Morgunblaðið - 05.10.2002, Blaðsíða 4
FRÉTTIR
4 LAUGARDAGUR 5. OKTÓBER 2002 MORGUNBLAÐIÐ
BUBBI Morthens tónlistarmaður
var útnefndur bæjarlistamaður
Seltjarnarnesbæjar árið 2002 í
gær. Þetta er í sjöunda sinn sem
valinn er bæjarlistamaður Sel-
tjarnarness, en menningarnefnd
Seltjarnarness stendur fyrir vali
bæjarlistamannsins. Tilnefningu
bæjarlistamanns fylgir 500 þús-
und króna starfsstyrkur.
Bubba Morthens þekkja flestir
en hann er einn af virtustu rokk-
tónlistarmönnum landsins. Hann
tók við verðlaununum úr hendi
Sólveigar Pálsdóttur, formanns
menningarnefndar Seltjarnar-
ness, í gær og sagðist þakklátur
fyrir nafnbótina þegar Morg-
unblaðið átti við hann samtal.
„Titlar þýða í sjálfu sér ekki
neitt, en það er alltaf gaman að
fá viðurkenningu. Mér þykir
mjög vænt um þetta og þykir
þetta um leið dálítill kjarkur hjá
þeim hérna á Nesinu að velja
mig. Ekki bara vegna tónlistar-
innar, hún er allra góðra gjalda
verð, en ég er mjög umdeildur
maður og skoðanir um mig skipt-
ar,“ segir Bubbi.
Segist hvergi annars
staðar vilja vera
Bubbi Morthens hefur verið bú-
settur á Seltjarnarnesinu í 12 ár
og segist hvergi annars staðar
vilja vera. „Nesið er ákaflega
góður staður til að búa á, hér er
allt til alls og hér er gert vel við
barnafólk. Síðan er það nátt-
úrlega Grótta, sem er algjör
paradís.“
Bubbi mun eiga annríkt á næst-
unni við að kynna nýju plötuna
sína, Sól að morgni, sem út kem-
ur 24. október næstkomandi. „Ég
er síðan að gæla við þá hugmynd
eftir áramótin að bjóða Seltjarn-
arnesbúum til tónleika í kirkjunni
hér,“ segir Bubbi Morthens, bæj-
arlistamaður Seltjarnarnesbæjar.
Seltjarnarnes
Bubbi
Morthens
bæjar-
listamaður
Morgunblaðið/Árni Sæberg
Tónlistarmaðurinn Bubbi Morthens var útnefndur bæjarlistamaður Sel-
tjarnarness í gær. Hér tekur hann við viðurkenningunni úr hendi Sól-
veigar Pálsdóttur, formanns menningarnefndar Seltjarnarness.
RÁÐHERRAR dóms- og félagsmála
hafa lagt til að einni milljón króna af
ráðstöfunarfé ríkisstjórnar fyrir árið
2002 verði varið til að styrkja ís-
lenskt átak gegn verslun með konur.
Þá hafa ráðherrarnir lagt til að til
undirbúnings átakinu verði settur á
fót ólaunaður undirbúningshópur
skipaður opinberum aðilum sem og
aðilum frá frjálsum félagasamtök-
um. Ráðstefna, þar sem þessi mál
verða kynnt, verður hluti af átakinu
hér á landi sem og útgáfa blaðs þar
sem ítarleg umfjöllun verður um
málefnið. Mun kostnaður átaksins
nema um 1,5 milljón króna, sam-
kvæmt upplýsingum ráðuneytanna.
Sameiginlegt átak Norður-
landa og Eystrasaltsríkjanna
Íslenska átakið er í tengslum við
sameiginlegt átak Norðurlandanna
og Eystrasaltsríkjanna gegn verslun
með konur sem hleypt var af stokk-
unum í maí á þessu ári. Ákvörðun
var tekin á fundi jafnréttisráðherra
Norðurlandaanna og Eystrasalts-
ríkjanna í júní á síðasta ári um að
efna til upplýsingaherferðar gegn
verslun með konur í þeim tilgangi að
stemma stigu við þessu vandamáli
sem færi stigvaxandi. Dómsmálaráð-
herrar landanna ákváðu í ágúst sama
ár að leggja átakinu lið. Í kjölfarið
var stofnaður vinnuhópur sem í áttu
sæti tveir fulltrúar frá hverju landi.
Í hinu sameiginlega átaki felst að
halda þrjár upplýsingaráðstefnur í
Eystrasaltsríkjunum auk þess sem
bæklingur með viljayfirlýsingum
ráðherra landanna verður gefinn út.
Norræna ráðherranefndin ákvað
að styrkja verkefnið um 1,6 milljón
danskar krónur. Stærstum hluta
upphæðarinnar verður varið í átak
Eystrasaltslandanna en um 200 þús-
und danskar krónur fara í sameig-
inleg verkefni herferðarinnar, s.s.
útgáfu bæklinga.
Ágóði af mansali 5–7 millj-
arðar dollara á hverju ári
Samkvæmt upplýsingum dóms-
og félagsmálaráðuneytanna hafa
menn smám saman verið að átta sig
á því hversu útbreitt vandamál versl-
un með fólk er og þá einkum konur
og börn. Sameinuðu þjóðirnar áætla
að árlega sæti yfir 4 milljónir manna
mansali og að ágoðinn sé yfir 5–7
milljarðar Bandaríkjadala, eða meiri
en af ólöglegri fíkniefna- eða vopna-
sölu heimsins. „Eingöngu með því að
taka höndum saman og hjálpast í
sameiningu að við að spyrna fótum
við þessari alþjóðlegu, skipulögðu
glæpastarfsemi getum við náð ár-
angri,“ segir í sameiginlegu minnis-
blaði dómsmála- og félagsmálaráð-
herra vegna átaksins.
Íslenskt átak gegn
verslun með konur
FRAMSÓKNARFÉLAG Mýrasýslu
hefur ákveðið að áfrýja til Hæsta-
réttar dómi Héraðsdóms Vestur-
lands frá 24. september 2002 um úr-
skurð félagsmálaráðuneytisins
varðandi ógildingu sveitarstjórnar-
kosningar í Borgarbyggð 25. maí
2002.
„Framsóknarfélag Mýrasýslu tel-
ur það marga ágalla hafa verið á
framkvæmd kosninganna sem m.a.
koma fram í niðurstöðum úrskurðar
ráðuneytisins að nauðsynlegt sé að fá
úrskurð Hæstaréttar í málinu. Þessir
ágallar snerta grundvallaratriði
mannréttinda sem erfitt er að líta
fram hjá,“ segir í frétt frá félaginu.
„Þrátt fyrir að félagsmálaráðu-
neytið hafi í úrskurði sínum ekki tek-
ið afstöðu til aðalkröfu félagsins um
að dæma gilt atkvæði greitt B-listan-
um telja framsóknarmenn ekki ann-
an kost í stöðunni nú en áfrýja dómn-
um og krefjast þar með ógildingar
kosninganna. Upphafleg kæra fé-
lagsins hefur nú farið í gegnum þrjú
stig.
Kærunefnd sem skipuð var af
sýslumanninum í Borgarnesi hafnaði
kröfu félagsins um endurtalningu at-
kvæða og ógildingu niðurstaðna
kosninganna með úrskurði sínum
hinn 11. júní 2002.
Félagsmálaráðuneytið úrskurðaði
síðan kosningarnar ógildar hinn 30.
júlí sl. og nú síðast felldi Héraðsdóm-
ur Vesturlands úr gildi úrskurð ráðu-
neytisins með dómi sínum hinn 24.
september sl. Dómurinn tekur ekki á
kæruefni framsóknarfélagsins um
kosningarnar í Borgarbyggð heldur
fjallar um stjórnsýslu félagsmála-
ráðuneytisins. Efnisleg niðurstaða í
úrskurði félagsmálaráðuneytisins
hefur því ekki verið hrakin. Mörg
lögfræðileg álitamál hafa komið upp í
meðferð málsins sem snerta m.a.
valdsvið ráðuneyta, sveitarstjórnar-
stigið og eftirlitsskyldu félagsmála-
ráðuneytis gagnvart sveitarfélögun-
um. Ógerlegt er að segja fyrir um
niðurstöður kosninga ef sú yrði nið-
urstaðan að kjósa þyrfti að nýju.
Málið snýst því ekki lengur um hvort
Framsóknarflokkurinn fengi fleiri
eða færri atkvæði eða fjölda bæjar-
fulltrúa, heldur um þau sjálfsögðu
mannréttindi að fólk fái að njóta at-
kvæðisréttar síns. Að framansögðu
telja framsóknarmenn í Borgar-
byggð eðlilegt að áfrýja dómnum til
Hæstaréttar.“
Framsóknarfélag Mýrasýslu
Áfrýjar dómi um
ógildingu kosninga
LANDSMÓT samtaka félagsmiðstöðva á Íslandi
(Samfés) fer fram í Kópavogi um þessa helgi en á
mótinu koma saman öll nemendaráð félagsmiðstöðva
í landinu. Félagsmiðstöðvunum hefur farið fjölgandi
og nú eru alls 75 í samtökunum og búist er við að um
400 unglingar sæki landsmótið nú.
Í gær var m.a. grillað og síðan var haldið óvissu-
partí í Smáraskóla þar sem þessi mynd var tekin og
greinilegt að ekki skorti fjörið. Í dag verða krakk-
arnir í alls konar smiðjuvinnu í félagsmiðstöðvunum
í Kópavogi og í kvöld verður ball þar sem hljómsveit-
irnar Búdrýgindi og Soap Factory sjá um tónlistina.
Morgunblaðið/Árni Sæberg
Fjör á landsmóti Samfés
Ferðum Herj-
ólfs fjölgað
um 73 á ári
VEGAGERÐIN og Samskip und-
irrituðu í gær samning um áfram-
haldandi rekstur Vestmannaeyja-
ferjunnar Herjólfs. Samningurinn
felur í sér fjölgun ferða um 73 á ári
frá því sem nú er. Samtals hefur þá
ferðum Herjólfs fjölgað um allt að
130 á ári frá því að Samskip tóku
við rekstri ferjunnar í ársbyrjun
2001.
Nýja áætlunin tekur gildi á
morgun, sunnudag, og fer Herjólfur
þá frá Eyjum klukkan 8.15 og 16 og
frá Þorlákshöfn kl. 12 og 19.30. Við
undirritunina var samningur Sam-
skipa og Vegagerðarinnar fram-
lengdur um tvö ár, til ársloka 2005.
UMTALSVERT vatnstjón varð í
Mjólkárvirkjun í fyrrinótt. Um
stundarfjórðungi fyrir eitt sprakk
tæmiloki á þrýstivatnspípu fyrir
annan vatnshverfilinn með þeim af-
leiðingum að vatn flæddi inn í kjall-
ara stöðvarhússins. Brunndælur
höfðu ekki undan lekanum og
flæddi vatn um allan kjallarann,
sem er um 350 fermetrar að flat-
armáli. Um 450 rúmmetrar vatns
voru í pípunni og var vatnshæðin í
kjallaranum 1,35 metrar þegar
mest var. Mikið tjón varð á raf-
eindabúnaði ýmiss konar og vara-
hlutalager, en nokkra daga mun
taka að meta tjónið til fulls, að
sögn Sölva R. Sólbergssonar
tæknifræðings.
Tveir menn frá slökkviliði Þing-
eyrar komu á Mjólká með öfluga
dælu og unnu að því að koma vatni
úr kjallaranum. Alls voru ellefu
menn að störfum í fyrrinótt vegna
óhappsins. Virkjunin var mannlaus
þegar óhappið varð, en viðvörunar-
kerfi fór í gang og starfsmenn voru
komnir á vettvang mjög fljótlega.
Annar vatnshverfill var í gangi
þegar tæmilokinn sprakk og stöðv-
aðist vegna vatnsins. Rafmótorar í
kjallaranum fóru í kaf og
duttu hjálparkerfi út og
hverfillinn stöðvaðist. Í
gær var unnið að því að
færa búnað stöðvarinnar,
sem talinn er hafa
skemmst vegna vatnsins,
til viðgerðar.
Hverfillinn sem óhapp-
ið varð við hefur ekki
verið í gangi frá 17. sept-
ember sl. vegna endur-
nýjunar á hluta af búnaði
hans.
Sölvi segir að ekki sé
búið að meta tjónið en
segir það umtalsvert.
Mest muni um fram-
leiðslutap, en engin raf-
orkuframleiðsla er nú í
virkjuninni vegna tjóns-
ins. Ráðast mun á allra næstu dög-
um hvenær hægt verður að setja
vatnshverflana í gang að nýju.
Vatnstjón í
Mjólkárvirkjun
Vatnshæðin 1,35 metrar þegar mest var
Rafeindabúnaður ýmiss konar blotnaði
þegar tæmiloki á þrýstivatnspípu sprakk í
Mjólkárvirkjun í fyrrinótt.
Ljósmynd/Mjólkárvirkjun