Morgunblaðið - 05.10.2002, Blaðsíða 47

FRÉTTIR
MORGUNBLAÐIÐ LAUGARDAGUR 5. OKTÓBER 2002 47
Fallegt 125,4 fm parhús
ásamt 23,4 fm bílskúr
til sölu í Fannafold 137.
Verð 20.9 millj.
Nánari uppl. og myndir á slóð:
www.mmedia.is/steinar/fannafold
laugardaginn 5.okt.
og sunnudaginn 6.okt.
frá kl. 14 – 17
OPIÐ HÚS
VEIÐITÍMINN var framlengdur í
Stóru-Laxá í Hreppum, en dugði þó
ekki til að ná veiðitölu síðasta sumars.
Heldur slök veiði var í ánni í sumar,
helst að líflegt væri á efsta svæðinu
snemma sumars og svo þokkalegur
reytingur á neðstu svæðunum um
haustið. Lokatölur urðu 227 laxar að
sögn Lofts Atla Eiríkssonar, sem
veiddi lokadagana á svæðum 3 og 4.
Loftur sagði 105 laxa hafa veiðst á
svæðum 1 og 2, 37 laxa á svæði 3 og 85
laxa á svæði 4, sem gerði 227 laxa, en í
fyrra var eitthvað um 270 laxa heild-
arafli. Síðasta einn og hálfan daginn
veiddu Loftur Atli og félagar 3 laxa á
tveimur efstu svæðunum og hópurinn
á tveimur neðstu var með 7 laxa.
Stærsti laxinn í sumar var 18 punda,
veiddur í framlengingunni á svæðum
1–2. Sá stærsti á svæði 3 var 16 pund,
en á efsta svæðinu var enginn svo stór
og nær allur afli sumarsins var raunar
um og innan við 10 punda fiskur. Er
ár og dagur síðan að 20 punda múrinn
var ekki rofinn í Stóru-Laxá.
Metveiði í Laxá í Nesjum
Alls veiddust 136 laxar í Laxá í
Nesjum, sem er mesta veiði sem þar
hefur náðst. Góður slatti var þar af
tveggja ára laxi og 18, 19 og 22 punda
hængar veiddust þar í ádrátt er klak-
lax var tekinn. Laxá byggir nokkuð á
seiðasleppingum og hafa þær aukist
og orðið markvissari. Ræktunarstjóri
árinnar, Þröstur Elliðason, sagði í
samtali að engin ástæða væri til að
ætla að ána myndi eitthvað setja nið-
ur í framtíðinni, hún væri komin á
kortið til frambúðar.
Skot í Tungufljóti
Á heildina litið hefur oft og tíðum
verið erfitt að veiða á sjóbirtingsslóð-
um í Skaftafellssýslum vegna rign-
inga og vatnavaxta. Þannig var t.d.
með holl sem var í Tungufljóti í vik-
unni, en fyrri hálfi dagurinn og allur
sá heili fóru fyrir lítið er fljótið rann
fram rúmlega bakkafullt og grugg-
ugt. En seinni morgunvaktina hafði
lækkað í vatninu og það hreinsast að
einhverju leyti. Stóð þá ekki á við-
brögðum í undirdjúpunum og náðust
10 fiskar víða um á og sumir þræl-
stórir eins og fljótið er þekkt fyrir.
SVFR áfram með Stóru
Bergur Steingrímsson, fram-
kvæmdastjóri Stangaveiðifélags
Reykjavíkur, staðfesti í samtali í gær
að SVFR hefði endurnýjað leigu á
Stóru–Laxá í Hreppum til næstu
fimm ára. Þá hefur félagið nýverið
framlengt leigusamning um Alviðru-
svæði í Soginu um sama árafjölda.
Stóra-Laxá
lakari en 2001
Morgunblaðið/Einar Falur
Glímt við vænan sjóbirting á Flögubakka, neðsta veiðistað í Tungufljóti.
ERU
ÞEIR AÐ
FÁ’ANN?
AÐALFUNDUR Náttúruverndar-
samtaka Austurlands var nýlega
haldinn að Stafafelli í Lóni. Þar voru
samþykktar nokkrar ályktanir, m.a.
um Kárahnjúkavirkjun, Vatnajökuls-
þjóðgarð, rjúpu, laxeldi og sjávarút-
vegsmál.
Fyrsta ályktunin er nefnd Hernað-
urinn gegn landinu og segir þar m.a.:
„Þrátt fyrir almenna vitundarvakn-
ingu er staða náttúruverndar á Ís-
landi nú veikari en hún var á áttunda
áratugnum, bæði í hinum opinbera og
almenna geira. Síðasta áratug hafa
stjórnvöld unnið að því leynt og ljóst
að koma öllum þráðum þessara mála í
hendur umhverfisráðherra, sem oftar
en ekki tekur ákvarðanir út frá
flokkspólitískum hagsmunum. Því
hefur baráttan fyrir verndun náttúr-
unnar í auknum mæli færst yfir á
vettvang stjórnmálanna og hin al-
mennu félög orðið lítils megnug. Lög
um umhverfismat frá 1994 hafa ekki
reynst sú trygging sem margir von-
uðu, og undanfarið hefur ríkisstjórnin
gefið mörg „veiðileyfi“ á náttúru
landsins.
Fundurinn varar við þessari öf-
ugþróun og skorar á alla landsmenn
að rísa gegn henni. Þörf er á þjóð-
arvakningu til að hamla á móti hern-
aðinum gegn landinu.“
Í ályktun um Kárahnjúkavirkjun
segir m.a. að þrátt fyrir eindregna
andstöðu innlendra og erlendra nátt-
úruverndarsamtaka hafi ríkisstjórn-
inni tekist að knýja fram leyfi fyrir
Kárahnjúkavirkjun. Síðan segir: „Til-
gangurinn er að festa þessa virkjun-
artilhögun í sessi og binda hendur
næstu stjórnar, svo ekki verði aftur
snúið þótt ný viðhorf kunni að verða
ofan á við alþingiskosningar næsta
vor. Fundurinn mótmælir eindregið
þessari aðferð, og harmar trúgirni og
andvaraleysi Austfirðinga í sambandi
við þessi mál.“
Þá lýsti fundurinn yfir stuðningi við
tillögur um Vatnajökulsþjóðgarð svo
fremi sem hann feli í sér allt fjalllend-
ið sem jökullinn hvíli á og dali sem inn
í það ganga, svo og aðliggjandi fjalla-
svæði, t.d. Snæfellsöræfi og Lónsör-
æfi. Einnig bendir fundurinn á mik-
ilvægi fjalla í daglegu lífi í tilefni af ári
fjallanna.
Varað við einhæfum áherslum
í mati umhverfisáhrifa
Í ályktun fundarins um umhverf-
ismat segir: „Fundurinn varar við
þeim einhæfu áherslum sem fram
koma í skýrslum um mat á umhverfis-
áhrifum undanfarinna ára, þar sem
tínd eru til ótal smáatriði en stórum
þáttum, svo sem landslagi, náttúru-
fegurð og sögulegu gildi, er að mestu
leyti sleppt. Svo virðist sem menn sjái
oft ekki skóginn fyrir trjánum og hið
gríðarlega upplýsingaflóð gerir þeim
sem eiga að úrskurða mjög erfitt fyr-
ir.“
Fundurinn telur vænlegra að stefna
að minni laxeldisstöðvum en leyfðar
hafa verið þar sem laxeldi fylgi ýmis
áhætta, svo sem í formi erfðablönd-
unar, sjúkdóma og mengunar af völd-
um úrgangs. Lýst er yfir stuðningi við
baráttu smábátasjómanna fyrir rétt-
indum þeirra og skorað er á umhverf-
isráðuneytið að leita án tafar lausnar á
ólöglegum akstri utan vega við veiðar.
Einnig er skorað á umhverfisráðu-
neytið að veiðar á grágæs verði ekki
heimilaðar fyrr en 1. september þar
sem í ágústlok sé hluti unga oft ófleyg-
ur. Í síðustu ályktun fundarins er
skorað á Skotveiðifélag Austurlands
að vinna gegn ólöglegu drápi á skúmi
og bent á að hann sé friðaður frá 1.
apríl til 31. ágúst.
Margar ályktanir samþykktar á aðalfundi Náttúruverndarsamtaka Austurlands
Staða náttúruverndar veik-
ari en á áttunda áratugnum
HÚNVETNINGAFÉLAGIÐ í
Reykjavík verður með opið hús í
Húnabúð, Skeifunni 11, sunnudaginn
6. október kl. 13.30. Fjölbreytt dag-
skrá verður í tali og tónum um Ar-
inbjörn Árnason frá Neðri-Fitjum í
Miðfirði sem sonur hans Árni Arin-
bjarnar hefur tekið saman.
Má þar m.a. nefna ávarp, Karls Á.
Sigurgeirssonar frá Hvammstanga,
Aðalsteinn Helgason flytur minn-
ingabrot, Grettir Björnsson leikur á
harmónikku, einnig verður flautu- og
píanóleikur Joanne og Arinbjörns
Árnasonar, ljóðalestur Auðbjörg Jó-
hannesdóttir, Erna Margrét Geirs-
dóttir og Árni Arinbjarnar, fjölda-
söngur og fleira. Kaffinefnd félagsins
selur veitingar sem er liður í fjáröfl-
un félagsins. Allir eru velkomnir.
Arinbjörn fæddist á Neðri-Fitjum
í Miðfirði og bjó í heimabyggð til þrí-
tugs, flutti þá til Reykjavíkur og bjó
þar og starfaði til æviloka, var lengst
af umsjónamaður Melaskólans. Ar-
inbjörn var einn af aðalhvatamönn-
um að stofnun Húnvetningafélagsins
í Reykjavík. Hann ritaði fjölda
greina í blöð og tímarit og skáldsögu
sendi hann frá sér níræður. Einnig
orti hann mikið af vísum og ljóðum,
m.a. Húnaþing, sem er nokkurs kon-
ar þjóðsöngur Vestur-Húnvetninga.
Opið hús
í Húnabúð
HAUSTSÝNING Hundaræktar-
félags Íslands verður haldin í reið-
höll Gusts í Kópavogi helgina 5. og 6.
október. „Þetta verður umfangs-
mesta sýning félagsins til þessa og
eiga bestu hundarnir kost á að öðlast
alþjóðlegt meistarastig.
Til keppni að þessu sinni eru
skráðir rúmlega 300 hundar af 45
tegundum. Þar af eru hundar af fjór-
um tegundum sem ekki hafa áður
verið sýndar hér á landi, Shar pei,
Afganhundur, japanskur spitz og
Jack Russel terrier.
40 börn og unglingar taka þátt í
keppni ungra sýnenda, þar sem
áhersla er lögð á samband hunds og
sýnanda jafnframt því sem lagt er
mat á tækni og framkomu gagnvart
dómara. Unglingastarf Hundarækt-
arfélagsins hefur eflst mikið á síð-
ustu árum og er sú þróun mjög
ánægjuleg,“ segir m.a. í fréttatil-
kynningu.
Alþjóðleg hunda-
sýning um helgina
HINN 11. september var dregið út
nafn eins heppins viðskiptavinar í
Nettó í Mjódd í hinum svokallaða
Nettó-Friggjarleik. Hinn heppni
viðskiptavinur var Þórir Dan Jóns-
son sem hlaut þvottavél. Á með-
fylgjandi mynd sést Þórir taka við
vélinni af Heiðu Elísdóttur frá
Nettó í Mjódd.
Hreppti
þvottavél
FYRIR nokkru komu saman til fund-
ar í París fulltrúar frá 25 evrópskum
frímúrarareglum til að ræða sameig-
inlegar hugsjónir og stefnumið. Í for-
sæti á þessum fundi voru Alain
Bauer, stórmeistari Grand Orient de
France, Michel Barat, stórmeistari
Grande Loge de France, Njörður P.
Njarðvík, stórmeistari Alþjóða Sam-
Frímúrarareglunnar Le Droit Hum-
ain, og Marie France Picard, stór-
meistari Grande Loge Feminine de
France, – en þessar fjórar reglur hafa
gert með sér formlegan samning um
samstöðu og samstarf og telja um
120.000 meðlimi.
„Á fundinum var ákveðið að stofna
„Espace Maconnique Européen“
(European Masonic Forum), um-
ræðuvettvang fyrir frekara samstarf.
Lögð var áhersla á að hér væri ekki
um neina „yfirreglu“ að ræða, heldur
mættust allar þessar reglur á jafn-
réttisgrundvelli. Í Evrópu eru starf-
andi margs konar frímúrarareglur,
karlareglur, kvennareglur og bland-
aðar reglur, sumar þjóðlegar, aðrar
með stúkur í mörgum löndum, og er
starfað eftir ýmsum mismunandi
siðakerfum. Voru fulltrúar sammála
um að kominn væri tími til að viður-
kenna þá staðreynd að frímúrara-
starfið í Evrópu væri margbreytilegt,
og full ástæða til þess að þessar regl-
ur kæmu saman í anda þess sem sam-
einaði þær til að skiptast á skoðunum
og huga að frekara samstarfi,“ segir í
fréttatilkynningu.
Nýr umræðu-
vettvangur
frímúrara
Í TILEFNI af Gaflaradegi Lions-
klúbbs Hafnarfjarðar verður opið
hús hjá Slökkviliði höfuðborgar-
svæðisins í Skútahrauni 6 í Hafnar-
firði í dag, laugardaginn 5. október,
kl. 13–16.
Slökkviliðið verður með kynningu
á starfseminni. Fólki býðst að fara
upp með körfubílnum, kíkja inn í
sjúkrabíl og setjast undir stýri í
slökkvibíl. Smá hressing og nammi
fyrir börnin, segir í fréttatilkynn-
ingu.
Gaflaradagur
Lionsklúbbs
Hafnarfjarðar
GÖNGUFERÐ verður á vegum þjóð-
garðsins á Þingvöllum í dag, laugar-
dag, og verður gengið á Arnarfell.
Arnarfell er rúmlega 200 metra hár
móbergshryggur við norðaustanvert
Þingvallavatn. Arnarfell er með betri
veiðijörðum við vatnið. Á 20. öldinni
var reynt að rækta hreindýr á fjallinu
og um tíma lifðu þar nokkur dýr. Síð-
an 1998 hefur jörðin verið í eigu og
umsjón þjóðgarðsins á Þingvöllum.
Þar stendur íbúðarhús sem komið er í
eyði, fjós og hlaða, byggt um 1940. Út-
sýni af Arnarfelli er gott. Ef veður
leyfir sést þaðan allt norður til Esju,
austur í Þórisjökul og niður á Suður-
landsundirlendið.
Safnast verður saman við þjónustu-
miðstöðina þjóðgarðsins klukkan 13.
Frá þjónustumiðstöðinni verður
keyrt upp að Arnarfelli þar sem gang-
an hefst. Gangan tekur þrjár stundir
og nauðsynlegt er að vera vel skóað-
ur.
Gengið á Arnarfell
ÞJÓNUSTUDEILD Heimilisiðnað-
arfélag Íslands, Laufásvegi 2, 101
Reykjavík, verður opin langa laug-
ardaga í vetur frá kl. 13–17. Þar get-
ur að líta þjóðbúninga og íslensk út-
saumsmynstur og þar fæst allt er
þarf í vefnað.
Opið hús hjá heim-
ilisiðnaðarfélaginu