Morgunblaðið - 05.10.2002, Blaðsíða 49

MORGUNBLAÐIÐ LAUGARDAGUR 5. OKTÓBER 2002 49
Haustdagar
15-30%
afsláttur
af úrum og
skartgripum
dagana
2.-5. október
Laugavegi 5 og Spönginni
símar: 551 3383 - 577 1660
ÁHUGI almennings á viðureign-
um skákmanna og skákforrita virðist
fara sífellt vaxandi. Það líður varla sú
vika að einhver stórmeistarinn etji
ekki kappi við skákforrit
og aldrei vantar áhuga-
sama áhorfendur til að
fylgjast með viðureign-
unum. Sterkustu skák-
meisturum heims eru oft
boðnar háar upphæðir
fyrir að keppa við skák-
forritin. Föstudaginn 4.
október hófst ein slík
keppni, en þar er sjálfur
Vladimir Kramnik að
glíma við skákforritið
Deep Fritz í átta skáka
einvígi. Keppnin fer
fram í miðstöð hugar-
íþrótta í Barein. Verð-
launasjóðurinn er ekki
af verri endanum, en
Kramnik fær eina milljón banda-
ríkjadala ef hann sigrar í einvíginu.
Margir hafa orðið til að líkja þess-
ari viðureign við einvígi Kasparov við
Deep Blue 1997. Skipuleggjendur í
Barein hafa að sjálfsögðu ekki neitt á
móti því og kynna einvígið sem tæki-
færi mannsins til að ná fram hefndum
eftir hina slöku frammistöðu Kasp-
arov gegn Deep Blue.
Kramnik heldur því fram að Deep
Fritz sé mun öflugri en Deep Blue.
Þetta byggir hann á athugunum sín-
um á einvígisskákunum frá 1997.
Feng-Hsiung Hsu, maðurinn sem
átti mestan heiðurinn af Deep Blue,
er ekki sömu skoðunar. Í athyglis-
verðri bók hans, sem kom út fyrir
nokkrum dögum, segir hann að Deep
Blue hafi verið mun sterkari en Deep
Fritz og önnur þau skákforrit sem nú
eru sterkust. Það fæst líklega aldrei
úr þessu skorið, því IBM tók Deep
Blue snarlega í sundur eftir einvígið
og hefur aldrei fengist til að setja
búnaðinn upp á nýjan leik.
Aðspurður um úrslitin segist
Kramnik gera sig ánægðan með
4½–3½ sigur í einvíginu. Hann segist
hafa undirbúið sig vandlega fyrir ein-
vígið. Það verður því mjög athyglis-
vert að fylgjast með því hvernig hann
teflir gegn forritinu. Það er enginn
vafi á því, að til þess að ná bestum ár-
angri gegn skákforritum þarf að tefla
á allt annan hátt heldur en gegn
skákmönnum af holdi og blóði. Skyldi
Kramnik hafa einhverjar nýjar bar-
áttuaðferðir fram að færa gegn for-
ritinu?
Kramnik sýndi meiri skynsemi en
Kasparov, sem féllst á að tefla einvíg-
ið við Deep Blue án þess að hafa
nokkurn tíma fengið tækifæri til að
kynna sér hvernig tölvan tefldi.
Kramnik hefur haft Deep Fritz í ein-
vígisútgáfunni undir höndum um
nokkurn tíma og hefur þannig getað
kynnt sér forritið nokkuð vel.
Skákin á sér margar hliðar og þeim
virðist fara fjölgandi frekar en fækk-
andi með árunum. Þannig hefur á síð-
asta áratug verið að byggjast upp
ótrúlega stór hópur fólks sem hefur
brennandi áhuga á skákforritum, en
teflir aldrei í venjulegum skákmót-
um. Þar keppast menn um að etja
saman ólíkum skákforritum og láta
þau tefla þúsundir skáka sín á milli
undir mismunandi tímamörkum, á
mismunandi öflugum vélbúnaði
o.s.frv. Eitt deiluefnið í þessum hópi
er það hversu sterk
forritin séu orðin mið-
að við sterkustu stór-
meistara. Sumir efast
um að þau hafi náð
stórmeistarastyrk-
leika, meðan aðrir telja
að þau séu orðin jafn-
öflug og sterkustu
skákmenn heims. Það
verður fróðlegt að sjá
hvor hópurinn nær að
fagna að þessu einvígi
loknu.
Nýtt skákforrit
veldur uppnámi
Nýtt skákforrit hef-
ur heldur betur vakið
athygli að undanförnu. Forritinu er
dreift ókeypis, en er mun sterkara en
önnur slík forrit. Forritið kallast
Ruffian, en það eru einungis örfá for-
rit í heiminum sem eru sambærileg
að styrkleika. Þetta hefur valdið
miklu uppnámi meðal höfunda ann-
arra skákforrita. Höfundur eins
sterkasta skákforritsins, sem hefur
haft sitt lifibrauð af því að selja for-
ritið, sagðist ætla að snúa sér að öðru
ef Ruffian væri jafnöflugt og fyrstu
prófanir gæfu til kynna. Einnig kom
upp hver kenningin á fætur annarri
um það að forritskóðinn væri stolinn
og jafnvel að höfundurinn hefði kom-
ist í frumforrit Fritz. Ekkert af þessu
virðist vera rétt og hinn sænski höf-
undur forritsins hefur væntanlega
skemmt sér prýðilega yfir hasarnum
í kringum útgáfu forritsins. Þess má
geta að hann hefur í undirbúningi út-
gáfu fyrir Linux og Mac. Þeir sem
hafa áhuga á forritinu geta nálgast
það á vefnum: ruffian.hkust.se. Til
þess að keyra það þarf notendavið-
mót eins og Winboard, Chessbase
eða Chess Assistant.
Góð frammistaða Ingvars
Ingvar Ásmundsson teflir um
þessar mundir á Heimsmeistaramóti
öldunga á Ítalíu. Eftir fimm umferðir
var hann taplaus og í hópi efstu
manna á mótinu. Þá mætti hann hins
vegar stigahæsta keppendanum, ísr-
aelska stórmeistaranum Jacob Mur-
ey (2.496). Murey hafði sigur í við-
ureign þeirra og Ingvar hefur nú 4
vinninga. Hann er í 18.–36. sæti.
Efstur með 5½ vinning er lettneski
stórmeistarinn Janis Klovans (2.425).
SKÁK
Barein
KRAMNIK - FRITZ
4.–19. október 2002
Daði Örn Jónsson
Vladimir Kramnik
Kramnik
glímir við Fritz
í Barein
Bridsdeild Barðstrendinga er eitt fárra átthagafélaga sem staðist hafa
breytingarnar í bridsheiminum hér á höfuðborgarsvæðinu. Deildin spil-
ar í samstarfi við Bridsfélag kvenna og er þátttaka hjá þeim ágæt. Áætl-
að er að hefja 3–5 kvölda barometertvímenning nk. mánudag og stend-
ur skráning sem hæst. Einnig er hægt að skrá sig á spilastað ef mætt er
snemma en spilamennskan á að hefjast kl. 19.30. Myndin er frá verð-
launaafhendingu hjá félögunum sl. vor.
Gullsmárabrids
Bridsdeild FEBK Gullsmára spil-
aði tvímenning á ellefu borðum
fimmtudaginn 3. október sl. Miðl-
ungur 220. Beztum árangri náðu:
N/S
Auðunn Bergsv. – Sigurður Björnss. 262
Díana Kristjándsdóttir – Ari Þórðars. 255
Sigtryggur Ellertss. – Þórarinn Árnas. 241
A/V
Kristjana Halldórsd. – Eggert Kristinss. 274
Þórdís Sólmundsd. – Heiður Gestsdóttir 250
Sigurður Gunnlaugss. – Sigurpáll Árnas. 248
Spilað er mánu- og fimmtudaga.
Skráning kl. 12.45.
Bridsdeild
Félags eldri borgara
í Reykjavík
Tvímenningskeppni spiluð í Ás-
garði Glæsibæ mánud. 30. sept. 2002.
23 pör. Meðalskor 216 stig.
Árangur N-S:
Gísli Hafliðason – Magnús Oddsson 269
Albert Þorsteinsson – Bragi Björnsson 267
Júlíus Guðmundsson – Rafn Kristjánss. 245
Árangur A-V:
Ingibjörg Stefánsd. – Þorsteinn Davíðss. 252
Þorsteinn Laufdal – Magnús Halldórss. 250
Ásta Erlingsdóttir – Sigurður Pálsson 235
Tvímenningskeppni spiluð
fimmtud. 3. október. 22 pör. Meðal-
skor 216 stig.
Árangur N-S:
Ingibjörg Stefánsd. – Þorsteinn Davíðss. 251
Júlíus Guðmundss. – Rafn Kristjánss. 237
Ásta Erlingsdóttir – Sigurður Pálsson 231
Árangur A-V:
Björn E. Pétursson – Hilmar Ólafsson 243
Sigurleifur Guðjónss. – Hannes Ingib. 243
Eysteinn Einarsson – Kristján Ólafsson 234
BRIDS
Umsjón Arnór G.
Ragnarsson
Bridsfélag Kópavogs
Það er sagt að það sé gott að búa í
Kópavogi og það er ekki síður gott
að spila í Kópavogi. Það sýndi sig
þegar þriggja kvölda hraðsveita-
keppni hófst sl. fimmtudag með þátt-
töku 13 sveita.
Staða efstu sveita:
Orkuveitan 527
Óskar Sigurðsson 510
Ragnar Jónsson 499
Sigríður Möller 447
Meðalskor 432