Morgunblaðið - 05.10.2002, Blaðsíða 42

KIRKJUSTARF
42 LAUGARDAGUR 5. OKTÓBER 2002 MORGUNBLAÐIÐ
MEÐ októbermánuði hefst vetr-
arstarfið í Áskirkju. Barna- og
æskulýðsstarfið er þegar hafið og
einnig fermingarfræðsla vetrarins.
Frá 6. október verða almennar
guðsþjónustur hvern sunnudag kl.
14 í Áskirkju en barnaguðsþjón-
ustur kl. 11. Þar er söngur jafnan í
fyrirrúmi og í ráði að mynda vísi að
barnakór Áskirkju í tengslum við
barnaguðsþjónusturnar. Í haust
hefst einnig að nýju samvinna Ás-
kirkju, Hrafnistu og leikskóla um
söngva- og sögustundir ungra
barna.
Opið hús er í Safnaðarheimili Ás-
kirkju alla þriðjudaga og fimmtu-
daga. Á þriðjudögum er kyrrðar-
og bænastund í hádeginu og léttur
málsverður á eftir. Samverustundir
foreldra ungra barna eru síðan í
Safnaðarheimilinu eftir hádegi á
þriðjudögum. Á fimmtudögum eru
söngvastundir í Opnu húsi kl. 14 og
einnig upplestur. Tólf spora hópar
eru að starfi öll þriðjudagskvöld í
Áskirkju eins og í fyrravetur.
Æskulýðsstarfið verður í vetur í
samvinnu við KFUM og K og Lang-
holtssókn. Eru fundirnir í húsi
KFUM við Holtaveg á miðvikudags-
kvöldum kl. 19.30.
Eins og undanfarin ár verður
starf með tíu til tólf ára börnum í
Áskirkju, TTT-starfið. Eru þær
samverustundir á fimmtudögum kl.
17 og fjölbreytt dagskrá.
Fræðslusamverur, biblíulestrar,
verða í Áskirkju á fimmtudags-
kvöldum kl. 20 frá 10. október. Í
vetur fjallar sóknarpresturinn um
sögu og menningu fornaldarþjóða
sem höfðu mikil áhrif á Ísrael. Ás-
kirkja hefur eignast mjög gott
myndefni um fornminjar sem tengj-
ast sögu Biblíunnar og verður sú
saga kynnt í máli og myndum og
frætt um þann jarðveg sem gyð-
ingdómur, kristindómur og íslam
eru sprottin upp af, trúarbrögðin
sem svo mjög móta menningu Vest-
urlanda og samtíma okkar. Allir
eru velkomnir til þeirra sam-
verustunda sem annarra í Áskirkju.
Safnaðarfélagið heldur fé-
lagsfundi mánaðarlega. Á fyrsta
fundi vetrarins, miðvikudaginn 9.
október, mun sóknarprestur segja
frá söfnuðum í Noregi sem stofnað
hafa til vináttusambands við Ás-
kirkju.
Kirkjukór Áskirkju verður með
tónleika í haust og einnig Kári Þor-
mar, organisti kirkjunnar. Nánar
verður greint frá tónleikunum síð-
ar og frá kirkjukvöldum og öðrum
fyrirhuguðum samkomum í Ás-
kirkju.
50 ára vígsluafmæli
sr. Björns Jónssonar
Á ÞESSU ári á sr. Björn Jónsson,
fyrrv. sóknarprestur á Akranesi og
prófastur Borgfirðinga, hálfrar
aldar vígsluafmæli.
Hann vígðist til prests 27. júlí
1952, aðeins 24 ára að aldri, þegar
hann fékk veitingu fyrir Keflavík-
urprestakalli (Keflavíkur- og
Njarðvíkursóknum).
Sr. Björn þjónaði einungis tveim
prestaköllum á langri starfsævi, í
Keflavík og á Akranesi, í 23 ár á
hvorum stað.
Í tilefni af vígsluafmæli sr.
Björns verður efnt til hátíðarguðs-
þjónustu í Akraneskirkju nk.
sunnudag, 6. október, daginn fyrir
75 ára afmæli hans. Mun hann þá
sjálfur prédika og þjóna fyrir altari
ásamt núverandi sóknarpresti Ak-
urnesinga. Kirkjukaffi í safn-
aðarheimilinu Vinaminni á eftir.
Allir velkomnir!
Barnastarf
í Þjórsárveri
NK. SUNNUDAG kl. 13 hefst
barnastarf í Þjórsárveri í umsjón
Guðbjargar Sigurðardóttur. Þó
Þjórsárver sé í Villingaholtssókn er
barnastarfið þar engu að síður ætl-
að öllum börnum Hraungerðis-
prestakalls, þ.e.a.s. í Hraungerð-
issókn og Laugardælasókn. Stuðst
verður við nýtt barnaefni frá Skál-
holtsútgáfunni. Æskilegt er að for-
eldrar tilkynni þátttöku til Guð-
bjargar í síma 486 3406.
Dægurlagamessa í
Hafnarfjarðarkirkju –
Kveikt á kösturum
ÞAÐ er föst hefð í Hafnarfjarð-
arkirkju að halda dægurlaga-,
gospel-, popp- eða vísnamessu einu
sinni í mánuði yfir vetrartímann.
Næstkomandi sunnudag er fyrsta
óhefðbundna messa vetrarins. Að
þessu sinni fer fram dægurlaga-
messa. Í dægurlagamessunni eru
hefðbundnir sálmar sungnir við
þekkt dægurlög og gleði og létt-
leiki einkennir athöfnina. Hljóm-
sveit undir stjórn Hjartar Howser
annast undirleik og söng, en Hjört-
ur hefur áður leitt hljómsveit við
slíkar messur í Hafnarfjarð-
arkirkju og er jafnan húsfyllir.
Hefst dægurlagamessan kl. 20.30.
Prestar við dægurlagamessuna
eru sr. Þórhallur Heimisson og sr.
Þórhildur Ólafs. Hljómsveitina
skipa Andrea Gylfadóttir söng-
kona, Eysteinn Eysteinsson á slag-
verk, Magnús Einarsson á gítar,
Jens Hansson á saxófón, Friðþjófur
Sigurðsson á bassa, Hjörtur Hows-
er á píanó/orgel.
Kl. 20, skömmu áður en dæg-
urlagamessan hefst verður í fyrsta
sinn kveikt á nýjum ljóskösturum
sem komið hefur verið fyrir í kring-
um Hafnarfjarðarkirkju. Munu þeir
lýsa upp kirkjuna á komandi vetri
og komandi tíð og þannig undir-
strika það hlutverk Hafnarfjarð-
arkirkju að vera ljós og viti í mann-
lífinu.
Fermingarfræðsla
í Landakoti
SUNNUDAGINN 6. október hefst
fermingarfræðslan í Landakoti.
Allir unglingar Landakotssóknar
(póstfang 101 til 108 og 170) sem
vilja fermast næsta vor (4. maí) og
komu ekki til fundar síðasta laug-
ardag geta ennþá skráð sig.
Fermingarfræðslan fer fram á
sunnudögum og hefst með messu
kl. 10.30. Að messu lokinni er fund-
ur til kl. 12.15.
Námskeið um bænina
í Fella- og Hólakirkju
NÆSTU fjögur þriðjudagskvöld kl.
20 til 22 verður haldið námskeið um
bænina í safnaðarheimili Fella- og
Hólakirkju við Hólaberg 88 í Efra-
Breiðholti.
Umsjón með námskeiðinu hefur
Lilja G. Hallgrímsdóttir djákni.
Námskeiðið er öllum opið og er
þátttakendum að kostnaðarlausu. Á
námskeiðinu spyrjum við okkur t.d.
þeirra spurninga hvort við séum að
biðja til Guðs af gömlum vana,
hvers virði er bænin eða þurfum við
á bæninni að halda í lífi okkar?
Jafnframt er markmið námskeiðs-
ins að ýta á löngun okkar til að lesa
í Biblíunni því að með þeim lestri
nálgumst við Guð. Guð vill eiga
samfélag við okkur. Við ætlum að
læra að biðja ekki bara til að biðja
heldur að bænir okkar öðlist til-
gang.
Námskeiðið hefst þriðjudags-
kvöldið 8. október kl. 20 og því lýk-
ur þriðjudagskvöldið 29. október.
Innritun er í síma 557 3280 og í
síma 862 0574.
Tólf sporin
í Neskirkju
SÍÐASTI opni fundurinn í tólf
spora námskeiðinu sem haldið er í
Neskirkju í vetur verður mánudag-
inn 7. október kl. 20.
Þau sem áhuga hafa á þátttöku
þurfa að mæta á þennan fund því
eftir hann verður ekki bætt í hóp-
inn. Tólf sporin – andlegt ferðalag
hentar öllum þeim sem í einlægni
vilja vinna með sínar tilfinningar
og öðlast betri líðan og meiri lífs-
fyllingu og leita styrks í kristinni
trú.
Nánari upplýsingar er hægt að
finna á heimasíðu kirkjunnar
www.neskirkja.is/sporin.htm.
Drengjakór
og nýr organisti
DRENGJAKÓR Neskirkju syngur
við messu í kirkjunni kl. 11 undir
stjórn Friðriks S. Kristinssonar.
Nýr organisti safnaðarins, Stein-
grímur Þórhallsson, verður boðinn
velkominn til starfa. Þetta er fyrsta
messa kórsins á þessu hausti en
hann mun syngja fyrsta sunnudag í
hverjum mánuði í vetur.
Kvöldmessa
með Þorvaldi
FYRSTA kvöldmessa haustsins
verður í Neskirkju á sunnudag kl.
20. Þorvaldur Halldórsson syngur
og leiðir lofgjörð. Séra Örn Bárður
Jónsson flytur hugvekju og þjónar
fyrir altari ásamt sóknarprestinum
séra Frank M. Halldórssyni og séra
Toshiki Toma, presti innflytjenda.
Kvöldmessur eru frjálslegar,
með léttri tónlist, fyrirbænum og
altarisgöngu.
Framhald
af Alfa-námskeiði
NÚ er nýhafið Alfa-námskeið í Nes-
kirkju og er það hið fjórða sem
haldið er. Á annað hundrað ein-
staklingar hafa nú þegar sótt slík
námskeið í söfnuðinum. Á liðnum
vetri var boðið uppá framhalds-
námskeið eða Alfa II sem var vel
sótt. Vegna áhuga á framhalds-
fræðslu verður nú boðið uppá nám-
skeið um Fjallræðuna. Kennt verð-
ur hálfsmánaðarlega í kjölfar
messu kl. 11 og hefst námskeiðið
nk. sunnudag. Kennt er í eina
klukkustund.
Námskeiðið er öllum opið og
kostar ekkert. Séra Örn Bárður
Jónsson annast fræðsluna.
Lofgjörð með
Þorvaldi
í Hjallakirkju
Á SUNNUDAGINN kemur, 6. októ-
ber, mun Þorvaldur Halldórsson
koma í heimsókn í lofgjörðarguðs-
þjónustu í Hjallakirkju kl. 11. Í
guðsþjónustunni verða sungnir létt-
ir og skemmtilegir söngvar og mun
Þorvaldur leiða sönginn á sinn ein-
staka hátt. Tónlistin verður í anda
poppmessanna sem voru reglulega
í Hjallakirkju til langs tíma. Allir
eru hjartanlega velkomnir, ungir
sem aldnir.
Úrvinnsla sorgar
í Vídalínskirkju
MIÐVIKUDAGINN 9. október kl.
20 tekur til starfa í safnaðarheimili
Vídalínskirkju úrvinnsluhópur
sorgar, en slíkir hópar hafa starfað
þar undanfarin ár undir stjórn
prestanna þar, sr. Hans Markúsar
Hafsteinssonar og sr. Friðriks J.
Hjartar.
Hópvinna þessi mun standa út
nóvember á miðvikudögum kl. 20–
21.30. Farið er í helstu atriði sem
viðkoma sorgarúrvinnslu, en sorg-
arviðbrögð geta skapast af ýmsum
orsökum fleirum en missi vegna
andláts. Má þar nefna skilnað,
heilsubrest, missi atvinnu og fleira.
Æskilegt er að a.m.k. hálft ár sé
liðið frá missi áður en gengið er út í
þessa vinnu. Jafnframt hópstarfinu
er boðið upp á einkaviðtöl.
Þeir sem hugsa sér að taka þátt í
þessu starfi eru beðnir að skrá sig á
skrifstofunni í Vídalínskirkju í síma
565 6380 eða hjá prestunum fyrir
miðvikudaginn 9. október.
Mikilvægt er að trúnaður ríki
gagnvart þessu starfi og þar af leið-
andi verður þessi starfshópur lok-
aður. Gert er ráð fyrir því að þeir
sem skrá sig taki þátt í öllum sam-
verunum.
Prestarnir.
Léttmessa
í Dómkirkjunni
EITT af því sem kemur fram í
könnunum er að allmargir óska eft-
ir því að guðsþjónustur Þjóðkirkj-
unnar séu með léttara yfirbragði og
fjörlegri söngvum. Aðrir kunna vel
að meta messurnar eins og þær
tíðkast helst, enda svosem enginn
drungi yfir þeim yfirleitt.
Sunnudaginn 6. október kl. 20
verður því messa í léttum dúr í
Dómkirkjunni. Um tónlist sjá Karl
Olgeirsson og félagar ásamt Berg-
lindi Björk Jónasdóttur söngkonu.
Sr. Jakob Ágúst Hjálmarsson og
Hans G. Alfreðsson hugleiða trú og
samtíð og leiða fólkið í bæn og
bjóða fólki að ganga til altaris.
Undanfarin ár hafa verið í Dóm-
kirkjunni svokallaðar æðruleys-
ismessur sem hafa verið ákaflega
vel sóttar. Þær eru næstseinasta
sunnudag hvers mánaðar og safna
að sér um 200 manns hverju sinni.
Tónlistin þar er með léttu yfir-
bragði og framsetning efnis á ein-
lægu nótunum. Af þeim höfum við
lært sitthvað og viljum því gefa
fleiri tækifæri í þeim dúr.
Við miðum með þessu á yngra og
miðaldra fólk sem vildi rækta trúna
og lyfta sér upp í almennum söng.
Allir eru hins vegar velkomnir sem
leita vilja í ljósið frá hæðum.
Grafarvogskirkja
– Leikfélag
í heimsókn
SUNNUDAGINN 6. október nk. kl.
11 verður haldin guðsþjónusta í
Grafarvogskirkju með þátttöku
Leikfélags sérdeildar Borgarholts-
skóla undir stjórn Guðlaugar Maríu
Bjarnadóttur. Nemendurnir munu
syngja tvö lög.
Prestur verður sr. Bjarni Þór
Bjarnason. Organisti: Hörður
Bragason. Kór Grafarvogskirkju
syngur.
Fræðslumorgnar
og kvöldmessur
í Hallgrímskirkju
NÆSTKOMANDI sunnudag, 6.
okt., verður fyrsti fræðslumorgunn
haustsins í Hallgrímskirkju. Dr.
Hjalti Hugason prófessor mun þar
flytja erindi sem hann nefnir Þjóð-
kirkja og trúfrelsi – fer það saman?
Þær raddir heyrast reglulega að
sérstaða evangelísk-lútherskrar
kirkju hér á landi stangist á við trú-
frelsisákvæði stjórnarskrárinnar.
En er það svo?
Dr. Hjalti mun leitast við að
svara þeirri spurningu. Að fræðslu-
erindinu loknu verður svigrúm fyr-
ir fyrirspurnir áður en gengið verð-
ur til guðsþjónustu sem hefst kl. 11
og er í umsjá séra Sigurðar Páls-
sonar.
Fyrsta kvöldmessa haustsins
verður síðan kl. 20 í umsjá séra
Jóns Dalbú Hróbjartssonar. Þar
gefst m.a. tækifæri til að leggja
fram fyrirbænarefni auk þess sem
Scola Cantorum mun syngja undir
stjórn Harðar Áskelssonar.
Hjónastarf
Digraneskirkju
FYRSTA samvera vetrarins hjá
hjónastarfi Digraneskirkju er á
sunnudagskvöldið 6. okt. kl. 20. Þar
mun Kolbrún Baldursdóttir sál-
fræðingur fjalla um efnið Samskipti
foreldra og unglinga. Um tvö
hundruð hjón og fjöldi einstaklinga
eru nú á skrá hjá hjónastarfinu. Al-
menn ánægja er með framkvæmd
kvöldanna, sem eru sérstaklega
sniðin eftir óskum þátttakenda.
Ræðumenn hafa um klukkustundar
framsögu, þá er kaffihlé. Eftir hlé
eru spurningar og umræður og síð-
an endað með helgistund í kirkj-
unni, sem lýkur kl. 22.
Frekar upplýsingar má fá á vef-
síðunni www.digraneskirkja.is.
Vetrarstarf
í Áskirkju
Áskirkja
Neskirkja. Félagsstarf aldraðra kl.
14. Óvissuferð. Veitingar í safnaðar-
heimili að lokinni ferð. Sr. Frank M.
Halldórsson.
Fella- og Hólakirkja. Starf fyrir 8–10
ára drengi á laugardögum kl. 11.
Starf fyrir 11–12 ára drengi á laug-
ardögum kl. 12.30.
Boðunarkirkjan, Hlíðarsmára 9,
Kópavogi. Samkoma í dag kl. 11–
12.30. Lofgjörð, barnasaga, prédik-
un og biblíufræðsla þar sem ákveð-
ið efni er tekið fyrir, spurt og svarað.
Á laugardögum starfa barna- og ung-
lingadeildir. Létt hressing eftir sam-
komuna. Allir hjartanlega velkomnir.
Biblíufræðsla alla virka daga kl. 10,
13 og 22 á FM 105,5.
Safnaðarstarf