Morgunblaðið - 06.10.2002, Blaðsíða 45

MINNINGAR
MORGUNBLAÐIÐ SUNNUDAGUR 6. OKTÓBER 2002 45
hlustað á fréttir og annað gott í út-
varpinu. Síminn hringir sjaldan:
merkjamál, tvær stuttar, ein löng.
Bannað að hlera. Farið snemma að
sofa meðan Björn skrifar dagbókina
og fýllinn skrafar í fjallinu.
Þessi og önnur minningabrot
koma ósjálfrátt í hugann þegar ég
sest niður til að minnast móður-
bróður míns, Björns Gissurarsonar.
Ég kann ekki að minnast hans með
öðrum hætti. Ég er af þeirri kyn-
slóð sem naut þeirra forréttinda að
eyða sumrum æskunnar í sveitad-
völ. Enn meiri forréttindi að vera
hjá vandamönnum sem vildu manni
allt hið besta. Við erum mörg sem
nutum þess að vera lengur eða
skemur í Drangshlíð og ég er þess
fullviss að ég tala fyrir munn þeirra
allra er ég segi að sumrin þar voru
mikilvæg lærdóms- og þroskasum-
ur. Þar var gott að vera og tilhlökk-
unin einlæg á hverju vori að ljúka
skóla og komast í sveitina til að
vera eins lengi fram á haustið og
frekast var kostur.
Þeir Björn og Ísleifur tóku við
búi foreldra sinna að föður þeirra
látnum og áttu farsælan feril sem
bændur í Drangshlíð. Ísleifur lést
fyrir aldur fram á 65. aldursári.
Björn hélt áfram búskap en hálfsjö-
tugur brá hann búi og dvaldi eftir
það hjá systur sinni Ásu og mági
sínum Guðmundi Guðjónssyni í
Kópavogi. Þar átti hann góða daga
rúman aldarfjórðung. Hann leyfði
sér á þessum tíma það sem lítið tóm
hafði gefist til áður vegna bústarfa,
að ferðast um önnur lönd. Hann fór
margar ferðir vestur um haf og
austur, um Kanada, Bandaríkin,
Norðurlönd, Þýskaland og Frakk-
land, og naut þessara ferða í ríkum
mæli. Hann átti líka góðan fé-
lagsskap meðal eldri borgara í
Kópavogi og naut þessa félagslífs
mjög. Þeim sem fyrir því standa ber
að þakka. En mestar þakkir eiga þó
skildar systir hans og mágur og
þeirra fjölskylda fyrir að opna hon-
um heimili sitt og veita honum skjól
og aðhlynningu í 26 ár. Gæsku
þeirra og örlæti virðast engin tak-
mörk sett og undrast þó enginn sem
þau þekkir.
Síðustu árin átti Björn við van-
heilsu að stríða og um nokkurra
mánaða skeið lá hann á Landspítala
í Fossvogi þar sem hann andaðist
21. september sl. Fyrir hönd móður
minnar, systkina og fjölskyldna
okkar þakka ég langa samfylgd.
Hörður Filippusson.
þess sem var, en erum þakklát fyrir
að gömul og þreytt kona hefur
fengið hvíld.
Birna Friðriksdóttir.
Helga amma mín hefur kvatt
þennan heim, tæplega 97 ára, og
mundi því tímana tvenna eins og
sagt er.
Þegar ég kveð hana ömmu mína
hugsa ég til langrar og strangrar
ævi hennar, ævi sem er full af af-
rekum sem ekki fara á spjöld sög-
unnar. Ég minnist sögunnar þegar
amma gekk yfir fjall kaldan haust-
dag til að setjast að í afskekktum
firði sem ung brúður. Það var afrek
sem við unga fólkið í dag lékjum
ekki svo létt eftir og alls ekki nema
í góðum gönguskóm og með annan
nútímaútbúnað sem ekki var til
1927.
Ég minnist einnig þegar amma
sagði mér frá þegar hún missti
frumburð sinn, Sólveigu, aðeins 16
mánaða gamla. Fyrir okkur nútíma
borgarfólk er erfitt að ímynda sér
hvernig er að vera með fársjúkt
barn í afskekktum dal og ill vetr-
arveður hamla því að hægt sé að
sækja lækni. Sú reynsla skilur eftir
sig sár sem tíminn nær aldrei að
lækna til fulls.
Amma eignaðist tvö önnur börn;
Þorvald Veigar, hann fékk sitt
seinna nafn frá systur sinni, nafn
sem amma bjó til og hefur náð fót-
festu í íslenskri nafnaflóru, og móð-
ur mína Ragnheiði Ósk, sem fékk
seinna nafn sitt af því að amma ósk-
aði sér annarrar stúlku.
Hún amma lést 26. september.
Það var, eins og hún sagði, dag-
urinn okkar, afmælisdagur pabba
hennar, Þórodds, sem ég er skírður
eftir, og skírnardagur minn og tví-
burabróður míns. Oftast heimsótti
ég hana þennan dag en í ár var hún
sofandi í rúminu sínu þegar ég kom,
hafði sofnað skömmu áður svefn-
inum langa í faðmi Ragnheiðar
dóttur sinnar, móður minnar.
Hjartans kveðja.
Þóroddur.
Elsku amma. Við viljum þakka
þér fyrir þær stundir sem við áttum
saman. Ég og Halldóra fengum
góðan tíma með þér og meira að
segja Laufey Helga fékk aðeins að
kynnast langalangömmu sinni. Mik-
ið var ég fegin því. Enda lýstistu öll
upp þegar þessi litli sólargeisli kom
í heimsókn til þín. Ég man þegar
við og pabbi komum til þín og pabbi
náði í myndaboxið og fletti í gegn-
um myndirnar með þér. Þá voru
margar sögurnar sem maður fékk
að heyra og alltaf var jafn gaman
að heyra þær. Það verður skrýtið
að koma til Hveragerðis og fara
ekki í heimsókn til þín en maður
huggar sig við það að núna ertu hjá
Gumma afa og núna líður þér betur.
Takk fyrir allar góðu stundirnar
sem þú gafst okkur elsku amma.
Þín barnabarnabörn og barna-
barnabarnabarn
Ragnheiður Ósk, Halldóra
Jóna og Laufey Helga.
Elsku amma. Ég mun alltaf muna
einlægt brosið sem ég fékk þegar
ég kom til þín, ég mun alltaf muna
mjúku, hlýju hendurnar þínar um-
lykja mínar, ég mun alltaf muna
kærleiksorðin sem þú talaðir til
mín og minna.
Elsku amma, ég mun minnast
þín um aldur og ævi. Ég þakka
þér fyrir samfylgdina.
Þinn dóttursonur,
Kristján.
HINSTA KVEÐJA
Mörkinni 3, 108 Reykjavík
sími 588 0640
Opið í dag frá kl. 13-17
Lokadagur útsölunnar
15-60% afsláttur
Hönnun
gæði
glæsileiki
í dag, sunnudag
15% afsláttur af ljósum á meðan á útsölunni stendur
FRÉTTIR
Hver minning dýrmæt perla að liðnum
lífsins degi,
hin ljúfu og góðu kynni af alhug þakka hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að
kynnast þér.
(Ingibjörg Sigurðardóttir.)
Bjössi minn, þessar ljóðlínur
koma mér í hug nú að leið-
arlokum. Ég vil fyrir mína hönd
og fjölskyldunnar allrar þakka
þér af alhug samfylgdina í gegn-
um árin. Sérstakar þakkir til þín
fyrir hversu vel þú reyndist
tengdamóður minni þegar hún var
þrotin að heilsu og kröftum. Góða
ferð á framhaldsbraut og Guði fal-
inn.
Lilja.
HINSTA KVEÐJA
Rangt símanúmer
Hjá Velvakanda í gær misritaðist
símanúmer í klausu með mynd þar
sem leitað var eftir upplýsingum um
mynd og málara hennar. Rétt númer
er 698 1322 og er beðist velvirðingar
á misrituninni.
LEIÐRÉTT
Í NÝRRI greinargerð Ríkisendur-
skoðunar kemur fram að af 910
nefndum, ráðum og stjórnum á veg-
um ríkisins störfuðu 17 ekkert árið
2000 eða um 2% þeirra. Ekki voru
greidd laun fyrir störf í viðkomandi
nefndum, ráðum og stjórnum. Grein-
argerðin var tekin saman í framhaldi
af fyrispurn Jóhönnu Sigurðardóttur
alþingismanns sem lögð var fram á
Alþingi sl. vor. Þá hafði Ríkisendur-
skoðun nýlega birt skýrslu um starf
51 nefnda, ráða og stjórna á vegum
ríkisins árið 2000. Þar kom fram að
18% þessara nefnda hafi ekkert starf-
að á árinu 2000 og að árangur af starfi
þeirra hafi enginn verið. Með árangri
er átt við að nefnd skili skýrslu, haldi
reglulega fundi, afgreiði erindi o.s.frv.
Greinargerðin er byggð á upplýsing-
um frá öllum ráðuneytunum og þar
kemur fram að ástæður fyrir athafna-
leysi hjá 17 nefndum, stjórnum og
ráðum eru margvíslegar. Sumar hafa
ekki komið saman og formaður þeirra
leystur undan störfum, aðrar voru
lagðar niður á tímabilinu og aðrar
hófu aldrei störf eða voru aldrei skip-
aðar. Fleiri skýringar eru gefnar.
Þær nefndir, ráð eða stjórnir sem
ekkert störfuðu árið 2000 voru:
Stjórn Sinfóníuhljómsveitar æsk-
unnar. Starfshópur sem fjallar um
starfsþjálfunarstöður fyrir skips-
stjórnar- og vélstjórnarnema um
borð í kaupskipum. Nefnd til að gera
tillögu um viðauka um vistvæna
mjólkurframleiðslu við reglugerð um
vistvæna landbúnaðarframleiðslu.
Starfshópur sem fjalla átti um stuðn-
ing við lífræna landbúnaðarfram-
leiðslu. Samstarfshópur til að koma í
framkvæmd á næstu 5 árum tillögum
um „Vistvænt Ísland“. Verkefnisráð
um þróun fiskeldis.
Ráðgjafarnefnd Hafrannsókna-
stofnunar. Nefnd vegna könnunar á
forsjár- og umgengismálum. Nefnd
til að fylgjast með framkvæmd laga
um mannanöfn. Nefnd til að endur-
skoða fyrirkomulag húsnæðismála
námsmanna í framhaldsskólum.
Nefnd til að kanna launamun verka-
kvenna og verkakarla. Nefnd um
hönnun bygginga með tilliti til að-
gengis fatlaðra. Starfshópur til að
safna upplýsingum um starfsemi ým-
iss konar hjálparmiðstöðva, athvarfa
og áfangaheimila. Framkvæmda-
nefnd gegn skattsvikum. Nefnd um
endurgreiðslur v. kvikmynda- og
sjónvarpsefnis. Nefnd um tölvunotk-
un við skil presta á skýrslum til Hag-
stofunnar.
Gátu ekki svarað
öllum spurningum
Í fyrirspurn Jóhönnu var óskað eft-
ir upplýsingum um hve margir ein-
staklingar áttu sæti í fleiri en einni af
nefndum, ráðum og stjórnum ríkisins.
Ríkisendurskoðun taldi sig ekki geta
svarað þessu á grundvelli gagna sem
lágu fyrir. Ríkisendurskoðun gat ekki
heldur svarað hver var hæsta heild-
arþóknun til nefndarmanns. Með því
að taka saman þá útgjaldaliði sem
45% af nefndarlaunum eru færð á
kom í ljós að hæstu greiðslurnar til
eins einstaklings námu 2,8 milljónum
króna.
2% nefnda, ráða og stjórna
störfuðu ekkert árið 2000
EKKI alls fyrir löngu fluttist að
Hellu fyrirtækið Vildarkjör. Starf-
semin er í höndum Jóns Ragnars
Björnssonar og Guðrúnar Jónínu
Magnúsdóttur en upphaflega var
fyrirtækið stofnað í Reykjavík
1997.
Ekki skiptir máli hvar á landinu
fyrirtækið er því starfsemin fer að
mestu leyti fram í gegnum tölvur.
Jón og Guðrún Jónína hafa gert
samninga við ýmiss konar fyrirtæki
um afsláttarkjör fyrir viðskiptavini
Vildarkjara en þeir hafa með aðild
sinni gerst „vildarvinir“ og fá af-
hent skírteini sem þeir nota í við-
skiptum sínum við fyrirtækin. Ein-
ungis er greitt fyrir skírteinið en að
öðru leyti kostar þjónustan ekkert.
Viðskiptavinir fá reglulega upplýs-
ingar í tölvupósti um helstu tilboð
sem í gangi eru hverju sinni en
einnig er upplýsingar að finna á
heimasíðu Vildarkjara.
Nú eru í gildi samningar við um
það bil tuttugu fyrirtæki og ætlunin
er að bjóða fleirum til samstarfs á
næstunni. Vildarvinir eru nú komn-
ir hátt á sjötta þúsund að sögn Jóns,
víðsvegar að af landinu.
Á heimasíðu fyrirtækisins er
einnig að finna aðra tegund þjón-
ustu sem Jón og Guðrún Jónína
segja að hafi notið sívaxandi vin-
sælda en það er svokölluð „kvæða-
kaupasíða“. Guðrún er hagyrð-
ingur og segist oft og tíðum hafa
ort ljóð fyrir vini og ættingja en
ákveðið að bjóða fleirum að njóta
hæfileikanna. Er hún beðin að
yrkja ljóð fyrir ýmis tækifæri s.s.
brúðkaup, afmæli, á kort, til morg-
ungjafa, fyrir veislustjóra o.fl.
Til viðbótar við þessa starfsemi
hafa þau einnig fengist töluvert við
vefsíðugerð bæði fyrir einstaklinga
og fyrirtæki og segja þau eft-
irspurnina eftir þeirri þjónustu
einnig mikið að aukast.
Aukin fjölbreytni í atvinnulífinu með nýjum fyrirtækjum
Vildarkjör á Hellu
Hellu. Morgunblaðið.
Morgunblaðið/Anna Ólafsdóttir
Eigendur og starfsmenn Vildarkjara sem auka á fjölbreytni atvinnulífs-
ins á Hellu, Jón Ragnar Björnsson og Guðrún Jónína Magnúsdóttir.
♦ ♦ ♦