Morgunblaðið - 05.10.2002, Blaðsíða 6

FRÉTTIR
6 LAUGARDAGUR 5. OKTÓBER 2002 MORGUNBLAÐIÐ
Netsalan ehf. Garðatorgi 3, 210 Garðabæ
Sími 565 6241 Fax 5 444 211 Netf.: netsalan@itn.is
Opið mán. - fös. kl. 10:00 - 18:00, lau. 10:00 - 12:00
Sýningarbílar á staðnum
OVERLAND og LIMITED
2003 ÁRG. ER KOMIN
JEEP GRAND CHEROKEE
NETSALAN
ÖSKUR og óhljóð bárust frá Hljóm-
skálagarðinum í gærdag. Þó var
þar ekkert misjafnt á ferð, annað
en samkoma framhaldsskólanema.
Tilefnið var árlegur MR/VÍ-dagur
þar sem nemendur Menntaskólans í
Reykjavík og Verslunarskóla Ís-
lands etja kappi í ýmsum greinum.
Öskurkeppni var ein þeirra og
skýrir óhljóðin úr garðinum.
En nemarnir létu sér ekki nægja
að öskra af öllum lífs og sálar kröft-
um heldur kepptu í reiptogi, sjó-
manni, boðhlaupi, kappáti, poka-
hlaupi og skák. Þá var keppt í
fótbolta í bæði karla- og kvenna-
flokki.
En það var Mexíkóahlaupið sem
ljósmyndari Morgunblaðsins festi á
filmu. Hlaupið gengur út á að synda
yfir tjörnina, spretta úr spori og
þamba öl. Um kvöldið var svo efnt
til ræðukeppni milli skólanna í
Verslunarskólanum.
Morgunblaðið/Jim Smart
Eftir sundsprett í Tjörninni spruttu keppendur úr spori í átt að ölinu.
Fjölbreytt keppni
á MR/VÍ-degi
JÓN Ólafur Skarphéðinsson, pró-
fessor og faðir eins pilts sem fórst í
flugslysinu í Skerjafirði fyrir rúmum
tveimur árum, segist í samtali við
Morgunblaðið ekki vita hvort hann
eigi að gleðjast eða lýsa yfir von-
brigðum með ákvörðun samgöngu-
ráðherra að skipa sérstaka rann-
sóknarnefnd í kjölfar skýrslu
breskra sérfræðinga. Ekki komi ná-
kvæmlega fram í tilkynningu ráð-
herra hvað nefndin eigi að gera og
ráðherra hafi gefið misvísandi skila-
boð í fjölmiðlum.
Jón Ólafur segir tvær beiðnir hafa
legið fyrir á borði ráðherra, annars
vegar frá aðstandendum fórnar-
lamba slyssins, þar sem óskað hafi
verið eftir því að rannsaka málið frá
a til ö, og hins vegar frá Rannsókn-
arnefnd flugslysa (RNF) um að skip-
uð yrði ný nefnd til að fara ofan í
saumana á rannsókn RNF og
skýrslum hennar. Jón Ólafur segir
að það hafi verið hið sama og Bret-
arnir hafi gert og ekki sé þörf á að
endurtaka það.
„Í tilkynningu ráðuneytisins er
talað um að verða við beiðni RNF en
í ummælum sínum í fjölmiðlum hefur
ráðherra sagt að hann ætlaði að
verða við beiðni okkar. Ráðuneytið
hefur ekkert haft samband við okkur
þannig að við vitum ekkert hvað ráð-
herra hyggst gera. Nú þarf bara að
láta hendur standa fram úr ermum,
opna rannsóknina og taka allt upp
frá grunni. Við getum ekki annað
gert en að bíða spennt eftir því
hvernig þessi nefnd verði skipuð og
hvernig erindisbréf hennar hljómar.
Hvorutveggja verður að vera trú-
verðugt,“ segir Jón Ólafur.
Beiðni aðstandenda
til stjórnvalda
Á vefsíðu aðstandenda flugslyss-
ins, flugslys.is, eru birtar þær óskir
sem farið var fram á við stjórnvöld
sl. mánudag í kjölfar skýrslu Bret-
anna. Eru þær eftirfarandi:
„Með tilliti til þeirra efasemda
sem skýrsla bresku sérfræðinganna
gefur tilefni til varðandi líklegustu
orsök slyssins, kringumstæðnanna
við veitingu lofthæfiskírteinis til
handa TF-GTI og gallanna varðandi
rannsókn á leitar- og björgunarað-
gerðum er þess krafist að ríkisstjórn
Íslands taki rannsókn Skerjafjarðar-
flugslyssins upp á ný að því leyti sem
aðstæður leyfa en eins og kunnugt er
hefur RNF fargað mikilvægum
sönnunargögnum. Þetta er nauðsyn-
legt til að tryggja að fram komi allar
tillögur í öryggisátt sem vönduð og
ítarleg rannsókn á slysinu kann að
gefa tilefni til.
Einnig er farið fram á að ríkis-
stjórnin tryggi að ef talið er viðeig-
andi að gefa út drög rannsóknar-
skýrslu um slys svo gera megi
athugasemdir, þá ætti að senda
skýrsluna til allra hagsmunaaðila en
ekki einungis eins og að tryggt verði
að tillögur RNF í öryggisátt verði
framkvæmdar.
Farið yfir málið í heild sinni
Jakob Falur Garðarsson, aðstoð-
armaður samgönguráðherra, sagði
við Morgunblaðið að með skipun
nýrrar rannsóknarnefndar væri
henni ætlað að „fara yfir málið í heild
sinni“, eins og hann orðaði það, og
þar á meðal þá þætti sem fjallað væri
um í skýrslum RNF og Bretanna.
Jakob sagði að með þessari ákvörð-
un liti ráðherra svo á að farið væri
eftir óskum aðstandenda og RNF.
Viðbrögð aðstandanda eins fórnarlamba flugslyssins í
Skerjafirði við ákvörðun samgönguráðherra
Viljum að málið verði
rannsakað frá a til ö
JÓN Kristjánsson heilbrigðisráð-
herra segir að unnið sé að því í heil-
brigðisráðuneytinu að gera Landspít-
ala – háskólasjúkrahús (LSH) að
samstarfsvettvangi Alþjóðaheilbrigð-
isstofnunarinnar (WHO) á sviði
mænuskaða og koma þar á fót gagna-
banka. Í Morgunblaðinu í gær var
sagt frá því að embættismönnum í
ráðuneytinu hefði verið falið að kalla
yfirmenn á LSH til fundar svo hægt
yrði að koma málinu af stað, en hóp-
urinn hefur aldrei komið saman.
Gagnabankinn væri ekki á fjárlögum
fyrir árið 2003, eins og Auði Guðjóns-
dóttur hefði skilist að ætlunin væri,
en hún hefur barist fyrir því að slíkur
banki verði stofnaður.
„Ég hef lagt á þetta mikla áherslu
á þeim fundum sem ég hef setið hjá
WHO, síðast á fundi í Kaupmanna-
höfn í september,“ segir Jón. Hann
segir að ákveðið hafi verið, m.a. í sam-
ráði við lækningaforstjóra LSH, að
bíða þar til nýr íslenskur sérfræðing-
ur á sviði mænuskaða komi til starfa á
sjúkrahúsinu. Tillögur verði mótaðar
eftir komu hans. „Við viljum tryggja
að spítalinn geti orðið samstarfsvett-
vangur á þessu sviði og viljum í öðru
lagi leggja drög að uppbyggingu
gagnagrunns og upplýsingabanka.
Þetta er markmiðið og ég mun taka
þetta verkefni upp þegar þessar til-
lögur liggja fyrir,“ segir ráðherra.
Eindreginn vilji í þessu efni
Hann bendir á að Davíð Á. Gunn-
arsson, ráðuneytisstjóri í heilbrigðis-
ráðuneytinu, sitji nú í stjórn WHO.
„Ég hef rætt það við hann að taka
þetta mál sérstaklega upp og fylgjast
með framvindu þess þar. Hann hefur
einsett sér að vinna að þessu. Auður
hefur unnið að þessu af þvílíkum
dugnaði að ég skil alveg að henni
finnist þetta ekki ganga nógu hratt,
en vilji okkar er alveg eindreginn í
þessu efni.“
Í Morgunblaðinu í gær sagðist
Auður óttast að ef stofnun bankans
drægist á langinn myndi Evrópuráð-
ið missa áhuga á verkefninu, en síð-
asta vor samþykktu 44 þingmenn á
Evrópuráðsþinginu tillögur um víð-
tækan stuðning við verkefnið, sem
taka þarf afstöðu til síðar á þessu ári.
Jón segist vonast til að málið taki
ekki það langan tíma að það spilli fyr-
ir því að Evrópuráðið styðji verkefn-
ið.
Jón Kristjánsson heilbrigðisráðherra
um gagnabanka um mænuskaða
Tekið upp þeg-
ar tillögur
liggja fyrir
FYRIRTÆKI á sviði tölvuþjónustu
hefur í Hæstarétti verið dæmt til að
greiða fyrrverandi starfsmanni sín-
um 1,4 milljónir fyrir laun á upp-
sagnarfresti auk 600 þúsund króna
málskostnaðar hans.
Málsatvik eru þau að manninum
var sagt upp störfum haustið 2000.
Ekki var deilt um lögmæti uppsagn-
ar, né að manninum hafi borið
þriggja mánaða uppsagnarfrestur,
en vinnu var ekki krafist af hálfu
hans á uppsagnarfrestinum. Maður-
inn kvaðst hafa flutt gögn milli net-
þjóna í eigu fyrirtækisins en af hálfu
þess var því haldið fram að gögn-
unum hefði verið eytt og þau ekki
fundist þar sem hann kvaðst hafa
vistað þau. Unnt hafði verið hins
vegar að nálgast þau á öryggisafriti.
Sönnun ekki nægileg
Hæstarétti þótti að fyrirtækið hafi
ekki tryggt sér nægilega sönnun um
þetta mikilvæga atriði og varð fyr-
irtækið að bera hallann af því. Óum-
deilt var að maðurinn flutti umrædd
gögn af heimasvæði sínu, eftir að
reglulegum starfsskyldum hans í
þágu fyrirtækisins var lokið, án þess
að vera um það beðinn og án þess að
láta forsvarsmenn þess af því vita.
Enda þótt réttinum þætti það ámæl-
isverð framganga var ekki talið að
hann hafi með henni brotið svo gegn
starfsskyldum sínum eða trúnaði við
fyrirtækið að heimilað gæti fyrir-
varalausa brottvikningu úr starfi.
Var því fallist á með manninum að
hann ætti rétt til greiðslu launa til
loka uppsagnarfrestsins.
Með dómi sínum staðfesti Hæsti-
réttur niðurstöðu Héraðsdóms
Reykjavíkur í málinu frá í desember
sl. Málið dæmdu Árni Kolbeinsson
og Ingibjörg Benediktsdóttir og
Arnljótur Björnsson fyrrv. hæsta-
réttardómari.
Tölvuþjónusta
dæmd í Hæstarétti
Greiði 1,4
milljónir
fyrir laun á
uppsagn-
arfresti
VIÐRÆÐUR fóru fram í gær í
Þórshöfn í Færeyjum á milli Ís-
lands og Færeyja samkvæmt
fríverslunarsamningi þjóð-
anna. Á fundinum var farið yfir
viðskipti landanna og mögu-
leika á því að auka þau.
Einnig var reynt að leysa
þau vandamál sem aftur hafa
komið upp vegna landamæra-
stöðva, þar sem Ísland er með-
höndlað sem þriðja ríki hvað
varðar innflutning á landbún-
aðarafurðum. Færeyingar
lýstu því yfir, í kjölfar samráðs
við framkvæmdastjórnina, að
túlkun ákvæða í viðkomandi
Evróputilskipun ylli vand-
kvæðum en stjórnvöld í Fær-
eyjum væru staðráðin í að leysa
þetta mál án tafar, svo að ís-
lenskar landbúnaðarafurðir
mundu eiga greiðari aðgang að
færeyskum mörkuðum.
Viðræður um
aukin við-
skipti við
Færeyjar