Morgunblaðið - 05.10.2002, Blaðsíða 40

MINNINGAR
40 LAUGARDAGUR 5. OKTÓBER 2002 MORGUNBLAÐIÐ
✝ Laufey HuldaSæmundsdóttir
fæddist 29.10. 1920.
Hún lést 15. septem-
ber síðastliðinn. For-
eldrar hennar voru
Sæmundur Ingi-
mundarson útvegs-
bóndi og Sigríður
Guðrún Eyjólfsdótt-
ir. Systkini Laufeyjar
Huldu voru: Sigrún
Karólína, f. 18.4.
1902. d. 10.4. 1989,
Kristmundur, f. 1.11.
1903, d. 21.8. 1981,
Rósa, f. 27.9. 1907, d.
25.10. 1984, Katrín, f. 15.10. 1910,
d. 30.9. 1929, og Ásta Þórhildur, f.
27.1. 1918, d. 4.1. 1986.
Laufey Hulda giftist Árna
Hannessyni frá Hvoli, f. 10.12.
1921, d. 4.6. 1999. Börn þeirra eru:
1) Sæmundur, f. 1943, búsettur í
Reykjavík, 2) Sigríður Guðrún, f.
1945, gift Frímanni Frímannssyni,
búsett á Akureyri og eiga þau
fimm börn, Ásdísi, búsetta í Dan-
mörku, Frímann, Soffíu, Hörpu og
Huldu. 3) Ársæll
Helgi, f. 1949,
kvæntur Ingunni
Sigurbjörnsdóttur
og eiga þau þrjár
dætur, Ingunni,
Laufeyju og Stefan-
íu. 4) Kolbrún, f.
1953, gift Viðari
Þorkelssyni og eiga
þau tvö börn, Frí-
mann og Hildi. 5)
Sunna, f. 1955, gift
Gunnari Sturlu, þau
eru búsett á Akur-
eyri og eiga þrjú
börn, Árna Jökul,
Guðrúnu Huld og Íunni Eiri. 6)
Helena, f. 1960 sambýlismaður
Stefán Ólafsson, saman eiga þau
Þórhildi Ósk og Helena á frá fyrra
sambandi Sigurð Árna Tryggva-
son. 7) Viðar, f. 1962, býr með
Svandísi Ósk Stefánsdóttur, þau
eru búsett í Reykjavík og eiga tvö
börn, Ísak og Jafet.
Útför Laufeyjar verður gerð frá
Landakirkju í Vestmannaeyjum í
dag og hefst athöfnin klukkan 14.
Elsku mamma, loksins ertu komin
á þann stað sem þú þráðir mest að
vera á, hjá þínu Draumbæjarfólki í
fjölskyldureitnum þar sem foreldrar
þínir hvíla og systkini þín Katrín, Sig-
rún, Rósa, Ásta og Kristmundur.
Þið systurnar voruð mjög sam-
rýndar, sérstaklega þegar eitthvað
skemmtilegt var í aðsigi, t.d. grímu-
ball, þar sem reyndi á hugmyndaflug-
ið hjá þér og þínum. Þá var tekið til
við að sauma frábæra búninga, enda
átti að slá í gegn í dansinum því það
var þitt yndi að dansa og vera innan
um skemmtilegt fólk. Þú hafðir gam-
an af að spila með systrum þínum.
Spilið hét „uppi í rúmi undir rúmi og í
koppnum“. Þið hlóguð svo mikið,
skelltuð á borðið og tókuð bakföll. Já,
það var ekki svo lítið sem gekk á þeg-
ar þið voruð að spila.
Þú varst sívinnandi frá morgni til
kvölds að ala upp sjö börn. Þú skipu-
lagðir allt svo vel og allt var svo
hreint og fínt. Reyttur var lundinn,
kartöflugarður og rabarbari sem þú
settir niður í sultu og grauta. Allur
fiskur var verkaður heima, þar á
meðal þinn frábæri sólþurrkaði salt-
fiskur. Þér þótti súlan og fýllinn mik-
ið lostæti. Farið í sölvafjöru og tínd
söl, allt verkað og þurrkað heima á
lóðinni og þegar því var lokið var allt
sett á sinn fasta stað. Fiðrið af lund-
anum settir þú í léreftspoka og
hengdir upp til þurrks og svo sagðir
þú okkur að allt þetta fiður færi í
kodda og sængur handa okkur börn-
unum.
Þú varst handlagin, mamma, og
saumaðir á okkur fallega kjóla og
fatnað og alltaf varst þú með tískuna
á hreinu og barst sérstakt skynbragð
á hvað var fallegt.
Alltaf hafðir þú nóg fyrir stafni og
sást til að allir hjálpuðust að, alltaf
eitthvað verið að atast, þú skelltir þér
með Rósu á síldarævintýrið á Rauf-
arhöfn og tókst Kollu, Sunnu og
Siggu með í þá ævintýraferð.
Ekki voru það síðri ævintýraferðir
og upplifelsi þegar farið var í Klauf-
ina og kíkt á þínar fornu heimaslóðir
við Draumbæ.
Elsku mamma, góða nótt, sofðu
rótt.
Börnin þín sjö.
Elsku hjartans mamma mín. Það
er margt sem kemur upp í hugann
þegar ég hugsa til baka um hve
margt þú kenndir mér á lífsleiðinni
og ég hef haft að leiðarljósi. Mamma
var mikil baráttukona og sagði okkur
krökkunum að standa á rétti okkar.
Þessi barátta kenndi mér að þegar ég
fór að starfa að verkalýðsmálum
mundi ég orðin hennar að hafa allt
skriflegt í samningum. Einnig talaðir
hún mikið um launamisréttið í land-
inu. Mamma og systur hennar voru
samhentar hvort sem var að fara út í
Klauf eða í úteyjarnar til að ná í
lunda. Spábollinn var aldrei langt
undan enda voru þær sannar Draum-
bæjardísir. Í bílskúrnum heima
reytti mamma ávallt lunda, og kenndi
mér listina að reyta og réttu hand-
brögðin. Einnig fór hún oft að tína söl
úti í Sölva, sem síðan voru breidd út
heima, í sólina til þurrkunar og feng-
um við systkinin að borða þetta lost-
æti. Söngurinn í Betel heillaði
mömmu og á hverju sunnudagskvöldi
fóru þær systurnar til að hlusta á
Einar í Betel flytja boðskap Jesú
Krists en trúin var hennar styrkur.
Mamma var dugnaðarforkur, sívinn-
andi enda nóg að gera að ala upp sjö
börn. Mamma var hagsýn húsmóðir,
t.d. saltaði hún kjötið og sólþurrkaði
saltfiskinn. Hún var handlagin,
saumaði handa okkur systrunum
kápur og kjóla með borðum, hafði
auga fyrir fallegu handbragði. Í gos-
inu 1973 var flúið upp á land, þá
breyttist allt. En mamma og pabbi
fluttu aftur til Eyja eftir gosið. Seinni
árin kom mamma oft norður til Ak-
ureyrar að heimsækja okkur Siggu
systur, við ferðuðumst og skoðuðum
meðal annars Mývatn og mikið
fannst henni umhverfið og litirnir fal-
legir. Við héldum alltaf góðu sam-
bandi þótt fjarlægðin á milli okkar
væri nokkur.
Elsku mamma, ég þakka þér fyrir
öll þau ár sem við áttum saman.
Þín dóttir
Sunna.
Elsku mamma nú kveð ég þig í síð-
asta sinn. Alltaf var mikið hlegið þeg-
ar allt lék í lyndi. Minningarnar þjóta
í gegnum hugann. Alltaf stóðum við
saman þegar eitthvað bjátaði á, en þá
varð að leysa málin svo öllum liði vel.
Saman yfirstigum við erfiðleikana.
Ég man svo vel þegar þú saumaðir
kjólana á okkur systurnar, kápurnar,
buxurnar fyrir fermingarveislur
systkinanna og þegar ég gifti mig þá
bakaðir þú terturnar. Elsta barnið
skírði ég heima hjá þér og alltaf hafð-
ir þú allt á boðstólum, þótt pabbi væri
veikur og kæmist ekki fram úr rúmi.
Alltaf vorum við systurnar látnar
vaska upp eftir matinn og ganga frá,
hjálpa þér með húsverkin, ryksuga
og þurrka af í stóra húsinu okkar. Þú
stjórnaðir alltaf öllu og skipulagðir
svo vel að allt væri nú hreint og fínt.
Þá var hægt að fara að leika sér, þeg-
ar allt var búið. Farið var í lunda,
teknar upp kartöflur og rabarbari,
sem var settur í sultu og graut. Þú
varst algjör snillingur í matargerð-
inni með grautana, sem voru alltaf
eftir matinn.
Margar unaðsstundirnar áttum við
saman í Reykjavík, þú vildir vinna
áfram, þar til þú varst komin á aldur
og búin að skila þínu dagsverki, svo
hlutirnir gengju upp, og unnum við
saman í Seljahlíð með eldra fólkinu,
sem var litlu eldra en þú varst sjálf og
hvað allir voru ánægðir með þig og
hvað þú hreinsaðir vel hjá því og svo
var alltaf viðkvæðið hvað þú litir vel
út, að þú gætir ekki verið þetta full-
orðin. Þá varstu nú ánægð með þig.
Nú er komið að því að kveðja þig,
elsku móðir mín, en við áttum svo
gott samtal rétt áður en þú kvaddir
þennan heim. Þú hafðir svo mikla
ánægju af að fá fréttir af öllum, vita
að allt væri nú í lagi og ef ekki þá
komu nú ráðleggingarnar. Ég sagði
þér að við Viðar minn værum að fara
til Spánar og strax og þeirri ferð lyki
kæmi ég út í Eyjar að heimsækja þig
í nokkra daga. Þú varst ánægð með
það. Að lokum sagði ég þér að ég væri
nú búin að segja þér allar fréttir af
öllum þeim sem þú þekktir og þú
þakkaðir kærlega fyrir. Buðum við
hvor annarri góða nótt og þá sagðir
þú: Mamma mín, góða nótt og sofðu
rótt, ég endurtók það sama við þig
með tárin í augunum yfir að geta ekki
verið hjá þér og hjálpað þér. En nú
bið ég Guð almáttugan að gæta þín,
og varðveita þar til við hittumst öll á
ný. Guð veri með þér, góða nótt
mamma mín og sofðu rótt eins og þú
kenndir mér sem barn.
Þín dóttir
Kolbrún.
Elsku hjartans amma Hulda, þú
hefur lifað tímana tvenna. Það fékk
ég að heyra hjá þér þegar ég átti að
skrifa heimildaritgerð um þær miklu
breytingar sem heimurinn hefur
gengið í gegnum á tuttugustu öldinni
sem nú er nýliðin. Þú sagðir mér að
hún hefði einkennst af miklum um-
brotatímum, m.a. tveimur heims-
styrjöldum og miklum byltingum í
tækni.
Amma Hulda fæddist í Vest-
mannaeyjum, á sveitabæ sem hét
Draumbær, sem hún hélt mikið upp
á. Þaðan voru aðaldraumadísirnar
komnar, sagði hún. „Guðrún mín þú
skalt vera stolt af því að vera Draum-
bæjardís.“
Afi langi, hann Sæmundur, var
sjálfmenntaður dýralæknir auk þess
að vera útvegsbóndi, og amma Sig-
ríður Guðrún sá um heimilisstörfin.
Þú talaðir um þau sem stórglæsileg
hjón.
Þú gekkst í Barnaskólann í Vest-
mannaeyjum þar sem þú lærðir að
lesa og skrifa þína lykkjuskrift,
dönsku og kristinfæði. Þú sagðir að
það gerði þig að sterkari manneskju
að trúa á Jesú Krist. En aðalleikföng-
in þín voru skeljar og kindabein sem
þú lékst þér með ásamt systkinum
þínum. Allir hjálpuðust að með þau
verk sem til féllu eins og heyskap,
eggjatöku, þegar farið var á sölva-
fjöru eða settar niður kartöflur. Það
var veiddur lundi sem þurfti að reyta,
og þar voru sko ekki viðhöfð nein
vettlingatök. Það þurfti að lifa af
landsins gæðum og þar var fýllinn
þinn uppáhaldsmatur. Já, hann
langafi minn hann Sæmundur var
með kýr og hænur og stundaði vöru-
skipti, eins og þá tíðkuðust. Núna skil
ég betur hvað þín kynslóð þurfti að
berjast hart fyrir lífi sínu. Ég skil
einnig betur áhuga þinn á verkalýðs-
málum.
Nú er kveðjustundin runnin upp,
elsku besta amma, hvíl þú í friði hjá
Guði.
Vertu yfir og allt um kring
með eilífri blessun þinni.
Sitji Guðs englar saman í hring
sænginni yfir minni.
(Sig. Jónsson.)
Þín
Guðrún Huld.
Litlar rauðhærðar systur sitja í
eldhúsinu á Brimhólabrautinni,
amma að útbúa meðlæti með kaffinu
og afi að koma frá því að verka lunda.
Fjölskyldan á löngu ferðalagi, farið
til Vestmannaeyja að hitta ömmu og
aðra ættingja, sprangað og leikið sér.
Amma að koma í frí til Akureyrar,
Fjóla frænka með í för, settur á sig
varalitur og stormað í bæinn í leit að
sokkabuxum með glimmeri.
Sumarbústaðaferðir, háværar og
glaðlyndar systur leika á als oddi og
amma hefur gaman af.
Afmæli, amma 80 ára, í sínu fínasta
pússi og vel til höfð. Svona er minn-
ing mín um ömmu mína.
Elsku amma, hvíl þú í friði. Megi
Guðs englar vaka yfir þér.
Þín dótturdóttir
Soffía Frímannsdóttir.
LAUFEY HULDA
SÆMUNDSDÓTTIR
Ástkær móðir okkar, tengdamóðir, amma og
langamma,
LAUFEY HULDA SÆMUNDSDÓTTIR
frá Draumbæ,
verður jarðsungin frá Landakirkju Vestmanna-
eyjum, í dag, laugardaginn 5. október kl. 14.
Sæmundur Árnason,
Sigríður Guðrún Árnadóttir, Frímann Frímannsson,
Ársæll Helgi Árnason, Ingunn Sigurbjörnsdóttir,
Kolbrún Árnadóttir, Viðar Már Þorkelsson,
Sunna Árnadóttir, Gunnar Sturla Gíslason,
Helena Árnadóttir, Stefán Ólafsson,
Viðar Árnason, Svandís Ósk Stefánsdóttir,
barnabörn og barnabarnabörn.
Elsku hjartans maðurinn minn, faðir okkar,
tengdafaðir, bróðir, mágur, afi og langafi,
GUNNAR H. STEINGRÍMSSON,
Leiðhamrar 48,
Reykjavík,
lést á líknardeild Landakotspítala föstudaginn
4. október.
Halldóra Óladóttir,
Sigríður O. Gunnarsdóttir,
Oddný Gunnarsdóttir, Hörður E. Sverrisson,
Halldór Steingrímsson, Guðrún Jensdóttir,
barnabörn og barnabarnabarn.
Elskuleg eiginkona mín, móðir okkar, dóttir,
tengdadóttir og systir,
ADDA SIGRÍÐUR ARNÞÓRSDÓTTIR,
Dísarási 16,
Reykjavík,
lést á líknardeild Landspítalans að kvöldi
fimmtudagsins 3. október.
Stefán Rúnar Garðarsson,
Hilmar Þór Rúnarsson,
Guðfinna Rúnarsdóttir,
Kjartan Már Rúnarsson,
Sigríður Eiríksdóttir,
Garðar Sigjónsson
og systkini hinnar látnu.
Ástkær sambýlismaður minn, faðir okkar,
tengdafaðir, afi og langafi,
JÓHANNES BJÖRNSSON,
Hjallavegi 1,
Ytri-Njarðvík,
er látinn.
Útför hefur farið fram í kyrrþey að ósk hins
látna.
Aðstandendur þakka öllum þeim, er auðsýndu þeim samúð og vinarhug
við andlát hans og útför.
Guð blessi ykkur öll.
Helga Björnsdóttir,
börn, tengdabörn
barnabörn og barnabarnabörn.
Ástkær sonur okkar og bróðir,
BENADIKT ÞÓR HELGASON,
lést á barnadeild Landspítalans við Hringbraut
fimmtudaginn 3. október.
Útförin auglýst síðar.
Þórarinn Helgi Bergsson, Deborah Leah Bergsson,
Steven Geir Helgason og Nicholas Þór Helgason.