Morgunblaðið - 05.10.2002, Blaðsíða 21

LANDIÐ
MORGUNBLAÐIÐ LAUGARDAGUR 5. OKTÓBER 2002 21
Langá á Mýrum - frístunda-, eignarlóðir
185 fm einbýlishús, útihús og 20-100 ha
Opið hús hjá Ingva Hrafni í Stangarholti á morgun,
sunnudag, kl. 14-19 - sími 437 1704 • 864 2879
Nú er gott tækifæri að hugsa fram í
tímann og tryggja sér 3-5 ha eignar-
lóðir í deiluskipulagðri frístundabyggð í
Stangarholtslandi og nota veturinn til
að spá og spekúlera. Lóðirnar eru
seldar án kvaða með vegi að lóða-
mörkum og aðgangi að vatnsveitu
sem er í undirbúningi. 87 km eru til
Reykjavíkur og 15 í Borgarnes. Lóðirn-
ar eru dæmigerðar fyrir mýrarnar, mýr-
ar. Borgir, lágvaxið kjarr. Verð á hekt-
ara kr. 190 þúsund. Af 45 lóðum er um
helmingur seldur eða frátekinn, sumir
eru búnir að girða, hross eru þegar
komin í haga, trjárækt byrjuð og mat-
jurtagarðar í landnámi Þórdísar stang-
ar, sem þáði landið frá Skalla Grími,
líklega 27. júlí 902, eða nákvæmlega
1040 árum áður en Ingvi Hrafn fædd-
ist. Hægt er að fá aðgang að malar-
námu á staðnum gegn vægu gjaldi og
húsdýraáburði að vild án endurgjalds.
Skógræktarfólk fær frábærar trjáplönt-
ur af öllum gerðum í gróðrarstöðinni
Grenigerði við Borgarnes. Stangarholt-
ið er glæsilegt 185 fm nýuppgert ein-
býlishús. 4-5 svefnherbergi, 2 stofur, 3
baðherbergi, tveir inngangar, parket á
stofum og svefnherbergjum, nýtt eld-
hús og bað frá Alno. Hlaða og hesthús
sem að hluta til þarfnast lagfæringar.
Tilvalið fyrir félagasamtök eða 3-4
samhentar fjölskyldur. 20-100 ha
ræktað land og beitarland skv. eigin
vali.
Það verður heitt á könnunni,
verið velkomin!
Lóðir mektar rauðu eru seldar
Lóðirnar bláu eru fráteknar og þarf að
staðfesta kaupin fyrir hádegi á
sunnudag, annars verða þær seldar
öðrum.
Suðurlandsbraut 4a • 108 Rvk. • Fax 533 4811 • midborg@midborg.is
533 4800
ÁR er liðið frá því að Gunnar
Ómar Gunnarsson og fjöl-
skylda stóðu í ströngu við að
búa til fyrsta berjavínið sem
fjöldaframleitt var fyrir al-
mennan markað hér á landi.
Vínið, sem þau nefndu Kvöld-
sól, brugguðu þau í bílskúr á
heimili sínu, en þar höfðu þau
þá innréttað aðstöðu sem upp-
fyllti allar þær kröfur og skil-
yrði sem sett voru fyrir starf-
semi að þessu tagi.
Fréttaritari hitti Ómar að
máli á dögunum í fyrrverandi
húsnæði Mjólkursamlags KÞ,
þar sem hann hefur nú fengið
aðstöðu fyrir fyrirtæki sitt,
Sólbrekku ehf. Ómar segir
alla aðstöðu og aðbúnað vera
bæði fullkomnari og mun
öruggari á nýja staðnum. Þar
er hann t.d með stóran tank
sem áður var notaður í mjólk-
ursamlaginu, hann tekur 10
þúsund lítra og er með góðu
kælikerfi og fullkomnu
þvottakerfi. „Það er öll vinna
við þetta mun léttari í þessu
húsnæði, t.d. bara það að
hægt sé að nota lyftara léttir
þetta töluvert,“ segir hann.
4,5 tonn af berjum
Ómar segir að sú lögun
sem nú sé í gerjun sé um 8
þúsund lítrar, sem er tvöfalt
meira en fjölskyldan fram-
leiddi í fyrra. Framleiðslan
nú mun gefa af sér um 12
þúsund flöskur, sem verða
tilbúnar til sölu á vormán-
uðum 2003, en Kvöldsól kom
fyrst á markað í desember
2001.
Hráefnið í þessa 8 þúsund
lítra lögun er um 4½ tonn af
berjum, aðallega krækiberj-
um, og 1½ tonn af rabarbara
auk kryddjurta. Berin koma
að 2/3 hluta frá Vestfjörðum
en 1/3 af svæðinu kringum
Kópasker, segir Ómar að lok-
um.
Bruggar berjavín í
gömlu mjólkurstöðinni
Morgunblaðið/Hafþór Hreiðarsson
Gunnar Ómar Gunnarsson hugar að fram-
leiðslunni. Tankurinn var áður notaður í
mjólkursamlaginu og tekur 10 þúsund lítra.
Húsavík
LENGI hefur verið kvartað undan
því að ekki sé nægilegt framboð af
minjagripum frá Snæfellsbæ og
ýmsar hugmyndir skotið upp kollin-
um en ekki margar verið fram-
kvæmdar.
Jenný Guðmundsdóttir, sem rekur
verslunina Hrund, hefur nú látið út-
búa nákvæmar eftirlíkingar af tveim-
ur húsum í Ólafsvík, það er annars
vegar Gamla pakkhúsið sem byggt
var árið 1844 og hinsvegar Jónshús
og stendur neðst á Grundarbrautinni
byggt árið 1902 samkvæmt skrán-
ingu Fasteignamats ríkisins .
Nú hefur komið í ljós við könnun á
kirkjubókum á Þjóðskjalasafni að
farið var að búa í Jónshúsi árið 1895,
þá eru þar til húsa hjónin Jón Ás-
geirsson og Guðrún Hansdóttir
ásamt uppeldissyni sínum Þorsteini
Jónssyni, en Þorsteinn var hálfbróðir
Jóhanns Jónssonar skálds.
Einnig hefur eldra fólk sagt frá því
að viðurinn í Jónshúsið hafi komið til
Ólafsvíkur um leið og viðurinn í
gömlu Ólafsvíkurkirkju eða árið 1892
Húsin eru bæði búin til úr leir og eru
u.þ.b. 3,5 sm á hæð og 5 sm löng. Til
að hlutföll yrðu rétt fengu framleið-
endur húsanna bæði teikningar og
ljósmyndir til að vinna eftir og hefur
bara tekist mjög vel til. Gripirnir
komu ekki úr framleiðslu fyrr en í
september svo að líklega verður að
bíða næsta sumars til að sjá hvort
þessir minjagripir falli ferðamönnum
í geð en heimamenn munu hafa tekið
gripunum opnum örmum.
Hægt er að kaupa smáhýsin í
Versluninni Hrund.
Morgunblaðið/Alfons Finnsson
Gömul hús sem minja-
gripir frá Snæfellsbæ
Ólafsvík
LJÓSMÆÐUR fást ekki til
starfa á Egilsstöðum og því geta
konur ekki lengur fætt börn sín
þar eins og verið hefur. Að jafn-
aði hefur á þriðja tug barna
fæðst þar á ári. Nú er svo komið
að leita á út fyrir landsteina að
ljósmæðrum til að starfa við
heilsugæslustöðina og líklegt að
vísa þurfi öllum fæðingum frá í
vetur.
Þær konur sem virtust eiga
áfallalausa fæðingu í vændum
hafa mátt fæða á Heilsugæslu-
stöðinni þar til í haust, en aðrar
voru sendar á Fjórðungssjúkra-
húsið á Neskaupstað, eða á fæð-
ingardeildir nyrðra og í Reykja-
vík.
Ástæðan fyrir þessum vand-
ræðum er að nýverið fluttu tvær
af þremur ljósmæðrum, sem
stundað hafa fæðingarhjálp á
Fljótsdalshéraði, burt af svæð-
inu. Þá er önnur tveggja ljós-
mæðra við sjúkrahúsið á Nes-
kaupstað einnig farin, en þar
verður haldið í horfinu með fæð-
ingaþjónustu, m.a. með afleys-
ingafólki.
Heilbrigðisstofnun Austur-
lands leitar nú logandi ljósi að
ljósmæðrum, bæði fyrir sjúkra-
húsið á Egilsstöðum og í Nes-
kaupstað. Verður í samvinnu við
stéttarfélag ljósmæðra kannað
hvort fá megi ljósmæður erlend-
is frá til starfa fyrir HSA.
Á Heilsugæslustöðinni á Eg-
ilsstöðum starfar eftir sem áður
ljósmóðir við ungbarnaeftirlit og
mæðraskoðun.
Engar fæðingar
á Egilsstöðum
Ljósmæðra
m.a. leitað
erlendis
Egilsstaðir