenskra króna, miðað við tæplega 28,4
milljóna dala tap á sama tímabili í
fyrra og er tapið um 1% minna en í
fyrra. Rekstrartekjur fyrirtækisins
rúmlega tvöfölduðust á milli tímabila,
voru tæplega 23 milljónir dala, sem
nemur um tveimur milljörðum ís-
lenskra króna, miðað við ríflega 11
milljónir á fyrri helmingi síðasta árs. Í
tilkynningu segir að tekjuaukningin
sé fyrst og fremst til komin vegna vel-
gengni deCODE og dótturfélaga á
sviðum erfðafræði og lyfjaerfðafræði.
Kostnaður deCODE við rannsókn-
ir og þróun nam 41,2 milljónum dala,
sem svarar til rúmlega 3,4 milljarða
íslenskra króna, og jókst um 13%, eða
um tæpar 5 milljónir dala frá síðasta
ári. Þann kostnað má að miklu leyti
rekja til þess að í uppgjörinu er kostn-
aður er tengist yfirtöku á lyfjaþróun-
arfyrirtækinu MediChem tekinn með
í reikninginn. Almennur kostnaður og
stjórnunarkostnaður fyrirtækisins
hækkaði um 40% milli tímabila, var
9,4 milljónir dala á fyrstu sex mán-
uðum þessa árs en um 6,7 milljónir
dala í fyrra. Sá aukni kostnaður skýr-
ist að miklu leyti af auknum launa-
greiðslum í tengslum við yfirtökuna á
MediChem fyrr á árinu.
Tap á hvern hlut í deCODE nam
0,56 dölum miðað við 0,64 dala tap á
sama tíma í fyrra. Útistandandi hlutir
í fyrirtækinu voru um 53,7 milljónir
við lok tímabilsins. Gengi bréfa í de-
CODE var 3,12 við lokun markaða í
Bandaríkjunum í gær og hafði lækkað
um 5,45% frá deginum áður.
deCODE með
svipaða afkomu
og í fyrra
Rekstrartekjur rúmlega tvöfaldast