Morgunblaðið - 06.10.2002, Blaðsíða 42

MINNINGAR
42 SUNNUDAGUR 6. OKTÓBER 2002 MORGUNBLAÐIÐ
✝ Kristján SvavarJensson fæddist
3. febrúar 1931 á
Minna-Garði í Mýra-
hreppi í V-Ísafjarð-
arsýslu. Hann lést á
Landspítalanum 26.
september síðastlið-
inn. Foreldrar hans
voru Ásta Sóllilja
Kristjánsdóttir, hús-
freyja í Minna-Garði
og á Læk í Mýra-
hreppi, f. í Breiðadal
í Flateyrarhreppi í
V-Ís. 6. janúar 1892,
d. 28. janúar 1936, og
Jens Jónsson, kennari og bóndi á
Læk og á Minna-Garði, f. á Fjalla-
skaga í Mýrahreppi 6. september
1890, d. 15. desember 1976. Systk-
ini Kristjáns eru: Jón Óskar, lát-
inn, Áslaug Sólbjört, Jensína, Sig-
ríður, Hilmar, látinn, Soffía Gróa
og hálfbróðir samfeðra Gunn-
björn. Kristján kvæntist Unni El-
ísdóttur og áttu þau saman fimm
dætur: Eina dóttur misstu þau í
fæðingu. Guðrún Ásta, gift Ísleifi
Tómassyni, eiga þau fjögur börn
og þrjú barnabörn. Elín Hrefna,
gift Friðþóri Kr. Eydal, eignuðust
þau fjögur börn en misstu einn
son ungan. Auður, gift Snorra
Pálmasyni, eiga þau
tvö börn. Bára, gift
Bergþóri Karlssyni,
eiga þau tvær dætur.
Kristján átti líka
börnin: Kristínu,
gifta Guðmundi H.
Péturssyni, eiga þau
tvo syni, frá fyrra
hjónabandi átti
Kristín einn son og
eiga þau fjögur
barnabörn. Hjört
Heiðdal, kvæntan
Sigurlaugu Helga-
dóttur, og eiga þau
eina dóttur, fyrir átti
Sigurlaug þrjú börn. Kristján
kvæntist eftirlifandi konu sinni
Sólveigu Björnsdóttur hinn 16.
apríl 1986 eftir 12 ára sambúð.
Fóstursynir þeirra eru: Björn Jón-
asson, kvæntur Hólmfríði Þórðar-
dóttur, eignuðust þau þrjá syni,
misstu einn af slysförum og eiga
þau tvö barnabörn. Runólfur
Hilmar Júlíusson, kvæntur Ernu
Ingólfsdóttur, eiga þau einn son.
Kristján var lærður bifvélavirki
og vann lengst af við þá iðn.
Útför Kristjáns verður gerð frá
Áskirkju á morgun, mánudaginn
7. október, og hefst athöfnin
klukkan 13.30.
Elsku pabbi, þetta hafa verið þér
svo erfiðir tímar undanfarið en samt
höfum við átt svo margar ánægju-
legar stundir sem er gott að minn-
ast. Einhvern veginn gat okkur þótt
gaman að vera saman og gátum
elskað hvort annað þótt við værum
eins og eldfjöll sem gjósa á víxl. Þú
varst heldur ekki feiminn við að sýna
ást, blíðu og hversu stoltur þú værir
af mér. Það var þá alltaf einhver sem
fannst ég frábærust og best, gott að
vita af því. Reyndar var ekki erfitt
fyrir fólk að þykja vænt um þig því
þú vildir allt fyrir alla gera og marg-
ir sem leituðu til þín ef eitthvað var
að, þá sérstaklega ef hlutir þurftu
viðgerð og einkum bílarnir, því þar
varst þú snillingurinn. Svo er líka
gaman að hugsa um það hversu
ánægður þú varst með hópinn þinn,
þá sérstaklega barnabörnin, hvert
og eitt einasta var alveg einstaklega
gáfað og vel heppnað í þínum aug-
um, sem og þau hljóta auðvitað að
vera. Kristján snillingur í bílunum,
enginn siglir betur en Dóri og öll hin
best í einhverju öðru. Guð blessi þig
elsku kossakarlinn minn.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti,
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfin úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sig.)
Þín
Bára.
Elsku afi, það er skrítið að hugsa
til þess að þú sért farinn þótt þú sért
búinn að vera veikur lengi. Þó að við
þekktumst ekki mjög vel veit ég að
þú varst góður maður og í þau skipti
sem við komum að heimsækja þig
upp á spítala reyttirðu af þér brand-
arana og brostir, sama hversu kval-
inn þú varst.
Elsku afi, við vitum að eftirfar-
andi á vel við, því mamma sagði okk-
ur hvað ykkur fór á milli fyrir
skömmu.
KRISTJÁN SVAVAR
JENSSON
✝ Eyrún Þorleifs-dóttir fæddist í
Reykjavík 14. októ-
ber 1926. Hún lést á
hjúkrunarheimilinu
Skógarbæ hinn 27.
september síðastlið-
inn. Foreldrar Ey-
rúnar voru Þorleifur
Eyjólfsson, f. 26.8.
1898, d. 25.7. 1973,
og Ólöf Valgerður
Diðriksdóttir, f. 5.3.
1897, d. 9.10. 1985.
Bræður Eyrúnar eru
fjórir: Eyjólfur, f.
23.6. 1923, d. 3.10.
1953; Sverrir, f. 18.7.1925, d.
27.10. 1998; Ólafur Diðrik, f.
3.5.1931, d. 3.10.1953; og Þórólf-
ur Valgeir, f. 18.10. 1940. Eyrún
giftist 4.4. 1953 Gísla Guðmunds-
syni, f. 2.7.1931. Foreldrar hans
voru Guðmundur Helgason, f.
28.12. 1899, og Torfhildur Guð-
rún Helgadóttir, f. 18.12. 1897.
Börn Eyrúnar og Gísla eru: 1)
Þorleifur, f. 26.11. 1951, kona
hans er Ásdís Jónsdóttir, börn
þeirra eru Jón Þór og Eyrún; 2)
Stefanía Vigdís, f.
16.7. 1956, maður
hennar er Magnús
Ingimundarson,
börn þeirra eru
Ólöf, Þorbjörn Gísli
og Bogi Rafn; 3)
Guðmundur, f. 15.9.
1958, kona hans er
Hafrún Hrönn
Káradóttir, dætur
þeirra eru Eyrún og
Jakobína, Hafrún
átti fyrir Kolbrúnu
Agnesi og Þorstein
Smára; 4) Guðrún
Torfhildur, f. 10.11.
1959, maður hennar er Magnús
Atli Guðmundsson, börn þeirra
eru Gísli Rúnar, Sigríður Hrönn,
Guðmundur Óli og Íris Dröfn; 5)
Guðbjörg Þórey, f. 2.8. 1961,
börn hennar og fyrrv. manns
hennar, Gunnars Jónssonar, eru
Ármann Kristinn og Guðrún Þór-
hildur.
Útför Eyrúnar verður gerð frá
Grafarvogskirkju á morgun,
mánudaginn 7. október, og hefst
athöfnin klukkan 15.
Elsku mamma, þá er þetta búið.
Nú getur þú haldið til nýrra staða og
við farið að muna þig eins og þú
varst, ekki sem Alzheimersjúkling
heldur sem móður okkar sem sá um
að kenna okkur réttlæti, víðsýni og
ekki síst umburðarlyndi. Það að fá að
muna þig eins og þú varst þegar við
vorum að alast upp er besta gjöfin
okkar í dag.
Það var þér og fjölskyldunni mikið
áfall þegar bræður þínir, Eyjólfur og
Ólafur, dóu. Þeir ásamt pabba höfðu
keypt saman bát en þegar farið var í
fyrstu ferðina út fyrir höfnina komst
pabbi ekki með þar sem hann fékk
ekki frí í vinnunni. Eyjólfur og Ólaf-
ur komu ekki aftur þar sem báturinn
fórst í þessari sjóferð.
Það var þér mjög erfitt að gleðjast
yfir því að forsjónin hélt hlífiskildi
yfir pabba á sama tíma og bræður
þínir voru ekki eins lánsamir.
Þú varst forlagatrúar og sagðir við
okkur að pabbi hefði ekki verið feig-
ur.
Þú varst heimavinnandi húsmóðir
á meðan við vorum lítil eins og al-
gengt var með konur af þinni kyn-
slóð. Við viljum muna ferðalögin, þar
sem þú söngst manna mest í bílnum,
og tímann sem þú varðir með okkur
við að föndra, sauma og prjóna á
dúkkurnar okkar. Þessar stundir
voru einnig notaðar til að spjalla um
lífið og tilveruna. Þú varst ótrúlega
dugleg að dunda með okkur. Eins
má ekki gleyma tímunum þegar þú
bakaðir með okkur en þá var setið
við eldhúsborðið í Ásgarðinum og við
börnin settum í form eða mótuðum
kökurnar á meðan þú hrærðir og
sást um bakarofninn.
Viðkvæði þitt var að jafnt skyldi
yfir alla ganga. Brúðargjafir til okk-
ar miðuðust við hvað kæmi okkur
best en verðgildið skyldi ávallt vera
það sama. Þannig var allt sem við-
kom gjöfum. Þegar þið pabbi fóruð í
utanlandsferðir fylgdi því gjafaflóð
þegar heim var komið sem gladdi
bæði okkur og barnabörnin. Vissum
við sem var að engum var gleymt.
Ferðalög með fjölskylduna voru
alveg sérkafli í lífi okkar. Fljótlega
eftir að þið pabbi eignuðust bíl var
farið í fyrstu útileguna. Eftir það var
farið eins oft og mögulegt var, svo
ekki sé minnst á sunnudagsbílt-
úrana. Veiðiferðir með ömmu, Tóta
frænda og öllum hinum ættingjunum
sem hægt var að hóa saman voru
stór hluti af tilverunni. Veiðiferðir í
Vatnsdalinn gegndu stóru hlutverki í
lífi okkar um langt skeið, en þangað
var farið í nærri tuttugu ár. Fyrst
var gist í tjöldum, svo í Flóðvangi og
síðar var gist í veiðihúsinu „hinum
megin“. Margar ferðir fórum við í
sumarhús hér og þar um landið, en
eftir að þið pabbi keyptuð sumarbú-
stað í Eilífsdalnum tók hann við.
Þegar við stálpuðumst fórstu að
vinna í Dúki, sem var saumastofa.
Þar áttir þú nokkur góð ár og eign-
aðist margar góðar vinkonur. Það
átti vel við þig að vinna úti og þú
vannst á sama stað þar til læknarnir
bönnuðu þér að vinna vegna brjó-
skeyðingar í baki.
Eftir að þú hættir að vinna fórstu
að hafa tíma fyrir áhugamálin. Ekki
má gleyma öllum stundunum þar
sem þú passaðir börnin fyrir okkur
og lagðir þeim reglurnar. Þau kunnu
að haga sér vel hjá ömmu þó svo þau
kynnu engar reglur heima við.
Nokkrum árum eftir að þú hættir að
vinna greindist þú með lungna-
krabbamein og var annað lungað
tekið. Það var ótrúlegt hvað þú varst
fljót að ná þér aftur og strax fórstu
að spyrja hvort þú gætir aðstoðað
með börnin.
Það er merkilegt að þótt þú værir
meira og minna lasin alla ævi fannst
okkur það ekkert tiltökumál og þrátt
fyrir veikindin varstu alltaf sú
mamma sem hægt var að spjalla við
um heima og geima. En þegar þú
byrjaðir að verða fyrir minnisglöp-
um vissum við ekki hvað var að ger-
ast og áttum erfitt með að taka því.
Þú sem mundir allt fórst allt í einu að
gleyma tímum hjá læknum eða varst
ekki heima þegar einhver hafði ætl-
að að koma til þín. Eða þegar þú
hringdir í pabba og varst alveg hissa
á henni dóttur þinni, hún hefði komið
EYRÚN
ÞORLEIFSDÓTTIR
Þökkum auðsýnda samúð við andlát og útför
móður okkar og tengdamóður,
JÓNU KRISTMUNDSDÓTTUR,
Logafold 20.
Eggert Gíslason,
Valgerður Gísladóttir, Loftur Ólafsson,
Þorbjörn Gíslason, Sigríður Halldórsdóttir,
Rúnar Gíslason, Brynja Jóhannsdóttir,
Bára Gísladóttir, Gunnar Gunnarsson,
Ragnheiður Gísladóttir, Hrafnkell Gíslason
og aðrir aðstandendur.
Innilegar þakkir fyrir auðsýnda samúð og hlýhug
við andlát og útför elskulegrar móður okkar,
tengdamóður, systur og ömmu,
SÓLVEIGAR MATTHÍASDÓTTUR
ljósmóður,
Efstahjalla 11,
Kópavogi.
Sérstakar þakkir til sr. Írisar Kristjánsdóttur,
sóknarprests í Hjallakirkju.
Sigríður Björk Bragadóttir, Sigurður Grendal Magnússon,
Berglind Bragadóttir, Stefano Rosatti,
Skúli Matthíasson
og barnabörn.
Innilegar þakkir fyrir auðsýnda samúð og hlýhug
við andlát og útför ástkærs eiginmanns míns,
föður okkar, tengdaföður, afa og langafa,
VALDIMARS GUÐJÓNSSONAR,
Kirkjusandi 3.
Sérstakar þakkir til starfsfólks deildar 13D á
Landspítalanum við Hringbraut fyrir góða
aðhlynningu.
Kristlaug Ólafsdóttir,
Ingvar Finnur Valdimarsson, María Karlsdóttir,
Guðjón Þór Valdimarsson, Guðrún Ólafsdóttir,
barnabörn og barnabarnabörn.
Alúðar þakkir færum við öllum, er sýndu okkur
og fjölskyldu okkar samúð og hlýhug vegna
andláts og útfarar
KETILS AXELSSONAR,
Ægisíðu 70,
Reykjavík.
Sérstakar þakkir færum við starfsfólki og
læknum hjarta- og gjörgæsludeildar Land-
spítalans fyrir góða umönnun.
Margrét Gunnlaugsdóttir,
Axel Ketilsson, Laufey Torfadóttir,
Jón Ketilsson,
Gunnlaugur Örn Ketilsson,
Björn Óli Ketilsson, Ingibjörg Lárusdóttir,
Soffía Ólöf Ketilsdóttir, Heimir Erlingsson,
barnabörn og barnabarnabörn.
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar