Morgunblaðið - 06.10.2002, Blaðsíða 57

FÓLK Í FRÉTTUM
MORGUNBLAÐIÐ SUNNUDAGUR 6. OKTÓBER 2002 57
www.ReykjavikJazz.com/
Í dag
Í kvöld
Pönnukökujazz
á Kaffi Reykjavík
Eistneska söngkonan Margot Kiis ásamt Gunnari Gunnarssyni píanó,
Gunnari Hrafnssyni bassa og Erik Qvick trommur
kl. 15:00 - kr. 1.900 (innifalið pönnuköku- hlaðborð)
Stórsveit Reykjavíkur undir stjórn Greg Hopkins með
3 trommuleikurum, Gunnlaugi Briem, Einari Val Scheving og
Jóhanni Hjörleifssyni. Leikin verða verk eftir Buddy Rich og
verða háð trommueinvígi á sviðinu
Kl. 20:30 - kr. 1.500
Lokatónleikar -
Battle for
Buddy
á Broadway
Flottu
haust- og vetrarlitirnir
eru komnir
Kynning
Kynning á morgun, mánudag, LYFJA LÁGMÚLA
Kynning á þriðjudag LYFJA SMÁRATORGI
Kynning á miðvikudag LYFJA KRINGLUNNI
Gjöf fylgir kaupum
Allar kynningarnar eru frá kl. 12-17
TÓNLISTARFERILL Robbie Will-
iams kann að bíða hnekki á næst-
unni. Fáeinum klukkutímum eftir
að hann skrifaði undir samning upp
á tæpa ellefu milljarða íslenskra
króna við EMI-risann kom í ljós að
Guy Chambers, maðurinn sem hefur
samið lög með Robbie frá byrjun, er
ekkert of æstur í að halda því sam-
starfi áfram.
Umboðsskrifstofa Robbie hefur
farið fram á að Chambers vinni ein-
vörðungu með Williams en Chamb-
ers er ekki á sama máli og vill hafa
frjálsari hendur. Kreppufundur
verður haldinn eftir helgi og ef sátt
næst ekki á honum verður allt í
lausu lofti.
Samningurinn góði hljóðar upp á
fjórar plötur og er sú fyrsta, Esc-
apology, tilbúin en þar á Chambers
sitt innlegg. Innanbúðarmenn á EMI
óttast að snúi Chambers baki við
þeim og Robbie standi þeir illa að
vígi hvað næstu þrjár plötur snertir.
Williams, sem er 28 ára gamall,
flaug vígreifur í vikunni til London
eftir sex mánaða frí í Los Angeles.
„Ég er ríkari en mig hefur
nokkru sinni dreymt um,“ sagði
hann glaður í bragði er hann var
inntur eftir áliti sínu á herlegheit-
unum.
Samningur Robbie er næststærsti
samningur sem gerður hefur verið í
dægurtónlistargeiranum. Aðeins
sjálfskipaður konungur poppsins,
Michael Jackson, hefur gert stærri
samning, en hann gerði samning
upp á rúma 60 milljarða við Sony á
sínum tíma.
Á Escapology verður gerð mark-
viss tilraun til að slá í gegn á Banda-
ríkjamarkaði en á fyrstu smáskíf-
unni syngur Williams dúett með Ms.
Dynamite, sem vann hinn eftirsóttu
Mercury-verðlaun á dögunum.
„Ég hlakka mikið til að fara og
leika plötuna á hljómleikum. Þetta
er fyrsta platan sem ég er verulega
stoltur af,“ er haft eftir hinum yf-
irlýsingaglaða Robbie Williams.
Höfundateymi í hættu
Ferill Robbies Williams á hálum ís
Robbie Will-
iams: „Fari
það kolað!“
Guy Chambers:
„Ég er frjáls!“
SKIPTINEMARNIR Hiromi Andr-
ea Gut, 16 ára Svisslendingur, Aless-
andro Franzoi, 17 ára Ítali, og Kerv-
ing Melo, 16 ára frá Venesúela, eiga
það sameiginlegt að hafa komið
hingað til lands um miðjan ágúst og
ætla að dvelja hérna næsta árið. Hi-
romi er í Flensborgarskólanum í
Hafnarfirði, Alessandro er í Mennta-
skólanum við Sund en Kerving er sú
eina sem dvelur ekki á höfuðborg-
arsvæðinu því hún stundar nám við
Verkmenntaskólann á Akureyri.
Þeim líkar öllum vistin vel á Ís-
landi en þau eru hingað komin á veg-
um AFS, alþjóðlegra sjálfboða- og
fræðslusamtaka, sem starfa í yfir 50
löndum í öllum heimsálfum. Aless-
andro nefnir þó sérstaklega að hann
sé hrifinn af öllu heita vatninu og
sundlaugunum og Hiromi játar að
finnast íslenskt sælgæti mjög gott.
Þremenningarnir hafa samt furð-
að sig á ýmsu sem er frábrugðið
heimalandi þeirra. „Unglingarnir
drekka mikið áfengi,“ segir Aless-
andro og hlæja stelpurnar um leið og
hann segir þetta og greinilegt er að
þau eru öll sammála um þetta atriði.
Kerving er mjög hrifin af nátt-
úrunni og Alessandro finnst mosi fal-
legur. Hiromi minnist á að mjög ein-
kennileg lykt sé af heita vatninu hér,
og eru hinir krakkarnir alveg sam-
mála. Orðið „busadagur“ vekur hins
vegar misjafnar minningar. Greini-
legt er að þau eru almennt jákvæð og
ánægð með dvölina og hlakka til að
skoða landið betur yfir helgina. „Og
sjá Þingvelli,“ segir Hiromi.
Þau dvelja ásamt rúmlega 30 er-
lendum skiptinemum til viðbótar á
Úlfljótsvatni um helgina. Þar sækja
þau námskeið á vegum AFS ásamt
um 30 íslenskum unglingum, sem
hafa áhuga á að vinna í sjálfboða-
vinnu fyrir samtökin.
Fræðsla um menningarmun
Umsjón með ferðinni hafa fulltrúi
erlendra nema hjá AFS, Rósa Björg
Þorsteinsdóttir, og fulltrúi íslenskra
nema, Ingibjörg Ólafsdóttir. Að sögn
Rósu hljóta erlendu skiptinemarnir
fræðslu um ólíka menningarheima á
námskeiðinu. Hún segir að eftir sex
vikna dvöl í nýju landi komi oft upp
heimþrá. Skiptinemarnir eru enn
fremur komnir inn í hversdagslífið
að þessum tíma liðnum og þurfa
stuðning við aðlögun, að sögn Rósu.
Ingibjörg segir að tilvonandi sjálf-
boðaliðar læri um starfsemi samtak-
anna og hvað þau geti gert til að-
stoðar. Hún nefnir sem dæmi að
hlutverk sjálfboðaliða sé að taka við-
töl við tilvonandi íslenska skipti-
nema.
Hrafnhildur Ólafsdóttir, 18 ára
nemi við Menntaskólann í Kópavogi,
og Tómas Kristjánsson, 18 ára nemi
við Menntaskólann við Hamrahlíð,
ætla bæði að starfa í sjálfboðavinnu
hjá AFS í vetur. Hrafnhildur var
skiptinemi í Pennsylvaníu í Banda-
ríkjunum og Tómas í Dóminíska lýð-
veldinu. Þau komu bæði til baka á
þessu ári og eru sammála um að það
sé mikil lífsreynsla að dveljast í öðru
landi. „Ég hef áhuga á að hjálpa öðr-
um til að upplifa það sama og ég
gerði,“ segir Tómas um ástæður
þess að hann ákvað að gerast sjálf-
boðaliði og Hrafnhildur tekur í sama
streng.
Þeim fannst gaman að kynnast
annarri menningu og segjast kunna
að meta Ísland bæði betur og verr
eftir skiptinemadvölina. Tómas
nefnir sem dæmi að hann kunni bet-
ur að meta öryggið á Íslandi eftir að
hafa dvalið í Dóminíska lýðveldinu.
Annars eru þau sammála um að
það besta við að vera skiptinemi sé
að kynnast öðrum skiptinemum víðs
vegar að úr heiminum.
Vel er hægt að ímynda sér að
krakkarnir sem voru samankomnir í
anddyri AFS á föstudaginn séu sam-
mála því en stemningin var eins og
best verður á kosið og var mikið
skrafað og hlegið.
Líf í nýju
ljósi
Morgunblaðið/Jim Smart
Hrafnhildur og Tómas ætla að
vera sjálfboðaliðar hjá AFS.
Hiromi, Alessandro og Kerving
eru ánægð á Íslandi.
Stemningin var góð í húsnæði
AFS fyrir ferðina.
Íslenskir og erlendir skiptinemar í helgarferð
ingarun@mbl.is